俺流塩らーめん (新都會廣場)

營業中

休息中

今日幫同事 farewell 食好d食日本嘢！呢度嘅枱度比較細，我哋一行七人真係比較難等位，好彩有同事預先嚟排隊。最後店員安排咗最角落嘅一張枱俾我哋。 我哋每人叫咗一碗拉麵，然後再叫小食一齊 share，結果佢都成枱都係嘢食！佢最出名係鹽湯拉麵，但係咁熱辣辣唔想飲熱湯，於是點咗佢個特製撈麵。我覺得撈麵比較濃味，夏天都係鍾意食返啲清新啲嘅嘢。然後佢有啲炸過嘅蒜片脆脆嘅幾有口感。麵條軟硬度我揀咗硬，出嚟嘅效果係幾 QQ 嘅。另外同事們都表示湯底唔錯，味道幾豐富。小食方面，我哋點咗2款餃子，大阪燒玉子同埋炸雞。餃子我比較鍾意明太子芝士燒餃子，基本上明太子同芝士就係絕配，放喺餃子好惹味。個人略嫌餃子太細粒，不過勝在幾好味，比著平時我自己一個食晒成碟都得呀！大阪燒玉子都有驚喜，賣相似一份細細粒嘅大阪燒，食落完來係流心蛋，的確唔錯。咁多樣當中，我反而最愛炸雞，大大件嘅，個皮炸得脆，但裡面嘅雞肉依然可以保持嫩滑。呢個亦係我哋當中最受歡迎嘅，一落台就畀大家搶晒，趕唔切比手機食先！食飽飽話咁快又完 lunch time。Any肥，bye bye 啦同事，祝你一路順風！

放左工同朋友過葵芳行街，因為見到好多人排隊😂 等左10分鐘就有位， ok快個味噌湯拉麵湯底唔錯，濃度適中，拉麵硬度好夠，係我中意既口感。小食值得試個豆腐沙律，加左d脆脆落去幾特別🙂🙂 仲有芝士餃子都好味！（仲有追加左筍乾）

Foodpigss🐷🐷行街果陣見到葵芳呢間拉麵店就忍唔住入去試試😝其實🐷🐷一直都覺得湯底簡直就係拉麵嘅精髓😉 而呢碗＜俺流柚子拉麵＞$72 就岩曬🐷🐷呢啲鐘意試新野嘅人~個柚子湯底飲落都算唔錯 幾有柚子味~ 同拉麵又幾match💕 而拉麵方面 🐷🐷就揀左普通嘅軟度 但其實同揀硬冇咩分別😂 因為揀硬都唔係真係好硬😗 至於溏心蛋方面 算不過不失 但就冇咩味👉👈 不過整體而言🐷🐷都幾滿意呢個湯底 覺得幾特別又幾惹味💓 值得一試😎

見呢間嘢成日排晒隊咁就諗住質素唔會差得去邊，點知中晒伏...對我嚟講，一碗拉麵嘅靈魂就係個湯底，其次係麵，最後先係配料。基本上湯底做得好唔好已經決定咗碗麵嘅成敗。我哋嗌咗熟成濃湯同辛辣鹽味湯麵，兩碗麵個賣相都唔錯，但係個湯底就同樣地差。個熟成濃湯水汪汪咁但係就好鹹，我懷疑係用粉溝出嚟嘅，至於個辛辣鹽味湯底就做到好似海水加奶加辣椒油咁嘅效果。我哋食咗兩啖已經決定放棄同以後唔會再幫襯。雖然我知喺香港好難食到同日本同級嘅拉麵，但係都無諗過落差會咁大，更無諗到原來百佳賣十零蚊一包嘅味千拉麵甚至係出前一丁嘅湯底會比間長龍店嘅出品更好。

最近總是看見新開的拉麵店排滿人，一直思前想後就是因為那條長人龍，但今天決心和家人一起前來朝聖一下。意外地人龍雖長，但等候時間絕對不算耐，很快便有位，過程不需15分鐘。但店面實在太細，我和家人坐位是在扶手電梯旁，感覺就像路過的人陪你一起進食。幸好來的前菜調整好我的心情，賣相十分漂亮，沙律汁不似平常其他餐廳的只是甜，這個是偏酸和辣，加上一堆的小脆塊，口感十分清新，是全晚最出息的菜色！到主菜，栂子的味道令整個拉麵的味道提升，本身偏濃的湯底變得剛剛好，拉麵彈牙爽口，另外我加了配料，份量很足，很抵食！最後的小食，賣想老說記不太好但勝在味道出息，推介給喜歡食明太子的人哦。總體來說是一間值得再去光顧的日式餐廳，價錢抵食，上菜快，味道也不會輸比其他大型連鎖拉麵店。當日放在枱子上的小menu

