保家山 (已結業)

目測burger牛肉厚度1.5cm真係有和牛味架 老闆好nice好好傾，磨菇湯超濃郁菌味好香，未食淨係聞都巳經覺得好好味仲有炸薯條香口又鬆脆老闆好好人送左D藍芝士醬比我點薯條，真係令到薯條味道提升左，太好味啦價錢又唔貴，除左和牛burger仲有雞和羊肉比你選擇，仲有各色各樣意粉我都好想下次過黎試下

🇭🇰💛保家山 Burger Saan🍔🍔觀塘良心漢堡一直bookmark 左呢間小店 終於抽到時間黎試試🫣🫣餐廳係觀塘駱駝漆 主打香港特色既手工和牛漢堡包除左牛肉 仲有雞肉 羊肉 豚肉可以揀另外仲有pasta 🍝望落都幾吸引不過黎到就緊係試試burger 先😋🍔’山‘手工和牛漢堡(💰$98)手工和牛漢堡好大個好企身欣賞佢地個包既軟硬度適中😍👍🏻和牛好厚又料 juicy 重牛味跟左港式醬汁 味道幾夾又經典跟餐可以揀小食或飲品 🍟牛油薯條+$4 大份抵食 炸得好脆身 🍔’葵‘手工和牛漢堡(💰$98)另一款揀左山葵醬🤤🤤🤤多左味道上既平衡同埋中和肥膩既作用個包另外跟左蕃茄🍅同生菜🥬食落味道相對唔會膩 食材新鮮味道都唔錯👍🏻👍🏻🍟+$4 揀左紫菜薯條 每條薯條都有紫菜粉非常滿足🍟🥤🍔

肥雞平日好鍾意去觀塘駱駝漆大廈度尋寶，入邊除咗有好多聽嘅嘢賣至愛，仲有好多本地小店，今次肥雞就揀咗呢一個非常之有長洲搶包山特色嘅手工漢堡專門店，佢叫保家山。肥雞嗌咗個芝士薯條，佢嘅芝士醬係用幾種唔同嘅芝士混合組成，所以佢嘅芝士味非常之出色，而且佢一啲都唔吝嗇佢嘅醬汁，肥雞每條薯條都點到芝士醬，係一件非常幸福嘅事。咁肥雞就嗌左佢嘅傳統手工和牛漢堡，佢嘅和牛牛味非常之濃郁，烤得香脆嘅麵包配埋解暑嘅生菜蕃茄同埋沙律醬，真係令肥雞喜出望外。

餐廳主打漢堡，在繁忙的工作日午市時段意外地少食客，店內空間感充足，食桌之間沒擠逼感，牆邊有少量Mirror物裝飾。✏️ 漢堡包含沙津及汽水，可加錢轉薯條及其他飲品🥬 “芫荽”手打和牛漢堡 $108漢堡蔬菜的部分換成芫荽，反令口感層次減少，醬汁為沙津醬。漢堡包皮沒有烘脆，配上薄薄一層的芝士，和牛漢堡扒牛味充足，少肥膏，唯肉汁太少成扣分位🥺 整體味道一般。這款芫荽漢堡比起其他特別醬汁的漢堡略貴卻缺乏特色，不太推薦🍔 “葵” 手工和牛漢堡（山葵醬汁）$98山葵醬微辣惹味，配菜有生菜、蕃茄及洋蔥，可減低漢堡扒的油膩感。包皮及漢堡扒口感同上🍟 薯條（沙津+$4可轉）薯條有牛油/紫菜/麻辣味可選，牛油為原味，雖沒有牛油香味，但薯條香脆可口，調味適中，成為此餐的MVP✌🏻🥤 飲品汽水可選玻璃瓶裝可樂或其他罐裝汽水無糖蜜桃茶（+$6轉飲）有蜜桃香，紅茶幫助消滯🗒️ 總結雖薯條香脆可口，但主角漢堡整體口感熟一般，價錢亦偏貴，CP值不高

