入麵 (已結業)

搵嘢食既時候，冇意中經過呢間店，老闆好nice咁同我地推介入面有咩嘢，好詳細咁同我地講解，因為老闆既熱情吸引，於是入一嘗。我地叫個椒鹽雞球（口水撈）面，同埋一個牛魔王特濃豬骨湯面，員工同老闆都好細心去問我地到齊嘢未同問下我地岩唔岩好味呢度啲面幾彈牙 而且湯底清得黎又幾香👍🏻而撈面啲面非常爽口 炸雞球👍🏻正！-最後老闆仲送左一個奶凍，奶凍上面既醬好想花香味🤤🌸 而奶凍就有好濃郁既茶香🤤 一齊夾埋黎食好夾👍🏻😂好正 覺得呢間店環境好 員工老闆既服務態度勁好😛仲會問食客有咩需要同埋會問下我地食客既意見🤘🏻總括，只係冇意中入去 有意外既收穫👍🏻😝不錯不錯

肉燥糖心蛋麵，配拍黃瓜，白桃綠茶$59 (外賣+$2)首先我自己幾欣賞佢嘅外賣碗，個外賣碗分兩層，上層係擺餸菜，下層就係放湯嘅。呢個設計幾好，因為可以防止d湯倒瀉，二來就可以保持返餸菜原有嘅味道，唔會話浸左係湯好耐，就改變左餸菜自己本身嘅質感同埋味道。麵嘅軟硬度相當適中，但略嫌湯底嘅蕃茄味唔夠濃；餸菜方面就係有肉燥，同埋半隻糖心蛋，肉燥都幾入味但份量方面再加多少少會更好，而糖心蛋嘅蛋味突出，唔錯。套餐小食嘅拍黃瓜，夠清爽，新鮮餐飲白桃綠茶我自己唔記得叫佢少甜少冰，好彩原來佢自己本身都唔會太甜白桃味幾香，但係可惜就飲唔到綠茶味。其實喺食物方面，整體我覺得都係合格之上，但係就略嫌食物定價高左少少，如果呢個餐賣$50嘅話，我會嚟多幾次。

今日，9/9/2017 星期六，一個人到荃灣揾食，去左福來邨個邊嘅小店： 入麵，好耐之前已經想試，但一直無機會，等到而家先可以試呢間小店其實都好細，長方形舖，都有十幾張枱，員工都有6,7 個。呢度主要比較係台式食物，係自家店出品，其他店應該係無的，有麵有飯。我叫了這店的主打推介：豬八戒湯麵 $50, 要麻辣湯要加$3, 要了小辣，有3 條辣椒仔包1 杯台式飲品，我叫了：熱檸檬紅茶。- 豬八戒湯麵所為豬八戒就係秘制豬肉黎架，好好食又軟熟又彈牙有口感加埋配菜， 同埋麻辣湯底，好好味，湯底都好濃架- 熱檸檬紅茶好好飲，無檸檬架，但飲落好檸檬紅茶味，係濃茶，又大杯，真係好好飲架* 總括係好食好飲架，所以我會再幫趁。

是日又去荃灣揾男朋友食個晚飯但又唔想食飯喎, 最後係路德圍點指兵兵咁入左D間入麵入到去見到不論廚房同樓面都幾有禮貌, 印象幾好但坐底無論就比佢部冷氣機滴水滴中個頭, 即刻心情差左調左個位之後叫野食, 我地叫左一個SET一個散我叫左口水雞+口水雞汁撈麵SET, 男朋友唔係好食得辣, 就叫左個雞球蕃茄湯麵拍青瓜欠缺左辣味, 之後我個口水雞汁黎到後點黎再食, 即刻岩味好多口水雞汁撈麵個口水雞汁辣度適中, 好多配菜係上面, 增加左唔少口感, 再加上有少少甜味, 整體配合唔錯, 好醒胃口水雞都幾好味, 雖然只係比雞胸肉, 但都算幾滑, 平時麻麻地口水雞既男朋友都讚口不絕椒鹽雞球唔夠脆, 同埋佢索得太多油, 估計可能油温唔夠高去炸, 食到成口油蕃茄湯麵個蕃茄湯幾濃, 幾好飲, 麵都幾彈牙珍珠奶茶幾多珍珠, 甜度適中, 水準以上之作總結成餐都算幾滿意, 成間鋪都幾乾淨, 又有禮貌, 得閒可以再黎食過

