偶遇台北 (矽谷山)

營業中

休息中

有一日午餐和同事去覓食，本來想揀茶餐廳，見到有台灣店，即管試一試。入門口有一位穿着T恤的大叔招呼我們，我以為係廚房佬因為他的T恤十分污糟，原來他是樓面。員工外表唔緊要，食店最緊要食物質素好。餐廳係手機點餐，我和同事各自看手機的菜單，我先行下單，同事仲揀緊。我聽到呢位污糟大叔同另外一個夥計講「喂，佢地落得半份咋喎」，語調表示嫌棄認為兩人叫一份餐咁孤寒。我聽見即刻同佢講我同事落緊單，你唔使咁緊張。 我叫的牛肉麵唔使2分鐘上枱，麵條發脹，好明顯煮落咗好耐，快快灼翻熱，牛肉兩三舊碎牛，蘿蔔仲大嚿過佢，湯底偏鹹。飲品選擇以罐裝飲品為主，台灣麵店連熱烏龍茶都冇，同事飲的手打檸檬茶好難飲。 同事叫的牛肉飯，牛肉同我碗麵一樣又碎又細舊。這店的價錢與食物質素不成正比，服務態度惡劣之餘仲要收10%服務費，茶木價錢相若，質素好佢幾倍。總而言之，偶遇之後可一不可再。

佢個臭臭鍋 臭到出面都聞到 又貴又難食 唔好呃人係台灣野 個肉燥飯少肉到得白飯咁 牛肉麵味精又勁 無餐飲跟 全部加錢 唔會再食 唔會推薦 十分難食 臭臭鍋not recommend not recommend

入到去 無招呼自己落完單 即刻同你講無牛肚 然後個待應自己取消咗張單 完全無再理我哋我哋自己發現個飯比人取消咗再點過另一樣個紅燒牛肉飯啲牛肉好慳 得5舊1.5cm x1.5cm嘅牛肉（ 不過啲味還可以 ）仲有杯飲品 到我食完飯都未到 我再望下啲員工係度做乜一個係度按電話一個行黎行去一個係咁望住廚房完全無人理過我哋到我問佢地係咪漏單三個人望住廚房？做乜嘢完全唔交代下最後黎咗一杯 劣質嘅檸檬茶擺低 又無人交代下 唔會再幫襯就實不過想提下啲唔小心入咗去嘅人姐

只有三枱客都可以漏單。叫完一個牛肚滷肉飯，然後話無牛肚就走咗去，又唔講係要重新落過單定係點。之後自己睇返手機訂單先知取消咗兩個飯，得返兩杯野飲。重新落過兩個飯之後，食完兩個飯，兩杯野飲都未到。問起先嚟叫廚房整，仲要整完又送錯去隔離枱，最後仲要剩係嚟得一杯。前後等咗30分鐘左右先有一杯野飲？？？最終嗰一杯都無飲，決定直接埋單兩個飯走人。望一望張單，咁嘅服務都收到服務費？基本服務都唔掂？絕對唔會有下次。

呢間嘢啲食材用料普通過茶餐廳,飾物質素非常一般,食個酥炸雞扒飯,塊雞扒好似街市買十蚊三塊嗰啲,價錢又貴仲要收一,唔知嗰個10%服務費憑什麼收？,QR code點菜 連水也沒有一杯咁不如直接收30%啦

見鋪頭新開無幾耐，就走去試試，假日唔洗排隊就入到去，而附近得一間餐廳，叫做獨市，但人流又唔多，相信很多人中伏了。我就叫左個滷肉飯雞翼雞蛋飯，滷肉全都是肥豬肉，很肥膩雞翼就3隻，普通滷水味道無咩特別。另外加左杯珍珠奶茶，杯茶甜到全糖咁，唔建議飲。員工服務態度就一般，幾個年輕人打理，不過不失，但食飯中途，有員工掃地，其實掃地應該要開門或收鋪時做，始終會有塵周圍揚起。最後價錢唔算平，但比客既份量同料就性價比極低。

