八一蕃巴蜀烤魚店 (砵蘭街) (已結業)

今日同朋友過開太子做運動，就決定做完運動係附近搵野食。由於我同朋友都係好辣既人，所以上網搵到呢間晏晝都有開門既烤魚店。因為晏晝好少人會食得咁heavy，而且我地做完運動去到都成3點，所以唔駛等位。一坐低當然係直接叫個麻辣味烤魚先，佢有3款魚選擇，我地問店員邊款無咁多細骨，佢就推介左呢款魽魚。等左一陣個烤魚送到黎，個陣麻辣味香到不得了🌶🌶個烤魚食落超級滑，真係無細骨，佢將條魚中間一分為二，所以食得好方便。我地之後有再叫左d配料打邊爐，最重要係一定要叫d好索湯既，我地叫左白蘿蔔，窩荀，蓮藕片，水魷魚等等。雖然鋪頭嘅位置都搵左一陣，但個烤魚好值得再食🤤

某日想在太子覓食，search 下OpenRice 搵下靈感，就見到呢間食烤鮮既餐廳，就決定一看究竟。餐廳主打烤魚，加上有其他麻辣小食，但因為只有我和男朋友兩個人，我們只order 了一條烤魚。我們order 的是全條烤魽魚 (HK$ 268), 而選擇了香辣味，中辣。全條烤魽魚份量很多，魚很大條，而且有少許豆卜，芽菜，蓮藕，薯仔片做配菜。愛吃辣的朋友請注意，中辣味道已經很足夠，因為會愈滾愈辣，所以中辣絕對剛剛好。

今天點了剁椒烤魚，味道非常美味，魚吃起來沒有一點腥味，魚質嫩滑。另外，配菜亦非常值得一讚，因配菜全吸收了整煲烤魚的精華。因此本人建議可於配菜再著手多點，因為到最後配菜才是整煲的精髓！

某日放工同太太行開旺角，突然想食辣野,跟住周圍搵睇下邊度有得食,跟住上網查下就搵左呢間,你間鋪雖然喺旺角，但係隔一條街慨旺角完全唔同，冇咁熱鬧，我地叫左大邊酸菜魚，味道剛剛好,條魚兩邊都前煎過特別惹味，如果兩個人食大邊覺得多少少。

筆者很喜歡食魚，每一啖也是啖啖肉。近排有聽過朋友說回深圳食烤魚，價錢正常，又大大份。咁啱又係報道見到推介八一蕃，又咁啱途經太子，就去試試看。點了香辣多寶魚(小辣)，主要貪它少啲骨。是次二人進食，亦點了一份芋絲和一份金菇。上菜了，香料除了辣椒，仲有豆鼔，食落去，其實唔辣。魚嘅份量都很正常，二人份，不錯。將配菜加入湯底𥚃，吸收了湯嘅精華，夠哂入味，更不錯。筆者會覺得每條魚嘅會錢貴左少少，可能食海鮮就是不便宜。想要更飽肚的，好多選配菜。

本身諗住食隔離嗰間Cafe點知冇開到朋友都話可以試吓呢一間 入到去已經好香嘅麻辣味 🥰就知自己冇揀錯食慣咗大陸嗰啲烤魚 就試一次香港版！絕對滿足到我地！叫咗一個麻辣味嘅烤魚中辣 非！常！好！食！絕對做到麻辣嘅效果！魚都好滑！唔多骨！我哋再叫咗啲配菜有響鈴啊牛肉嗰啲都好好食！最後再加一個薯粉吸收晒所有嘅精華！除咗打邊爐都有好多唔同嘅選擇 仲有一串串嘅燒烤不過我哋無嗌🤪下次應該會試一試！最後. . .食完嘅第二個星期日我就再同其他朋友去嚕！

成日都話想上大陸食烤魚但係來回車程時間都係番度所以今晚決定去太子試下呢間烤魚試左個剁椒味烤魚 揀左大邊老實講 條魚係多肉嘅 但唔夠兩個人食佢好多剁椒 我地叫左中辣 正初頭唔多湯 因為佢想我地試個個烤魚之後加左湯 一度食一度飲 正唔夠食加左個蒜泥白肉好薄嘅腩肉片夾住青瓜 個醬調得好正 值得一試

母親大人不在家，近日我都流連太子，週圍發掘未吃過的地方，四處逛下找到一處能滿足小妹辣癮的好去處。香辣大辣的細邊烤魚198上枱火焰干椒豆豉芝麻洋蔥芫茜等舖原條魚上，色澤美美，引人入勝。魚油四溢，肉嫩且份量不少，雖然叫了刺激，令人欲罷不能的辣度，愈食愈刺激，使我滿頭大汗。因為本身的調味十足，口味偏重，反而慢慢地顯得沒有那麼的辣，草鯇魚的鮮味還能徹底保留。平日大愛點配菜，今天不想浪費下，就只能忍著不點那些很吸味的額外配料了。食後感：主攻街坊生意，所以沒有加一，食物更實惠。

突然有一日想起食烤魚，但又冇理由特登北上返深圳食丫，諗起之前有朋友介紹過話好味既「八一蕃巴蜀烤魚店」....好彩都咁洗等就有位。兩個人都唔需要叫太多 (因為我比較細食 )叫左個豆鼓味烤魚 + 幾樣配菜打邊爐都夠我地飽條魚係比我想像中「大」同埋多「肉」啲肉仲要好滑滑，又少骨出奇地好食但我地都覺得開始飽而慢下手腳 ，就見到有後舊的油浮面  (所以要快快食喔!)。

