儷廊咖啡室 (裝修中)

爸爸公司每年的年夜飯都會在不同地方吃buffet 試試看，這次選了九龍城晚餐buffet 六時開始，成人價錢為$358長者$198餐廳格局較為平民化不過星期六晚的食客都很少包的選擇都不少左上三款酒店自家撈起的沙律相當不錯，料很足，又不會下太多沙律醬很home made feel 的壽司🍣木糠布甸、芒果布甸、啫喱 中規中矩咁啦⋯左上冬甩🍩有點偏甜、右邊黃色芒果大福挺不錯👍🏻很軟很軟 、又彈牙movenpick 小雪櫃裝著雀巢杯裝雪糕，😅😅有熟食取的區域熟食的扇貝咕嚕斑塊很不錯噴泉是正正常

對上一次食富豪東方自助餐已經係十幾年前估唔到十幾年後會差到咁首先 成個環境格局都唔似食自助餐嘅地方要形容嘅話 我會形容為一個canteen食物同飲品分佈又好奇怪 東一忽西一忽野食又fill得好慢到重點啦 食物方面真係非常差1) 無諗過movenpick雪糕櫃𥚃面係裝雀巢雪糕2) 每位送嘅半隻龍蝦 都唔知係烚定蒸 總之就係淡又overcook3) 熱盤方面我真係揀唔落手 椒鹽瀨尿蝦啲肉係係霉嘅 有個印度area擺啲印度咖哩同脆片就算4) 自動咖啡機無咖啡 只係出奶同水5) 甜品....一樣食唔落口，唯有食雀巢雪糕同自製pancake6) 壽司舊飯真係好硬 懷疑唔知擺左幾耐我未試過食自助餐係要食麵包同pancake填飽個肚就算有半價coupon，我都係覺得完全唔值!從來無諗過要寫食評，但今晚食完真係忍唔住要反映吓希望富豪東方會改善吓自助餐嘅質素 呢餐係我食過最差嘅自助餐無下次亦唔敢有下次

臨近聖誕佳節，飯局特別多，今次就來到九龍城富豪東方酒店儷廊咖啡室吃大餐，自助晚餐換上「東瀛•鮮味」主題，主打日式海鮮爐端燒，最近還有推廣優惠，星期一至四成人每位只需$318已包加一，星期五至日、公眾假期及其前夕成人每位$338，以酒店buffet來說，價錢不貴。餐廳環境寬敞，座位之間不會排得太擠，店員勤快收碟執拾，坐得舒服自在。加上臨近聖誕節亦有不少佈置裝飾，添上濃厚的節日氣氛，可以打卡影相。吃buffet 當然必吃冰鎮海鮮，款式有松葉蟹腳、海蝦、黃金螺、藍青口及蜆，而且全程一直有refill。我自己就最喜歡吃蟹腳，爽彈蟹肉雪白細膩，鎖住原始鮮甜海味。魚生刺身都是即叫即切，來貨夠新鮮。龍蝦每人限取半隻，肉質鮮爽，而且龍蝦膏亦夠飽滿。爐端燒帶來多款熱辣辣的串燒美食，再掃上特製醬汁帶出食材的鮮味及香氣。爐端燒款式繁多，包括鯖魚、雞翼、青口、海蝦、瀨尿蝦、帆立貝、牛舌及芝士腸等等。個人推介燒鯖魚，火候和時間都控制得剛好，魚肉可口多汁。熱盤款式頗多，大多以中式為主，薑蔥蒸龍脷柳魚肉鮮嫩，不會蒸得過了火候，高蛋白低脂肪，可說是老少皆宜的菜式。薑蔥炒椒蟹蟹肉炒得夠鑊氣，鹹香入味，惹味得令人停不了口

放工後, 約咗同事嚟富豪東方酒店嘅儷廊咖啡食晚飯,我哋點咗三文魚,金槍魚,北極貝,三文魚帶刺,北極貝好小只,味道一般。甜品方面,芝士噠香嫩可口,仲不錯。飲品相對多,味道無太特別。服務中規中矩,性價比一般吧!

食物味道不如理想，可能本身是要求高些，來一次夠了。看見其他人寫食評都是一半半，食物質素與定價有相差，只是取了優惠折扣就試一試，款式也沒多選擇，可以有改善空間。都只是個人意見。

朋友有7折自助餐券，咁佢生日咪去book富豪酒店食下自助餐同佢興祝下，點知佢唔係book尖沙咀係book咗九龍城，我諗住同一間酒店應該食物質素差唔多，咁就費事改咁照去九龍城喇。 一入到去伏，成間野得兩台人客。 間嘢嘅裝修都完全唔似係酒店既自助餐， 似係靚少少嘅茶餐廳多啲。佢嗰度食物款式唔多，最吸引嘅應該淨係得龍蝦同埋蟹腳，最令我驚訝係任食自助餐竟然有限每人只能夠攞半隻龍蝦。 蟹腳雪味太重有冇咩味，魚生就淨係得三文魚同八爪魚ok. 甜品反而有驚喜，佢個葡撻同埋芝士tart都幾好食七折咗都差唔多要四百蚊買單呀係唔會再幫襯。