保家山 @burger.saan 📍：觀塘開源道60號駱駝漆大廈第3座5樓O室🚗：觀塘站B2出口 步行5分鐘📞：+852 5929-1186💲：~HKD88-108/head for dinner Food quality✔️：紫菜薯條、蘑菇忌廉湯、’山‘手工和牛漢堡、卡邦尼培根蛋麵總結：😋一間我都bookmarked咗一段時間嘅漢堡包店 今次食完覺得自己實在太遲發現佢 如果唔係當年可以做食堂之一👍🏼😋叫咗兩個set 第一個係卡邦尼培根蛋麵 好濃凋 唔太濕潤係我喜歡嘅口感 餐牌寫麵但口感都似意大利麵 培根🥓好足料 卡邦尼味都好濃厚 而且超大份 飽死人😋跟麵set 仲配埋沙律🥗同餐湯 沙律就生菜配蕃茄加䄂子醋 好簡單但都好清新 餐湯嘅蘑菇忌廉湯就好有驚喜 顆粒嘅蘑菇 濃縮嘅湯 非常好飲 跟餐嚟講簡直驚喜之作 絕對要飲😋嚟到burger店冇理由唔叫漢堡😎今次揀咗有港式醬汁嘅’山‘手工和牛漢堡 賣相係好厚好足料嘅漢堡 同朋友傾耐咗先食都仲係好食就知佢有啲料到 塊牛厚身牛味重而且煮到半生半熟 剛剛好 同埋配埋港式汁都幾本土風情 推薦💕😋burger跟餐可以揀小食或飲品 咁我就+$4 換咗紫菜薯條

🍴🍽🍴🍽🍴🍽🍔🍔🍔🍔🍔🍽🍴🍽🍴🍽-觀塘工廈覓食，食burger嘅地方真係唔少，呢間保家山係比較有Gimmick ，食完都覺得店主都幾有熱誠，用料足而且醬汁特別，去開駱駝漆可以一試，將burger山理念發揚光大🤣!🥢 "山"手工和牛漢堡(招牌醬汁) $98 🆗和牛漢堡質地細緻，口感軟嫩又有咬口，食落完全冇筋，帶有微微嘅脂肪香氣，但又唔會太油膩。另外漢堡嘅麵包好鬆軟，唔會太硬或者太乾，睇得出有輕輕兩面搽咗牛油去烘，包面反晒光咁好靚。配料有生菜、蕃茄、洋蔥同車打芝士，菜好夠新鮮同厚，可以balance番食漢堡嘅飽滯，洋蔥大塊得嚟冇苦澀味，芝士半溶狀態睇見已經好吸引，所有嘢加埋一齊係充滿住層次感。個人認為"山"嘅招牌醬汁有少少似港式燒汁加沙律醬再加芝麻醬，味道好有層次，偏酸食到好開胃好上癮，同和牛漢堡都好夾。🥢 "葵"手工和牛漢堡(山葵醬汁) $98 🆗山葵醬汁係類似加咗日式芥辣醬嘅沙律醬，味道微辣偏甜，同時又有一份清新感，增加咗成個漢堡嘅風味，令味道更加豐富。🥢 配汽水, 小食(牛油薯條&健康沙律) 🆙食Burger點可以冇薯條!今次唔想太重口味所以試咗原味，薯條炸到外脆內軟，外層炸粉好薄好

睇完mm介紹後，今次嚟觀塘終於唔係去apm搵食，而係去駱駝漆工業大廈！一個好好嘅體驗，餐廳選擇多～今次去嘅呢間餐廳環境好闊落，好好坐😆..✅ ‘山‘手工和牛漢堡配港式醬汁(set)🍔 $98呢個包無叫錯😌塊漢堡扒牛味好濃而且香口，唔會煎到好乾，鎖到肉汁！加上佢嘅特製醬汁，好味😋配料都幾多，有2塊番茄生菜洋蔥🤩呢個set跟紫菜薯條同飲品。紫菜薯條出乎意料好好味！唔會過淋/超級油。..✅ 鮮蟹肉牛油果意粉(set)🥑🍝 $108估唔到呢間專賣burger嘅餐廳整嘅意粉水準都ok👍🏻意粉煙韌度適中，蟹肉味好濃😛呢個set跟沙律同蘑菇湯～個蘑菇湯好濃🤩而且每飲一啖，都食到好多蘑菇碎，餐廳覺得無吝嗇啲料！..問返員工，呢間餐廳個名原來係長州平安包inspired的💮而去佢本身都好鍾意食漢堡，所以開咗呢間餐廳，創造香港獨有嘅漢堡包味道！

⭐️保家山落完單就揀位坐，靜靜地等待，由於即叫即整，夠熱辣辣👍藍手工和牛漢堡 (藍芝士汁)雖然我見到好似有個牌仔寫住安格斯+和牛，我估應該有加安格斯牛肉，但係塊漢堡牛味都比較淡，我自己比較鍾意牛味重啲。不過塊漢堡都幾juicy，藍芝士醬味道都唔係好濃，初頭見到藍芝士個名，以為會好濃味，好彩又唔係。個包係幾香同軟熟，比好多間漢堡包店算做得幾好👍至於薯條，我揀左紫菜味，炸得幾好👍下次再試下其他野先，例如芝士薯條或者麻辣薯條🤣

