兆和茶餐廳

營業中

休息中

真的估不到這個賣相極不吸引的星州炒米，味道卻十分惹味，雖然配料比例極不正確，青椒勁多，而肉及蛋勁少，看上去更是冇色冇味，但一放進咀裡，又是另一種東西，辣味夠，咖哩味濃，米粉又不油不乾，如閉上眼吃，真的以為是大師级作品。希望餐廳能改善到色香味俱全……

若果半夜還在荃灣, 又想醫肚, 好經常地我會想起他們做的奶油脆豬是晚亦不例外, 點了一個常餐有大路得不能再大路的沙嗲牛麵, 不好吃亦不難吃耳熟能詳的火腿庵列, 蛋皮偏厚, 不夠滑溜最常點的餐飲熱華田, 華田要好味, 味粉不能落得太少, 煉奶比例要恰到好處, 這一杯算合格縱然以上的都只是普普通通, 吸引我的, 其實只有一分為二的奶油脆豬, 麵飽夠大, 即叫即做, 至於鬆脆程度, 則要碰運氣, 師父心情變幻莫測, 有時外脆內軟非常討好, 有時相距甚"軟"不予置評, 今晚的, 非常合心意

　　是日清日，掃墓完畢，和家人來這裏吃飯。　　我們分別要了常餐，即奶油脆豬，我要了走奶，因正餐不常吃甜，火腿奄列，沙嗲牛肉麵配熱奶茶。以及咕嚕肉飯配熱奶茶。以下分別細談這次的用餐經驗吧。　　牛油脆豬：一端上來的時候真的很驚喜，因為它實在很大，而且夠熱夠脆，牛油在其中與包已經溶為一體，滲透在包裏面，真的值得一讚。　　火腿奄列：賣相欠佳，扁扁的，蛋白和蛋沒有攪勻，因此色澤不均，火腿的量也比較少，油也偏多。　　沙嗲牛肉麵：首先要讚賞的是有菜，是格外的恩典，因為很多茶餐應供應的沙嗲牛肉麵就只有沙嗲牛肉和麵而已，雖然牛肉被梳打粉醃過，牛肉欠缺味道，但沙嗲汁卻是足夠的，而麵的份量似乎也不少，麵質不過不失。　　熱奶茶：夠熱和大杯，但是卻超級多奶，非常膩。　　咕嚕肉飯：因為我沒有吃到，所以不宜妄下評論，但據家人所說，醬汁極佳，酸甜並重，但咕嚕肉被脆醬包著，裏層的肉，沒有肉味，但這也是普遍的情況，可以接受。　　　　

是日早上已經早起床，九塒多便準備出門口，到荃灣與女友會合，未曾到預定時間，便順道吃早餐。來到荃灣兆和街，不乏茶記的踪影。來到兆和茶記，當中不乏常見的早餐，還有的是菠蘿油和鮮茄湯麵等，但是在下卻被炒蛋菠蘿包吸引，於是推門而進。這間茶仔是小店，卻坐了不少顧客，雖未至於全院滿座，但是仍有坐位。在下向阿姐落單，點選炒蛋菠蘿包和一杯咖啡，這樣便是在下一個簡單的早餐。在下對於炒蛋菠蘿包，沒有抱著很大的期望，在沒有要求下當然希望有些期望。炒蛋菠蘿油終於端上，正如在下沒有期望下只是一般炒蛋，不過蛋仍然有蛋香，而菠蘿悁屬於軟熟。咖啡滲透出咖啡香，喝下亦有咖啡味。雖然小小店舖，卻服務幾滿意。不過有顧客付款後離去，枱面還留下了杯碟，店員卻以為顧客行開行埋，並未收拾，可是在下說明了之後，店員立刻將用具收拾，效率之快。

又是茶逆時間，再來熟悉到爛的兆和街，進去了兆和茶餐廳。隨便要了款常餐，是粟米肉粒火腿飯，跟餐有湯和飲品。餐可揀中或西，是晚西湯係羅宋湯，貪佢開胃，即管一嚐。湯算是幾足料，酸味偏重，佐就幾醒胃。粟米肉粒火腿飯是穩陣之選，粟米汁撈飯，相信總不會難食，肉粒雖冇咩味道，好在不會韌，加埋火腿粒，送飯唔錯。凍咖啡夠香夠濃，合心意！

