佳記粉麵茶餐廳

營業中

休息中

今日同同事4人去佳記粉麵茶餐廳, 食左碟THAI 式炸鸡球飯, 個飯勁多THAI式甜酸酱汁, 超级好味, 如果爱吃糖果小孩子見到一定歡喜, 入去食記得同老闆遘話係"自己友", 唔係就無汤送

最近，買完外賣經過蘇杭街，見到呢間佳記最多人喺出面等！相信係好食夾大碟，所以經常都咁多人！就連我幫襯果日╴出面都起碼 20 人等位或外賣。我睇吓個餐牌，超值午餐：外賣 $25 / 堂食 $28 送熱飲或例湯，幾抵食喎！當日超值午餐包括：洋蔥豬扒腸仔飯、黃金蝦仁炒飯、乾炒豬頸肉公仔麵、紅燒豆腐火腩飯、瓜粒鴨脾湯飯....... 真係令人垂涎！我的超值午餐：黃金蝦仁炒飯 + 例湯 ( 外賣 $25 ) 黃金蝦仁炒飯 以雞蛋、蝦仁、蔥粒、粟米一齊炒，炒得乾身，仲成盒滿。一打開飯盒，已經聞到好香，咸味恰到好處。驟眼睇好似唔覺有蝦仁，其實唔多，一食落淡而無味，無計啦！雪藏蝦仁始終平過新鮮蝦；即時令到成個炒飯失色！粟米份量亦唔少，又甜又爽！例湯 - 花生眉豆雞腳煲唐排湯煲得夠耐，算濃，只係咸咗些少！仲有花生眉豆食，兩者煲得夠腍！

10-2-2010又到上環食平 lunch, 今次無乜頭緒下入了呢間茶記食個簡餐. 胃口不大, 唔食炒粉麵飯了, 只叫了五香肉丁 + 鮑片出前一丁 (「雙併」丁麵餐 $24), 加杯凍奶茶 (加 $2).先嚟奶茶, 色水較「奶」, 飲落甜度剛好, 奶味多過茶味, 其實都 ok 的, 不過可能茶水阿哥/阿紅沖得太急, 呢杯「凍奶茶」明明落了好多冰, 都可以唔夠凍, 真係 而雙併出前一丁, 就絕對算得上我食過最難食的出前一丁!- 首先, 左邊面頭係有一 pat pat 「黑孟孟」又未溶的 MSG 粉; 右邊則係一 pat pat 紅色, 來自罐頭的辣醬, 及大量紅 bok bok, 在水面「蕩漾」的辣油, 賣相已樣衰得嚇人一跳 - 鮑片有「4 塊半」(凶兆?) , 咬落係好韌, 味道帶點「酸叔」, 難吃. 點解連來貨都可以咁難吃? R 晒頭!- 五香肉丁味道就叫正正常常, 不過又唔明點解肥膏比瘦肉多咁多...- 出前一丁淥得剛好, 其實幾爽口麵質不錯的, 不過湯內的紅油多得過分, 食落初則極級油膩, 繼而辣到飛街 , 成個食嘅 process 絕對可以用「捱」字形容. 講真,

哩日行遠d 去到禧利街, 亂入一間茶記, 橫掂都係食ABC餐架啦, 邊間都一樣哩間既lunch 都有7,8款, 有中西式, 有炒飯麵, 至於米線只係$20, 真係幾平我就叫左個紅酒汁牛脷飯$28d 汁其實都係茄汁, 因為見到有1,2 舊蕃茄. 味道有點似洋蔥汁, 鹹鹹地的, 至於紅酒就...份量幾多, 有好多牛脷, 而且塊塊都好大塊, 整得好夠林, 只係間唔中有1,2塊咬唔開.仲好大朕牛肉味. 配埋d 汁令朕味更加濃.叫左杯熱holic, 都落得幾多粉, 好夠味了.哩個set 都有少少西化, 都只係約$30, 雖然只係身處茶記, 都算幾抵食, 起碼味道都唔差.

