元朗冰室

營業中

休息中

其實元朗冰室食物質素唔錯，但服務就真係一般。。有d待應好似黑口黑面!個冷氣凍到好似想趕客走，問他可否較細小小個冷氣。。勁悔氣話無得較都係方便同食物ok先再幫襯。。不過嘢食到左都好快就凍左，因為個冷氣太凍

我同老公都好鍾意去深水埗嗰間元朗冰室食晚餐因為覺得啲豬扒又好食又大件，而且其他餸都不俗所以見到尖沙咀新開都好期待不過老公係尖沙咀返工就自己偷偷地黎試咗一個午餐老公報告話呢間比起深水埗差左，所以我同老公係冇嚟過呢度食午餐同晚餐嘅不過今日想食早餐，就同布歐去試下有幾唔好食啦賣相okay，D蕃茄容好夠味有蒜蓉厚多士👍🏻仲有一杯熱飲我又唔覺得好差啫，起碼有味，而且牛肉又唔少，我仲差不多飲哂D湯添🙈早餐Okay 喎😎

住在元朗，但是在尖沙咀先食到的元朗冰室，的確有趣！半夜11點，又是收工食宵夜的時間，要找些收得夜的食店的確有點難度！記住唔好去錯，身處尖沙咀的，收凌晨3:00am👏👏厚豬扒專門店，厚豬扒是必食之選！😋😋今次我食☝🏻呢個，炸雞🍗都好出色！辛辣麵🍜，不是好多餐廳可以食到，辣粉是自行加添，隨個人口味！炸雞🍗，高溫即炸，皮脆內鬆軟😋，唔會好乾！💁🏻‍♀️紅豆冰，凍奶茶，是冰室必飲首選！

又到午餐時間，係尖沙咀返工諗食咩總係好頭痛，太多種類選擇都唔係好事，每次都有選擇困難，今日誤打誤撞去咗呢間冰室食午餐，但其實都2點夠鐘食到佢個下午茶我揀咗咖喱豬扒飯，上枱時都覺賣相唔錯，但入口咖喱汁同豬扒都唔夠熱，得個暖字，咖喱椰香好重，唔係我杯茶，未算惹味，飯有點過硬，咖喱汁撈飯食都算還可以，而豬扒都幾薄，入口有點炸定煎乾身了，配菜有洋蔥青椒，反面幾新鮮好食，餐配熱飲，熱檸茶有點過淡，茶香味唔夠，個餐要成$48好唔抵食

First time to try this restaurant after recommended from my friend who works in Tsim Sha Tsui. It's not bad but quite oily and I couldn't finish the rice as there are 2 thick pork chops. The price is reasonable and I won't try again in the short time.

路經尖沙咀，去左「元朗冰室」。星期日晚市八點幾，唔太多人係度食，加上鋪頭好大間，大把位坐。呢間最出名係馳名厚豬扒，真係好厚好大塊，大塊過你塊面。豬扒外脆內軟，口感一流，仲要好多汁，勁正～不過司華力腸得半條，感覺有點小家。另外叫左一個炸雞髀蒜茸多士辛辣麵，炸髀香而不油，不比厚豬扒差。蒜茸多士不過不失，辛辣麵正常水位。二人晚餐一舊水落到樓仲要食到你又飽又滿足，係尖沙咀真係邊度搵？誠意推介尖活咀「元朗冰室」，平價之選。PS 啱哂毒L一個人食～

