元朗新記 (吳松街)

營業中

休息中

今日口淡淡好想食粥, 就諗起新記, 話哂都係開到黎佐敦既元朗馳名粥店呀。朋友既碎牛粥, 簡簡單單。另一個蠔仔雞粥, 係因為自己貪心又想食蠔仔粥又想食佢出名既雞粥。蠔仔都幾大粒, 粥底有蠔仔粥味亦有雞粥既咸味, 佢地D粥底全部都煲到好綿好綿~食粥必備炸兩配甜醬, 中間既油炸鬼微脆👍🏻依度除左粥之外仲有多款小菜, 清清地叫左條蒸盲曹, 好鬼大條又肥, 所以好多肉, 冇泥味冇雪味, 簡單配蒸魚豉油好已好味。簡簡單單又一餐, 有時想食清淡D黎依度都唔錯!

dinner都想養生，🤩所以食粥就最啱啦，見到哩一間店食物都幾多元化，除咗有生滾粥之外，🥢仲有經典嘅腸粉，小食同埋晚市菜單。同朋友嚟點咗幾樣，🍘都覺得好滿足。當然要試下佢哋嘅xo醬叉燒炒蛋飯，🥚滑蛋真係好吸引❤金黃色食落好嫩滑，而且叉燒嘅份量都幾多，咬起身好有口感，🥠加埋xo醬撈埋一齊食，鹹香惹味非常開胃。另外佢哋嘅腸粉😘都非常都好唔錯，我哋叫咗經典嘅牛肉腸。個皮唔會太厚，😋食起身都幾滑。

初初以為佢係好純粹嘅粥舖，但望一望餐牌發現原來佢選擇好多元化，粥粉麵飯小菜咩都有，所以除咗嗌粥同腸粉都唔小心叫咗好多嘢食~😆😆🔘鮮蟹粥 $56好彩冇叫兩個粥，原來係咁大碗，細細隻嘅蟹都幾鮮甜，足底軟綿綿，自己唔鍾意啲太杰嘅粥，呢度濃稠度剛好!!🔘豬潤腸粉 $27豬膶切得比較細塊冇腥味，腸粉皮幾薄幾滑，夠熱度!! 🔘鮮蝦雲吞麵 $39有五粒雲吞，每粒都幾大，味道唔錯，麵都幾彈牙，發揮正常嘅雲吞麵!! 🔘紅燒脆皮乳鴿 $73比平時食到嘅乳鴿大隻同埋厚肉， 外皮香脆，點少少淮鹽食好味，果然係招牌菜必嗌!! 🔘炸魷魚鬚 $58份量多夠香口，魷魚鬚易咬開唔韌，炸粉可以薄少少🤏🏻會更好!! 🔘可樂 $11🔘七喜龍眼冰 $25茶餐廳格局，唔使加一，平日夜晚唔算多人，街坊叫外賣多，除咗炸嘅魷魚鬚同乳鴿，我哋都覺得其他食物味道好似偏清淡啲啲，平衡返炸嘢嘅油膩邪惡感都幾好~

新記分店唔少，所以印象係唔錯，價錢合理，食物保持水準，而且環境裝修企理！早餐除左一般麵食，仲有粥、糭、蘿蔔糕等多元化炒蛋厚多士，炒蛋滑，油係多，不過未到超多嘅地步，好食＋$3仲可以多士轉菠蘿包沙嗲牛肉公仔麵 $35正常發揮，牛肉淋得黎有咬口，沙嗲入味，不過醬唔夠多，一落湯就沖淡左少少，另外麵底淋左少少仿鮑魚火腿通 $35通粉份量充足，仿鮑魚同火腿量正常

今日返屋企探家人之後諗住食過early dinner，見到附近有間係元朗出名的新記雞粥，咁不如入去試下。首先當然要介紹招牌貴妃雞粥，因為個做法都幾複雜。新記的貴妃雞粥係即叫即做的生滾粥，而貴妃雞就用超過20種藥材如黨參、當歸、桂皮等，加埋蝦乾同埋瑤柱浸製。最後仲會加埋紹興酒先上枱，所以件雞食落去個味道與眾不同，首先會散發出藥材香，更會有陣陣酒味。而粥底就用上泰國的頂級絲苗米，煲到爆晒米花，令到粥底夠晒綿。食粥當然配腸粉，咁叫左個蒽花蝦米腸，腸粉都算夠滑有米香，味道唔錯。另外見到店舖Menu推介火腿炒米粉，咁就叫下有幾特別先。食落去同平時粥舖的炒米粉好唔同，從配料見到認真好多，呢度的炒米粉加入洋蔥同埋蒽段去炒，加埋紅蘿蔔絲、醬油同火腿，所以食落去夠晒香。主食就叫左酥炸魷魚鬚，首先炸粉同出面有d唔同，真係做到酥脆的效果，另外份量夠晒多，成碟都係五十幾蚊，呢個質素同份量黎講係超值。黎到新記當然會叫埋炸乳鴿，呢度乳鴿都係好似貴妃雞咁用多種藥材、香料滷製，浸完後噴上冰水先去生炸，所以做到皮脆肉夠油香的效果最後飲品就係呢度特式的7喜龍眼冰同埋7喜柑桔冰，係大熱天時黎講夠晒解渴！