有少少餓,見到lee間都幾平,於是同fd就決定係到食。星州炒米 $27 炒得好香,但有d油日式海鮮炒烏冬 $27 份量十足,料都幾多,烏冬ok彈牙其實lee度d野食都ok,同埋都好抵,都食得過下ga

星期六的早上去了佳記吃早餐，本想來試它的竹星打麵，但看遍牆上及枱上的餐牌，都再見不到有廣東麵食的項目了，看來佳記已變成一間普通茶餐廳了，只好叫有三款選擇的滋味早餐，我要了扎肉沙爹牛肉米線及一杯凍奶茶，扎肉是原味猪肉那種，沙爹牛肉看樣子不是罐頭貨，吃來過有點肉味，沙爹汁不會過多令湯汁變色，米線煑的火候剛好，不會太腍斷開一段段。 但奶茶可能因大多冰，茶味跟奶味都不夠，跟老闆投訴後加茶，茶味依然不夠香濃，明顯不夠水準，所是整體只能給OK了。

我係上環返工, 我同班同事日日都會同係度食LUNCH, 每日午餐都7個比你選擇, 一定有一個抄粉面, 佢的星州抄米好正, 生抄骨好夠酸非常醒胃, 海鮮抄烏冬D烏冬好彈牙, 總之每次都好滿足食飽飲埋杯即磨咖啡就等於一生一大樂事。埋單都係27蚊非常低食,正呀!

材料有椰菜絲、紅蘿蔔絲、雪藏蝦仁、日式魚片、魷魚，份量也算足，但略鹹午市套餐配咖啡/茶/例湯是日例湯: 冬瓜薏米豬骨–味道尚可

2007-10-10知道這裡早關門﹐卻不是原來他們的雲吞﹑水餃﹑麵等等的都一早賣完。下午六點去已經全部賣光﹐說要吃麵就只有即食麵﹐當然不會要了。外賣回公司還要邊吃邊做的﹐還是懶得去其他地方找吃的了﹐只好張就有甚麼便吃甚麼吧。就這樣﹐這天我吃了牛腩米粉。其湯底是濃不濃﹐清不清的﹐但總算應該沒有甚麼味精﹐可以了。米粉沒有甚麼好說﹐牛腩卻是比想像中淋﹐而且不太黏牙。在毫無期望下吃這碗粉﹐又覺得可以喎。

2007-09-14同事離職請飲下午茶﹐見外賣紙是佳記的﹐但一下子也想不到是哪家﹐就要了熱狗茶餐﹐配熱即磨咖啡。後來才發現原來是這家以麵條出名的﹐有點後悔要了熱狗﹐不過已經太遲了。不過可能沒有希望﹐反而有點驚喜。熱狗來到居然還是暖暖的﹐信心指數都立即加增。賣相也頗對辦﹐咬下去居然是爽脆的﹖原來夾了一片青瓜﹐雖然一般熱狗很少用青瓜﹐不過口感又幾好喎。已經加了介辣﹐所以有少少攻鼻﹐但也增加了層次感。不是甚麼天下第一﹐不過又幾合我口味﹐不錯。咖啡雖然又是忘記了要走奶﹐但仍然聞到咖啡香﹐而且又不會酸﹐不過是太甜了點(想不到熱咖啡他們都替客人落了糖﹗)。$14 一份下午茶﹐抵﹗

不知道原來這裡都算“出名”﹐被蔡瀾介紹過﹐只是某星期六放工需要用最快速度吃完午餐之後趕去朋友的婚禮﹐見這裡有位﹐吃雲吞麵之類應該都不用等太久﹐就進去了。原本沒有抱什麼期望的﹐就如平時一般要米粉的﹐不過一看發現這裡以竹昇手打麵馳名﹐那當然要試試喇。麵煮得算爽口彈牙﹐湯底清甜﹐沒有鹼水味﹐雖沒有忠記好食﹐但也不錯﹐而且份量比忠記多﹐價錢比忠記抵。$16 碗不算大碗﹐一個女仔剛剛好﹐大食的可能會覺得不夠飽。水餃的餡料也很鮮很爽﹐口感不錯﹐下次可以買生的回家自己漉麵食。座位是一般茶餐廳格局﹐不是坐得太舒服﹐但食物質素搭救啦﹗