一開始見到近日既食評好似唔錯，而且媽咪生日，諗住呢間又近屋企，收工同屋企人去食都唔會太趕，可以好好享受一下，所以就打去訂位點知真係大失所望一落到去，感覺非常光，同一般既酒店自助餐感覺完全唔同裝修亦似普通餐廳，完全冇酒店既感覺只怪自己睇食評睇少左呢樣如果想要氣氛既食客，一定唔會選擇去光顧既客人真係小貓三四隻，全場二十人都冇原來係因為食物種類少、質素強差人意魚生區長期冇人唔錯既就係蟹腳唔會太鹹、沙律都唔差環境雖然光，但都幾乾淨，呢樣都值得一讚即使用左生日優惠，七折後都感覺完全唔值咁既價錢

黎九龍城吾系淨系食泰國菜，試試其他先，今次試富豪東方酒店既自助午餐先，雖然地點吾系好方便，裝修又娘娘地，又多大陸人光臨，但系168蚊有魚生，青口，沙律，有十多款熟食，甜品款都算多，有燒牛肉及燒豬肉，燒豬肉好鞋囗，燒牛肉都ok，咖哩都幾好，拉沙湯米都幾好，可以試試，但雪糕明明系movenpick ，打開雪櫃系牛奶公司，好失望，酥皮蛋撻做得好，酥皮香，又鬆化，蛋濃，依度甜品都幾多選擇及任飲茶，咖啡☕️，價錢算抵，服務一般，冇人收碟

雖然門面裝修好娘，但估你唔到咁多野食，個韓式腩肉，生蝦（又甜又多肉）同埋豆腐花我最愛！（食完發現忘了影相😂）好好味，想追加但已經到尾聲因爲食左好多碟🙎🏻🙎🏻🙎🏻，埋單4人食只是百尾200蚊，下次都會再黎食😝😝見格離台食好多🦀🦀🦀不過我只食左點點因爲食法太麻煩，如果大家鐘意食都可以食多點，🦀味都唔錯。

尋日係慶祝屋企人生日，意外地搵到呢間性價比都高既餐廳，超水準既食物質素，大眾化既價錢，尋日星期日晚去唔太多人，可能位處於九龍城，無地鐵直到始終有些不方便，但有咁既質素我又覺得唔介意特登搭車黎，睇下有咩食先😋

我都試過好多間酒店下午茶自助餐，主要都係帶小朋友去食下甜品。但估唔到呢間有肥美三文魚仲有龍蝦仔都幾新鮮，最主要係有甜品質素唔錯翡翠螺就有沙，爭啲。熱薰款式不多但勝在味道可以入口唔錯，中湯溝左水淡啲無味。

中伏的自助餐，未試過咁樣的自助餐。單個餐廳環境就好似十幾年前去歐洲旅行住青旅社食早餐的餐廳咁，再看食物，款式不多之餘還數量不多，三文魚仲要有骨，佢真係賺晒。唔使錢都唔會再去食，地方又唔就腳。超失望超失敗的一次晚餐。本來打算九人去，後來覺得兩個細路都唔係食嘢的，所以減左三個冇去，仲有一個仲未收得工，見到咁既情況，立刻叫佢唔好黎，寧願番屋企食公仔面好過。好采最終減左4位，如果唔係，一中伏就九個，我覺得超委屈。比300元去酒店食腸仔包，我諗（未食過）去半乜酒店或乜島酒店買都唔使咁貴。

晚餐buffet 海鮮有螺，青口，小龍蝦，長腳蟹，蝦，煙三文魚。刺身有三文魚，魚，八瓜魚，吞拿魚。熟食有炒蟹，羊/牛/豬扒，泰式蒸魚，燒五花腩，雞，生滾粥，印度咖喱，串燒，自助火鍋，中西式湯等款式不是太多。最吸引都係甜品，選擇多而且味道不錯，有movenpick雪糕任食，多款蛋糕，每樣食一件都飽。仲有飲品櫃，多款紙包飲品選擇。我最鍾意泰式蒸魚和燒五花腩，螺，長腳蟹和甜品。用酒店自助餐優惠價算扺食 。

想食酒店Buffet 唔一定勁貴嘅！最近去咗富豪東方酒店食佢個Dinner Buffet，東九龍區黎講都算幾抵食啊！海鮮有長腳蟹、蠔、帶子、小龍蝦等等，熱盤冷盤都款式都算多架，最令我驚喜嘅係勁多甜品食，專人整棉花糖、Pancake、刨冰、豆腐花、龜苓膏、朱古力噴泉、仲有Movenpick雪糕，我諗有超過三十款，甜品控必試～～佢熱食就唔算好吸引喇，但我覺得呢個價錢黎醫飽個肚再狂食甜品，係正的！

首先，本人等升降機的時候，大批中國同胞沒有秩序地迫入升降機內，多次插隊，接待人員看見都沒有反應，十分討厭。然後，本人進入餐廳的時候，此間服務水平極度差，比曬面色客人. 明明一早book好左位，但係好似沒有安排咁，場面十分混亂.......一點都沒有服務精神，多次安排你去不同位置坐，擾攘左成差不多10分鐘才安排到位置坐下。本人是7:30場，但是入到內感覺自己好似食到人地未場。食物又少款式，近8成是空碟，又唔補野食，好似怕你食到他蝕本. 要用到群眾壓力, 在空碟前排超長龍，不斷不斷叫工作人員補先不情願地補少少。 不到3秒就再變成空碟........大陸同胞又多，當食物一到就一窩蜂去搶的，都唔識禮儀。最後，本人在此強烈地表明極度不滿意此餐廳。絕對不會再次光臨