何明記麵家餐廳

營業中

休息中

放工同老公諗住去食碟鹵水鴨飯，叫咗一碟鴨拼腎同一碟鴨拼黑魚加一杯凍檸茶，等咗15分鐘嚟杯凍檸茶，等多10分鐘阿姐話墨魚冇啦我地轉咗大腸，再等多10分鐘第一碟嚟啦但係得腎冇鴨嘅😑同阿姐講嚟錯咗佢收返碟飯話幫我換過喎，我同佢講已經等咗35分鐘先有一碟仲要嚟錯，唔該快啲比嘢我食，阿姐唔知係咪想攪氣氛仲要問我地係咪仲要返工呀？意思係點解咁趕，我真係火都嚟呀，再等多10分鐘總於嚟碟卤水鴨拼大腸但係另外嗰碟都仲未見到影😤等咗45分鐘只係嚟咗一碟我真係似為自己去咗食法國餐，究竟咩玩法，兩碟都係鴨飯唔知點解唔可以一齊上，再等多5分鐘都仲未有得食我真係嬲到放抵20蚊係收錢就走咗，呢間嘢冇下次呀

何明記元朗冇人吾知旣麵店😊不過依家係大型茶餐室🤗我都係懷念細舖嘅時候🥰🥰🥰嗰時全部都係老闆親自主理🤗🤗🤗每次去必食麵餐😆😆😆我鍾意佢旣麵冇鹼水味同有咬口😌湯底有小小甘香每次都必食☺️佢旣麵餐都有好多選擇，細舗時候我多數叫沙嗲牛肉👍🏻👍🏻👍🏻佢同出面唔同嘅係干身沙嗲牛肉所以比較香口😋😋😋但搬大左我覺得冇咁好味轉左叫雞翼🐔🐔🐔重有水餃都好味🥰水餃皮係魚皮餃皮👍🏻都可以一試😊有時都會買返屋企十下十下🤗🤗🤗今次都係叫左雞翼麵餐🐔配火腿奄列或煎蛋非常飽肚，🐔翼非常脆口皮薄唔多粉麵都保持水準👍🏻👍🏻👍🏻凍檸茶茶餐廳文化都係保持味道💯💯💯

今早去何明記食個早餐先買餸點左🍲🐷🍞☕沙爹牛肉米粉，炸豬扒(方包改多士)加1元,茶走 $41沙爹牛肉米粉🍜~沙爹味濃,牛肉太韌又硬，米粉軟硬度適中炸🐷豬扒,多士🍞~🐷熱辣辣多士🍞👍，2件薄切豬扒好味，我覺🐷厚番少會好D，茶走~奶茶香滑，☕👍

小怪今次自己一個人，下午時間就去食一個簡簡單單嘅常餐。今次叫左沙嗲牛肉麵，（其實覺得沙嗲牛肉麵係好反映到一店既質素）湯底以常餐來而，算是中規中舉。但建議如果食沙嗲牛肉麵一定要襯出前一丁，因為一丁吸曬d牛味，兩者係最夾。但依間店最大嘅賣點係普通一個常餐價錢40幾蚊竟然可除左有麵，仲有黃金豬扒。兩塊好大嘅豬扒，佢可以配合湯嚟食，又可以同多士一起食。我就一塊加落麵，一塊加埋包。兩樣都好夾，仲有兩種滋味。熱檸水就同一般跟餐飲，不值一提，不過都不失。

早幾日去到呢間何明記餐廳食晚飯，人唔多，叫左3個餸跟餐。食物好一般，蝦仁炒蛋炒到出哂水碧綠魚腩球都唔係腩，用最cheap既鯰魚柳，無味又難食。跟餐送熱飲叫左2杯檸蜜，侍應無講要每杯要加$8都算喇，張單得菜名又無價錢又無寫要加錢都再算喇，出到去賣單先知咪客氣地講，點知個收銀(似係老闆既人) 唔好意思都無句，仲大聲話”食得嗰百零蚊唔做我生意”。仲話叫我地幫佢請人 ，又寸又招積，態度差成咁，真係無下次，食完都唔消化呀

星期六1點幾來到何明記医医肚。座位很多，大部分是卡位，有9成入座。我們倆被安排到走廊之間添加的雙人位。喜歡這里座位之間有綠色植物作點綴。有燒味部，港式粉面都有。入門要等帶位，眼見有客人自行坐卡位，之後被邀請到其他位置，四人卡位要三人或以上才可坐。 午市套餐好多選擇，有精選套餐，大部分$50就有交易，套餐有飯加飲品。東江鹽雞飯雞的份量很多，大約有十件，肉嫩，骨位見紅雲吞米粉有五粒雲吞，味道麻麻，下次不會點米粉比較硬身，彈牙，要咬好耐

聽老婆話過呢間早餐都ok，午餐諗唔到食咩好，就索性試下呢間餐廳。鋪位以香港既寸金尺土嚟講好大下，門口痴左好多唔同既餐牌，睇落好多選擇。雖然曾經聽過一句名言，愈好食既餐廳，可供選擇既餐單愈少。但都抱著信老婆既心入左坑😂入面裝潢係典型茶記甘有卡座位，坐低睇左一輪揀左$56既香辣雞扒烏冬，有得揀配老火湯或者飲品。揀左熱奶茶，好典型既茶記奶茶味道，茶濃奶香平衡得啱啱好，雖然有跟兩包仔獨立包裝既砂糖，但係就甘飲都覺得甜度適中，所以就無再落啦。習慣杯熱飲一野落糖既，就真係要小心，否則太甜就唔好飲！個香辣雞扒烏冬都等左好耐下先上，切開左幾小塊，大概得一塊雞扒既份量，無咩咩之餘仲要鞋口。烏冬偏濕，分唔到油得係汁太多，整體來說唔值五十幾蚊囉...

