兆和茶餐廳

營業中

休息中

兆和茶餐廳的刀削麵和拉麵都做得很出色，今日就試吓他們的牛腩灌湯拉麵。牛腩很稔滑，沾上藥材湯的香味，跟我平日吃的牛腩大不同，好像多了點藥材味，少了點肥膩感覺。湯很濃香，但不會濃烈，是可以飲得完那種，拉麵做得很出色，爽滑吸湯，很好味。其實兆和茶餐廳的套餐也有好多捧場客，坐下的都是熟客，跟店員有傾有講，外賣他們也做得很多，是街坊喜歡的一間茶餐廳。

滋味的中藥材湯麵🍜👍🏻兆和茶餐廳 是一間開業已久 坐落於荃灣區的茶餐廳。今天和朋人行完山，攰攰地，只想吃點東西便回家睡覺，見到兆和的餐牌有 古法秘製灌湯拉麵便想去一試。我叫了一個滑雞灌湯刀削麵，麵一上台，濃濃的中藥材味道已漂出來，當歸 黨參 杞子等湯滋補養顏，健脾有益又好飲。刀削麵真的很不錯，有嚼口，好像吃極都有，抵食。滑雞就不太滑，比較硬身，但整體仍是不錯呢！

荃灣小小不起眼的茶餐廳，座位非常窄。餐牌都係大致普通茶餐廳既碟頭飯，焗飯，炒飯、粉麵咁。呢日夜晚放工唔知食乜好，又眼訓，諗住是是但但，快快食完就回家休息。見餐牌有刀削麵，就醒起另一間位於荃灣幾多人排隊既刀削麵，都好耐冇食，試下茶餐廳出品既刀削麵啦！最後揀左滑雞灌湯刀削麵。湯底佢話係用中藥材料煲，滋補養顏！一於試試！麵一到就聞到好香當歸味，第一時間緊係飲啖湯先啦，都幾有中藥材味，味道幾好，但飲得出有落重味精都雞件份量合理，都幾滑，刀削麵水準幾好，麵質同另外一間出名刀削麵差唔多竟然！麵份量就好多，食得好飽。$52 價錢尚可接受，但環境好唔舒適，坐得好辛苦

今日放假要去銀行整野，順便食埋野，之後入左D間之前食過既茶餐廳，而我所知，佢之前都有賣過刀削麵，所以我見到都好想入去食，因為荃灣某間刀削麵冇左之後都越來越少有得食。入到去坐底，見到同普通茶餐冇咩分別，但我見到有個叫干炒上海拉麵/排骨拉麵等等，仲要係拉麵可轉刀削麵，心諗刀削麵都可干炒???咁我自己一個緊係試下啦，平時都係叫湯或者係撈，干炒真係第一次食。【干炒排骨刀削麵】連凍飲  $55一來到好香，同干炒河粉冇咩分別，色香味俱全又夠獲氣，假如鍾意食刀削麵可以一試，刀削麵食落帶點煙韌，豬扒又多又厚，落埋辣椒醬一起就冇得頂。

本人並非紅豆冰愛好者，其中原因是一般餐廳的紅豆冰無得少甜；如需少甜，多數會俾少啲紅豆（最終成奶水一杯）。今日心血來潮叫了杯少甜紅豆冰，基本上沒有期望，估不到喜出望外（紅豆超多、少甜、重要係椰汁低）簡直係無得輸。推介

呢日賣甩老公，同阿女去荃灣行街瘋狂買野，就黎新年要入好多貨，除左買新衫，仲要買海味年貨，好彩有阿女陪伴！買野前要醫肚，阿女帶我去食佢以前住荃灣時常去既飯堂，佢話呢度最吸引佢既係小菜套餐可以加錢轉菜飯，而菜飯同出面既唔同，呢度既菜飯入面仲有冬菇粒同蝦米，好有誠意，但呢日我地都唔太餓，所以叫左兩份簡單下午茶餐，無叫到飯，下次再試。我既豬扒包，豬仔包外脆內軟，暖暖的，查左牛油好香口，豬扒肉厚都幾大舊，有肉汁唔會乾爭爭，仲有爽脆既生菜同蕃茄，同埋沙律醬，酸酸甜甜，好味！

啱啱一收工朋友就打電話黎話落街食飯我地都係住附近都習慣去茶記醫肚簡簡單單又唔洗等位安靜啲先傾到計！食左好多次㗎啦，有好多選擇，價錢都係60蚊為中位數，我覺得都唔平㗎，不過而家啲茶記都係咁上下⋯今次食左個炒飯都係5、60蚊貨仔份量叫做夠飽啦！男仔可能會差啲普通平民茶餐廳咁 呀姐都叫有求必應問佢拎杯拎筷子都冇黑面 算係咁啦哈哈炒飯夠鑊氣，味道啱啱好唔會太咸，飯唔會硬得滯，應該都算新鮮飯！啲餸呢就過得去啦，炒飯不嬲都係咁上下！附上炒飯相一張

奶茶較濃, 味道 OK!迷你熱狗很有特色,  味道唔錯!環境舒服, 坐卡位, 地方不算很嘈雜!服務 OK, 和朋友坐了很久才點餐, 服務員沒有黒面!地方很整潔, 衛生很好!下午茶餐價錢大眾化!