好耐未食過咁鹹咁難食既炒公仔面 點入口啊 真係食完都要洗腎鹹到苦啊～仲要係正價 唔係下午茶餐添 熱屎辣辣行出去就買左盒咁既野 真係靈魂出曉 踩地雷啦媽咪呀～無下次 打入黑名單

因為見Openrice有個了粉麵關注組,某些餐廳外賣自取仲有折。位於佐敦的元朗新記,他們的牛筋腩麵打折後只需$29。原本以為份量會少點,又唔會喎,牛腩好多,舖滿麵上,牛筋軟腍且骨膠原豐富,牛腩肉亦鬆軟入味,最好味係碗清湯,由於外賣所以分開上,先飲幾啖清甜湯頭,再倒入牛腩麵中,變得惹味香濃,$29這個價錢真心抵食。

✩酥炸魷魚鬚超級推介這炸魷魚鬚，超級邪惡，但香脆可口。真的不能停下，魷魚鬚豐富每條口感也很好，令人回味，還有喼汁配上，更美味。✩貴妃雞粥這裏馳名貴妃雞粥，用上新鮮嫩滑母雞，雞粥十分幼滑，粥的顏色偏黃色，代表雞的味道融入了粥內。粥很綿。✩海蜇燻蹄帶點辣味，作為前菜的好選擇。海蜇較為彈牙爽脆，而燻蹄也很入味。✩紅棗糕味道不算太甜，每件也熱騰騰剛好，口感煙煙韌韌，吃完一件再一件。而薑汁紅棗糕吃下有暖肚作用。✩紅燒元朗脆皮乳鴿這也是超美味的，個人很喜歡到處吃乳鴿，乳鴿熱到剛好，肉質細嫩，最緊要外皮夠脆，香口惹味。個人喜歡加上少少鹽作點綴，令乳鴿味道更突出。

我今日叫咗外賣自取，原定時間去到佢話未有，咁我就再等多5分鐘，我再問佢佢話已經整好，包裝緊。咁我等等下又多10分鐘，嬲嬲地問佢幾時有，佢先至問我訂單號碼係幾多，之後佢佢先至慢慢check 機⋯原來根本就未整好！！！佢冇出聲，我再問幾時整好，佢話起碼要10分鐘，坐下慢慢等。 火都嚟埋同佢講要退錢，先至大聲叫廚房整咗我個訂單先，之後好快1分鐘就有，我打開個粥發覺根本配料唔熟⋯ 今次真係貼錢買難受，永不再去。

好耐無去過粥店幫襯，收工專程嚟到佐敦既《元朗新記》食粥😋元朗店更加有超過30年歷史，係該區非常出名。不過元朗對於我地九龍人黎講都幾遠，係佐敦開分店真係岩晒我地😝🌟貴妃雞粥 $56黎呢到必叫粥，呢款雞粥好多人叫，用新鮮嫰滑母雞、乾蝦、瑤柱烹煮而成，粥煮到軟綿綿，食落鮮甜，真係令人回味無窮🤤🌟鮮蝦腸粉 $30腸粉超足料，每條腸粉都落左兩隻大蝦🤩🌟叉燒腸 $27叉燒腸都一樣咁足料，腸粉又滑，比茶樓既好食，相信下次黎可以叫佢既叉燒飯試下🌟酥炸魷魚鬚 $58魷魚鬚非常酥脆，魷魚味都好香，食落爽口，點埋喼汁食更惹味😍🌟鮮蝦雲吞麵 $39雲吞麵超抵食，好大碗，仲有5粒大雲吞，餡料有豬肉同鮮蝦，好足料，湯底好鮮甜，真係要推介比大家😘🌟海蜇手撕雞 $55以海蜇、雞肉、青瓜製成既手撕雞口感豐富，海蜇既爽脆消甜加嫰滑既雞肉，兩者好夾😌係一道好岩夏天食既涼拌😗