行過諗住睇下有無酸辣粉食（係無既），見佢叫我入，我就試下啦。一個午餐$45，好大碗麵，餸又多，仲包一杯台式野飲，，杯熱珍奶用個大紙杯裝住，好大杯，好夠飽，我食左1/3米粉已經飽到頂住。我叫左個麻香雞蕃茄湯底米粉，熱珍珠奶茶好多蔬菜係面，有生菜絲、粟米、木耳、一片蘿蔔，睇到啲顏色都開心。個蕃茄湯幾清甜，住家味濃，應該係蕃茄薯仔洋蔥湯。個雞都愛幾多肉，但就有啲乾，佢係黃薑雞黎，唔知係咪返熱，好乾爭爭。見佢好多唔同小食都幾平，同我未試佢個招牌孜然牛或豬。會再黎試。今日遲左食晏，成兩點半先入去，又落大雨，店入面得三個人食緊。店面乾淨，坐位舒服。

宵夜時段 在在其他鋪頭都正計劃收工既時候這間店還很熱情咁招呼我地所以決定一試今次我試左椒鹽雞球麵套餐 $69 評分：7/10套餐包括 一碗湯 及 一杯飲料先講主角椒鹽雞球，雞球十分香脆，椒鹽味足！而麵的質地爽口彈牙，但湯的味道則偏淡。除左食物 服務都是其一加分位，店員用心講解，並有禮地提醒我們製作需時。店主但好有人情味！ 如身處台灣一樣仲送我地一份椒鹽蕃薯

係荃灣約左朋友食飯，唔係太餓所以選擇左是但搵間坐低食個麫就算。我叫左一個麵配餃子同珍珠奶茶。因為掛住食唔記得影相😂最後得番2隻餃子！不過又幾好食。個麫不過不失，唔會太軟或太硬，我覺得剛剛好！味道雖然有點清淡但正合我心意！而餃子個皮又唔會太硬或太林太厚，有2個口味可以選，我選左菜肉，好好味到最後杯飲品叫左珍珠奶茶，的珍珠有d林左，但整體不錯！最緊要係唔貴！食咁飽曬一個人先係60蚊左右，又唔多人唔會催你走，食得過

荃灣台式小店Entrance的招牌菜豬八戒和牛魔王，以魚滑既做法，做成豬滑和牛滑，咬落去彈勁十足，而且好嫩滑。豬滑牛滑可配撈麵、湯麵或冷麵，仲可以加錢配返隻糖心蛋添！豬八戒湯麵配田園蕃茄湯底($45)豬肉打成膠狀，口感似魚滑，老闆話係福建野，唔係到到都有得食唔鍾意食湯麵，仲有撈麵、米粉等可選擇藍碟飲品系列($22)：藍天寒蜂和藍玫瑰，飲落唔太甜，而且顏色好靚阿姨餃子($32)：餃子自家包，所以一定有水準。

新一代注重健康，又點會唔知味精無益，兼可能影響bb智力發展！筆者這天收工晚了，到了荃灣美食集中地—路德圍覓食。看到有間新店，標榜不加味精湯麵，店面乾淨企理、入型入格，馬上帶著孩子進去了。晚市套餐有麵有菜又有嘢飲，好抵喎，為了均勻營養，叫了一個套餐，讓全家有菜吃。先來了飲品。右邊是跟餐送的荔枝玉露，味道不太甜，筆者合味。左邊大大杯是孩子的爸所點的，冰糖雪梨，$22，很抵飲。店子還有不少特色飲品可供外賣堂飲，形式有如台式飲品店。杯裝喝不掉可帶走。芒果荳花是店員看到孩子送的，十分窩心。甜點同樣不太甜，口感類似布甸。韮菜餃是套餐加$18配的，正常好味，但稍嫌餃皮太易爛點。孩子的爸點了豬八戒湯麵，配蕃茄湯底，問過店員「豬八戒」是豬肉滑，筆者試過，味道是豬肉片，但沒有豬肉的纖維，較彈牙易咬，適合孩子吃。蕃茄湯底味道較一般的清淡，帶點甜甜酸酸，很適合孩子。我家寶寶別了很多。筆者點的椒鹽雞球麵，豬骨湯底沒落味精竟也出乎意料的濃郁，有點像糊椒豬肚湯的味道。麵條很有咬口，口感介乎拉麵與上海麵之間，很入味好吃。雞球沒有椒鹽味，不過不失。最欣賞一點是麵上放了生的生菜，筆者把生菜撈進湯中，熱湯輕微燙熟了生菜，生