好耐冇行過葵芳，其實除左葵廣，呢個商場都有好多好野食！今日就試左呢間日式拉麵～門口係寫住TOKYO 人氣的拉麵店，作為拉麵控既我就緊係要試下啦！先叫左野飲，夏天好需要消暑！出面好少見！好飲！跟住叫左兩個小食！呢個柚子椰菜好消暑，酸酸甜甜好開胃！本身以為係熱食，原來係凍既反而更爽脆開胃！仲有呢個大阪燒餃子，睇落真係好似大阪燒，食落又有餃子的餡料大滿足～～D 汁好好味！我就叫左呢個柚子拉麵，因為夏天冇咩胃口拉麵叫左普通硬度，很彈牙！湯望落清清地，諗住會好淡，但食落又很夠味道。柚子的香味散發在口中！好味～不油膩！夏天食好岩！男朋友就叫左呢個黑蒜油濃湯拉麵，仲加左紫菜等等既小吃，試左佢個拉麵！黑蒜油味濃！好味岩哂重口味的人！總結：會encore! 很有日本FEEL

新都會廣場雖然有部分地方未裝修完，但我行街時發現地下開左間拉麵店，每一次經過都好多人排隊，好奇心下，我同我條佬就擇左呢間食～排隊時，員工會俾menu＆order 紙俾我地，同平時拉麵店一樣，可自選所需配料、拉麵硬度等等⋯⋯雖然條龍比較長，但話錦快就到我地，我都未擇好食邊一款拉麵好，不過員工就話不緊要，擇好先帶我地入去⋯⋯最後我擇左俺流味噌拉麵湯底重麻醬味，但略帶咸了一些，而且十分油膩，無辦法飲到見底～叉燒脂坊較多，肉質軟腍，但只嫌太少，一塊而已～拉麵擇左普通程度，咬口爽身～

相信有不少人同我一樣被呢間拉麵店的名字考起，正正如此先會對呢間店特別留有印象。我一向好少踏出港島以外的地方，每次出去九龍新界必有大事發生。今次因男朋友話有朋友推介呢間餐廳，所以周日就發揮廿四孝女友本色特登陪佢去左葵芳食。晚上７點幾去到約有十個人排緊隊，不過等左十分鐘就入到去坐Bar枱。小食叫左唐揚炸雞、大阪燒餃子，等左五分鐘左右已上枱唐揚炸雞有4件，都幾大件，食得出係剛剛炸好！雞肉仲好嫩，比起其他 K-POP  炸雞有水準，$38絕對係性價比高。本身想叫明太子芝士味，但第一次試食怕中伏都係叫左大阪燒餃子。有別於其他拉麵店的長形餃子，餃子形狀係偏圓的，一口可食晒！後來發現隔離枱對情侶叫左明太子芝士味，Ｄ香味飄到埋黎，難道真係隔離飯香？不過大阪燒餃子都好好味，可惜胃仔就得一個，唯有下次再試啦！(笑)點了兩個拉麵，一個係黑蒜熟成濃湯拉麵。跟蛋同埋一片叉燒濃湯底不錯但建議可再加強黑蒜味，個人認為男士會鍾意多Ｄ！另外一款係辛辣熟成濃湯拉麵，本人出名無辣不歡。湯底以豬骨湯為底，加入辛辣後，湯底味道仍然保留了一點豬骨湯的甜。加上男友係身邊，又甜又辣的感覺真係令人份外突出哈哈。叉燒肉味香，不肥，超正！

