俺流塩らーめん (新都會廣場)

營業中

休息中

朋友說這間新開又出名想著不妨一試既心態去吃排了很久的隊才入到去店員的態度不過不失食物的種類不太多朋友選了黑蒜麵 我則選了辣味抱著很期待的心吃但原來味道極差 連普通的街外拉麵也不如 更不要說與豚王等日本店比不值得推介

琴日我同我女朋友去葵芳食拉麵，此店是新開張所以好奇試試。點了熟男特盛拉麵, 黑蒜油拉麵,餃子。首先係最難食嘅餃子, 又涷,又咸,食落口啲肉係酸。十分難食!!!另外黑蒜油拉麵好油膩, 香味是足夠的但是每一口都是在吃油。而我吃的是熟男特盛拉麵。餐牌上寫的拉麵是有是台揚雞和厚切叉燒。首先 炸雞 浸在 拉麵 上變得很林,根本是在吃炸粉, 炸雞是涷的! 厚切叉燒好像不太厚切和是涷涷地的 十分期望的拉麵變成失望用了三十分鐘排隊 卻換來了失望

本人在本地及日本食過約四、五十家拉麵！呢間普通到一個點……如果好餓又冇得揀又冇要求可以填吓肚！要排隊……無謂嘞！湯頭太單薄，麵質唔爽口，性價比……算把啦！可樂又唔夠凍，服務又差到無倫！

成班同事一齊出街做野, 剛好路過呢間拉麵店, 擇日不如撞日, 成隊人貢入去試試啦 。平時繁忙時間呢間野好多人排隊, 好彩個日大家遲左食LUNCH , 排左5分鐘就有位嘞。我地一人一款拉麵, 再加大量小食 , 務求可以一次過試多幾款野啦。首先, 我要利申, 因為自己食野係比較重口味, 所以我只會點「熟成濃湯」的。第2樣就係我食辣食開「10小辣」,辣既程度係得咁上下..... 講返D 拉麵先, 我點左一個「辛辣熟成濃湯拉麵」, 對於「10小辣」的我呢, 基本上都叫做辣, 但食辣既野係邊食邊流鼻水先過癮架嘛, 呢個辛辣拉麵就滿足到我嘞，個濃湯係值得一讚既，豬骨湯底奶白充滿骨膠唔肥膩。食拉麵最重要係個湯底，呢個湯完全有去左日本食麵個種感覺。至於小食呢，味道不錯，炸雞呢Ｄ重口味既野係本人至愛，大阪燒餃子第一次食，又真係幾特別，感覺不錯。最後，好想特別推介係枱頭個堆調味料，好多都未見過的，好新奇！口味既野見仁見智，不過「黑蒜蓉」同埋「柚子醬」都幾特別幾好味，食成碗可以有不同口味，其實都幾好玩，我地幾個同事不停地試下呢樣個樣，食完仲要飽到行返公司。

閒時行過，經常見到大排長龍，不用排隊時就係已經售罄湯底。無緣一試。機會黎啦飛雲！今日不用排隊，填好食咩就可以馬上入座。2個人，叫了一個俺流餃子，黑蒜油熟成濃湯拉麵及辛辣塩湯拉麵。俺流餃子大小適中，一口一件。上枱時仲好香，食落仲有小小汁。味道okay。黑蒜油熟成濃湯湯濃度適中，𣎴會太杰太咸。但黑蒜油真係丁點都食5到。當普通濃豬骨湯底食係ok的。麵質有咬口，叉燒好林，份量夠。辛辣塩湯拉麵 感覺好似中式湯麵 同食開嘅濃湯完全係兩回事，點左軟面，感覺都係啱啱好，叉燒無特別，其實食落味道係正常，始終係塩湯拉麵，試下唔同類型嘅拉麵整體而言，試過就夠，不用再回來，好在不用排隊。其實可以5試都得。

每次經過都大排長龍，決定要試佢一次。可能座位供應有限，所以人齊先可以入座。大概有10款拉麵供選擇，我地試左味噌拉麵同黑蒜拉麵。個麵好夠熱，熱到隻匙羹都辣咀。味道好夠濃，麵條係粗身少少，有好多芽菜，但豬肉比較油。黑蒜拉麵嘅份量比味噌拉麵少，男士食未必夠飽；味道夠濃，麵條比較幼。食落原本都覺得唔錯，點知。。。由頭先食完麵到依家都有5個鐘，我大大話話飲左6杯水/飲料，口渴到痴左線，飲極都仲係覺得好口渴。大家覺得點解會口渴呢？好，又要去飲水。。。