幫襯這裡唔多唔小係這裡標榜正宗竹昇手打麵，冇理由會取巧的！來到是黃昏時段，但仍有下午茶餐點選，就要了碗牛根腩麵另配了杯即磨咖啡！牛根腩上檯，睇賣相已經不俗，牛根牛腩份量不小；襯牛腩汁未全混進清湯內先嘗口湯，牛肉味清淡得宜，再試牛根牛腩，牛根夠腍牛腩夠入味，沒有滿口纖維這點已經坊間難得；全蛋麵攪不清是否真正竹昇手打，但實情是夠煙韌，放湯久了亦不過腍，況且沒有鹼水味道的更深得歡心，這碗牛根腩麵值得推介。本想這種主打中式麵食的食肆的咖啡奶茶不存厚望，但一嘗這杯即磨咖啡，真的要另眼相看，咖啡的濃鬱味是小見的，果然是即磨咖啡的品質！

知道呢度嘅北角本鋪標榜手打竹升麵。但位置實在太遠，遲遲冇法幫襯。知道佢係上環開分店，趁今日得閒就專誠過海試吓..份量相當大，足有兩個麵餅及五件豬手。麵條淥得唔腍，但又冇想像咁彈牙，食到尾仲食到有少少鹼味，失望...豬手炆得幾腍，可惜南乳味不足，好淡口，唔係我杯茶，九龍城陳南記先係真正嘅豬手王者...為咗持平，遲D有機會去試吓本鋪先...

是日啲食飯時間調到亂七八糟，差唔多成五點鐘先食第二餐飯。經過蘇杭街，就緊係唔會錯過搵好嘢食嘅機會啦！眼利嘅阿K一眼就望到遠處嘅「佳記」。根據阿K記憶所及，「佳記」原本响舊北角碼頭度，自從碼頭拆咗之後就唔知去咗邊度，是日終於俾佢撞番。一入到舖頭入面，就俾「竹昇手打麵」呢幾隻字吸引。見下午茶餐仲有得供應，我就二話不說嗌咗一碗豬手麵加咖啡。豬手已經炆得好腍，可以一路食一路啜關節附近嘅軟骨，十分好食；手打麵不愧為手打麵，麵質煙韌又有麵味，一啲梘水味都冇，屬於上品；咖啡係即磨咖啡，咖啡味好香好醒神，唔似普通茶餐廳嘅酸到死翻煲咖啡。阿K叫咗碗雞脾公仔麵，雖然炸雞脾都整得唔錯，但相比之下冇豬手麵咁印象深刻。一個下午茶餐只係十八蚊，已經有麵食同即磨咖啡飲，抵過咖啡連鎖店廿幾蚊一杯嘅咖啡好多，而且手打麵一啲都唔馬虎，是去食下午茶餐嘅不二之選。

呢度係我lunch 至愛之一, 都算係新開, 環境不錯, 冷氣勁涼, o岩西夏天去, 不過都會坐坐下起雞皮。出名手打面, 平時我都不喜歡食麵, 驚有'簡'水味, 呢度就無, 係唯一一間我會食幾次的麵店。加上有一部大電視, 個陣我追睇2點幾的電視劇都常常走來食。佢d 雲吞同水餃都好新鮮, 加埋d面, 再落醋同辣油, 好好食, 食完想食第2碗, (當然我無咁做, 不過佢d醋同辣油好好味, 加分)另一讚賞是coffee, 同普通茶餐廳唔同,好飲d, 同大快活個d差不多,(個人覺得幾蚊可以飲同這質量,算幾好la)