原來漢堡包山🍔既靈感係來自長洲搶包山概念🤩一入到門口就見到見到漢堡包山🍔整得好靚😍要立刻打個卡先📸保家山名亦好特別🤭感覺好溫暖咁😊收銀處都有座小型漢堡包山🍔好可愛🤭佢有9款漢堡餐🍔配汽水🥤同沙律🥗另外可再加$4薯條🍟（牛油/紫菜/麻辣）3款味我揀左‘’山‘’ 手工和牛漢堡（港式醬汁）🍔同紫菜味薯條🍟😚黎到見到好大個漢堡包😆和牛漢堡好厚肉，咬落去重牛味仲好多汁🤤最正係個自家制醬汁都和牛好夾😋薯條加左紫菜味更惹味香口☺️仔仔揀左辣汁‘’嫩雞‘’漢堡（可改傳統醬汁）我就無改照食辣汁😛估唔到佢寫嫩雞，又真係幾嫩滑喎😋呢個配合辣汁好特別，好香濃😌今次就簡單配咗個原味薯條，配蕃茄醬亦都唔錯🙃總結感覺很好服務員又親切，好喜歡官塘有好味漢堡店，下次再黎要試埋其他口味😚

[ #caloriefoodie觀塘 ]• 保 家 山 •🐿-位於觀塘駱駝漆大廈嘅漢堡包專門店🍔呢度嘅漢堡口味獨特 醬汁都係店家親自調配 非常特別!!👩🏻‍🍳之前係附近嘅party room玩 間唔中都會同朋友外賣呢間大家都好鐘意食佢地款麻辣薯條🌶🍟超級惹味 好正😛-🍔 ’’葵’’手工和牛漢堡 ( 山葵醬汁 ) 💰$98Wasabi醬汁嘅漢堡都係第一次試 辛辣嘅漢堡味道幾特別辣得嚟帶有少少甜 配上厚厚肉質鬆軟嘅漢堡扒同輕輕烘烤過嘅麵包皮、生菜、蕃茄、洋蔥整體味道幾好食 全靠個山葵醬調味!!-🐏 ’’羊’’葱紐西蘭羊肉漢堡 💰$98羊肉漢堡岀面都好少見 羊肉薄薄一片片 羊羶味唔重配上京葱洋蔥🧅等配料 咬落口感豐富(⁎⁍̴̛ᴗ⁍̴̛⁎)-🧈🍟 牛油薯條 +💰$4🌶🍟 麻辣薯條 +💰$4如果配健康沙律🥗嘅話 就唔需要補錢但食得漢堡包 就當然配薯條🤩 而且呢度嘅薯條好好食!!尤其係麻辣口味 非常惹味香口 辣得頂癮太辣嘅關係 配上牛油口味 就可以中和一下辣味😗-🥤套餐包埋飲品 仲有樽裝可樂添٩(˃̶͈̀௰˂̶͈́)و如果想飲無糖飲品 有蜜桃茶同烏龍茶-📍 觀塘開源道60號駱駝漆大廈第3座5樓O室-#calorief

一入到去就見門口的burger山😆原來個名係由長洲平安包演變老闆想將香港獨有的漢堡包味道加入一啲香港文化元素～所以創立burger山😛🔸“葵” 手工和牛漢堡配麻辣薯條漢堡既醬汁好特別，有淡淡既Wasabi味，又唔會搶左漢堡既味，牛肉幾厚身，有肉汁，一啖咬唔曬成個包既size，食完幾滿足😆麻辣薯條加入了辣椒粉，味道非常獨特，既有薯條的香脆口感，又有辣椒粉和各種香料的刺激口感。麻辣薯條的辣度較高，自己唔算食得辣，好彩跟餐有罐裝可樂，解一解辣🥵🔸 鮮蟹肉牛油果意粉配沙律及蘑菇忌廉湯食第一啖就覺得口感好豐富，用左新鮮蟹肉、牛油果、蒜末、橄欖油、檸檬汁同Wasabi製既醬汁，食落唔會好流～ 夾埋一齊口感唔會奇怪，仲幾好食，食得乾乾淨淨😛 牛油果有豐富既不飽和脂肪酸和營養素，仲可以補充營養素😆 如果鍾意食牛油果同蟹肉，呢個意粉絕對值得一試～值得一提蘑菇忌廉湯好濃郁，每啖都食到有細細粒既蘑菇，不錯！沙律用左比較開胃既調味，酸酸地，幾fresh💜