今日喺元朗行街，行到肚餓就去左這間餐廳食，這間餐廳喺元朗已經很多年中午時間非常之多人，又要等位仲要搭枱，大約20分鐘就有位座這間餐廳地方尚算闊落火腿奄列蛋煎得過老，多士不夠脆也很林這個沙嗲牛肉米，沙嗲汁不夠，牛肉沒有牛味，米粉尚算可以凍檸水和一般茶餐廳一樣沒有特別凍奶茶還可以，但是冰太多放得久奶茶味會變淡粟米魚塊飯，魚塊表面粉䊢很厚，魚肉很少以這個價錢來說食午餐一啲都唔值得

元朗一向都唔喺我鍾意去的地方，但朋友要我陪佢買狗用品就去一趟啦，買完就喺附近呢間茶記坐低醫肚坐低望吓餐牌下午茶都要4字頭唯有寄望佢啲食物對得住呢個價錢啦。鮮菌三絲炒麵配熱菜蜜炒麵一上枱已經唔掂，賣相唔靚，份量又少，唯一可取嘅就喺芡汁做得唔錯，濃淡稀稠剛好，而且麵身唔會炒得太硬，算是全碟可取之處。干炒牛河配熱華田喺茶記叫干炒牛河唸住一定唔會衰得去邊啦，點知都喺咁失望，同樣都喺賣相唔靚份量少，牛肉有筋又有渣，河粉有色但唔夠味，杯華田仲衰，淡而無味，華田粉落得少，整體嚟講收咁貴而質素就咁差，無下次囉

呢朝10點幾嚟到呢間位於元朗阜財街嘅何明記食早餐，餐廳都算大，但幾乎坐滿客，好在我自己一個，都算易揾位。差唔多九成以上都係卡位，都坐得都算舒服。我叫左個大碗河超值餐，揀左炸菜肉絲、煙肉通粉配牛油方飽熱奶茶($31), 方包係凍嘅仲有少少硬，不過熱奶茶就唔錯，茶味同奶茶平分秋色，無姑負茶記奶茶嘅身份。主角炸菜肉絲、煙肉通粉就唔錯，湯底無咩味精味，煙肉非常香口，炸菜爽口得嚟咸甜度適中，整體都幾好味。呢餐通粉同奶茶都唔錯，只係$31，認真抵食。

今早去元朗何明記麵家食早餐，餐廳地方寬趟，座位夠多，一入去餐廳就有位坐，唔使等位。餐牌多款早餐任君選擇我點左C豐富早餐($38)，包括有蜜汁义燒配出前一丁公仔麵(加$4)，黄金豬扒配多士(加$1)，凍咖啡(加$3)，合共盛惠$46。蜜汁义燒没有蜜汁味，又没有义燒味，淡而無味。出前一丁公仔麵煮得太淋唔好食，浪費晒，早知只是點普通公仔麵，可以慳返$4。多士份量少得半塊，味道只是多士一塊，唔脆口，烘左等如無烘，早知就唔加烘底，加$1都唔想。豬扒又只是豬扒，無嚟味道。杯凍咖啡正常返少少，似返杯咖啡。 總結，呢餐味道真係麻麻地，有點中伏feel。

話說2月7號同我元朗產檢及老婆照完超聲波後係元朗搵野食，見呢間何明記好大間好多人，所以入左去食，叫左個雪菜肉絲炆米同咖哩牛腩，食完半個幾鐘後，我老婆開始腸胃不舒服全身無力以為係大肚係咁，其後發燒，嘔，睇醫生係腸胃炎，我老婆本身好地地，食完雪菜肉絲炆米由7號到而家10號發燒燒足幾日，燒成40度不知所謂，以後唔會再幫

星期日元朗條街同餐廳都非常多人，見到何明記唔洗排隊喎，咁就入去食個下午茶先。餐廳都幾大幾寬倘，座位都尚算闊落。坐低後睇下個下午茶Menu先，望一望就覺得都幾貴喎！菠蘿油餐$36，另外焗肉醬意粉要成$50，但係下午茶嚟講比一般嘅貴咗啲喎！唯有期望吓收呢個價錢諗住會有番咁上下質素。個菠蘿油到先，菠蘿包同鮮油分開上，塊鮮油都算厚身嘅。夾好後咬一啖，原來個包唔熱同埋菠蘿皮淋哂。之後到肉醬意粉，真係即叫即焗，出到嚟時真係好香。先撈一撈再食，肉醬味道可以嘅，但係意粉依然好濕，乾身啲會好食好多。何明記唔係難食，但下午茶收唔到呢個價錢~

本人在此點叫了一個雞鴨飯都要等半個鐘先到……仲要俾錯……當我向職員投訴時疑似老細的人(坐收銀位)叫職員做自己嘢不用理我……態度極差！此店不去也吧……食物一般只是好過捱餓

是日元朗約左朋友..係附近搵下有咩食....呢區真係好日都唔入黎..........太多人了....行行下見到呢間幾大間就入左黎~~~MENU都有幾張...勁多野揀...差D就選擇困難...最後都係食常餐~榨菜肉絲意粉拼多士火腿奄列~~~榨菜量都幾多下...唔似出面其他茶記得幾條~意粉就幾搞笑...似粗麵多d~其他都中中等等~熱檸茶d檸檬都靚~唔會苦~總結~卡位舒適~夠閣落~食物選擇多~上菜夠快~但係價錢唔親民~呢個常餐要$50............. (welcome to facebook)cp值不夠高~但係味道真係配得上係5星級茶記