帶著遊客在荃灣區吃早餐,除了飲茶當是地道港式茶餐廳才有氣氛,兆和街一列茶餐廳可供選擇,一眼看到這裡還有不少位置,不用多想即入!港式早餐來去都是那些組合,一向喜歡有蛋的早餐,不過看到鄰桌食客的羅宋湯通粉似乎好好吃,今天就放棄吃蛋早餐好了。熱奶茶以平時凍飲杯送上,連茶匙也要平時用作篤檸檬的長匙,份量來說是極滿意的!熱奶茶濃郁度不錯,不是水漾漾的淡薄無味,熱燙紅茶還有點紅茶的微澀味道,花奶不過多令奶茶不會太過黏口。 羅宋湯牛腩粒通粉真的好大碗,用來作午餐也足夠,無坑通粉煮得不算太軟,當也未有彈牙水準;有椰菜甘筍等蔬菜來煮的湯底都是有著茄膏味道,酸酸的較人工味,沒有來自天然鮮茄的鮮香,可以有點辣度更像港式羅宋湯;餐牌上的全日特餐也有這款湯通粉,價錢當也跟早餐價有所不同,要是稍後時間來吃,湯裡的蔬菜定煲得更軟爛,湯底也有可能更濃郁,早上時間就稍為稀了。湯裡有著細碎牛腩粒,牛臊味超重又像肉渣般,用來煮出味道就可以,這牛腩粒不吃不是損失。可能同街的翠華奶油豬實在太強,同街其他茶餐廳基本都有奶油豬在餐牌裡,這裡也不例外。整個奶油豬在早餐來說絕對是夠份量,而且不是迷你豬是原來的大豬包哦! 包子烘得鬆化香

近排天氣不是酷熱就''韋森特'突襲 真係少了出外活動機會於是今晚的起心肝 約埋Bosco落荃灣海皮夜跑 兼睇野~~~"夜景" 同吹水..大家未食野 本想去蘭州拉麵 原來已經關門大吉於是向前行 走入兆和 發覺佢地餐牌MIX埋蘭州 但茶記款式佔重我地點了一個上海粗炒share 食落麵條幾煙韌 豉油味又唔會太咸 不錯麻辣豬耳 夠爽夠辣 可惜不夠凍拍青瓜 爽脆香甜 也不夠凍凍啡 味道帶點酸 凍檸茶 茶味夠檸味濃

多數一個人食~ 炒野一流!個人特別喜好兆和的蝦仁炒蛋及乾燒伊麵~~蝦仁炒蛋蝦夠大隻又爽又多, 蛋炒得超滑!!乾燒伊麵餐牌冇的, 只有間中在快餐中出現, 但我經常都會照叫, 廚房見有麵都會即刻做俾我, 而且次次冇甩拖, 次次食都炒到夠乾身夠色夠味! 一般茶記如果叫非快餐午餐的炒野多數都大失水準~

當日朝早落好大雨,我地一入去餐廳,職員竟立即從廚房扲左個膠袋俾我地盛放縮骨遮,我們也不想弄濕地面,呵~ nice service!雖然就黎10am,個場差唔多full晒,加上餐廳唔算大,唯有搭枱,4人卡位都幾乾淨!紅色sofa位,望住LCD TV,我點1份自選8搭粉麵早餐 $21~ 沙嗲牛肉+煙肉通粉沙嗲牛肉的醬汁夠杰身,又唔會染晒成碗通粉都係沙嗲味tim,湯底無落麻油~通粉幾爽滑,口感不錯呢 幾大碗~仲有4-5片翠綠的生菜tim!! 牛肉唔會好「un」,滿意!! 煙肉 較為長身,共3大片,半肥半瘦,但係乾身左少少........食落去爽脆的,調味剛好的,又唔係罐頭貨!鮮味的~我單點1個 奶油豬仔包 $6估唔到係如此大個~賣相就係芝麻咸豬包,仲大過0係普通麵包店買到o既餐包呢~唔係圓形size,而係長形的~中間打橫切開了,中間有牛油,煉奶,經烘麵包後才加入煉奶,所以煉奶味很重!而且麵包脆脆的~好味!!

今日(11-6-2011 Sat)同男友起身後同佢落荃灣食早餐,又去邊o度食呢?好耐冇o黎兆和街睇睇喇,剩返o既茶餐廳唔係咁多,而重有位同感覺唔太迫夾o既就只有呢間,咁入o黎喇.我o地坐o係最後一張o既門口卡位,男友要$22.00o既自選百搭早餐,揀o左沙爹牛肉火腿公仔麵,加$2.00要凍檸茶.我要$24.00o既歐陸早餐,有牛油多士,要雞扒腸仔,加42.00要凍好立克.好快,兩杯o野飲o黎到,我o既好立克OK冇問題吧.之後男友o既沙爹牛肉火腿公仔麵到o黎,睇見牛肉唔係幾似牛咁o既?食吓先,啊,係牛肉,不過好鬆,用鬆肉炒整過啦.之後我o既牛油多士配雞扒腸仔到o黎,估唔到有片蕃茄同茄汁焗豆,腸仔唔係熱,只係暖暖,雞扒算煎得香口但唔夠惹味.牛油多士好夠乾,牛油亦多.呢餐算係咁啦,不過覺得份量好似唔係幾夠.服務:男友決定要o個個餐時,亞姐介紹佢要$24.00o個個,因為多一個餸,男友答呢排食得蛋多,唔想要蛋,所以叫呢個.而我睇餐牌時,亞姐話後面有奶油脆豬仔,我睇睇,唔…$24.00o既餐但冇扒類,所以我都係叫歐陸早餐吧.

