佳佳甜品

營業中

休息中

近年唔少甜品店掘起，有d係新派，加入創新食材製造新驚喜；有d sell異國風情，將外國甜品引進香港。兩者都各有特色，不過當吃得太多，有時都想返璞歸真，品嚐甜品原味道。所以今次去附近食完飯，食完就嚟試下好出名嘅佳佳甜品。店門外貼滿獎項同明星合照，原來呢間舖頭連續五年獲得「香港米其林指南推薦街頭小吃」嘅頭銜，相信出面唔少排隊嘅人都係慕名而來～我叫咗我最鐘意食嘅芝麻糊，仲加咗湯圓。好多時候喺外面食到嘅芝麻糊都係一味死甜，芝麻味被甜味蓋過晒，完全食唔到原材料嘅真正味道。但呢家果然名不虛傳，仲未食落口就可以聞到芝麻香味，食落去更覺濃郁。追加嘅芝麻湯圓，$7有三粒。湯圓也很滑，皮薄餡靚，加上芝麻糊一起吃，收獲雙重芝麻滋味！朋友嗌咗腐竹薏米白果糖水，我為食試咗幾啖。豆味香濃，而且好足料，薏米、白果被煲得特別林，而腐竹被煲得同糖水融為一體，口感細滑。如果加一粒雞蛋，更加perfect喇！整體嚟講，呢間米其林糖水店性價比都算高，味好料足，人均消費都係$30以下，絕對值得一試！

返屋企經過，見到門外大排長龍，一於過去湊下熱鬧，等咗10分鐘左右，已經可以入去坐啦😊😊我目標明確，天氣乾燥梗係食啲滋潤嘅糖水啦，所以揀咗木瓜燉雪耳，凍既❤️用匙羹臼第一羹，d糖水係杰杰地，會感覺充滿膠質，擺落口，果然冇令人失望，清甜滋潤解渴集於呢個木瓜燉雪耳，食完簡直係為一日畫上完美嘅句號。

前日去開佐敦睇跌打，專登就去呢間出名嘅甜品店試吓，叫咗芋茸西米露+3粒湯圓。當時第一啖食咗西米露唔係好甜，覺得唔錯。之後食粒芝麻湯圓就係惡夢嘅開始啦，咬咬下覺得好似唔妥，𡁻落有啲唧唧聲，吐出嚟睇見到隻曱甴腳 🤮，OMG當時已經呑咗大半粒呀😭，即刻話俾個侍應聽，個阿姐竟然夠膽話係西米露裏面嘅香草嚟嘅啫😡我即刻就話嗰碗糖水冇可能有香草或草藥個喎，隻腳係喺湯圓裏面發現的，之後佢就拎隻曱甴腳上手捽下掂下，然後就淨係話換一碗俾我和會同老闆反映，我梗係唔要，唔會再響呢間鋪再食任何野啦。發生咗咁嘔心嘅事，佢都冇主動話唔收錢，仍然諗住要收費，係我同佢講我食咗兩啖就出事啦，我唔會俾錢，佢先至同收銀員講聲。呢間店我會永久blacklist, 佢令到我宜家食任何一粒粒包住嘅嘢都有好大陰影。

今晚，我和朋友提早食左個晚飯，行多陣又有啲肚餓，所以見到糖水舖便沖入去再望真啲先知係一直好想去食米芝連得獎嘅糖水舖我有點怕食嗰啲用生果撈嚟撈去嘅冰凍甜品，加上現在開始踏入秋冬季節，好想食點溫暖嘅糖水暖胃。今次叫了一碗，即係芝麻溝杏仁，滿足我嘅貪食之念。糖水熱騰騰味道夠香滑，食得出煲得夠火候嘅糖水

午餐時間，店內只有可數的食客。空間夠大，桌子與桌子之間距離遠。感覺上甜品好似比以前少了選擇，我選了熱芝麻糊。質感很好，不太稠也不太稀。芝麻味濃，果然是米芝蓮得獎者。性價比高。

與朋友食完飯最鐘意最後一場走去食碗糖水先走又有好推介如果你特別喜歡食中式糖水既朋友仔今次去左佐敦食糖水 就係拿左米芝蓮既佳佳甜品試左個冰花燉雞蛋($24) & 合桃露 ($24)冰花燉雞蛋口感好滑好順口  好似入口即溶既感覺唔會好甜但好有蛋味合桃露好新鮮，完全食到個種新鮮打磨既合桃味好感好滑，好香，唔會好稀好耐無試到咁真材實料既合桃露啦呢間糖水鋪係而家香港地好少有既傳統中式糖水座位舒適，間野有2層，經常排長龍

由細食到大嘅糖水舖見證佢搬咗幾次！由街邊檔食到依家排唒長龍疫情下佢都少咗好多人！之前直頭只得半數人！今日都要要排隊，但唔使等太耐！最鐘意食佢嘅蕃薯好夠薑冰糖木瓜都好低食 蕃薯糖水（$22）～合桃露（$24）加湯圓（$7）

