俺流塩らーめん (新都會廣場)

營業中

休息中

太太本身於葵興工作，我亦是拉麵愛好者得知此拉麵店經常排長龍，所以太太收工就去幫手排隊等食！大約6點半去排隊，等大約十分鐘就入坐拉麵餐牌好簡單，看圖揀number 就得個人應為最抵食係9 號「俺流男盛熟成拉麵」有炸雞兩大件，又有叉燒，又有蛋！抵食！拉麵有軟硬度選擇，湯底味道唔錯，但小心唔好特別落台面果支拉麵椒鹽，味精極重！食拉麵都係想食佢淆出黎嘅湯底，冇必要都唔好加味精。另外餃子味道唔錯，唯一係餃子唔夠熱及好細粒整體味道唔錯，但要特登排隊排大半個鐘嘅話就算喇

Snappy都好鍾意日本野😍點解食呢間🤔係因為新年冇咩餐廳開而佢又有開😂【黑蒜油熟成濃湯拉麵】$68 【辛辣熟成濃湯拉麵】$62 拉麵不掛湯😂麵質選了硬也沒啥嚼勁，我又唔係影相影左好耐，所以係本身較稔身。😶濃湯嘛，倒是可以的，濃湯係煮到奶白色，湯身都比較稠濃🤔個叉燒都叫厚身，雖然肥瘦唔係相間，但至少唔會嚡身，但始終豬腩肉半肥瘦好啲，咁樣肉汁鎖死得好啲😎個蛋都ok，叫做岩岩熟，冇腥味，但同日本蛋仲有一大段距離

平日晚上都見佢排長龍（平日排成3，4個蛇餅，本人係一個唔太鐘意排長龍既人黎，見到會咩人食慾都冇晒）星期日的下午時間見冇咩人排龍就同男友去試下佢…………朋友知道我食呢間拉麵後，都告知我食完可去附近買野飲（果然係有咁既需要）湯底都几好，塩味夠清，另一款豬骨湯夠濃面可選擇軟，普通，硬我兩選擇左軟身，ok9成湯麵都會有波菜，對波菜敏感既人記得要走但食完飲左兩杯水還覺得口渴炸雞冇雞味叉燒啲肉好實基本上我所冇肉都冇食晒玉子都ok，冇特別好食

開張不久的日式拉麵店，同事介紹下，決定一試。除了有十二款不同拉麵外，還有四種醬（黑蒜油、柚子胡椒醬、梅子醬、辣油），多款調味料（醋、七味粉等）在枱上，任君配搭。麵身可選軟、普通、硬；亦可選走蔥及荀。本人選了俺流鹽湯拉麵，普通麵底。湯底不算太濃，本人覺得剛剛好，加上柚子胡椒醬或梅子醬會更開胃。本人偏愛柚子胡椒的味道，少見而且好味，推薦可以一試。叉燒只有一塊是美中不足，如果多兩塊會更好。食肉獸如我，下次大概要加叉燒才行。

中午難得排唔駛十個就即管試，但非常失望，拉同我在超市買的質素差不多，湯底亦普通，可能一分錢 一分貨吧！但店員真的好沒糧出一樣，黑口黑面，俾錢時連一句多謝都冇！不會再幫趁。

終於試到了俺流鹽拉麵，開幕到現在一直排長龍or 售罄，今天終於可以一試。食物: 俺流鹽拉麵$58+半熟蛋$10湯底-香港比較少鹽味拉麵，這個鹽味湯底飲落夠清甜，唔會得個鹹字。我一直都覺得鹽味最能帶出食材的味道。這個湯底贊。麵條-好失望，食落似鹼水麵，麵身偏硬 (我叫普通的啦)，勝在份量夠 (得個麵多)。叉燒-厚切一塊 (得一塊，多謝嗮)，“鞋”口。菠菜-一啖食嗮，無感覺筍-幾條，一啖食嗮，無感覺蔥-本人唔食蔥，走嗮題外話: 等入座不用等很久，但等上麵卻等了20分鐘，好明顯廚房人手不足。總結: 作為一個過江龍拉麵店來說，價錢不算太貴，湯底美味，麵身(本人)不討好。至於配料其實叉燒以外那些都算是便宜貨，是否可以不用這麼吝嗇放多少少…

新都會大執位,見呢間拉麵店每日午飯時間都很多人排隊,就即管試試.其實只等了15-20分鐘,巳經算快.排隊時可以揀定食物.入座不久就有得佷了.我揀了黑蒜油熟成濃湯拉麵. 這間店可以給你自由選擇煮麵軟熟度及要或不要蔥及筍等. 這間店麵條較幼,湯底反而沒想像中濃及厚.湯中有些蒜片,但還不夠蒜味,所以我加了很多餐廳提供既黑蒜蓉才覺得夠味.溏心蛋反而不錯,只是白蔥太少.想要多些就要比錢追加. 呢樣麻麻.還選了餃子及炸雞小食, 賣相及味道都只是一般.

