元朗新記 (鴻運樓)

營業中

休息中

朋友話想食粥，就同佢地去呢間新記食雞粥，仲叫左幾樣小食，大滿足😋💕貴妃雞粥 $59一上枱就聞到好香嘅雞粥味，最加分點就係用瓦煲，保持到熱力之餘而且非常有風味，粥底好綿，帶有濃濃嘅雞肉清香，粥裡有好多件雞，雞肉都幾嫩滑，果然名不虛傳💕紅燒元朗脆皮乳鴿 $76即叫即炸熱辣辣，外皮炸到好脆，食落脆卜卜，配上准鹽真係幾好味，乳鴿食落都幾多肉💕海蜇手撕雞 $58大大碟份量非常足料，海蜇脆脆的好爽口，手撕雞肉質嫩滑，食落好香麻油味，十分開胃💕酥炸魷魚鬚 $61必食嘅小食之一，外皮炸到金黃酥脆，咬落去唔會成口粉，魷魚鬚入口彈牙可口，仲帶有鮮味，真係好食到停唔到💕菜芯炒牛肉 $86 (套餐包飯、例湯)炒嘅火喉都控制得恰到好處，「鑊氣」十足，菜芯保持翠綠新鮮及爽口，牛肉十分嫩滑，有濃郁牛肉香味，非常惹味

要食生滾雞粥同乳鴿, 邊度使入沙田食呀🫠 做得元朗友, 冇理由唔識黎元朗新記食生滾粥😎 又同豬生嗌咗好多野食, 番完工梗係要食飽啲架啦😄馳名煲仔雞粥再配搭左豬潤, 店員拎埋黎時已經聞到陣陣雞香味同藥材味, 貴妃雞肉質嫩滑, 粥夠綿滑, 唔係講笑, 一煲仔都好夠2個人分黎食了😋再嗌酥炸魷魚鬚, 熱辣辣夠香口再黎小丸子最中意食嘅紅燒脆皮燒乳鴿, 皮脆, 肉質嫩, 味道剛好👏 另外仲有其他小食: 海蜇八爪魚勁大碟, 蒜泥汁脆皮豆腐夠香口, 仲有最愛嘅腐乳通菜, 夠哂鑊氣呀! 食左咁多香口小菜當然要嗌番啲野飲, 嗌左七喜話梅柑桔冰同七喜龍眼冰飲完夠哂爽🤭.📌元朗新記元朗安寧路21-35號鴻運樓地下中7號舖.##hkig #hkfoodie #hkfoodblogger #hkfoodstagram #foodstagram #foodies #foodlover #foodporn #foodphotography #likesforlike #instalike #yuenlong #yuenlong #chinesecuisine #congee #contonesecuisine #元

想同一班朋友聚下，吹下水，打冷必定係首選。但好多時地方都好嘈又或者冇冷氣💦 天氣越嚟越熱，又想食小菜又想歎冷氣，呢間餐廳份量大價錢又抵，都係個好選擇！✨貴妃雞粥 ($59)雞粥大大碗！入面雞嘅份量都幾多，每舊都好嫩滑。粥煲得好綿密，食落軟綿綿，又有啖啖雞味，好暖胃🤤✨ 紅燒元朗脆皮乳鴿 ($76)乳鴿顏色炸到好靚而且外皮好脆，咬落「索索」聲！咬開入面肉又多汁，加埋椒鹽一齊食，真係會食到停唔到😆✨ 酥炸魷魚鬚 ($61)魷魚份量多到嚇親！平時出面啲魷魚都得幾舊，唔夠食🥲 但今次就唔洗就住就住！魷魚鬚炸到金黃色，舊舊都包住簿簿粉漿，做開胃菜一流😚✨ XO醬炒蘿蔔糕 ($58)蘿蔔糕炒到好香，舊舊都好惹味！XO醬份量一啲都唔孤寒，每舊蘿蔔糕都包到啲醬，辣辣地好過癮🤪✨ 蒜蓉炒時菜 ($51)通菜份量又係多到傻！炒得又綠又香。菜類愛好者真係心心眼😍 平時出面有炒時菜貴得黎量又唔多，真係叫唔落。但呢到多個唔會爭住食，可以均衡飲食🤣 🥤七喜龍眼冰 ($25)呢個配搭好特別同少見！估唔到七喜同龍眼冰都幾夾，唔會太甜。野飲入面又有幾粒龍眼肉，口感提升😗🥤檸檬茶 ($21)檸檬必嗌，茶底夠濃，又唔澀👍🏻