1. 滷肉飯沒有滷肉，量少與圖不符，食落只有一堆肥膏。基本上圖中夾出嚟既肥膏份量就係所謂既滷肉份量2. 鹽酥雞係佢menu圖既1/5 都無，全都是炸粉，肉又係無滷肉飯同鹽酥雞呢2樣食材仲要擺明唔係貴，係要1舊水埋單賺足你99蚊。3. 珍珠奶茶是粉沖出嚟，完全無茶味，飲落大量糖份奶精化學味，飲咗2啖搞唔掂放棄。呢間野簡直劣食之最，無下次4. 地下成地垃圾，食食下野員工先慢慢掃成日叫人留港消費，但香港飲食業當人水魚未見過台式滷肉飯係用100% 肥膏做出嚟如果你想山長水遠偶遇劣食，絕對可以挑戰

在這裏已經吃了兩次第一次職員 也是 在發夢一樣 不知在做什麼 問問題他們很多也不知 或者選擇 說沒 第二次去 有所改變服務態度 比較熱情食物方面 價錢方面 較貴 上次吃了一個 肉燥雞扒飯 白飯多 肉燥 很少 一碗白飯 只看見 兩個五蚊銀的肉燥 得咁多雞扒炸得不夠 鬆同脆， 一口咬 就感覺到 全部都是油 牛肉麵就真的不好吃 量少只是這裏沒有其他吃的 如果有得選擇不會再在這裏吃 價錢太貴了， 又不是特別好吃 飲品方面 有驚喜嘅 蘋果梳打 麥茶但奶茶 要加錢 不是特別好飲 差

四圍行，雖然未餓，趁人少少，就早啲食個晚飯。兩個人叫左台式紅燒半筋半肉麵👍🏻👍🏻👍🏻👍🏻👍🏻，酥炸花枝丸👍🏻👍🏻👍🏻👍🏻，蟹柳粟米起司蛋餅👍🏻👍🏻👍🏻👍🏻。湯麵分量足料，花枝丸夠彈牙，蛋餅好食。服務100分。💯💯💯兩個人去食，無叫飲品。服務員好主動俾兩杯水我地。我都叫左一碗麵share，服務員都即刻俾個碗仔我地分黎食。Total食左$200，合理價錢，推薦👍🏻👍🏻👍🏻👍🏻👍🏻

周末周老公去白石角睇樓，行到攰攰地就見到呢間偶遇台北，所以我地就黎一場偶遇🤭入到去，啲店員都會即刻照呼我地，佢地都好年輕，雖然店員講嘅野都係平時餐廳食野聽果幾句，但feel到佢地態度係好好同好真摯好肯協助你，令我地好似真係去左台北啲餐廳咁🥳再黎就係野食，我地兩個點左一份鹽酥雞捲蛋餅同一個蕃茄豚肉鍋，我真係想讚一讚個鹽酥雞捲蛋餅，佢一次過滿足左我又想食鹽酥雞又想食捲蛋餅嘅願望，我個人非常鐘意，5塊捲蛋餅我爭食食左4塊，我老公正係得1塊🤣可想而知個味道同配搭真心吾錯👍🏻另個個蕃茄豚肉鍋，所有食材都好新鮮，個份量好足，我地食極都重有豚肉🤣食得好開心同滿足最黎想講嘅係，間餐廳簡嘅歌好正，全部都係我地好有回憶嘅台灣歌，我同老公一路食都不自覺地一齊唱左幾句，個體驗好正👍🏻今次呢個偶遇好好🥳💕

這家新開的餐廳引起了我的好奇，於是決定嘗試一番。店內的服務員都是年輕人，給人的印象是缺乏經驗，服務上的禮貌也僅能算是中規中矩。我點了一份台式牛肉麵，牛肉的分量還算滿意。然而，麵條的分量似乎不足，質地也有些問題：一部分過硬，另一部分則過於軟爛，讓人懷疑是否存放了過長時間，失去了新鮮度。牛肉的口感偏硬，味道平平，沒有太多驚喜。至於附帶的紅蘿蔔，咬下去竟是冷的，這點讓人頗感意外。關於飲品，我不太推薦點珍珠奶茶。它更像是在普通的港式奶茶中加入了珍珠，並且缺乏應有的冰塊，完全不符合台式珍珠奶茶的標準。總的來說，這次的用餐經驗讓我覺得一次就足夠了，未來不太可能再訪。加上價格並不算親民，這家餐廳的性價比並不高。希望他們能夠改進這些問題，提供更好的食物和服務。這樣或許未來還有機會吸引顧客回頭。

