元気寿司 (海怡西商場)

營業中

休息中

前幾日剝完智慧齒真係諗唔到可以食乜好仲要咁啱搭正聖誕節🎄，真係掃興😮‍💨睇完阿凡達，個肚餓到不得了，就即刻衝去商場睇吓有咩食，難得元氣唔洗排隊 (可能因為已經八點，同埋啲人應該出晒去睇燈飾)由於天氣太凍我哋有嗌熱食同壽司🥶壽司比預期好(大家睇返之前我寫千兩嘅食評比較一下)，魚嘅質素(油香同肉質)都出奇地同千兩差唔多，而且佢平千兩30%，性價比高熱食雖然款式唔多，而且個Menu一直冇乜大變過，但係我哋叫嘅章魚小丸子同炸雞翼都唔錯章魚小丸子外脆內軟，炸雞翼送來熱辣辣，肉質嫩滑，用汁濃厚*但係都要帶定頭盔先，之前試過有優惠活動嘅時候，質素係比而家差好多嘅，啲飯係試過鬆散嘅，同埋啲魚試過切到爛晒，所以都要睇吓多唔多人，同埋撞正個師傅個手勢好唔好🤯同埋佢個送餐火車都幾有創意，其實出咗一段時間，只係我覺得佢個smart detector 可以做得好啲，同埋可以劃一個小area放啲蓋，下面再有一個輸送帶可以自動將啲蓋送返廚房，咁就方便好多，張枱都幾細如果放埋啲蓋就好逼夾如果元氣可以base on 現有嘅menu，加多啲特色壽司、刺身同熱食，會更加吸引整體體驗: 8.5/10

中午到元氣食Lunch😄🍣，呢間分店嘅餐廳裝修得唔錯👏，地方好乾淨💁‍♀️，坐得好舒服👨‍👩‍👧‍👦傾計聚會嘅最佳選擇，餐廳係用手機透過QR code 掃描後然後再點菜的, 旁邊有啲客人唔識用，侍應好有耐性教導，值得加許。啲食物好快送到😁🍗🍣🍤就嚟聖誕，見到啲裝飾物好得意，影下相分享比朋友睇，呢間餐廳值得推介!

今天到了元氣壽司吃午餐，那裏最近裝修成高速線，餐廳的小火車會把你所點的食物運送到你的桌前。環境方面：餐廳裏有很多座位，很寛敞。衛生方面：餐廳非常清潔，但有時還會有餐具和食物殘渣在地上......食物方面：首先是飛魚籽壽司，飛魚籽很新鮮，不會太軟。然後是海鮮日式燉蛋，裏面有帶子、蟹柳、魚蛋、冬菇......材料很豐富。 再是北寄貝沙律壽司，北寄貝非常鮮甜，飯粒很入味。接着是竹輪卷湯烏冬，麵條很滑，魚蛋很彈牙。最後是泡芙，忌廉很冷，很甜。我非常推薦讀者到元氣壽司用餐。

元氣壽司返嚟啦！又係變咗火車壽司，佢裝修到有五條線，本來都期待佢嘅下午茶餐，但係開咗業兩個禮拜，似乎呢間係冇下午茶餐。。。。。。本來開業頭幾日都有特飲飲，但係跟住連特飲都冇埋😔嘢食就來得好快嘅！呢樣抵讚。啲員工又唔同晒，其實大部份都好Nice，唔知點解請咗個𡃁仔黑口黑面，好似我嚟食嘢係我做錯咁，不過我唔想再落香港仔啦！另外個冷氣有時凍得犀利，有時又好似冇😔究竟想點？希望你哋可以做到香港仔咁吸引多啲顧客啦！

住喺海怡半島想食壽司嘅選擇真係唔係咁多！多數都係會揀元氣壽司！唔係繁忙時間唔算多人！一個人都可以安安靜靜享受壽司！人流唔算多！所以回轉枱上的壽司都好像擺放了一段時間！看上去不太新鮮！但都仲可以接受嘅！所以決定落order點的壽司!基本上我喜歡的吞拿魚和三文魚子都新鮮嘅！但係等候壽司製造嘅過程就有一點久！等了15分鐘先有壽司上枱！元氣壽司呢個集團不嬲都有保證！水準都保持到！飯團唔會一攞上手就爛！而且賣相都非常精緻！價錢亦都係可以接受的

晏晝一個人諗住食清啲，去咗海怡半島間元氣。坐低叫咗個$75嘅lunch set。呢個價錢都算合理。我不嬲都唔太喜歡食青瓜，所以就叫我員工唔好落任何青瓜落個set。點知嘢食一嚟到，真係有啲過分。首先係個蟹子沙律前菜。咦？ 沙律醬呢？仲要係蟹子同蟹子要自己動手去撈！之後係main set。亦唔見得比前菜好。你睇吓啲壽司嘅賣相一啲都唔吸引。明明餐牌show左三件炸雞，點知嚟到得兩件。快快脆脆食完就埋單啦。加一之後$82.50。咁失望幾個晏晝餐，我應該唔會短期內再幫襯。

