佳佳甜品

營業中

休息中

好耐無食過佳佳甜品宜家禁晚市, 搞到飯後甜品都要叫外賣, 超唔方便但天氣真係好凍, 大食妹好想食熱辣辣嘅中式甜品夜晚外賣自取超快就攞得<芝麻糊拼核桃糊>大食妹又想食芝麻糊又想食核桃糊, 見餐牌有雙拼, 一於就嗌左呢份芝麻糊拼核桃糊記得上次食佳佳嘅芝麻糊係超濃郁嫁, 但今次拼埋核桃糊就有小小水, 但味道依然唔錯雖然無左芝麻糊沙沙嘅口感, 但有炒核桃嘅香氣而且口感依舊好滑, 食完dinner食亦唔會過飽, perfect

呢排，香港嘅天氣就好似社會環境一樣，都係進入左寒冬❄️❄️❄️同朋友食完一餐飯，都仲係覺得好凍，就決定去附近嘅中式甜品店，食返碗暖胃嘅糖水啦！佳佳甜品，都算係香港嘅經典老牌甜品店，拎晒米芝知蓮小食推介。就算冬天下午茶時段，一樣有唔少人喺店出邊排隊，你就知道佢貨真價實。二人限聚令嘅關係，每張枱就只可以坐兩個人，咁樣反而比平時坐得舒服、闊落左，不過唔好處就係要排隊嘅時間就比較耐。坐低咗就即刻嗌咗：🌸凍燉蛋🌸熱白果腐竹糖水真心要讚一讚，呢度嘅白果腐竹糖水，因為非常之夠火喉嘅關係，食落去每一啖都有少少糊嘅感覺，而唔會稀蕩蕩咁。至於燉蛋，亦都非常有蛋香兼且滑口。簡簡單單，兩個人嘆一個甜品下午茶，承惠50港元，性價比幾好，食品質素平靚正☺️下次有機會返頭再食！🤤

以前酒樓仲係推點心車嘅年代, 一定會去糖水車叫碗麥米粥, 但宜家呢款糖水幾近絕跡, 要揾番童年回憶都唔係咁易😢久仰佳佳甜品嘅大名, 但一直都冇機會試呢間得獎小店。疫症下遊客人龍終於不再, 得番本地食客, 只需排幾分鐘就可以入座😍欣賞小店的餐牌設計, 簡潔清晰, 而且大部份糖水都係$25之內, 價廉物美! 花生糯米麥米粥啖啖花生, 麥米煙韌, 口感十足。加$7配3粒手工寧波湯圓, 湯圓size唔算大, 勝在外皮薄, 芝麻內餡香濃。朋友叫咗碗蛋花馬蹄露, 馬蹄爽口, 炎熱天氣下份外清涼!

近排成日想食中式糖水，加上天氣咁凍，真係好吸引🤩一入門口就已經見到好多米芝連獎牌😳😳😳選擇就唔算特別多，都係常見嗰啲。又想食芝麻糊，又想食核桃露，於是why not both好好嘅係唔算好甜🤩質地唔厚但好順滑🤩芝麻糊好重芝麻味，核桃露就係聞落好香，食落就係淡淡地，所以溝埋之後唔算好sense 到核桃露，如果你係佢哋其中一樣嘅diehard fans 就建議分開黎order 會好啲。絕對係我會想encore 嘅糖水舖！

米芝蓮推介的平價港式糖水專門店，廿幾蚊就有一碗🤑好抵食🤭難怪長期大排長龍😂今日冬至，收工就即刻衝去買😍離遠已經見到人龍，不過可能冬至同禁堂食關係，大家都外賣湯圓為主，所以好快已經買到😊🍡芝麻湯丸($50/24粒）平實的包裝，湯丸係細細粒的那種，外皮又薄又煙韌，晚飯後簡單煲個薑汁糖水加幾粒湯圓，芝麻味香濃但包得好好，唔會煮到爆開😋主要係天寒地凍🥶想應一應節，一家人團團圓圓，大家身體健康😢

When HK winter seeps into your bone, you know you should be headed for some traditional HK sweet soup to counter the chills🥰. ⁣⁠⁣Had my eyes fixated on the Taro Paste sago sweet soup before visiting, so it didn’t take the indecisive me long to make up a mind (this time), I also added the glutinous rice balls (3 for HK$7).⁣⁠⁣⁣⁠⁣Kai Kai is very much 澳牛 style service, everything is chop chop, but still people gather for their famous desserts that are served at such reasonable prices.⁣⁠⁣⁣⁠⁣The Taro

近年唔少甜品店掘起，有d係新派，加入創新食材製造新驚喜；有d sell異國風情，將外國甜品引進香港。兩者都各有特色，不過當吃得太多，有時都想返璞歸真，品嚐甜品原味道。所以今次去附近食完飯，食完就嚟試下好出名嘅佳佳甜品。店門外貼滿獎項同明星合照，原來呢間舖頭連續五年獲得「香港米其林指南推薦街頭小吃」嘅頭銜，相信出面唔少排隊嘅人都係慕名而來～我叫咗我最鐘意食嘅芝麻糊，仲加咗湯圓。好多時候喺外面食到嘅芝麻糊都係一味死甜，芝麻味被甜味蓋過晒，完全食唔到原材料嘅真正味道。但呢家果然名不虛傳，仲未食落口就可以聞到芝麻香味，食落去更覺濃郁。追加嘅芝麻湯圓，$7有三粒。湯圓也很滑，皮薄餡靚，加上芝麻糊一起吃，收獲雙重芝麻滋味！朋友嗌咗腐竹薏米白果糖水，我為食試咗幾啖。豆味香濃，而且好足料，薏米、白果被煲得特別林，而腐竹被煲得同糖水融為一體，口感細滑。如果加一粒雞蛋，更加perfect喇！整體嚟講，呢間米其林糖水店性價比都算高，味好料足，人均消費都係$30以下，絕對值得一試！