簡簡單單食過三文治早餐, 從未食過方包同蛋都那麼薄, 咸牛那麼少既三文治......呢個係碎牛煎蛋治....$21大元包一杯叫咗少甜又超甜既凍奶茶, 煎蛋薄又油無蛋味...

退步到不得了....不知何年何月係呢度食過...葡式鮮茄牛肉通早餐係好好味...但今年今日再光顧...份量好多料又多, 但味道已經完全係天與地...之前蕃茄味係超濃好香, 唔知係唔係物價上漲...質素也不一樣...!!餐包 ~ 不是普通餐, 而是脆皮的, 有點像法包!!

兆和茶餐廳和隔離蘭州拉麵皇其實是同一老闆，其實我一向覺得蘭州拉麵皇更有特色。今日想食下午茶，在門口諗緊去邊間，侍應好主動地拉客，我地都唔想再諗而入左去。正值下午茶時間，唔想吃太飽而晚上食唔落，所以三個人叫左兩個餐。先黎一個香煎雞扒薯條，一個煎薄牛扒薯條，一黎已心知不妙，雞扒很細，應該唔夠飽。牛扒好明顯是岩岩煎好，上面ｄ油仲係起泡中，當然食得呢ｄ下午茶都唔會預有幾健康了。薄牛扒是小時候快餐店的特色扒，呢度做得都唔錯，易切之餘，仲有少少牛味保留到；雞扒不計細塊的話，也算正常貨色，雞肉唔鞋，也合格了。薯條是快餐店愛用的粗身紐紋薯條，香口夠脆，即炸起都唔會衰得去邊。最後都係覺得唔夠喉，另叫左一個西多士。下午茶餐一個要$21，單點一件西多士只需$12，即係話一杯熱飲要$9，唔值叫餐，單點好了。西多士明顯地多蛋漿，中間是花生醬，熱辣辣，分甘同味特別好味。這個下午茶，味道正常，但唯獨份量少了點。通脹猛於虎，看來這情況會維持好一陣子呢。

尋日(18-12-2010 Sat)朝,又要同男友去北角,順個便先去工展會,出發前去銀行整啲o野後至食個(早)餐.行o黎兆和街,除o左翠華要等外,其他都有位,而其中一間裝修中o既,都係翠華,翠華真係咁好食咩?呢條街就o黎成為翠華街喇,唉!我o地最後都係決定o黎呢間,男友被佢$23.00o既兆和三寶餐吸引,佢原本想叫蕃茄湯牛肉粒通粉o個個,但我話我唔太餓,但我想揀甲餐,有沙爹牛肉麵,火腿奄列,特脆奶油豬仔包同飲品.咁佢就話咁叫呢個加件三文治share食啦.啊,咁佢決定要$18.00o既餐肉火腿三文治餐,加$1.00烘底,再加$2.00要凍奶茶.而我就要熱奶茶.一陣間後,沙爹牛肉麵到o黎,沙爹牛肉唔太多,麵應該係光麵,牛肉夠腍,湯只係暖暖地.然後我杯熱奶茶到o黎,我只加1.5茶匙糖,茶都只係暖暖地,有微微o既茶味.男友見我杯奶茶咁大杯,話早知都要熱.男友o既凍奶茶同火腿奄列,特脆奶油豬仔包,佢先食大大個o既特脆奶油豬仔包,佢話好味,因為有鍊奶.然後三文治到o黎,佢將佢o個份火腿奄列夾埋入三文治o度食,佢話好好食,冇咁乾.之後到我食呢幾樣lu,先食餐肉火腿三文治,呢啲冇乜問題啦,而火腿奄列呢

只因翠華冇位才試試叫了一個類似常餐的東東.那個豬仔包不太豬仔, 大大個的!不過沒有奄列不太hapiset包含了羅宋湯底通粉, 但我轉米線, 需經催促後, 夥計在給我米線.但怎也估不多!米線又多又彈, 不知是否因為平日街上的米線舖都煮得林林的, 而此店的卻很彈牙, 所以給我一種奇異的新鮮感,