好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗細細個成日都聽到沙田先有好味雞粥同乳鴿，今日響元朗周圍逛，發現呢間店有雞粥又有乳鴿，仲見到有大排檔 feel 嘅小菜，招牌上面寫住老字號，由於我唔係元朗友，老唔老字號我真係唔識，見唔係好貴，入去試吓就知真偽啦！🍴貴妃雞粥（$59） 加鮮蟹 （+$15）雞粥一煲上，份量唔少，有5大舊雞，鮮蟹係細細隻嗰種，有半隻。見到個粥有少少黃色，先食一啖粥，粥底好綿滑，有雞油香味，雞唔嚡口仲幾滑，雞皮一定係邪惡但照食，蟹唔算太有肉食，我主要想要佢嘅鮮甜，半隻蟹仔個蓋都有膏，撈埋雞粥食真係一流。🍴紅燒元朗脆皮燒乳鴿（$76）乳鴿個皮好脆，肉質嫩，鹵水汁醃得入味鹹度啱啱好，我自己唔需要再加淮鹽，好味！🍴酥炸魷魚鬚（$61）估唔到咁大碟，嚟到嚇一嚇😂 炸得香脆夠惹味，炸皮唔厚，大條嘅魷魚一D都唔韌，爽口易咬開，食到停唔到～🍴XO醬炒蘿蔔糕 （$58）蘿蔔糕每粒都煎香咗，外皮少少脆身，入面軟身，XO 醬嘅蝦乾炒到好脆，少少微辣，配埋三色椒同洋蔥，好香口惹味。🍴海蜇熏蹄（$58）海蜇好彈牙夠爽，個汁辣辣哋好開胃，熏蹄有5片，都幾厚切，肉質爽，同個酸辣汁好夾！🍴

元朗新記雞粥出名係人都知，但餐廳除左做粥，仲有各式炒炒麵小廚都好出色，雖然無華麗裝修，但坐得舒服，而且價錢都大眾化性價比高，有時諗唔到食咩簡單落去食個便飯都夠晒快捷😉。鯪魚球即叫即炸，炸得金黃飽滿食落仲好彈牙，點埋蚧醬超好食燒味拼盤配白飯個拼盤上檯時超誇張，份量滿滿的一碟，-貴妃雞當然好食啊～秘製配方味道咸香份味又滑溜。海蜇好彈牙，調味帶微辣夠晒惹味燻蹄爽爽的食到停唔到口。--另一款小菜叫了 菠蘿咕嚕肉即叫即炸， 份量超多最重要炸得好， 調味酸酸甜甜 咕嚕肉咬落juicy唔會太乾，撈飯一流。-跟餐除左可以叫例湯花生雞腳 仲有珍珠奶茶 ,珍珠超多～

呢間雞粥我記得我有食過, 今次嚟呢間分店舖面又新淨啲又闊落啲😀 招牌雞粥夠味仲有都好多件雞, 今次仲叫埋馳名海鮮粥好鮮甜之餘仲好足料, 有蝦有蟹仲有帶子同魚, 啲海鮮食落去都好甜好新鮮～天氣咁熱, 淨係食粥唔夠嘅, 一於試埋佢啲小食～ 涼拌手撕雞好勁麻油味, 又少少嘅辣配有爽口海蜇, 當開胃前菜岩晒食粥品嘅時候最鍾意就係配炸兩, 仲加埋佢嘅炸魷魚鬚, 邪惡得嚟又真係好豐富😆見到佢有紅燒乳鴿我哋忍唔住都試埋, 脆皮香口係我由細到大都鍾意食嘅野😬飲品方面叫咗話梅七喜解下膩最新奇係粥店有珍珠奶茶haha, 但係似係港版幻奶茶加咗啲珍珠落去😂 過下口癮都ok

嚟元朗新記 真係一定要食雞粥😋❥ 生滾貴妃雞粥 $𝟼𝟸叫了兩份雞粥下午茶餐分別選配🝮 叉燒腸🝮 豉油王炒麵包飲品雞粥很綿滑!!雞件數量不少 肉質都算嫩好味😋炒麵和叉燒腸的份量 完全不像下午茶餐裡的小吃呢！非常大份⚘炒麵不會太油膩 味道正常發揮腸粉皮就略嫌厚了一點點❥ 香脆炸大腸 $𝟻𝟾這款小吃也是必叫 ( ˶ˊᵕˋ)੭♡品質如其名 真的十分香脆!熱辣辣剛炸起 惹味可口而且份量好多一口接一口的吃 很爽  (⁎⁍̴̛ᴗ⁍̴̛⁎)  🜚 侍應們都很熱情招待食物份量慷慨 味道吸引 價錢又親民值得再訪！