由一開始排隊等候，店員已經木口木面，只係俾張紙你叫你填嘢食舖面開喺兩條扶手電梯都算，仲要坐喺電梯兩邊食，如果搭緊電梯嘅途人打個咳嗽，真係多得佢唔少...啲位又逼又細！全程啲店員好似同啲食客有仇咁，塊面黑過墨斗...到尾我真係唔想俾加一！食物方面就一般般，勝在中位價，但唔係特別好味，唔會特登翻頭食。

成日行過見到好多人排隊，以為咩咁把炮，而家食完，感覺真係不外如事。。。。。。佢呢個質素，呢個價錢，減20雞我都要諗諗食唔食佢，除非葵廣新都會冇曬餐廳食店啦!!! 佢地成日就收工就棟個牌岀黎話湯底賣曬，講真，真係比佢昆到！而家呢刻諗住食既你棄隊去食其他都未遲呀~~~不過我信你同我一樣唔信邪照食架喇，因為眼前係唔知點解仲好旺場好多人爭住食咁~~~我同朋友食左分別紫蘇葉梅子拉麵同俺流男盛熟成拉麵(唔知乜名黎)只可以講個湯底好味精好普通，個麵質地亦都好普通。。。似高質d 既公仔麵紫蘇葉梅子湯底冇梅子同紫蘇葉味都食唔到，佢係相對清啲既湯底黎，但主要既味冇喺入便，得咸味。。肉一塊，偏鞋，蛋好hea，唔入味乜乜男果碗都好少少，唔知係咪豬骨湯，飲落奶奶地既味。。但兩碗既質素只限於係food court求其一碗3,40蚊果隻。。。大家真係要三思~~~

睇完張敬軒X 王苑之演唱會後,佢個PART 跳壽司舞, 真係非常搞鬼搞到我好想食日本野! 咁就是旦搵左間未食過既拉麵店,尋找下日本的味道俺流塩らーめん 連個名都係日文,真係好似去左日本咁好多款麵簡, 選完一輪後我簡左10號仔!俺流芝士辛辣濃湯拉麵 $88睇個名幾過癮,就叫佢!黎到個樣賣相都相當唔錯, 日本我黎啦哈哈哈我以為係半溶芝士, 點知原來係非常之HEA 既芝士粉,芝士粉我都算啦,點知芝士粉係無芝士味!!芝士粉既我極之失望, 麵質仲唔係傳統拉面個隻係似係超市買左包獨立包裝,自己煮都煮到個隻麵又粗又難食,如果要加叉燒要加13蚊,但係得一塊仲要薄切!最後個湯底!竟然係無辛辣味!只係一個咸湯底!真係完全貨不對辦!仲要賣$88  今次唔小心去左偽日本,愈食愈覺得好伏真心比佢個店名呃左,偽日本拉面抬高價賣而且員工服務態度好差, 而家我非常有暗影,以後都唔會再比店名呃!偽日本!

服務態度差  食材劣等  完全唔值得去明明有好多座位 故意要你坐電梯底 要求調位卻諸多藉口推搪 食物方面 貴 又唔好食 叉燒硬到乜咁 一啲都唔嫩滑以後都唔會幫襯一蘭 平過佢 啲麵質素同呢間比簡直係天淵之別 一蘭啲湯料 同食材 真係如精緻同好香滑 食呢間不如食一蘭

好耐無番葵芳開餐 望完個水牌 見到有間拉面店 未試過就決定同阿妹去試下 點知中左伏 叫左個辛辣熟成濃湯拉面 唔辣既 個湯底仲要勁鹹 飲左一啖都要勁飲水 個湯底鹹不特止 舊义燒又唔好食 仲要我畀$10追加個玉子係無味!!咩玩法 係咪佢覺得個拉面湯底咁鹹再好似佢咁加咁多調味 我放隻玉子係湯就會唔覺 OMGGG仲要係門口要排隊 雖然唔係排左好耐 但係直係唔值得。。。。葵芳係咪直係無嘢好食勒？ 最後我同阿妹明明好肚餓 都食剩大半碗麵就放棄 。 都係留番啲quota 食其他嘢吧啦