放工到搭車附近食埋飯, 就響呢間茶記搞掂, 都係一般既小菜餐或者快餐之類, 不過都幾多人幫趁.要左個家庭小菜套餐, 魚香茄子跟飯, 送例湯, $65.魚香茄子熱騰騰, 肉粒都幾多, 不過魚香就比較少, 食極都無咸魚味. 不過茄子夠腍而且入味, 條條都夠粗有咬口. 汁夠多可以撈飯, 唔太咸, 夠惹味.例湯係青紅蘿蔔, 幾夠味, 清甜夠下火.

我公司的貨 Van 司機跟我說, 這店的 炒牛河粉 非常好吃 ....  這位司機雖然非什麼大食家, 但他一向對炒河粉有要求, 他介紹得, 應該信得過, 所以我特定來這店嚐一嚐 ~乾炒牛肉河 $48河粉炒得夠乾身亦相當有鑊氣, 牛肉諗滑而且吃不出有梳打味, 河粉夠醬油味卻又不會過鹹, 還帶點甜味, 油份也不過多, 以茶記的出品來說, 算是非常夠水準 ~本篇完 ~

店名：兆和茶餐廳地點：荃灣兆和街36號地下，電話：2614 2918(1) 酸辣菜刀削麵；價價：三十九元。食物的整體評價：(甲) 味道/烹調：湯底濃郁，刀削麵做得扁身和韌，所以很可口；附送的檸檬茶也茶味十足。(乙) 種類方面：可供選擇的食品很多，有：海南咖哩餐、各式炒粉麵飯、拉麵及刀削麵、出前一丁麵餐等等。環境：一般茶餐廳的格局，位與位之間頗為狹窄。服 務：OK，值得一提的是營業時間長，由早上五時至凌晨二時，很方便。衛生：合格。抵食：比起一般茶餐廳。

每年到新春，都會到圓玄學院「攝」太歲，今年沒有例外，大清早跑到荃灣，但望見長長人龍，已經知道至少要十架車，反正未食早餐，還是先醫肚再講。沙爹牛肉麵牛肉質地幾腍，不過沙爹味太重，蓋過了肉味，而公仔麵淥得啱啱好，不錯。腸仔煎蛋配方包腸仔並非油炸或煎過，而是白灼，比較健康，而煎蛋就馬馬虎虎，牛油方包比預期中軟熟。熱檸檬茶天寒地凍，來一杯熱飲最好不過，只落半茶匙的砂糖，雖然會較酸，畢竟健康一點。

忙碌既一個上午，餓到2點先有時間食lunch,是但走入間茶餐廳醫肚，點知有驚喜！XO醬麻婆豆腐飯麻婆豆腐一般用豆板醬煮，呢個加入xo醬，令其更香口，亦加左榨菜增加口感鎮江骨菜飯酸酸甜甜好開胃，排骨入味，肉質鬆化這個菜飯最驚喜，飯很香，有咬口，相信用的是較貴價的"靚米"。平時食到既菜飯通常就真的只有"菜",而且較油，這個菜飯卻除了白菜，也伴入了蝦米及冬菇粒，頗惹味，有點像在吃清淡版的臘味糯米飯~

  　來荃灣掃墓，也許因為太熱了，弟弟有中暑的跡象，面青唇白，下來後我們趕快找個地方吃東西讓他體能上盡快恢復，於是便找到來這裏了。　　我們就要了餐廳中央的圓桌，坦白說，餐廳有點髒，地上有些水跡，不過我們都不管了，快點東西吃。　　我點了常餐，酸辣鮑片豬軟骨河粉配熱奶茶。　　食物十分熱，豬軟骨夠軟稔，而且鮑片也有口感，但河粉很薄很透明很通透，而且還很軟滑，但服務員給我的是叉子，好不容易扒上來了，它又滑掉了。份量算多，又不想浪費，所以都吃下了。　　熱奶茶倒是太多奶了，很膩，所以我沒辦法喝光。　　整體用餐感覺一般。

兆和是我很喜歡的茶餐廳。我一直都在單戀他。我喜歡他的外表，簡單樸素。門外沒有浮誇的燈光閃爍著，沒有亮麗如新的落地玻璃。看起來永遠都是又暗又舊，玻璃上貼上大大小小的餐牌，門額簡單五個字「兆和茶餐廳」。在這浮華膚淺的世界的眼中，同區的連鎖茶餐廳比你好看。你一點都不出眾，甚至是謙虛地隱藏在鬧市之中。但我仍然喜歡他。但這並不代表他不夠好。比起那些只顧利字當頭的同行，他更配得上「茶餐廳」這三個字。我一踏進門口，姨姨便問我幾多位。我說一位，然後由我自顧地選卡位坐，茶餐廳的卡位永遠很搶手。然後姨姨給我一杯水，一刀一叉及一張紙巾。由始至終姨姨都沒有親切的笑容或無禮的呼喝，一切都得平平無奇，實在太好了。或許你不會認同，茶餐廳最好的服務就是沒有什麼服務。我們這些食客走到茶餐廳都是為了吃個簡單便飯，吃完就付帳離開，何用令人感到賓至如歸？亦不希望在簡單一頓飯，多要一杯水，多等五分鐘才落單，多問一句，就得到「你阻住晒我做野」的討厭嘴臉。我們這些獅子下山的打工仔默默耕耘，互相尊重。這裡各伙計都給食客極大的自由度，愛坐哪張桌就哪張桌，愛研究餐牌多久就研究多久，我喜歡他從來沒有給我壓力。事實上我有選擇困難症，我真的在