電腦比飛我 得知有10多張檯先到於是去外面行下。接到該店電話話有10張檯+在我前面 當然不會即刻折返啦。於是行多一陣誰知道十五分鐘後回去 已經過籌（好心還有三張檯你就call我啦）誰會咁神心10+檯回去等呢？部分店員努力工作 為低能的叫飛系統道歉部分態度欠佳 未抹檯就叫你坐 誤以為我催佢 結論：都是在市區例如銅鑼灣，九龍灣先好食啦 服務好d熱食算及格 壽司飯係散嘅 幸運味道還算新鮮二人前就慘d 一定坐逼夾Roller位唉

今日去海怡 outlet shopping, 須便食晚飯，想食壽司，所以就近去左元氣。元氣今期極上優惠有三款選擇，我揀了極辛三文魚卷一試。因為佢寫極辛，唔知會唔會辣到噴火。除了極上，我也點了其他壽司、手卷和烏冬。芝麻八爪魚我幾喜歡食，我去襯元氣都會叫。另外，鰻魚手卷和魚籽手卷也可填肚。北寄貝沙律軍艦是軍艦中我較常 order 的一款，煙煙韌韌，有咬口。其他壽司都表現正常，而極辛其實不是太辣，可接受。烏冬飽肚，叫來墊底。食店服務正正常常，沒有驚喜，也沒有 bad feeling.

自從香港仔既峰壽司同板長執左之後，每日元氣都係大排長龍，想食元氣又唔想等，唯有去海怡既分店食海怡既分店唔洗點等位之餘，仍然保有迴轉壽司三文魚壽司我係經常幫襯香港仔分店的，不過香港仔分店既三文魚經常剛剛解凍就拿出來賣了，咬下去仍然有冰感（至少遇到過３次這樣的情況）但海怡依一間就未試過有咁既情況，可能因為仍然保有迴轉位吧？都不及香港仔分店咁忙，質素自然比較穩定辛辣長鰭吞拿魚壽司唔算辣，吞拿魚都唔錯，飯唔會握得太散三文魚腩壽司個人係非常鐘意食三文魚腩的，但依件三文魚腩並唔算好出色，以性價比黎講，我會覺得食普通既三文魚壽司比較抵辣味三文魚軍艦　／　柱子軍艦筋子軍艦滿滿既三文魚籽，顏色非常漂亮軟殼蟹手卷今次既手卷真係麻麻地，軟殼蟹唔脆，而且已經凍左，入面既蛋黃醬亦唔多（下次去食可能要叫佢多醬）炙燒澳洲牛壽司雖然我唔食牛的，但身邊既兩位朋友見到餐單上有就立馬點了，原來自從有左高速線之後，好多間分店都已經無牛肉壽司，根據佢地既食評，覺得依碟壽司性價比都幾高，牛肉都幾大塊！而且仲熱熱地日式燉蛋味增湯抹茶千層蛋糕　／　朱古力芝士蛋糕　／　日本芝士蛋糕抹茶千層感覺普通，無咩抹茶味，但不算太甜朱古力芝士感覺

今日Lunch去左元氣食壽司，元氣食物出品穩定，長期保持到一定水準。三月份有極上優惠，當中試了紅鱈蟹迷你飯，盛惠二十二元正。等了一陣，迷你飯送上，外型討好， 整得幾靚。燉蛋好好食，雞蛋滑而且夠熱，我每次嚟親都一定會叫你食㗎。北寄貝沙律煙煙靭靭，食落味道好吸引。芝麻八爪魚肉質彈牙有咬口。左口裙邊壽司質素高，食物新鮮，令人一叫再叫。鰻魚手捲好抵食，食落又好味。甜品食泡芙，泡芙內外都軟，食完壽司食泡芙就係好嘅享受。

元氣壽司成為了我們假日必會到的地方，貪其可以用手機拎定飛，差不多大約剩番十個時又會通知你，慢慢行過去都得。元氣壽司新年期推出左新口味，極尚甜蝦卷，雖然屬細隻的甜蝦，勝左有好多隻，淡淡肉，好鮮甜。另外，新推出的真調，好鯹，食唔慣，麻麻地。鰻魚壽司，鰻魚件好大塊。近期至愛，左口裙邊，切得好夠厚，食落魚油唧晒出黎，好正！encore 左三件。