喺附近屋苑打完波，專登過嚟食個晏。因為知呢度新開，都有好多朋友話好好食，專登行過嚟試吓。啲嘢食賣相都唔差，但係用環保兜就好似食外賣咁，感覺唔良好。同埋個匙羹好似雪條棍咁，𢳂唔到啲麪同埋啲湯。仲有個珍珠奶茶，冇得揀甜度，本身想走甜都走唔到。侍應話一早已經沖好晒最多幫你落多啲冰，但係嚟到嘅時候杯嘢又唔多冰都係勁甜。不過呢珍珠係黑糖珍珠都整得幾好。香酥雞同杏鮑菇正常水準。值得一讚係啲滷肉有肥豬肉唔會過瘦係幾滋味。花枝丸就冇乜特別，另外希望佢改善吓啲牛肋條，真係炆得唔夠淋。不過始終都係新開，相信有好大嘅進步空間。

今日經過白石角望到一間餐廳 之後入去試下叫咗碗牛肉麵及一杯珍珠奶茶. 有套餐，珍珠奶茶要加$18牛肉麵份量充足 蘿蔔入味 牛肉夠腍 湯底夠味 刀削麵 可以多面 還可以少面珍珠奶茶茶味濃鬱 珍珠彈牙 可以 少甜 或者少少甜,正體唔錯侍應服務週到

放假夜晚去試新台灣菜餐廳😗叫咗個滷肉飯(少飯）50幾蚊，加杯珍珠奶茶，個滷肉飯嚟到以為自己嗌錯嘢😌，賣相唔係幾好，滷肉極少，只係得幾條肥豬肉，仲要一條條嘅肥豬肉🐽我食完碗滷肉飯杯珍珠奶茶都未到，叫佢跟進兩次，之後佢就去角落頭拎杯嘢俾我，嗰杯嘢其實一早就放咗喺嗰度，放咗幾個字😅見到店員佢哋好忙咁接外賣單，門面客人其實唔多其實剛開新餐廳，食物質素好緊要，唔可以因為接外賣單而降低食物服務質素希望下次再去會有改善啦

Lunch time 去今日紅雨，屋宛無開小食檔執完野，肚餓諗住試下樓下間台灣野可能因為附近仲未有其他食店所以大部分都係屋宛師傅/工友去食人流未算好多人6-7成左右無餐牌服務哥哥比左個qr code 就走左😂隔離個上年紀嘅工人👷唔識求指教出餐時間大約10-15分鐘左右兩個人👫叫左兩個餐價錢正常價牛肉麵ok 嘅滷肉飯就全部都係肥膏嚟🐽但份量就唔太多正常食量，都覺得唔夠飽5/6成飽肚😂叫套餐但無野飲🌚要額外加錢差唔多走時，有個店員哥哥走埋嚟問我地啲食物點😂我哋都好老實講，紅燒牛肉半根麵ok 嘅份量就好份麻麻地夠咁多工人👷可以試下加多少少🤏🏿店員哥哥🧍‍♂️就話，啲工人話好夠😂笑左，隔離個個都話唔夠飽😂仲話洗唔洗加番比我哋😌同咁多台唔問😅淨係問我哋佢本身以為我地係承建商啲人知我地係住客就話打番個92折比我地好笑嚟喇，到比錢😂😂😂係同無打無分別同要加一😂其實都無預你比咩折扣嘅個人認為份量可以多番啲加上工人都比較大勞動佢地真係都未必夠飽飯至少可以多番小小🤏🏿味道⭐️⭐️⭐️價錢⭐️⭐️⭐️份量⭐️服務⭐️⭐️⭐️（要qr code 落單)整潔⭐️⭐️⭐️⭐️⭐️（夠新淨）