何車車仔麵 (大南街)

營業中

休息中

黃圈好消息，何車在大南街開分店!!地方大樓底高，排隊時間縮短!! 幾次經過界限街店，門外是觸目的人群，懶惰的我放棄排隊。如果你都一樣，可以到新店碰碰運氣，新店位目測2X個位，而且空間感up! 好黃好黃! 車仔麵，香港本土美食不用置疑，從餐牌設計、店鋪小文宣到店員的口罩全是同聲同氣的字詞! 因為用心做，所以回頭客都幾多廣東話何車，『何尺』，有合乎你的胃口之意，看食評好評不斷就知道店名確實改得冇錯。平日食對車仔麵好感不大，頹食之選，只link up到中學冇乜零用錢食lunch叫車仔麵醫肚，個湯係得個咸字。呢間野好認真，首先講個湯都嚇襯，以桂皮、花椒、丁香、草果、果皮、八角、川芎熬製幾個鐘而成，原來係店主媽媽教落的秘方，真係好得！其實食住麵忽然飄來藥材味，養生到唔怕飲d湯，哈哈！當日可以選擇的餸都可在店鋪外面的餐牌上看到，紅色劃走的是售罄的項目。排隊嗰陣每次店員拿著紅筆個心都離一離，怕劃走想食的那個餸菜。店家鍾情日式麵食，加入了很多日式元素（所以叫日系車仔麵），例如關東煮做麵底好特別，廢除某些傳統食材更貼近大眾口味！~҉~҉~҉~҉~҉~҉~҉~҉~҉~҉~҉~҉~҉~҉~҉蒜油蝦子撈麵($15)/燒豬頸肉($15)/媽

好想推介一間非常好食嘅車仔麵👉🏻《何車》🍜其實之前已經食過兩次，兩次都只能夠叫外賣，因為界限街本店鋪面比較細，座位比較少，而排隊嘅人非常之多，唔想等就唯有叫外賣啦！最近佢擴充業務，喺大南街開咗間分店，簡直係天大嘅喜訊！大南街分店大好多，雖然都一樣好多人等位，但係入座速度快好多👏🏻終於都可以堂食啦😍老公鍾意食豬皮蘿蔔魚蛋嗰啲，諗都唔使諗就叫左「老何面十餸」， 10個餸都只係$58，好抵食👍🏻有豬皮、豬腸、豬紅、蘿蔔、雞翼、雞翼尖、魚蛋、肥牛、魚片頭、燒腩肉😋我就揀咗自選，燒牛舌心、媽媽水餃、何車水魷、韭菜花、糖心蘿蔔😋total $76，全部都係我鍾意食嘅餸😚講吓個湯底先，我要左麻辣（微辣）秘製醬汁加色（滷水汁加腩汁），湯底惹味，層次豐富，麻辣得黎又甜甜地，呢度嘅車仔麵湯底係第二度食唔到㗎🤩有咩係必食嘅呢？1️⃣何車水魷🦑，醬汁超惹味，雖然好辣，但每次都會點😆2️⃣糖心蘿蔔，好甜好入味，必食！3️⃣陳皮魚蛋🍡細細粒但係好彈牙，香味獨特4️⃣豬紅，口感順滑5️⃣媽媽水餃🥟係新鮮既韭菜餃，好味6️⃣港式絲襪奶茶，玻璃樽仔奶茶，香濃幼滑，回味無窮😋😋大南街分店一啲都唔似食車仔麵嘅地方，木系裝修再加牆上乾花裝飾，十足十

早排經過大南街先知何車車仔麵開新店。過幾日諗住weekend下晝3點幾去食可以直入，結果都都要等半個鐘先有位😩。🍢關東煮 $18🥟三一餃子 蒜芯豬肉餃（三隻） $15🥕糖心蘿蔔🦑何車水魷 $15關東煮🍢係其中一款菜底。餸菜吸收晒味醂同砂糖嘅甜味。蒜芯豬肉餃子唔夠飽滿，媽媽餃好食好多。白蘿蔔清甜冇渣。芫茜+腩汁+麻辣惹味到傻🤪。不過微辣對我嚟講都勁辣😣。水魷口感爽彈，但係又係超辣🌶🌶🌶。🥢叫雞群組 $60🍗唐揚炸雞 🥟炸媽媽餃（醉炸雞翼冇貨）🍟薯條配黑松露醬+蜜糖芥末醬唐揚炸雞香脆多汁。媽媽餃飽滿多餡，好重韮菜味。薯條配黑松露蛋黃醬好夾。