與同事們到這裡來個遲來的午膳，剛好不用等好久已經可以入座（太好了～～），三人點了味噌拉麵、紫蘇梅子拉麵、炸雞和柚子椰菜。炸雞與柚子椰菜先來。炸雞大大件，望到都好開心，自己一向吃得較清淡，會感覺炸雞鹹了一點，但其實佢好入味，係好味👍🏼其他同事也讚不絕口。個柚子椰菜，意外地原來幾好味，有柚子清香，沒有酸也沒有古怪甜味，口感清新，其實與拉麵甚配，意思是拉麵口味屬於濃，味道淸新的柚子椰菜又好像正好幫你中和口腔內的味道，感覺幾舒服清爽。我個走筍味噌拉麵終於來了😍 味噌拉麵用濃湯底，我好怕鹹以及好勁味噌（麵豉）味但都諗住試下所以叫左，而呢個湯底真的冇令我失望（有點感動），因為我竟然可以飮到喔而舌頭冇感覺不適，味道恰到好處，我仲覺得飲到有菜味，真係幾正，抵讚😋麵條係粗的，我選普通，留有點嚼勁，好食！食左一半就跟枱上面張卡試著加入黑蒜及柚子胡椒，竟然個感覺係湯的味道提升左，柚子胡椒好正好惹味😍有個同事話我咁細食食粗麵未必食得晒😁😁唔係丫我清左喎，只是飮唔曬D湯有點可惜～ 味噌拉麵有配一塊厚切叉燒，唔硬，算軟滑，啖啖肉，味道剛好，感覺非常實在👏🏼👏🏼（至憎吃到外面有D店切到紙咁薄）有個同事食梅子紫蘇拉麵

之前行過黎間新開拉麵店見好多人排隊,都想試下,今日咁岩經過唔使排就入去試下,店員推介俺流芝士辛辣濃湯拉麵,叫普通硬度,碗麵黎到得一舊叉燒,一粒唐心蛋,剔左要蔥同荀都無比到,D麵質仲好硬,碗麵得果少少芝士粉,完全無芝士味亦無辣味得過咸字,蛋唐心做得唔錯但係無咩味道,食完碗麵飲左3杯水都唔掂,仲好口乾😬咁既價錢咁既質數,亦無服務可言,店員都係目無表情,笑容欠奉,好彩唔係排隊入去食,都唔明點解仲有咁多人排隊食?真係未食過咁差既拉麵$88俺流芝士辛辣濃湯拉麵

話說之前見到呢間拉麵店新開張，已經想去試吓，但點知當日去到門口，竟然見到寫住湯底售罄...？🙀🙀🙀咁無辦法啦唯有擇日再試😞😞😞今日終於經開呢頭，見條人龍都唔算係好長，大約10零20人，咁就諗住入去試吓... 我叫左一碗招牌拉麵-俺流熟成濃湯拉麵，一配俺流男盛拉麵，再加一客俺流餃子...首先餃子到咗，但我發現嗰六粒餃子，仲細過咩，一啖咬落去都唔夠攝牙縫，不過個皮都幾趣，但真係食唔到裏面啲餡係咩味囉，因為實在太細粒啦...跟住兩個麵嚟到，首先講個濃湯拉麵啦，湯底味道唔錯，唔算好勁味精，幾清嫁都，我揀咗普通硬度嘅麵，口感都唔錯... 算彈牙，塊叉燒係細塊啲，不過唔係紙咁薄嗰隻，問題係嗰幾塊菜，又細塊又得幾粒葉咁，真係小家左啲，好似菜碎一樣...再講個男盛拉麵，仍然係揀咗普通硬度 ,其實同濃湯拉麵嘅分別，只係多咗一隻糖心蛋，同埋兩舊炸雞... 糖心蛋半熟口感唔錯，炸雞口味亦算OK... 不過仍然都係菜碎幾片食物大致可以喇...到服務，店員無咩笑容，不過我買食又唔係買笑，基本落單，凍水都有提供，我已經收貨，而食物提供速度一般喇（大概十五分鐘左右）兩個人晚餐價錢偏高少少，但都可以再試嘅，只要條隊唔

美食哥倫布今次去咗葵芳搵野食!有乜野咁伏?一齊睇下啦!話說新都會大裝修完，大部分商戶都俾人鏟走曬！無辦法啦地產霸權，真係商場佢要你走，你絕對留唔到明年！之不過呢正因為咁，所以葵芳又有新野食！記得雜誌介紹過一間新開拉麵店，講到又幾特別的咁特別，所以日日都勁排長龍，點知哥倫布我一個唔小心，就奶野啦。先講拉麵，見到有碗芝士辛辣濃湯拉麵咁特別，咪叫咗嚟試下，點知d味完全唔夾，有d似薯片d味精味，個湯唔夠辣，芝士又冇味，真係韓國嘅辛辣面都辣過距。明明揀咗硬麵條,點知好似意粉咁.但又唔夠香失望！唔明點解咁多人排仲嗌多咗個唐揚雞,我頂…又油又嚡…擺咗一陣啲皮已經腍曬，而且好鹹環境其實唔多舒服，又逼又要坐扶手梯底，萬一嚟個高空雜物，咁就_ _了 (請自行填寫）精境對白:最怕改壞名，鹽！全部都都系鹽！