尖東近漆咸道附近一帶，最近熱鬧起來，繼“紅磡冰室”後，隔離不遠剛開了這家“元朗冰室”，附近二三百米內一大堆港式茶記供應，抱住一試無妨的心情下去試試吧。坐低第一時間當然係睇餐牌啦，$34正常茶記的沙爹牛肉麵+炒蛋。咦喂，正常茶記係沙爹牛肉麵+炒蛋，再加多個餐腸腿（其一）喎，做咩少左樣餸既？（凍飲加$3）啊，原來係加左個“香炸蒜蓉厚多士”，係好多茶記都開始提供厚多士既情況下，又即管睇下什麼神物可以正到減左一款（餐腿腸）先再作考量。我好想理解一下，呢隻厚多士（見圖）係要咁燶先係上乘之作定係點呢？可能係我唔識食呢？歡迎留言話返我知，增廣見聞都好呀！炒蛋（見圖），好散修修好碎，絕不綿滑又散開一粒粒，，級別大概係老麥既早晨全餐炒蛋咁樣，好似食緊粒粒雪糕咁，堅係粒粒皆辛苦的。至於杯飲品，茶味係有的，呢部份不應抹殺，但我無叫少冰，來到係咁既樣，大家參考返。（凍飲加$3）沙爹牛肉麵，平平無奇，隔離左右的紅磡冰室，四叔餐廳(Uncle4)，新豐明苑，icafe 等等等等都在其之上。結論，附近兩三百米其實係有好多間餐廳供應港式早餐的，例如上文提到的紅磡冰室，新豐明苑，icafe，四叔餐廳(Uncle4)..

工作關係，間中早上要到尖沙咀，並在附近吃早餐。昨日經過金馬倫道，試吃開業不久的元朗冰室。這間茶記，距離紅磡冰室只有兩個舖位。三月時我已寫了紅磡冰室的食評，因此這篇食評，主要是在各方面來比較兩間冰室。元朗冰室的面積與紅磡冰室相約，地方同樣寬敞。但在裝修方面，紅磡冰室走的是型格路線，全店以黑色為主調，有點似間酒巴，侍應也是冷傲型的年青人。元朗冰室的裝修則是明亮和親民，感覺上舒適點，侍應全部是中年阿姐，服務較為細心體貼。價錢方面，元朗冰室比紅磡冰室稍低一點。星期日早上，食客稀疏。我點了B餐($34)，有金牌沙嗲牛肉配米粉、嫩滑炒蛋和香烤蒜蓉厚多士，餐飲要熱奶茶。我先吃多士，茶記早餐很少會供應蒜蓉多士的，因為工序較多。這件多士是即烤的，做得金黃鬆脆，香草和蒜蓉的份量不多，但味道仍然甘香酥軟，比牛油多士討好。炒蛋果然嫩滑，蛋味濃郁，稍嫌油份過多，且放置一會已滲出蛋水，影響了觀感。沙嗲牛肉米粉甚為好吃，伴隨的少許蔬菜，值得加分。這裏的牛肉是大片厚切，做得稔滑入味，香濃酥軟。我最喜歡沙嗲醬的味道，是地道的港式茶記風味：鹹香杰稠而重口味！相信配公仔麵更為滋味，這個米粉只是正常水平。奶茶亦不錯，重茶味又

宵夜好選擇，食物質素高 👍🏻 地方大，坐得舒服Liverpool vs 皇馬前夕，當然要先食飽飽😍見到間野地方寬敞，裝修又幾骨子，就坐低。夜媽媽嘅茶餐廳特式，當然係要有好多麵餐選擇 👍🏻 叫個特餐沙爹牛麵，跟餐有厚多士炒滑蛋，咦！加多個餸都係$3？ 「加多隻煎蛋吖唔該」 咦！仲可以選擇煎蛋、反蛋、太陽蛋 😍 Honey叫個雞扒辛辣麵，個雞扒不得了！！彈牙！彈牙，好彈牙！ （重要的事說3次） juicy，仲要入味 ！朋友仔既豬扒加雞扒飯都好正 👍🏻 以茶餐廳幾十蚊（40～70）既價錢，尖沙咀咁既地理位置，絕對物超所值，好有heart 🙆‍♀️