久仰何車車仔麵大名。可惜舊舖細，經常要排隊而放棄，聽聞開咗新舖，故趁未多人時趕快嚐鮮，亦好幸運地即去即食唔駛排隊哇哈哈。店內。舖面乾淨企理，實而不華。車仔麵（何車野菜、燒豬頸肉、生根，幼麵）：哇頂，簡直係無敵，湯底唔多味精，走清甜路線，畀咗好多空間香料調味。果不其然，佢有得揀的蒜蓉同炸蒜一襯之下，成個蒜香味出晒嚟，正爆。另外必推何車大野菜，佢竟然有三款菜！菜心、娃娃菜、西蘭花，畫面豐富之餘，實際又揼本揼咁多菜你食，感動再感動。豬頸肉又有碳燒香，簡單嚟講，呢碗麵無缺點！十級推！車仔麵舖同媽媽餃子合作，其中一味就係炸餃，15味3隻，小食多滋味，皮脆餡靚加埋他他醬，又一推介。話說佢重有好多炸物，可惜我得一丁友去，如果有飯腳可以試更得更多。食車仔麵配豆漿是常識吧。唯一扣分位係佢無無糖豆漿，對身為尖友的在下難免有啲唔不足lol。

今時今日食車仔麵已經唔再嗱渣, 而且仲越開越時尚, 好似依間何車, 除左環境令我滿意外, 食物水準可以話係我食過既車仔麵店TOP 5!樓底高有空間感, 而且光猛乾淨, 就咁係出面望入去都未必知係食車仔麵!發現MENU上面既食材, 撈麵款等等都係有D與別不同, 好似牛舌芯, 蝦子撈, 陳皮魚蛋等等都係外面比較少見。 蒜油麻辣撈粗蒜油同麻辣本身就係絕配, 而且撈麵味道會比湯麵天突出, 中意食辣同重口味既我就好中意! 好難得可以係車仔麵店食到我愛既燒牛舌芯, 彈牙又有牛油脂香! 滷水雞翼皇入味得黎唔會煮到梅哂, 雞肉仲係滑滑的! 陳皮魚蛋細細粒彈牙, 溏心蘿蔔係手工野! 只留蘿蔔中心部份, 食到既只會係最嫩最甜保證唔會有一粒渣, 勁好心機!蒜油蝦子撈朋友點既蝦子撈, 我見到D蝦子除左鋪滿面頭之外仲多到沾哂係碗邊, 真係好吸引~~ 燒腩肉食落唔覺肥膩, 好有肉香!日式CHASIU肉質嫩, 竹笙又要讚, 因為撈麵關係, 佢地特登用湯上竹笙, 而且湯底仲有陣藥膳味添!食到一半見D野好食就叫多兩個小食, 炸媽媽餃香口外皮脆卜卜, 餡料飽滿充滿九菜香~~ 關冬煮娃娃菜清甜, 關冬煮湯底亦無味精感。飲品

新搬嚟油尖旺覺得處處都有美食，但講到自己最鍾意食嘅嘢一定係車仔麵，我覺得係一份情懷，一份港式味道。今日聖誕正日25/12 我㨂咗去一個無咁多人嘅地方就係太子，平日嘅太子人多到爆水洩不通全街都係人竟然聖誕節正日係冇乜人，超級正。入到店就咩都想食想試，所以就快手揀咗一個何車麵五餸，我本身都鍾意食辣所以就點左小辣同埋麻辣😋 Wow 個辣真係有驚喜喎，唔係死辣嗰種係真係有香料嗰啲，每飲一啖湯都feel到啲辣係喺個嘴巴度擁出嚟。加埋咗支飲品茉莉綠茶都幾得意，個Aftertaste有少少甜甜地😋必食推介：蘿蔔，魚腐，燒牛舌芯舊蘿蔔係真係入晒味，完全唔會有絲或者苦澀味，好鬼正。味道：💛💛💛💛環境：💛💛💛價錢：💛💛5x💛為最高回頭度：7/10整體而言我覺得係暫時油尖旺食過最好味嘅車仔麵，真開心又多一間必食餐廳。

今日出MOKO睇戲，見有時間多順便食埋個Lunch 先去啦！上網見到呢間車仔麵幾得意，仲偏向日式～有關東煮 `日本叉燒`唐陽炸雞等！見咁搞笑一於就試下佢首先第一時間嗌左個關東煮呢個味道甜甜地幾得意，蘿蔔本身己經好甜 再吸埋個湯底真係不得了仲有竹輪`油豆腐等食材 真係吸湯一流仲有我地另外加左送 豬紅 日式叉燒 媽媽水餃等最正係日式叉燒 薄切叉燒夠曬入味 放入口有化掉了的感覺而媽媽水餃亦很吸引 呢個係餐廳推介既韭菜餃一啖咬落去真係滿滿既韭菜爆出黎 真心勁滿足而朋友就試左佢個車仔麵啦油麵係車仔麵必食既麵底 再加上平時較少見的燒豬頸肉 飛天牛腩 雞翼 同豆卜燒豬頸肉咬落去脆卜卜 雞翼滷得好入味 仲有超吸湯底既豆卜 真係加曬分而小食方面呢度亦同樣都好出色同日系feel架吉列炸蝦＆唐陽炸雞熱啦啦即炸 脆卜卜好好味而且最緊要係炸粉好薄 真係食到啖啖肉大阪燒餃子雞翼呢個係必食既 餃子雞翼既涵係明太子ahhhh呢個真係大大既加分位 而雞翼上面舖滿了柴魚同大阪燒既汁 食落真係好有大阪燒既感覺 嘻嘻飲品就嗌左可樂同熱柚子茶天氣凍冰冰緊係要嗌翻杯拎茶暖暖胃舒服下啦 hehehe至於可樂就係食炸野必需要有的喔