一直對這間來自日本的俺流塩拉麵，沒甚興趣，可能就是怕了那條全天侯的人龍。

今天黃昏時分路過，店面罕見的冷清，我們決定吃碗拉麵作為晚餐。

點了兩款小食，兩個拉麵。
唐揚炸雞，$32 一客四件，可說是經濟實惠，炸漿不會過厚，適中的調味，外皮剛好的酥脆，內裡肉質鬆軟嫩滑，新鮮熱辣滋味。

俺流餃子，皮薄、饀靚、味美，唯獨欠缺一個吸引的賣相。

俺流熟成濃湯拉麵，以雞骨熬成的湯底，色澤濃稠奶白，味道相當鮮甜，配菜有京蔥、筍及菠菜，义燒肉質鬆軟，拉麵口感爽彈。

黑蒜熟成濃湯拉麵，濃厚的湯底，混著黑蒜香油，多添一份獨特香氣，最愛那隻流心玉子，飽吸湯汁，非常美味。

桌面除了基本醬料，還放著三款特別醬料，黑蒜蓉、梅子醬及柚子胡椒，讓食客可自行調配自家口味。

這裡的拉麵可說是足料足味，而且價格亦相當親切，但服務就欠了一份親切感，說實話，板著臉的店員，總能令客人食欲大減。

今天晚上帶小朋友去食麵，兩大一小，排了半小時。寫好點餐單㸃了三個麵加飲料及小食，因為小朋友三歳，不可能座bar枱，要求給我們普通四人枱，當時是有四人枱的，那個年青的host 店員不肯，態度極差，完全吾休做的樣子。雖然已經等了半個小時，最後決定到其他餐廳進餐。之前光幫過此店，那時的年紀稍大的店長也會安排四人枱給小朋友。很難想像一家餐廳，特別是在曰本到香港開業的餐廳，會培訓或允許前線員工以這樣沒有同理心的態度去處理或服務。這種服務的餐廳，我們以後絕不再光顧。

新都會經過一輪翻新之後，開左好多間新餐廳，期中包括位於底層既拉面店，唔知係咪因為新開既關係，要排隊入座，等左大概１０分鐘左右，唔算太耐，而且係等既時候，侍應就會拎定張ＯＲＤＥＲ紙比客人填我同朋友都order左個柚子拉面，感覺ＬＩＧＨＴ　Ｄ味道都幾特別，有陣清新既柚子味，而且仲有流心蛋，好有良心咁比齊一隻蛋，唔似有Ｄ食店只會有半隻不過湯底略咸，朋友就話ＯＫ，不過日本拉面大部份味道都偏咸佢舊肉就得一塊，中意食肉既應該會唔夠喉，好似有得比錢加

在葵芳新都會廣場經過這間俺流塩拉麵店，見有人排隊，加上在開放式廚房的玻璃外，睇見個湯幾清幾吸引，即本試吓。叫了個俺流男盛熟成拉麵，比一般拉麵多了兩三件炸雞，份量並非想像般多。湯底是鹽清湯底，但稍覺味不足。即使點了加辣仍覺得唔夠辣，麵我點硬麵又不夠硬。至於流心蛋邊皮位過熟，完全唔合格。最離譜的是我埋位時侍應水杯都冇比我，咁既服務仲要收我加一，埋單更要九十幾元。雖然葵芳真的沒一間似樣的拉麵店，但我對呢間新店頗失望，肯定不會再來。

叫左碗黑蒜油拉麵完全無黑蒜味。如果鐘意食淡味既人應該會鐘意而柚子拉麵，亦都係無柚子既味就好似清雞湯咁一開始見好多人排以為好食，點知真係好失望我唔會再考慮幫襯，因為真係好失望

這個聖誕幸好没有出國到日本旅遊，没有遇上五十年一遇的大風雪，那麽日本拉麵便留在葵芳裏吃，新都會商場裏新開了這一間。排隊時要讀定餐牌、寫定點餐紙，點任何拉麵或飯都可以另加$8購買一罐汽水/日本果汁梳打，不過店内是有檸檬冰水供應。俺流芝士辛辣濃湯拉麵  $88根據餐牌的介紹，這擁有超人氣的拉麵的名字是 Oreryu Gabachi，“Gabachi” 是取自這碗拉麵的食材詞彙的首節讀音（ “Ga” 是蒜 Galic、“Ba” 是牛油 Butter、“Chi” 是芝士 Cheese ）。熱騰騰的拉麵送到，蒜的香氣先飄出來;先喝一囗辛辣濃湯，湯味不過鹹，湯底混入店家自製的濃厚辛辣蒜油，湯質也不稠卻在辛辣蒜油中帶有濃郁的豬骨湯的甜味。  湯内亦有些芝士碎，經過熱湯洗禮，它們是可以拉起一點點的絲。麵條我是選擇硬麵，可惜它卻是 “正常” “普通” 的麵條軟硬度，幸好是麵條不掛湯，所以浸在湯裏亦不會腍得快，與熱溶芝士拉在一起吃，味道特别。  配料有菠菜、有一隻開半的味玉，蛋黄濃郁但浸過醬油的蛋白卻醬油甜味是流於表面 ; 一小塊叉燒是五層肉切薄片，有被火炙的痕跡，豬脂入口即化，豬肉也很入味。味道 3.

呢間拉面店開業不久，見無咩人咪入去試下。點知排隊時menu同回餐紙係隨心俾既，有人有有人無，終於問左位員工，點知淨係俾個餐牌你又走左去。排到第一位就要立即落左order先准入座，咪同客氣話你同事無俾我們。個職員反駁你，應該主動向請職員索取。同佢講真係無俾餐紙，個職員黑面質疑：係咩……下話…… 原本好好地食餐飯，即時無晒mood!好 rude好無禮貌! 如果太忙待慢可以接受，但慠慢無禮，推搪責任，屈客人講大話……我真係接受唔到……太失望…… 好想即刻走!坐低嗌左野食，一般般啦，同其他食評講既一樣，性價值低。

平日放早，未夠5點鐘就去試試。明明入邊有好多位又冇人等位，但都要係門口點完餐先可以入座。點了黑蒜拉麵，走荀，但嚟到竟然有荀。朋友點的拉麵則要荀要蔥，卻沒有蔥。非繁忙時間，都煮成這樣有點說不通吧！味道雖濃，但只得一塊叉燒，1隻對半既流心蛋，價錢$68，比較貴吧！整體而言，服務麻麻，拉麵麻麻，價錢就相對地貴了點。