宜家有越黎越多喺離島或者比較偏遠地區既牌子，會黎市區開分店，今次就黎左呢到試下～ 果然幾有風味，尤其係見到有乳鴿🐦同煲仔粥🥣就即刻叫左😎 整體味道都唔錯，幾有港式風味，比起普通茶餐廳既食物選擇更加多，而裝修都乾淨企理，坐得都幾舒服～(5 😍 係滿分，🤩係半分）紅燒元朗脆皮乳鴿 🔥🐦 - $73 (好味指數：😍😍😍😍)係即叫即炸既幾新鮮，上枱既時候仲係熱既🤩 原來紅燒🔥既工序多，對時間既掌控要精準，否則一係唔夠味，一係就有機會比滷水蓋過左肉既香味，炸既時間都要注意⚠️ 如果唔係就會太乾～ 首先要將乳鴿洗淨血水同埋清除內臟，喺瀝乾水後用陳年滷水浸到入味，而滷水裡面通常都有甘草、八角、沙薑、桂皮、香葉、草果等等，然後上麥芽糖水就可以放入滾油入面去炸～ size夠大，有4件幾抵食，肉質幾細嫩又夠厚肉，皮都夠脆，食落有幾正既油香又唔會覺得好油膩，香口惹味，旁邊仲有啲淮鹽🧂可以因應個人喜好決定加唔加，如果再juicy啲就更加好～蠔仔粥 🦪🥣 - $53 (好味指數：😍😍😍😍)係用左泰國🇹🇭既絲苗米煲既生滾煲仔粥🥣，而且係用瓦煲裝而唔係普通既碗，保溫效果會更加好👍🏻 口感幾綿密柔膩，唔會糊狀咁，味道感

聽同事講元朗嘅新記雞粥好出名，大胃想食好耐㗎喇！諗住專登走去元朗拜會一下，始終扚唔起心肝多年之後，新記都開到嚟九龍，冇藉口唔食啦原來除咗雞粥，好多嘢食都聞名其中呢個炸魷魚鬚，勁大碟，炸到超脆超邪惡，點吓醋食更係停唔到口平時食炸兩係好大嚿好油淋淋，感覺會好熱氣，呢碟就切得啱啱好，而且口感清爽，唔覺好油怕食一碗粥唔夠兩個人食，就嗌碟滑蛋叉燒飯，仲要落咗XO醬，惹味之餘，炒蛋滑溜，飯粒口感好好貴妃雞粥就點都食，仲有得拼蠔仔，兩款餸都好嫩滑粥底上晒雞同蠔嘅鮮味，好過癮食咗咁多熱嘢，就嚟個冷盤，海蜇口感爽脆，醬汁入味。生腸辣味後勁強，但味道香濃，份量都幾多辣到呢，一定要飲嘢！龍眼冰加七喜，配搭好獨特，飲落幾有驚喜青檸冰嘅澀味亦令人意外，好吊癮好香檸香

第一次帶歲多的弟弟返教會，但他始終未能投入小朋友的聚會，只會在嬰兒車上叫，因此我便決定帶他去買午飯回教會。推著嬰兒車的我經佐敦道漫遊至吳松街一帶，被我發現了這間餐廳。它叫元朗新記雞粥，但基本上包羅萬有，是一間茶記，因為選擇多，有適合嬰兒食的粥，我叫了大人兩個午餐，及嬰兒食的牛肉粥。午餐方面，大人食的咕嚕肉味道不錯；涼瓜炒蛋的涼瓜美味，但炒蛋太油膩。至於牛肉粥，簡直令我大失所望；明明雞粥，但竟然把粥做得不好，因為首先牛肉原來不是碎牛，是滑牛，這點可能是我不夠小心，因為滑牛太硬太靭，不適合嬰兒，但除此以外，它的粥也很大粒，我最後還是餵了小兒食涼瓜炒蛋，但炒蛋實在太油膩，其實也不適合嬰兒。雖然多元化的餐牌具吸引力，但粥的質素出現嚴重問題，滿足不到我照顧小朋友的需求，另外外賣等待時間太長，製成後也沒有立時通知久站在店外的我，所以我沒法它給予太高分數。

諗住落雨叫過外賣，求其揀間茶記，點知就中伏…食食下個豬扒炒公仔麵，兜面入邊有隻不知名昆蟲，有圖有片唔似曱甴，唔似烏蠅，仲要唔知乜_嘢嚟，隻野手指公咁大隻，黑色有紋，d腳勁長🤮好想嘔……一定唔會再幫襯，痴線，食物極不乾淨……如果今次係堂食，一定可以call食環署封舖……劣評，垃圾餐廳！真係忍唔住第一次寫食評！想食不明細菌昆蟲可試此 元朗新記冰室，推介美食：昆蟲炒公仔麵

佢入面啲粥全部都冇味嘅，好似就係白粥煮完再加啲料落啲碗到，連咸味都冇，好似食緊白粥咁，落啲鹽都好啊，嗌左四碗粥，全部都冇味，一碗都算啦 四碗都冇味 都幾誇張！！！！