返屋企經過，見到門外大排長龍，一於過去湊下熱鬧，等咗10分鐘左右，已經可以入去坐啦😊😊我目標明確，天氣乾燥梗係食啲滋潤嘅糖水啦，所以揀咗木瓜燉雪耳，凍既❤️用匙羹臼第一羹，d糖水係杰杰地，會感覺充滿膠質，擺落口，果然冇令人失望，清甜滋潤解渴集於呢個木瓜燉雪耳，食完簡直係為一日畫上完美嘅句號。

前日去開佐敦睇跌打，專登就去呢間出名嘅甜品店試吓，叫咗芋茸西米露+3粒湯圓。當時第一啖食咗西米露唔係好甜，覺得唔錯。之後食粒芝麻湯圓就係惡夢嘅開始啦，咬咬下覺得好似唔妥，𡁻落有啲唧唧聲，吐出嚟睇見到隻曱甴腳 🤮，OMG當時已經呑咗大半粒呀😭，即刻話俾個侍應聽，個阿姐竟然夠膽話係西米露裏面嘅香草嚟嘅啫😡我即刻就話嗰碗糖水冇可能有香草或草藥個喎，隻腳係喺湯圓裏面發現的，之後佢就拎隻曱甴腳上手捽下掂下，然後就淨係話換一碗俾我和會同老闆反映，我梗係唔要，唔會再響呢間鋪再食任何野啦。發生咗咁嘔心嘅事，佢都冇主動話唔收錢，仍然諗住要收費，係我同佢講我食咗兩啖就出事啦，我唔會俾錢，佢先至同收銀員講聲。呢間店我會永久blacklist, 佢令到我宜家食任何一粒粒包住嘅嘢都有好大陰影。

今晚，我和朋友提早食左個晚飯，行多陣又有啲肚餓，所以見到糖水舖便沖入去再望真啲先知係一直好想去食米芝連得獎嘅糖水舖我有點怕食嗰啲用生果撈嚟撈去嘅冰凍甜品，加上現在開始踏入秋冬季節，好想食點溫暖嘅糖水暖胃。今次叫了一碗，即係芝麻溝杏仁，滿足我嘅貪食之念。糖水熱騰騰味道夠香滑，食得出煲得夠火候嘅糖水

午餐時間，店內只有可數的食客。空間夠大，桌子與桌子之間距離遠。感覺上甜品好似比以前少了選擇，我選了熱芝麻糊。質感很好，不太稠也不太稀。芝麻味濃，果然是米芝蓮得獎者。性價比高。

與朋友食完飯最鐘意最後一場走去食碗糖水先走又有好推介如果你特別喜歡食中式糖水既朋友仔今次去左佐敦食糖水 就係拿左米芝蓮既佳佳甜品試左個冰花燉雞蛋($24) & 合桃露 ($24)冰花燉雞蛋口感好滑好順口  好似入口即溶既感覺唔會好甜但好有蛋味合桃露好新鮮，完全食到個種新鮮打磨既合桃味好感好滑，好香，唔會好稀好耐無試到咁真材實料既合桃露啦呢間糖水鋪係而家香港地好少有既傳統中式糖水座位舒適，間野有2層，經常排長龍

由細食到大嘅糖水舖見證佢搬咗幾次！由街邊檔食到依家排唒長龍疫情下佢都少咗好多人！之前直頭只得半數人！今日都要要排隊，但唔使等太耐！最鐘意食佢嘅蕃薯好夠薑冰糖木瓜都好低食 蕃薯糖水（$22）～合桃露（$24）加湯圓（$7）

多款中式糖水 以糊類最為出色 芝麻糊 杏仁糊 核桃糊 ...熱核桃糊 $24 每次必點 核桃磨得幼細 香滑富核桃香 必加三粒芝麻湯丸 $7 湯丸細細粒 咬落不得了 芝麻餡料係口內爆開 香氣徘徊口腔歷久不散 $31 食到出色既米芝連美食 真心覺得相當抵食 值得一試

平日既下午走左黎佐敦食佳佳甜品，終於睇吾到長長既人龍，入去就有位啦🤩呢度環境闊落，坐得都幾舒服。我地揀左凍既芝麻糊同熱既冰糖燉木瓜。首先講下個冰糖燉木瓜，木瓜好足料，滿滿既一碗，味道清甜又滋潤，佢個甜味岩岩好，吾會太過，岩晒依加呢個乾燥既天氣食😚跟住到碗芝麻糊，放入嘴度就感覺到好細滑既口感，甜而不膩，好香既芝麻味～份量都幾多下，食完好飽好滿足～🐷值得一試既中式糖水鋪，睇得出店家落足心機😋😋