今日放假，到下午茶的時間先食午餐。家人又唔太肚餓，所以諗住叫個麵加份腸粉就算。於網上外賣平台揾到元朗老字號，新記正做緊優惠，就決定幫襯。家人叫咗魚蛋片頭河，河粉好厚，而且又散，魚蛋及片頭十分普通。我叫咗雲吞墨魚丸雙拼撈麵，撈麵尚算OK, 雲吞及墨魚丸同樣一般，基本上同是但一間麵檔無分別。炸兩腸粉，炸兩已經淋晒，腸粉同樣係好厚。整體價錢大眾化，不過食物的質素方面只屬一般，尤其係河粉的質素應該係唔合格。

新記馳名海鮮粥材料非常豐富，粥入邊斑腩、蝦、蟹、帶子，食落去啖啖都有海鮮嘅鮮味，不過相對之前食嘅貴妃雞粥就冇咁香紅燒元朗脆皮乳鴿平時喺出面都好少食乳鴿，難得喺元朗就可以食到，外面塊皮好脆，入面依然仲有啲肉汁，點鹽食真係一流酥炸魷魚鬚碟頭份量好大，性價比極高，有啲類似酒樓，食到嗰種魷魚鬚，外皮嘅炸衣剛剛好，入面嘅魷魚彈牙好味泰式青檸冰夏天飲住在透心涼，酸微微非常開胃燒味拼盤有鼎鼎大名嘅貴妃雞，而且仲有叉燒、海蜇、薰蹄，可以一次過食晒，非常推薦呢個拼盤薑汁紅棗糕一碟有4大塊，紅棗味好香，食囉仲有淡淡薑汁味，啱晒啲怕食到薑汁嘅人，有煙靭有彈牙，做甜品一流

係元朗食宵夜都會諗起新記，食左咁多年，食物質素都好好。舊鋪係又新街，新鋪開左係近西鐵站既安寧路。環境硬闊落。新記最出名既一定係雞粥， 係滑溜既貴妃雞，個粥底十分棉滑，充滿雞油既香味。簡單好味。 另外佢既燒味都係唔錯，有叉燒，乳鴿， 宵夜有乳鴿食真好邪惡，薄脆皮，鴿肉味濃。 叉燒係半肥瘦。 仲有好多燒味小食，海蜇燻蹄八爪魚。樣樣都想食，但叫唔到咁多，海蜇爽脆，麻油香，份量都十分多。 另外，仲可以叫小炒，炒咗碟腐乳通菜， 平時食開佢既炒飯小菜都好有鍋氣。咁樣食宵夜又幾滿足。

夜晚10點幾成條街都冇乜餐廳仲有開，唯獨呢間餐廳燈火通明，諗住求其塊食填肚就算呢間餐廳主打食雞粥，咁我哋都叫咗個粥，炒麵同埋薰蹄海蜇拼盤薰蹄海蜇拼盤真係好難食🥹首先兩款都非常之鹹，係鹹到我食完之後個上顎同嘴唇都腫咗。而且薰蹄好重雪味，雪味係重到無論加咗幾多咁鹹嘅調味料都冚唔到🥴海蜇係最難食軟奶奶霉霉地一啲都唔脆口嘅質感，仲衰過嗰啲即食海蜇🤷🏻‍♀️炒麵好大碟，但係好腍，炒到一啲都唔乾身好濕好油反而個粥真係好好食！份量到好大兜，粥地好綿密，而且好有米香味，叫咗艇仔粥加豬紅，入邊都好足料，食咗頭嗰兩樣本身都對佢個粥冇乜期望，估唔到有出乎意料之外咁好食😳埋單$135 ，除左個粥之外其他兩款簡直擺唔到落口☹️以後想食粥可以返嚟呢間，但其他就算啦

今日收工返元朗晏繼續無煮飯，想食粥同老公去屋企附近 新記食，新記之前都有買過外賣粥食，堂食都係第一次食。我個人偏向鐘意食雞粥，就叫左鍋貴妃雞粥🐔🥣同埋脆皮乳鴿，我老公鐘意香口野就叫左碟酥炸魷魚鬚🦑、XO醬蘿蔔糕，另外加多個奶油豬仔包，最後見餐牌個海蜇手撕雞唔錯就叫埋。新記嘅粥我唔係第一次食啦，平時間中會買外賣返屋企食，佢比起其他鋪嘅雞粥無咁油、同食落咸淡啱好，同粥夠綿👍🏻👍🏻炸魷魚鬚🦑炸得夠脆，入口外層鬆脆，入面魷魚鬚彈牙，調味剛好，整體嚟講好好食😋會令人食不停口😂😂海蜇手撕雞，海蜇夠晒爽口唔錯😋雞肉嫩。我個人都幾鍾意食乳鴿🕊️新記嘅乳鴿都幾肥美，食落唔會太乾，香口啖啖肉又夠入味😋我一個人食左大部分😂😂😂XO醬炒蘿蔔糕我覺得都炒得幾香入味，我老公幾鐘意食，成碟2/3都係佢食晒。另一樣奶油豬仔包都係我老公指定要，食落唔會太甜，味道剛好又夠脆。最後叫左杯 七喜龍眼冰同 一杯珍珠奶茶🧋嚟埋尾，食包飲甜野好滿足好幸福🥰整體嚟講食物質素唔錯，個人最愛係個雞粥😍😍😋😋

