傷心酸辣粉 (金百利廣場)

營業中

休息中

話說傷心酸辣粉嘅口水雞🐥一直系我最愛，誇張到曾幾何時要每個星期食一次先滿足😂。今次行開銅鑼灣，發現佢竟然做埋放題，價錢仲平到HKD99/位，食碟口水雞都唔止哩個價啦，即刻排隊等位😂。講返放題主題可以揀羊腩煲、烤魚、胡椒豬肚煲同埋麻辣鷄煲，每樣都可以食完後加湯變做打邊爐，又幾過癮。可以任添嘅系食品區、飲品區同醬料區，可以任添肥牛、丸類、菜、串串蝦、鮮魷、脆皮腸等等配料。當然99蚊我梗系唔會expect食和牛啦😂，但系要填飽個肚兼令享受下香辣味系絕對冇問題！野飲選擇都算多，講真食辣嘅話要飲佢三五七支冇難度，anyways我覺得自己一定食返本🤩。最後我地選擇咗冬蔭功烤魚🐟，上枱都好大條而且肉厚，炸得香脆，冬蔭功香氣四溢，而且越煮越濃味。魚肉索滿冬蔭功湯汁後鮮甜可口，自選食品中我最中意嘅系炸芋，芋味濃兼好粉，正👍🏻！天氣凍想食下熱野暖肚，不妨平平地試下哩度啊！

係銅鑼灣，突然之間想搵間又好食又平嘅嘢！咁就醒起金百利可以食薯粉！價錢喺商業區之中可以話數一數二平！但係質素方面真係唔係太理想！今次叫咗個肥腸同埋口水雞仲有一個小食皮蛋！賣相都可以話OK嘅！不過味道就真係唔係太OK！因為我見到係一大辣椒油而且唔似其他分店咁同醬油平均啲！分配不均，令到味道質素有一定嘅影響！所以肥腸同埋口水雞個味道會變得一般！口水雞啲雞肉都比較肥！所以變得油上加油！如果瘦返少少就會好啲嘅！跟住有個紅薯粉，表現真係唔錯嘅，起碼唔會太林，亦唔會太硬！個湯底都算OK嘅！唔會話太鹹！皮蛋雖然校個味係OK嘅！鹹鹹地，而且都有唔少蒜蓉！幾香下，但係皮蛋唔係太新鮮，有一兩隻帶苦味，令人有少少失望！其實真係有啲位要改善一下！希望今次只係個別事件啦！

任食羊腩煲$100樓下，你信唔信？而且仲要喺銅鑼灣，係唔係難以置信呢！今天行完工展會，拎住一袋二袋戰利品，肚仔鬼咁餓諗住食碗酸辣粉，點知上到餐廳見到個餐牌有任食羊腩煲咁抵，就二話不說試一試。任食套餐除了羊腩煲外，還有烤魚、重慶麻辣雞煲和胡椒豬肚雞煲。我哋選咗醬香味羊腩煲，分量足夠2⃣️人份，羊腩蚊得剛巧，軟腍入味唔會散，最重要的是食完羊腩煲，仲可以加上湯，無限添加火鍋料：牛排、丸類、魚餅、蔬菜…….任食，連啤酒汽水也是任飲。強力推薦牛肉、魚餅、芋頭條打邊爐。我和朋友吃完這一頓任食羊腩煲後，心想店家比我哋咁食，會不會虧太多呢？！🤣

尋晚約左閨蜜行街同食飯，行行下發現傷心酸辣粉竟然出咗放題，有四款可以簡，包括羊腩煲、重慶麻辣雞煲、胡椒豬肚雞煲、特色烤魚，火鍋配料同飲品任飲任食都只係$128，我地經考慮後，就決定上去試試！一入到去就見到有個大雪櫃放左好多火鍋配料，包括有十多款丸類、時令蔬菜、肥牛、牛肉、雞肉、薯粉等等，另一邊既雪櫃放滿各款紙包及罐裝飲品。我地決定簡重慶麻辣雞煲，侍應姐姐會問你要幾辣，我係一個不好辣的人，但食雞煲吾食辣又吾過引喎！所以我就決定要bb辣。好好彩呢個bb辣都好適合我，我完全接受到，又吾會太重口味。雞煲二人份量適中，食完個胃都會仲有空間試下d火鍋配料既，開頭諗住任食d丸類多數都係麻麻地，點知又吾係喎，又幾ok！食到最後就試下d薯粉，薯粉有粗、幼兩款，薯粉煙煙韌韌，索晒啲汁，真係超正呀！後來仲發現原來2點後入座或6點前離座只係$99，任食呢個價錢真係冇得輸。