團年飯走咗去食壽司，黎咗海怡嗰間元氣，首先佢個位置有少少難搵。今次冇影好多相，淨係影咗個新嘅（天婦羅蠔花卷），同埋一個軟殼蟹手卷，其實我地仲叫咗好多個壽司，不過冇影到每次我都會食兩個軟殼蟹手卷，今次都唔例外啦，但今次我發現呢間分店軟殼蟹手卷嘅軟殼蟹有d細，不過佢嘅紫菜都係保持到一貫嘅水準---就係夠脆身所以呢點係要讚嘅～同埋佢飯都有佢嗰d沙律醬，好有味而新嘅蠔花卷就幾得意，原黎係用兩粒蠔再加炸粉砌成，好似花嘅形狀，下面有飯同埋有一塊正方型嘅紫菜包住黎食，我覺得個蠔唔係幾夠味，唔夠鹹味，我覺得可以加沙律醬，會好食好多。另外我每次都會點個隻燒特大帆立貝壽司，呢個真係十級推介，佢上面嗰d燒過嘅芝士同埋沙律醬配埋舊飯食真係超級好味，17蚊一舊貴咗少少不過都值嘅。BTW我都係鍾意嗰個高速列車線多d，用火車送壽司，因為自己用平板電腦落order冇咁易漏單同埋睇返自己叫了什麼

肥髀搬去海怡半島後，今晚去商場攪晚餐，事先用手機按了遙拒攞飛，去到門口都有幾多人等緊，都要等15分鐘先入座，而家好多間元氣已經改咗列車上菜，呢間仍然係迴轉壽司，不過帶上已唔係放滿壽司🍣！大家都習慣了落order!裝修都係一貫嘅黃色搶眼設計！肥髀在帶上揀咗兩碟，之後就order赤貝（$22）夠大塊又紅卜卜好靚，赤貝爽脆帶咬勁！好味炙燒左口魚群邊（$12）呢個幾失望，燒得好hea，魚肉好油，但啲肉係酸嘅，所以最後唔敢食吐了出來！帆立貝（$17）幾厚肉，嫩滑唔腥幾好海膽軍艦（$25）個樣真係唔吸引，啲海膽溶嘅，雖然食落無腥味，紫菜又脆！螺片（$10）爽口帶咬勁，好味炸蝦🍤卷（$22）帶上取，炸蝦脆，飯鬆軟！蟹籽卜卜脆，味道鹹香，幾好味玉子三文魚（$17）比較怪，玉子厚又乾硬，三文魚唔算肥，太厚一啖咬唔晒！創新得來味道只是一般肥髀食：蟹籽沙律（$19）飛魚子軍艦（$17）柚子雪葩（$24）池川煎茶雪榚（$24）呢款茶味濃，甘甜好味講真食物係失望嘅，尤其個左口魚，燒得唔夠，肉又好酸，海膽又溶晒好醜樣，啲壽司擺盤又怪啲，用好大隻黑碟放幾件壽司！芥辣好啞色，好似放咗好耐（雖然味道正常）以元氣幾穩定嘅

天氣悶熱，唔想食飯，所以諗到食壽司做午餐。但lunch hour 啲壽司套餐唔平，於是就等到下午茶時段才食，因為呢間壽司店的下午茶份量同午餐差唔多，而價錢又平成三份一，好抵食。下午茶有五款壽司盤擇其一，三款小食擇其一，三款輕食擇其一，十分豐富。壽司盤裏的壽司共五件，有熟或有刺身壽司，視乎個人喜好，味道不過不失，但飯團較為鬆散。 輕食則揀了一款炸南瓜薯餅，薯餅應是剛炸起的，熱騰騰，外圍薯蓉炸得頗為鬆脆，內裏南瓜蓉亦頗為香甜，這輕食為這個餐添了不少分數。小食選了碗麵豉湯烏冬，味道一般。整體而言，這份所謂「午餐」尚算滿意，價錢便宜，又能飽肚。

2017-06-23剛剛拔完智慧齒同家人食下午茶，妹妹想去食元氣壽司，於是去剛剛拔完牙口好痛也張不開一口食壽司有點難，於是就問下侍應有冇剪刀，話想將一件剪細份D方便放入口，但店冇供用的剪刀幫我切細份D，非常細心幫我切細。但之後我加點一件壽司，但這次我提出幫我切成三份，我原本想的就隨便切就可以，但過一陣侍應問想要點切，就講隨便切就好，但過一陣壽司師傅也出來問，就講隨便就好，本身沒有任何期待，但見師傅也出來左問右問，跟家人說會出D咩出來，過一陣壽司出來真的超大的驚喜未想到師傅將一件切細成這樣，超級貼心，對於自己的工作非常認真。元氣壽司師傅超級可愛啊！