由於爸爸返o左鄉下拜山,所以我同我老公o係3-4-2017 (Mon)放o左工就自己去食晚飯,等埋老公放工,我o地o黎o係2月食過o既呢間接(上次食評: https://www.openrice.com/zh/hongkong/review/%E8%A1%8C%E9%81%8E%E5%85%A5%E5%8E%BB%E9%A3%9F%E7%A2%97%E9%BA%B5-e2741941)食,老公先到,佢叫o左$23.00凍o既藍天寒蜂同$50.00o既咖哩雞球飯.我睇完menu,原本想要$69.00O既椒鹽雞球麵,但有咖哩已經熱氣,咁就要$65.00o既麻香雞麵(麻醬)套餐吧,我唔轉撈麵冷麵要湯麵,要豬骨湯底,油菜要菜心,原本想加$3.00將o野飲轉為芒果豆腐花,但老闆娘話呢個係甜品,啊, 咁唔轉喇,要凍珍珠奶茶啦.o係等o既時候,我o地先飲住顏色好靚o既藍天寒蜂先,裡面有兩種珠,黃色爆珠o既應該係蜂蜜,白色o既應該係蒟蒻,蜂蜜爆珠唔算好甜.但足以另呢杯o野o既甜度提升;蒟蒻唔算彈.味道:3分然後咖哩雞球飯到o黎,睇到份量唔算好多,裡面有炸薯仔粒同粟米粒,雞球唔多,得5,6件左右,咖哩汁

18-2-2017 (Sat)等老公放工後食晏,冇idea食乜,經過呢o度,見呢間我o地未試過,o係門口睇menu,有肉燥,應該係台灣o野,但又有餃子,日式叉燒,是但啦,入去試.我o地坐低後再詳細睇menu,決定要午市套餐,我,要$52.00o既和風芥末豚肉湯麵,要豬骨湯,飲白桃綠茶,加$18.00要4隻韭菜餃.老公要$50.00o既豬八戒湯麵,要番茄湯底,飲冬瓜茶少甜.我o地要多個$28.00o既冰火糖不甩.個韓國女侍應問我o地重要加咩小食?因為我o地叫o左兩個餐,其實我o地可以唔加,老公就加$4.00要木耳.落完單後,個女侍應擺低張單,冇耐,個韓國女侍應走o黎問我係咪叫埋冰火糖不甩?我答係.佢問我想幾時上?我答我o地食到咁上下時叫上.佢答好,咁我先幫你落單.之後又返o黎,話甜品要6點後至供應.噢!冇得試.然後老公o既豬八戒湯麵到o黎,之後係兩杯飲品,放低兩杯飲品o既係香港女侍應,佢見老公碗麵o既湯好似好少,就主動問我老公啲湯夠唔夠,要唔要加返啲湯?老公答唔使,足夠.之後到我o既和風芥末豚肉湯麵,最後韭菜餃都到埋,開餐.老公o既番茄湯味道唔算好濃,佢重問香港女侍應可唔可以俾啲啲麻辣湯