每個月都要逛葵芳廣場的我，這天逛到累了後就找東西吃！以往都會在葵芳廣場內搞掂，但眼見旁邊的新都會大翻新，多了很多食肆，所以就決定過新都會找找有甚麼東西吃！在亂逛之下，就找到了這間俺流鹽.........佢個位置超搞笑，是在電梯之間！轉了一個圈就決定排隊，想不到星期五晚上也不算太多人，前面大概要等6-7張檯，在等的時候，可以先點餐（日本餐廳就是這樣) 等了大概15分鐘就可以入內了一人一個麵是必須的吧！我就選了清清地嘅柚子拉麵，而朋友就選了特制撈麵，軟硬度嗰d是基本嘢，最值得一提的是佢可以走筍！像我這種討厭筍嘅人，走到就當然好！清清地，幾好！量都幾多，食唔哂朋友說味偏淡～有蛋要加分我們另外也叫了小食share我個麵旁邊的是玉子大阪燒，味道是大阪燒，內容卻是蛋有創意，都幾好食另一個有豆腐的是豆腐野菜沙律，一黎到，我不禁大叫，哇咁大份嘅！！佢有小小辣，味道就一般，沒有特別。之後就到我覺得最好食嘅明太子芝士燒餃子唔洗講，明太子加芝士已經抗拒唔到！佢個餃子係一口一隻，啱嘅我地啦佢個cheese好正最後，我地仲叫咗個菜。柚子椰菜估唔到又幾好味就係咁，埋單$375 （我地有叫飲品又加叉燒）都算幾抵食啊

這次日本澀谷過江龍登陸我家附近葵涌，當然要來朝聖。週末就是要吃拉麵來慶祝一下嘛！ 趁著排隊的時候，我有四周看看其裝修，都算得上有日本拉麵店的風格。雖然餐廳位置在扶手電梯底下，但是裡面的氣氛是熱鬧的，而且看得出店員都很有熱情。（這是排隊排太久留意到的。） 本店出名鹽湯拉麵，於是我點了這碗，而我朋友則點了另一招牌熟成拉麵。配料加了柚子椰菜及溫泉蛋。店員送上開水，而且大部分都是汽水，所以我們就沒有點飲料了。 鹽湯比我預期的味道好，湯底清澈不膩，而且不會讓人有口渴的感覺。試過另加旁邊的調味醬，梅子醬對我而言太酸，但是我覺得酸酸甜甜又帶點辣的柚子胡椒比較適合我本人。叉燒只得一片，起初真的有點失望，但咬下去發現這叉燒比一般拉麵店的厚3倍！厚3倍！厚3倍！（真的很誇張所以要說3次）朋友表示熟成湯底也不錯，味道很濃郁很順滑。外加的溫泉蛋跟平常的一樣，味道剛好而且是流心的；配菜柚子椰菜就沒有甚麼特別但是很開胃。 總括而言，這拉麵店的性價比相當高（可能是因為我點了最便宜 $58 的那一碗），所以我覺得是值得再來光顧的。但是我會建議拉麵店可以多加添一些汽水以外的飲料。我本身不太喝汽水及檸檬茶，所以就只剩下烏

一行五人去食拉麵，五碗也是不同口味⋯而我點了俺流男盛熟成拉麵（人氣之選）有叉燒、炸雞同流心蛋湯底有濃濃嘅雞湯味，應該有雞骨熬煮，清而味淡，唔想咁油膩，可以選擇呢個因為有臨時有小小事要做，所以拉麵到後，我冇即刻食，而碗麵放左一陣，流心蛋仍是流心的麵質方面揀咗硬身，所以仲好彈牙份量充足，食到一半要抖抖先可以再食我地叫到成桌野食：唐揚炸雞丶大阪燒餃子、豆腐野菜沙律、明太子芝士餃子同埋有子椰菜（掛住食無影到相）

在新都會廣場行街後,經過一間拉麵店我和女兒走進內看過餐牌後決定坐下試試😊我點了俺流特製撈麵，麵質粗身有咬口、女兒點了黑蒜熟成濃湯拉麵一放下很香蒜油味拉麵彈牙湯滑濃郁👍🏻再配柚子椰菜和炸雞外脆內軟好好食,今次無選擇錯，因份量足夠😉我們下次要試明太子大阪燒