SOGO隔離有一座金百利商場好耐以前喺入面嘅Cafe食過飯印象中入邊有幾多餐廳選擇所以今次難得喺附近出現想搵餐廳食嘢就上去望一望太耐冇嚟，原來5樓全層樓都係餐廳自己好鍾意食辣野，見到有「傷心酸辣粉」應該啱胃口，就入去坐低見到餐牌之後好驚訝，原來「傷心酸辣粉」係有羊腩煲、烤魚、雞煲放題！平日四點幾嚟到一位只係$99 ，火鍋配料任食，飲品任飲！仲要醬料免收費，又免加一服務費！呢幾日天氣都好凍，揀咗食羊腩煲暖暖身！🟠羊腩煲$99一位×2 位揀咗醬油味，羊肉入晒味，一啲都唔羶，仲好稔！好鍾意個Gas爐好夠火，成個煲真係出晒煙！同朋友一齊食，兩個人份量啱啱好！🟠之後加湯打埋邊爐，自助形式出去拎材料，都好多樣化，肉類、海鮮、蔬菜類、丸類，一應俱全！🟠飲品亦都係自助，汽水、盒裝、樽裝，隨便揀！特色飲品需要另外收費，但係都估唔到有咁多選擇，點左杯豆花奶茶$25，奶茶係正宗茶餐廳口味，絕對係我杯茶，豆花好滑，多咗重口感！連龍鳳檸樂$25都有！有時茶餐廳都未必提供到！🟠小食都係幾頁嘅選擇！黃金花枝丸六件$21花枝丸好彈牙，外皮炸到金黃煙韌，配埋泰式辣醬，好滋味！紅油海蜇$35好大份好味爽口，最重要係少少辣

📍傷心酸辣粉今日去開銅鑼灣，見到傷心酸辣粉有午市有烤魚放題，佢哋嘅放題有羊腩煲或者冬陰功烤魚，午市仲要100蚊唔洗，試下都無妨🥸👅烤巴沙魚冬陰公放題 $99湯底夠酸，有冬陰公既開胃效果🤤大大條魚，有煎香過，做到金黃色外層👍🏻全部啖啖肉，肉質一啲都唔梅，我本身唔好食魚都清左半條🙊外面有雪櫃放左啲丸/肉/菜/蝦比你任食☺️有室溫同凍既飲品👍🏻👅豆花奶茶 $25當然有得加錢要特飲，呢個豆花奶茶，茶味香濃，唔會太甜，仲有豆花過口癮🤤👅椰汁涼粉冰 $25椰汁底好香，涼粉份量多，夠邪惡，又解辣🥵

🌶銅鑼灣快靚正烤魚🐟•話說👦🏻有時都會想食任食邊爐，但聖誕食左2次有啲悶就試下烤魚，點知佢又ok渦😆估唔到#傷心酸辣粉 個冬蔭功烤魚都不錯，平靚正之選🙌🏻•$128 兩位起就有烤魚，仲可以任食火鍋配料，免加一👌🏿其實仲有羊腩煲啊雞煲但係我哋一心想是烤魚就無揀。整體來講，這個價位cp值算係咁，我都係志在食魚+薯粉🤤佢飲品仲要都係任飲😅有時想簡單食下辣野都係唔錯既選擇～下次會試埋佢嘅麻辣味👍🏻•我哋仲叫咗一個夫妻肺片，但係就偏鹹少少送飯會好啲～位置都算方便🙌🏻

傷心酸辣粉 (金百利廣場) (銅鑼灣)平時酸辣粉就食得多，原來而家仲有羊腩煲、重慶麻辣雞煲、胡椒豬肚雞煲同烤魚食，價錢係 $99/128 就可以食到火鍋配料放題，仲有汽水同啤酒任飲，無需加一服務費，好抵食。。🌟烤巴沙魚冬蔭功烤魚有四款湯底可以揀👉🏻冬蔭功味、麻辣味、酸菜味 、蒜香味。我哋今日試咗冬蔭功湯。湯底有少少酸同辣，另外好重香茅味，同烤魚都幾夾。烤魚預先油炸過，外皮似食緊炸魚皮，魚腩會比較滑，其他位置肉質都幾實，好在唔會太多骨。仲會有唔少芽菜同菇類。。🌟火鍋配料食完烤魚之後就可以加湯打邊爐。火鍋配料可以喺出面嘅雪櫃拎，有基本嘅肉丸類、腸仔、肥牛片、雞肉、蝦串、魷魚、蔬菜。味道都正常。如果驚唔夠飽仲有寬粉、薯粉同年糕，寬粉同薯粉好啱打邊爐食，好索湯底。。🌟飲品另外飲品有紙包飲品、茶、汽水，竟然仲有啤酒。。口水雞（上例) (小辣）$48另外叫咗款招牌小菜口水雞，上例冇下例啲肉咁滑，醬汁好香麻油味，仲有唔少花生，叫咗小辣我都覺得好辣😂。📍 傷心酸辣粉 (金百利廣場) (銅鑼灣)銅鑼灣記利佐治街1號金百利廣場5樓R3室

口水雞好滑好食 用app嗌好抵 份量正常 我嗌左多麻 夠麻夠酸好正 因為我系重酸人士😂所以叫佢地另外比多盒醋 佢地態度都好好 五會嫌你煩 因為其他分店態度超差 會再次幫襯銅鑼灣呢間鋪