🍔藍 手工和牛漢堡 藍芝士醬汁 $108 (7/10)拎上手好大個，用料紮實！麵包係有用牛油煎香過，麵包係比較厚實嘅感覺，有牛肉生菜蕃茄洋蔥，牛肉煎五成熟，口感係比較紮實彈牙嘅，藍芝士醬汁去鹹鹹酸酸好得意，食落好似腐乳，蔬菜份量都好足！🍔辣汁嫩雞漢堡 $96 (7/10)雞肉都好厚實，唔會太乾，個醬汁辣辣地好開胃，微辣真係好輕鬆食到，用咗酸瓜同生菜，幾fresh。🍟芝士汁薯條 $12 (6/10)炸得好酥脆，食落去係好香口嗰一種，芝士醬汁係比較鹹香！食多兩條感覺係比較油膩同埋熱氣！🥗沙律 (7/10)用咗柚子汁，係純生菜加切碎咗嘅蕃茄！正常！推薦指數: 7/10所有嘢都係有誠意咁製作嘅，個人覺得藍芝士唔係個個人接受到叫返傳統醬汁應該比較好啲！

觀塘一向多平民美食，工廠大廈入面都有唔少高質餐廳。之前經過見呢間餐廳環境都ok, 漢堡又幾吸引，就約左同事黎試下。當日12:45唔需要排隊，但都8-9成坐滿。除左漢堡之後，仲有6-7款意粉或飯可選。 和牛漢堡可配4款唔同嘅汁、另外都有雞、羊、素漢堡。因為呢到比較出名漢堡，所以就先試下和牛漢堡。跟餐有汽水同埋薯條/沙律或加錢配小食。點餐後大約等左5-10分鐘就有得拎。漢堡對得住價錢地相當巨型，絕對冇辦法一口咬落去整個漢堡，食落都好容易食到成嘴都係醬，有點狼狽。麵包有產品烘過，脹卜卜，鬆軟帶點甜味，主角和竹牛足有成寸厚，有肉汁，口感唔會話太鬆散，但牛味唔算太濃。配合埋一大片厚切蕃茄、生菜、洋蔥及微辣帶酸嘅山葵汁，滋味十足。沙律就不過不失，材料主要係生菜同蕃茄，份量都ok, 幾新鮮。總括來說，呢間出品嘅漢堡都幾令人滿足，下次會再黎試下其他漢堡。

觀塘駱駝漆大廈入面有好多臥虎藏龍嘅餐廳，保家山絕對係其中一間，餐廳主打充滿香港特色嘅漢堡包。一入門口就見到一個類似搶包山既burger山擺設，正正呼應返餐廳嘅名字。原來餐廳名字係受到長洲搶包山嘅啟發，創辦人小時候好鍾意食漢堡包，但當時只有一至兩間大型漢堡店，所以創辦人想創造一個屬於香港人獨有嘅漢堡包🙇🏻‍♂️裝潢方面主要以水泥牆配搭木系傢俬，環境寬敞。- 牛油果蟹肉意粉一個套餐有齊意粉、餐湯同沙律。意粉份量好多，味道好creamy，間唔中食到少少山葵嘅味道，帶點刺激🤩。餐湯係蘑菇湯，質感比較稀身，至於沙律就係生菜加蕃茄。- 葵手工和牛漢堡餐廳用咗山葵醬配搭和牛漢堡扒，創意十足之外仲好好味。和牛漢堡扒厚身幾juicy，山葵醬味道唔會話好辣，可以中和返和牛既膩。入面仲有其他配料，包括洋蔥蕃茄同生菜，非常豐富。- 麻辣薯條平時食餐薯條都係原味或者芝士，今次保家山既麻辣薯條真係有驚喜，薯條上面灑上四川麻辣香鍋料，麻香十足，而且薯條炸得好香脆，更加惹味😋最令我深刻嘅食物係漢堡包同麻辣薯條，真係好有香港特色，價錢都唔貴，保家山喺香港漢堡界絕對佔一席位🥳

觀塘駱駝漆大廈三座太多美食，好似試極都試吾曬咁😆餐廳名為保家山，原來大有含意，保家即系𝐛𝐮𝐫𝐠𝐞𝐫🍔然後採用長洲傳統搶包山概念變咗保家山。✿ 紫菜薯條 (套餐加配+$4)薯條可以揀牛油/紫菜/麻辣味，我地揀咗紫菜味💚每條都充滿香濃紫菜味，薯條整得金黃香脆🍟💛✿ ‘’藍‘’手工和牛漢堡 $108呢度嘅𝐛𝐮𝐫𝐠𝐞𝐫醬汁搭配款式新穎，分別有港式、山葵、藍芝士、傳統醬汁，我地就揀咗藍芝士。藍芝士隻味好勁吓🧀和牛採用澳洲和牛，芝味非常之餘食到和牛，牛肉味重🐮✿ ‘’嫩雞‘’漢堡 $96雞肉漢堡真心正，原本配辣汁，可轉傳統醬汁。雞肉有兩大件，一厚一薄，燒得頗香，入口嫩滑juicy😋完全冇諗過雞肉𝐛𝐮𝐫𝐠𝐞𝐫可以咁正👍🏼👍🏼