上星期母親節，同媽咪出左葵芳行街，見到呢間拉麵好似新開又幾多人食咁，就同媽咪去左排隊試下！望下個餐牌，拉麵選擇有十幾款到，有黑蒜油味又有梅子味亦有辣味，都算幾多選擇。最後我揀左辛辣味噌拉麵，媽咪就揀左俺流男成拉麵（熟成）。拉麵都有得揀軟／硬／普通，因為第一次試呢間所以我地揀左普通先。另外因為我同媽咪都鐘意食紫菜，所以我地比左十蚊追加左一份岩海苔。除左拉麵之外都有幾款小食，因為媽咪話要健康Ｄ(?)，所以第一時間已經叫左個柚子椰菜同埋豆腐野菜沙律，而我就因為想食餃子，揀左一陣之後就決定要左呢個大阪燒餃子！雖然人多，但係Ｄ野食都唔係等左好耐，首先第一時間當然係黎左Ｄ小食先啦！大阪燒餃子同平時食開既餃子既形狀有Ｄ唔同，細細塊，少少方形，味道異常地好食，水準之上！豆腐野菜沙律對比較鐘意食濃味野既我黎講略為清淡左少少，但係媽咪就覺得唔錯，話沙律就係應該要清清地咁先好食喎！柚子椰菜正正常常既一個菜，有少少柚子味咁，都算幾開胃小食食到一半到 ，Ｄ拉麵都開始黎埋！辛辣味噌拉麵對唔係食得好辣既我黎講，我覺得辣味都足夠。拉麵都幾大碗，食之前睇過食評話好細碗都有Ｄ驚唔夠食，但係我就覺得對我呢個男仔黎講，食完都

平時排隊排到人山人海既俺流塩らーめん，想食好耐架啦。Vcity 分店又太遠，咁岩今次做完野平日大慨8點半去到，等左15分鐘就入得。事關平時無機會食(唔想等)，又大胃王上身，兩個男人食左超級多野。呢度出名既流塩湯拉面，本身都想試，店員介紹湯底其實都係流塩湯，但只不過其他款式就on top打左其他野落去。重口味既我地就選擇左黑蒜油，同埋芝士辛辣拉面。拉面份量算OK，都有隻蛋都同叉燒。黑蒜油 就穩穩陣陣..辛辣拉面就真係成個辛辣面咁。 塊叉燒就好底讚，事關佢同其實唔同，是燒過的，特別香，好彩我追加左1份。 另外必追加既就係岩海苔，佢會幫你個面昇華到另一個層次。佢呢度有D concentrate 既醬俾你加，黑蒜蓉/柚子胡椒/梅子。膽粗粗咁全部試左少少，但佢地全部都好重味，相信你味覺正常既都唔駛加，因為本身個湯都好夠味。我地叫左好多少食首選推介係個大板流心玉子，有驚喜!夠晒味！另外就係炸雞，炸完又脆又滑。但係豆腐沙拉，味道清身，但個dressing 調味時重手左，偏咸。餃子味道可以但出度黎好似俾人食左兩粒咁。柚子菜就岩鍾意酸野既女士啦。另外不得不提就係佢既梳打水，唔算甜，不是飲到兩罐。

之前去過屯門分店試過唔錯，所以葵芳見到就試多次，但估唔到佢咁多人要排長龍。好彩我係食自己，所以唔駛等好耐就有位啦！不過咁啱人多，就要坐中間嘅 bar 枱（好過坐扶手電梯樓下，俾一堆陌生人人望住食嘢好尷尬）。試過佢嘅鹽湯，咁我一於食熟成湯底。而且見到好多人都大讚炸雞，所以柯打咗個男盛拉麵。咁就一次過滿足晒我嘅所有願望，仲要係人氣推介嚟架，同埋係最貴果碗！呢個拉麵有齊晒炸雞，叉燒同溫泉蛋，咁我就唔駛自己加配料啦！湯底方面，熟成湯底明顯比鹽湯杰身，味道豐富得嚟亦唔會好鹹，係我幾欣賞嘅！你知啦，食拉麵最重要係個湯底呀嘛。而我最期待嘅炸雞就麻麻地，浸咗落湯有啲淋淋哋。如果可以分開上就好啦，或者另點小食可能會好啲。炸雞外皮雖然淋淋哋，但不得不提雞肉仲係多汁係滑嘅，同埋係好大件。其實真係幾大碗，每次食完都好飽，其實以 $88 呢個價錢真係算唔錯。下次有機會，真係要叫多幾個朋友仔一齊試下新小食。