多款中式糖水 以糊類最為出色 芝麻糊 杏仁糊 核桃糊 ...熱核桃糊 $24 每次必點 核桃磨得幼細 香滑富核桃香 必加三粒芝麻湯丸 $7 湯丸細細粒 咬落不得了 芝麻餡料係口內爆開 香氣徘徊口腔歷久不散 $31 食到出色既米芝連美食 真心覺得相當抵食 值得一試

平日既下午走左黎佐敦食佳佳甜品，終於睇吾到長長既人龍，入去就有位啦🤩呢度環境闊落，坐得都幾舒服。我地揀左凍既芝麻糊同熱既冰糖燉木瓜。首先講下個冰糖燉木瓜，木瓜好足料，滿滿既一碗，味道清甜又滋潤，佢個甜味岩岩好，吾會太過，岩晒依加呢個乾燥既天氣食😚跟住到碗芝麻糊，放入嘴度就感覺到好細滑既口感，甜而不膩，好香既芝麻味～份量都幾多下，食完好飽好滿足～🐷值得一試既中式糖水鋪，睇得出店家落足心機😋😋

約左朋友係佐敦食生日飯, 食完就行左黎食佳佳可能因為疫情+落雨關係, 9點去到唔洗等位!我叫左個姜汁湯丸 $22非常夠姜 飲完個口腔都辣 好正好岩呢D落雨寒寒地既天氣食!朋友分別叫左白果意米腐竹(熱)$22 同冰糖燉木瓜(熱)$24白果意米腐竹非常濃郁 質地厚身 好好味冰糖燉木瓜好清 好潤中式糖水黎講 佳佳係無得輸!抵佢拎噤多年米芝蓮!!食完之後都各自再打包左楊枝金露$34同每次必點芋茸蓮子西米露$22 , 食過都知無得頂!

我朋友叫了一個熱的甜品！湊巧倒瀉了.淋到手.於是去洗手間，但要排隊.剛好洗手間旁邊的工作間有洗手盤.於是問職業可否沖一沖水.因倒瀉了.兩個包外賣的職員話唔得！要照排隊去洗手間！真係憤怒了

今日約了朋友在佐敦永安附近交收，朋友突然話不如一齊去佳佳甜品吃碗芝麻糊才回家吧⋯⋯超lucky ,剛剛有位..（因為我們入完座後馬上已經要排隊等位了🤪佳佳是一間傳統的甜品店，有芝麻糊，合桃糊等..價格都係$22，$24 等....芝麻糊加湯圓$22 湯圓另加$7有三粒，芝麻糊很香濃，濃郁，口感亦很滑，甜度適中...湯圓夠煙韌合桃露加湯圓$24+ 另加$7 （三粒湯圓），很香口感亦很夠滑，而且亦不會太甜🙃

食完飯最啱食返個中式甜品潤一潤，芋茸蓮子西米露甜度剛剛好！佳佳甜品主打傳統甜品，湯丸係must have 啊😍 煙煙韌韌好開心～加＄7可以有三粒了～雖然條人龍係有小小嚇人，但都係入得快既～Traditional Chinese sweet soup can never go wrong! Tong yuen (glutinous rice ball filled with black sesame) is the must-have in this Michelin recommended store. 🌟  Although the queue seems a bit long outside the store, we were able to get sat quite soon in about 20 mins. 

上一份工成日要去永安百貨，同事就介紹嚟佳佳。傳統糖水無咩巧妙，最重要係用心煲，無渣漏攤就得，無奈香港好多糖水舖都係是是旦旦，自己平時都少食咗。咁岩呢日同兩位朋友去佐敦附近，又嚟一次佳佳，九點鐘都係要排隊，但好快就入座。原意叫核桃露加湯圓，可惜賣完，唯有轉芝麻糊。芝麻糊滑而不過甜，濃濃芝麻香，無花巧，就係水平之上。湯圓都係芝麻餡，外皮煮得剛剛好，唔會未煮透痴牙，又唔會煮過火太爛。同行朋友叫咗蛋花馬蹄露同粒粒紅豆涼粉，馬蹄露我就無試，紅豆涼粉嘅紅豆唔係紅豆沙個隻，有咬口，連涼粉同吃又有一番特別口感，算係傳統中有新意。服務算係還好，落單細心，會再三確認以免送錯。雖然無趕人走，但整體嘅氣氛都唔係容得下人久坐，同其他糖水舖一樣。呢樣就睇嚟係成個香港既問題了。

再食佳佳甜品 今次就係堂食試咗佢哋嘅芝麻糊mix合桃露 同芝麻糊mix杏仁露 兩款都好好味!! 合桃露嗰碗係凍 但係依然係咁濃咁香滑!!! 如果經過一定要再encore☺️🥰It’s my second time to try this Michelin recommended sweet soup place! This time I ordered a black sesame soup with walnut soup, and a black sesame soup with almond soup. The walnut one was served cold, but even it’s cold, the richness didn’t seem to depreciate! Both sweet soups were rich and silky smooth!!!! Def wanna eat again if I pass by! 🥰🥰