去到銅鑼灣 唔太熟路知道最多嘢食就係金百利廣場入到去每層都有不同餐廳-今次就隨心選擇 去咗食spicy 嘢又係好耐冇食 因為屯門好似冇分店入到去唔想食雞 凍食所以就叫咗個全日餐 - 蒜泥白肉酸辣粉可惜，原來蒜泥白肉都係凍食味道一般 不過不失而酸辣粉就同以前水準一樣麵身彈口 湯夠清而有味好喜歡💕好可惜我叫走花生 🥜 但仍然有俾花生換咗一碗 食食吓 麵係發現有花生🥜如果有對花生敏感要留意👀 一定要確定有冇花生最後我選擇自己整走算啦

同朋友晏晝過黎食。。點餐嘅時候 嗰女侍應問要咩辣 我問有咩辣揀 佢答完我之後 我就諗左一陣要小辣定中辣(最多5秒左右) 佢個樣就即刻勁惡死又翻曬白眼咁 我朋友坐我對面都俾佢嚇親- - 我快快脆脆揀完中辣 佢語氣勁難聽咁講 「你食得落咪揀囉～ 」？？？自問唔係麻煩顧客或者得罪過佢 入到餐廳後就揭餐牌嗌野食 想知道佢咁樣係咩意思？😅😅😅😅 不過野食係好食的 粉好食 口水雞特別好食 但嗰位印象中應該係短頭髮既女侍應真係令人感覺極差💩💩

超過十年冇食過傷心酸辣粉因為十幾年前唔食得辣嘅我真係食到我好傷心!! 唔敢再去🥲長大後…食得辣~又俾其他選擇吸引咗而忽略佢😅估唔到原來佢而家有烤魚食‼️‼️‼️我一心諗住上去食辣薯粉㗎咋~點知友人話食<<重慶香辣烤魚二人套餐>>($259)好刺激!!!! lunch就去咁盡🤪二人套餐份量豐富! A-D 四項各選一款已經擺到成張檯都係🙈烤魚盤入面仲有好多芽菜、蓮藕、豆泡、芹菜、金菇、百頁結同雲耳!!!全部都係嗦味之選😍烤魚好香好入味而且離骨~可以輕鬆夾到啖啖魚肉😋食到半飽都仲有好多魚肉! 真係好大條好抵食! 其實佢單點都係$199㗎咋🤷🏻‍♀️佢嘅外皮仲好香脆，浸住麻辣汁非常惹味👍🏻啱晒我呢啲平時打邊爐食炸魚皮都淥兩三分鐘嘅人!腍晒入晒味先係皇道🙆🏻‍♀️薯粉真係好正! 軟硬度適中!食呢啲重口味打邊爐又點少得薯粉🤤明知食唔晒都要叫套餐都係為咗佢🤫我哋為食…仲叫咗兩款小食🤦🏻‍♀️雖然眼闊肚窄食淨咗但絕對冇令我哋失望💁🏻‍♀️<<涼拌茄子>>($25)冷盤嘅佢(?)又唔係真係凍㗎喎~因為茄子要走一走油先好食! 所以佢係微溫嘅~~~淋埋蒜油真

食到傷心既酸辣粉?今次係食辣既,黎到好出名既傷心酸辣粉口水雞 酸辣粉 辣子雞 木耳涼拌口水雞雞件夠滑嫩 加了辣湯浸住佢食,入口冰涼香辣 係幾好食既凍盤前菜木耳食到麻油同醋,幾香之餘帶點酸,入口係脆脆地既酸辣粉加肉醬 粗薯粉超吸汁 大蔥花生肉醬撈埋食又麻又辣又香口 薯粉好粗身有彈性辣子雞 有花生腰果,雞件爆到入曬辣味 當小食好惹味銅鑼灣記利佐治街1號金百利廣場5樓R3室消費$200評分7/10

真係好耐好耐無食酸辣粉，以前第一次食既時候， 驚為天人🤓，覺得好惹味好好食😍。 薯粉夠煙韌，酸辣度有勁，配菜榨菜花生都好好味。 諗起都流口水😂😂。不過之後多咗好多唔同嘅米線鋪既出現， 傷心酸辣粉就食少咗好多😅。今日喺銅鑼灣見到，即刻第一時間去 幫襯， 但係發現而家嘅味道已經同以前唔一樣， 冇咁酸冇咁辣同埋油咗好多🙄， 薯粉好似比較幼同淋， 榨菜變得好奇怪， 好長嘅一條條，唔識形容， 冇咗榨菜應有嘅爽脆口感😌。總括真係而家冇以前咁好食， 不至於話好差，但係唔會令我掛住佢😅。

傷心酸辣粉算是第一代把酸辣粉這個概念引入香港的餐廳了還記得細個第一次食時woow～真有點傷心嘅感覺呢可惜我唔知係咪呢家選擇多咗感覺辣不夠嗆麻不夠痹酸不夠酸普普通通而已