荃灣不少食肆於新年期間營業，所以不怕沒東西可以吃。今天想找點平時沒吃過的，故隨意走走看，發現了入麵這間台式食店，就試它吧~ 不過新春期間沒有餃子賣，有點來得不合時，只好點別的。看見新年餐牌有#小食 孜然牛魔王，店員知道我的疑惑，便解釋給我知那不是牛的內臟 (幸好呢~ 我不是所有牛內臟都會吃。) 而是牛肉滑，我點了一客試試看。絲絲的牛肉條，不知是否炸的關係牛肉絲外層有點兒乾涸，而且沒太多調味，淡淡的。牛肉滑滑溜感一般，沒有鮮牛肉味道，很普通的小食~糖心蛋味道很足夠，不過略微蛋白少許鹹，如果控制得宜其鹹味就完滿了，因為蛋黃蠻糖心，十分誘人。冬瓜茶不會過於甜膩剛剛好，圓滑順好喝，喝完一整杯也不會覺得口乾舌燥或是覺得好想喝水漱口的甜膩感，很不錯。

之前經過幾次，有次係OPENRICE揀荃灣餐廳既時候，見有好多好評，已經將餐廳放左入口袋LIST到當日行行下經過見到間野都冇諗住食，因為舖面淨係得英文名，係OPENRICE SHOW中文名，完全係腦袋中連結唔到原來係同一間餐廳不過因為睇到MENU既名熟口熟面，先發現原來係想試果間餐廳當時19:30左右，餐廳都唔算多人，所以座位都幾舒適，唔會好迫黎到冇理由唔食牛魔王既，點知一黎到就覺得中伏佢係"牛膠"定叫"牛滑"?完全同想像中好唔同，味道一般，就算冇味精，應該都唔會咁唔吸引呢個係一個餐，我唔知D雞係咁好去骨，定係雞扒，我覺得自己係食緊一塊雞扒切開，如果係，我覺得好唔抵雞扒都唔覺有咩特色，只係普通咁醃過同埋加左麻醬，味道完全唔係好食，到個湯底，冇咩味，麵質都唔特別好食，食左幾啖已經唔想再食菜心正正常常冇乜特別餃子已經係全餐最好食，但都係唔覺得有咩特別其實我唔明，點解定位叫台灣餐廳?佢D野都唔係好台灣，反而定位係無味精無添加係好D，不過無呢2樣野唔會代表食物無咩味，應該要做返好D先會有機會再試下，如果而家既水準，真係唔會再食。

豬八戒冷麵（$45）阿姨餃子6隻（$32）👅又豬八戒又牛魔王咁咁搞笑😝😝今次試下豬八戒先🐽🐽🐽啲豬肉一條條咁，一咬好驚喜😳😳😳啲豬肉條個口感好特別，林得黎又帶啲咬口，似豬肉筋咁😆😆問番老闆娘原來係用左豬既脾位🐷🐷🐷但啲豬肉既肉味都幾出，所以有啲人可能會覺得似腥味就麻麻地，不過我就幾like啦😙😙另外啲冷麵好正！係我中意既麵質，煙煙韌韌撈埋啲汁好開胃好正😍😍至於餃子都唔錯👍🏻👍🏻簡左椰菜豬肉同香菇豬肉😋😋😋好足料又鮮甜🤗🤗食完又可以繼續掃街轉個彎食碗我最愛既阿玉豆腐花☺️☺️

想食台式晚餐,就剛好遇到位置好方便就o係荃灣路德圍既 Entrance,間舖好清新好靚餐牌有著各式充滿台灣風味既食物，另外有各日式拉麵及台式飲品(藍蝶花,紅綠茶etc..)先講兩杯台荼飲品先，佢呢個藍蝶寒蜂都聲稱係有益，加埋個蜂蜜味都幾夾，好過出面d得甜味既野飲好多。另外杯白桃綠茶好香桃味，好似真係有桃咁個蟹粉勞麵$88/碟 ，但絕對值回票價，佢蟹粉蟹肉都好多份量，場內都好多人食呢個，仲係限量的，唔想食勁都係熱湯麵，呢個蟹粉火勞麵要試試吃，大件夾好食呢！日式叉燒拉麵晚餐($78)佢個蕃茄湯底有好多蕃茄粒,係清淡好味又夠大眾口味既叉燒拉麵，男女老少都岩食,得閒行兩步過黎試下啦！