鐘意食辛辣食濃味有時唔一定只有麻辣火鍋其實烤魚都可以好滋味今日黎到太子選左泡椒味烤魚中辣加涼拌萵荀因為得兩個人所以只叫左半邊魚但其實都已經好夠食魚肉好嫩滑佢既魚皮經過特別處理煎到好香脆佢既辛辣汁底好入味越滾越辛辣但又唔會搶左魚肉個鮮味仲好夾tim佢有好多配菜可以加落去一齊煮不過今晚唔算太餓所以只加多個涼拌萵荀就岩岩夠食佢個小食都好高質好鐘意佢落足蒜茸好香口好惹味仲有好香既麻油味鐘意食萵荀既朋友唔可以錯過成餐飯飲埋啤酒都只係百幾蚊一位性價比好高鐘意食辛辣食濃味就岩哂

<除左烤魚 小菜都唔錯>🌶呢間太子既八一蕃 都食過兩三次 佢既烤魚味道係幾好 夠惹味 魚肉入味。 今次經過試下佢其它野 原來 小菜都唔錯 🙂 🍴干椒雞軟骨 60 蚊 🐤🌶 炒得好乾身既雞軟骨 雞軟骨盡吸乾辣椒辣味 帶 d甘香 雞軟骨 味道偏濃 咸辣味出 . 仲有 d炒得好香口既咸脆花生 好惹味 要襯啤酒🍻 🍴夫妻肺片🐮🌶 38 蚊醃得比較深色既川菜名菜夫妻肺片 凍食既肺片 有煙靭入味既牛肉 彈牙既牛肚 爽口既牛脷 佢既醬汁 係帶 d酸辣 但又有 d蒜香調味 十分特別🌶 仲有新鮮青瓜墊底🥒唔錯🍴蒜泥白肉 48 蚊🐖卷成圓柱狀既白肉 豬肉肥瘦適中 幾爽滑 中間卷左新鮮青瓜片 🥒好爽口食落有口感 辣度適中 加上蒜頭碎 調味 唔錯😃#四川菜 #夫妻肺片 #蒜泥白肉 #辣 #辣子雞 Score 平均分 <7.4/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#八一蕃巴蜀烤魚店

這條街都有幾間食店，人流唔多，容易有位，所以過來行下。行行下望望下，見到有個牌子，係食巴蜀麻辣、川式香辣、小龍蝦，抬頭望是食烤魚，咁就走了入去！見枱枱都食酸菜魚，但今晚好想食辣，都係食香辣，魚就要了鯇魚。烤魚送來後，見到原來無跟配菜，只鋪滿紅紅辣椒和豆豉。再望下餐牌，原來配菜係自己加，立刻加了一份。配料全份有大豆芽、唐芹、金針菇和秀珍菇，份量都好多，大大碗。鯇魚的魚皮煎到好香脆，個辣汁夠晒味，小辣不會蓋過魚味，再加上唐芹好香。大豆芽配辣汁一流，吸了汁帶辣又爽口。

幾經辛苦約齊腳食辣! 真係唔容易！今次揀左八一蕃，貪佢有齊想食嘅野。點左辣雞煲同埋烤魚。怕太辣唔係個個都頂到，好彩呢間樣樣都有得揀辣度，我地叫左個特色雞煲皇，小麻辣。 麻辣真係好好食，佢真係麻而香，唔係死實嘅辣。雞夠滑，仲要夠足料！ 因為平時有啲雞煲真係得啲雞翼雞腳頭頭尾尾。今次呢間真係食得出全隻雞！ 值得讚另外叫左個酸菜味烤魚，又係小辣。辣道剛好，有感覺但又唔會太辣。而且酸菜唔會太搶喉。正。魚亦都好食，唔會鞋拾拾！ 正👍🏻價錢都算抵。但配料要另外加錢，比較...特別😆😆

收工搵野食,本身話睇下去邊打邊爐🥘之後又話食🐥雞煲,突然又話想食烤魚🐟最後朋友就系openrice搵…搵…搵…就搵到哩間,食評一定有好有唔好所以我地就去試一試啦!!去到唔洗等位即刻入得有蚊芝同烏蠅陪住一齊食首先梗系嗌條烤魚啦只食到辣,魚冇魚味size就夠大條既-爽魚皮如果食清淡既你會岩食有d爽有d林,淡淡麻油味-醉雞我地大鄉理從未食過咁苦既雞d酒系可以苦到咁,系食唔落嘗試浸落去烤魚度浸下系唔成功既,苦到入晒肉入晒骨-回鍋肉應該系炒回鍋先岩,肉得5舊每人兩舊都冇味道就唔差既叫左一罐可樂,佢好耐都未黎同侍應講頭先叫左可樂未黎有個就話系牙,冇拎到咩另一個就再入機,即系入左2罐黎就黎一罐同佢講返前後即系得一罐佢就話咁我拎多罐比你啦入左機🤨整體唔洗講,自己試下啦,個個人口味唔同

八一蕃巴蜀烤魚店位於太子地鐵站D出口步行約2分鐘，今次同一班三五知己大約晚上八點幾先去食嘢沿途都有好多唔同嘅餐廳，最終進入了這間烤魚店店舖面積不算大，但間隔舒服。烤魚有唔同份量，我們點了最大的，湯底點調麻辣小辣。小辣味道啱啱好好，而且魚都幾大條 。我們另外點了一些蔬菜打邊爐，價錢都算大眾化。配埋一支朝日啤酒，真係將所有壓力都獲記。