自選的車仔麵（蒜油麻辣撈粗15、燒牛舌芯 $15、糖心蘿蔔 $11、何車水魷 $15、芫茜、蒜）我覺得撈麵個汁都幾好味😋甜甜地又有蒜香味🥰 蘿白超淋無渣而且超甜😱 咖哩五寶 $25我覺得啲咖哩唔係好入味🤔蜂蜜柚子茶 $12睇落去好似唔甜 點知飲落發現係有料既 好濃味 一杯可以變兩杯咁飲🤣自選的車仔麵（米線 $10、燒牛舌芯$15、秘製冬菇 $11、飛天牛腩 $15、蔥、芫茜、乾蒜、蒜）佢地既辣汁好辣 大家可以try try 🤣 冬菇幾滑～韭菜豬紅 $15呢個幾抵食 份量算多 豬紅正常 韭菜有驚喜 因為一啲都唔老！豆漿 $12豆漿唔錯 有豆味 唔會太甜👍🏻大阪燒餃子雞翼(兩件) $25係明太子雞翼來的 煮得岩岩好 好嫩滑！

之前係界限街個邊都食過何車車仔麵 咁啱今日經過大南街又見到開咗分店 咁就入去食！依排好耐都冇食過車仔麵 車仔麵係好岩選擇困難症既人🤣細路仔先會選擇我全部都要首先揀咗老何10餸麵$58黎個大包圍 配幼麵有雞翼尖、蘿蔔、豬紅、陳皮魚蛋、豬皮、豬腸、雞翼、肥牛⋯⋯等等🤣食個價錢大碗又多餸 都真係算幾抵 一定食得飽自選既車仔麵 揀咗蒜油蝦子撈麵 呢度唔止得湯麵仲有撈麵😳飛天牛腩 比較有咬口 滷水雞翼皇好入味同嫩滑 媽媽水餃🥟（3粒）入面嘅餡料係韭菜吉列炸蠔（3粒）炸得好靚金黃色 脆卜卜

何車開咗新分店，第一時間就即刻去試😛小食叫左個黑松露薯條，好強烈嘅黑松露香味，松露迷必點，炸物拼盤新鮮炸起，每樣熱辣辣，尤其是炸蝦炸蠔，外脆內軟🍟蒜油蝦子撈面底，勁多蝦子，勁香💨 牛舌心必食，又淋又易咬 🐮，豬紅超入味，一d都唔腥 🐷，糖心蘿蔔必叫，超甜超淋🥕，日式叉燒拍得住日本拉麵鋪頭，有3大塊🥓，唐揚炸雞夠juicy，同芥末蜜糖醬超夾 🐓另一碗叫左蒟蒻面，面質有彈性，湯底有濃郁嘅藥材味，成碗湯都飲埋，冬菇炆得夠入味🍄餐廳比舊鋪寬闊，坐得舒服👍🏻 服務同食物質素水平好高！期待再來試其他餸🤩

第一次食飯嬲到要專登寫評價！本人週末下午去光顧。叫左三餸1麵+一個小食。點知職員告知其中一個餸+小食未有得賣（無個樣餸仲要係比較受歡迎既牛腩）。當時已經有諗過離開，但諗諗下山長水遠黎到，咪當試下佢其他野就照補多另一個餸。但估唔到除左無食物賣之外，廚房用左20分鍾都出唔到任何一樣野俾客人，同場全部人都等野食等左至少20分鍾以上。接近25-30分鍾後，終於有野食，但因為其中一個餸係炸鷄就後上，就食住碗麵先。點知食完碗麵個炸鷄都未黎，實在等唔落去，就叫佢取消個餸賣單走人。借係話本人去食野叫左自己想食既四個餸，結果只係食到一個！第一次食飯食到禁唔高興，間舖頭根本未準備好營業，就不如唔好開門等大家直接去食第二間好過。本人要求都唔係好高，只係想去食飯食到自己想食既野，都已經未求好唔好食。就算呢間野啲食物整到米芝蓮三星級數都無用啦，因為都食唔到！