經過元朗新記呢邊，見到之前試過個間老字號足料粥店，突然好想食粥，所以唸都無唸就衝左入去😁餐廳入面比較現代化，座位亦比較舒服，幾個人一齊坐都唔會太逼😏香脆炸大腸 $58前菜方面當然要試一試炸大腸，第一次食到甘脆既炸大腸，有種相逢恨晚既感覺😆海蜇手撕雞 $58海蜇爽口，手撕雞肉嫩滑，口感超級豐富😉燒味拼盤 $93想象唔到原來會甘大份，基本上夠2-3人食，加埋隻大雞比性價比較高😎黃鱔田雞粥 $74生滾粥果然係唔同D，粥底做到綿而滑，而且還帶了一點點米香，加上黃鱔和田雞這個配搭簡直一流，令整個粥底更為鮮甜🤩菠蘿咕嚕肉 $61價錢來說比較合理，部分咕嚕肉可以做到脆的效果，當小菜吃實在不錯，加$20可以改為套餐多一碗白飯和例湯🍚養顔蛋白杏仁茶 $29蛋白杏仁茶含有豐富蛋白質、維生素E，而且對皮膚好，本來想點多一碗，不過已經飽了哈哈😂自家制五花茶 & 凍檸茶 $32飲品方面點了一杯五花茶和凍檸茶，五花茶不錯，味道不會太苦✨餐廳：元朗新記地址：元朗元朗安寧路21-35號鴻運樓地下7號舖電話：26182182

👦🏻👧🏻落樓下食晚餐，見到呢間粥品店既貴妃雞粥好似幾出名，就入去試吓。餐廳環境乾淨明亮，裝修木系風格，坐得舒適唔擠迫。貴妃雞粥加鮮蟹 $59+$15粥底夠哂綿滑，貴妃雞肉質嫩滑，一啲都唔鞋口，我地加咗$15加隻鮮蟹🦀，蟹膏係粥入面，令粥底好鮮甜！建議大家都試下呢個叫法🤩！酥炸魷魚鬚 $61一上枱有少少驚訝，咁大份🤩？！魷魚鬚新鮮炸起熱辣辣，表面呈金黃色，外皮脆口，內裡食到魷魚既鮮甜。出面食酥炸魷魚鬚，最怕好厚粉，食得多會膩。但呢到既酥炸魷魚鬚粉漿好薄食，食得多都唔會膩，沾埋喼汁，一條接一條咁食😋！紅燒元朗脆皮乳鴿 $76即叫即炸既乳鴿，偏大隻厚肉，外皮香脆，肉嫩有汁，配埋准鹽食更滋味！椒鹽豬扒 $64椒鹽豬扒份量足夠2至3人食，豬扒軟腍肥瘦適中🐷，加埋惹味椒鹽，好惹味，必叫😍！鮮蝦腸粉 $32一碟有三條蝦腸，每條都包住一隻大蝦🦐，爽口彈牙。海蜇八爪魚 $58海蜇份量幾多，偏向酸辣味，八爪魚🐙爽口得嚟甜甜地，係一道開胃小食。📍 元朗新記 (鴻運樓) (元朗)元朗元朗安寧路21-35號鴻運樓地下7號舖

我在open rice 找到〈元朗新記〉，地址在安寧路，我由朗屏(信義幼稚園走到世宙)找得辛苦，由頭走尾為吃碗粥。我入去餐廳看到餐牌見到有粥餐和普通早餐(沙爹牛肉，炒蛋等)，我叫了貴妃雞粥，叉燒腸和熱朱古力($62)。先來杯飲品，再來叉燒腸，最後貴妃雞粥。我吃叉燒半肥瘦和配布拉腸粉蒸好滑，最後我吃貴妃雞粥，大約有6-7件，貴妃雞蒸得好，肉質嫩滑，粥底煲得好綿，我覺得粥太雞油有些油(利)呢？我好彩沒有白來，因我太喜歡吃粥，所以我會再來試吃碎牛粥，炒麵，蝦米腸等。