一行五人夜晚去開尖沙咀，見到尖沙咀新開呢間元朗冰室，心血來潮好想食，之前喺深水埗同長沙灣食過，味道非常令人回味，點知今次喺呢間分店中伏! 個炸豬手竟然係可以整得硬到連牙都就黎咬爆都咬唔開，啲肉乾到柴皮。冇辦法食倒，唯有同著黑衫嘅侍應反映返，佢試用刀叉去切，但都切唔開，跟住佢走過去上菜窗口嘅位置（我估應該係同廚師講返），跟住冇幾耐佢行過黎話: ”個豬手係咁架喎，個豬手冇問題。” 跟住我覺得佢可能係唔清楚隻豬手到底有幾硬，基本上連刀叉都切唔開叫人點食落肚? 我話:“咁你試下咬開佢比我睇下。” 佢回應係:“我做緊野唔可以食野。” 佢再講:“個豬手係冇問題嘅，係咁樣嘅，係脆嘅。” 我心諗:“咁嘅大話都講得出？刀叉都切唔開竟然可以話係脆嘅!？係咪當我地真係識分硬同脆!？” 我唯有都同佢講返:“ 我明白你所形容嘅炸豬手食落應該出黎嘅效果，但而家枱上面呢隻豬手並唔係你所講果種效果，係想咬開黎食都食唔倒。” 個侍應好似有啲發悔氣咁話:“咁你而家想點樣？” 佢比我嘅感覺好似係我做錯野咁，我同佢講:“既然我地表達嘅你唔明，你亦堅持唔肯試下食，不如你幫我地取消呢隻豬手，真係硬到完全食唔倒。”佢話:“整左嘅出

終於吃到小時候芝士拉很長的焗豬扒飯啦😋🍍🥩🍅🍝🥫本來在尖沙咀又自然走到厚福街那邊想吃個午餐與下午茶之類。直到在交通燈未轉燈的時候，聽到一位媽媽跟已成人的兒子説又是去厚福街。心𥚃也表示同感，既然不趕時間，就找找看。先看到另一區為名的冰室，但吃過又沒有意欲再光顧，就再走前兩店見到元朗冰室了。近年太多冰室最初標榜著懷舊味道，只維持了數星期又不外如是，炒意底⋯沒有了⋯啦於是碰碰運氣走進了此冰室，看到座位不窄，就算二人也可卡位對坐，然後一看餐牌，價錢在尖沙咀來説尚算合理。因早餐只吃兩粒點心索性點了下午茶的鮮茄厚豬扒飯。還抱著下午茶通常都份量很少。誰知一來到喜出望外，真的有一粒切半的鮮蕃茄、菠蘿（酸甜味道）和炒飯底。當然更是真正厚切豬扒和有熱燙燙的芝士。我雖然是女兒身，但可隊一個飯。

星期日早上9:30， 在尖沙咀搵食，路過元朗冰室這條街，茶餐廳很多，除了元朗還有紅磡… … 最後決定入元朗。 大概是新開不久，環境乾淨整齊，wow~ 估不到這麼大間和多座位，坐下來都幾舒服，侍應不會在你坐的位置走來走去和定眼望著你進食。 $34早餐，這個價錢基本上是香港茶餐廳大趨勢，點了蕃茄濃湯牛肉通粉，配上香烤蒜茸厚多士，熱齋啡。 早餐很快上枱，熱齋啡，咖啡香味濃郁，不慣喝咖啡苦味就要加奶了，而我就是喜歡它苦的味道。 蕃茄濃湯牛肉通粉，蕃茄似是茄膏（只有幾茶匙份量），湯方面，並不是蕃茄湯底，也不是什麼濃湯，非常清淡，牛肉三塊，算是厚切牛肉，不太韌，但未到肉質鬆軟程度，配料有棷菜什豆，這方面值得欣賞，當間間都覺得菜是貴東西時，一碟一碗飯/粉都不會給你一條菜時，這間有良心老闆都肯給幾塊椰菜加幾粒什豆通粉烚到剛剛好。整體來說，只是湯方面略為遜色，如果改良一下，真的是濃湯，會更吸引。 香烤蒜茸厚多士，真的很厚，蒜茸味適中，不會太濃令你吃完全口蒜茸味。 食後感：如果再來尖沙咀找食，會再來幫襯，價錢接受，坐得舒服，食物品質不錯，希望繼續保持水準。