八一蕃巴蜀烤魚店 (鱟地坊)

營業中

休息中

我對魚類食物是真愛，生的、熟的、水煮的、烤的都愛吃。朋友剛告訴我荃灣的《八一蕃巴蜀烤魚》口碑不錯，即使天時暑熱，冒著熱融的危險我還是跑來吃烤魚了。到達餐廳時才下午6點，店裡已經坐了很多人了。雖然很忙碌但店家的服務態度仍是很好，很細心介紹不同口味烤魚的分別，最後我相信她的推薦，點了香辣味烤魚，說是最受歡迎的味道。size分為全條、大邊及細邊，我們只有兩人所以選細邊就夠吃了。因為天氣很熱，不想吃太辣所以選了小辣，習慣吃小辣的人也可以順利的吃完，不會猛流汗或掩蓋食物本身的鮮味。這條鯇魚非常新鮮，肉質嫩滑不用說，魚皮烤得香脆，魚肉味道鮮甜中帶著微辣，一會兒就吃得乾乾淨淨。剩下的魚湯汁鮮甜惹味，作為火鍋的湯料適合不過，我們另點了肥牛和薯粉。肥牛是火鍋必備，吸收了魚湯的鮮甜後更好吃了; 火鍋最後通常會加烏冬，這店竟有薯粉供應，我覺得薯粉比烏冬口感更好和更入味呢!串燒方面，我們點了大漠羊肉串及烤汁牛柳串。羊肉並不羶，其實怕吃羊肉的人也可以試試，這樣燒真的不會羶。至於牛柳配烤汁就很強調了牛的甜味，愛吃辣的我下次會點沙爹汁試試呢!另外點了一份涼拌青瓜，原來是不辣的，但嗜辣的我還是加了小辣。口感爽脆，酸度

八一蕃巴蜀烤魚店荃灣鱟地方48 至68 號建樓地下d鋪八一蕃係食四川麻辣野 烤魚 加邊爐 好正 再加上四川小炒好有風味 仲有好多特之前已經食過太子分店覺得好好味 今次再食荃灣店正宗巴蜀烤魚 香辣味 中小辣 大邊魚 218 蚊加30 蚊 配菜有大豆芽 金針菇 唐芹 秀珍菇一上枱以鐵兜載住 鐵兜既厚度偏薄 喺下面放住明火gas 爐煲住除左有大邊鯇魚外 仲有 好多芹菜 菇 葱花等 魚大大條 上面鋪住辣椒豆椒等香料大慨煲7至10 分鐘就食得 魚煲既配菜落足料 芹菜 爽口新鮮 金菇 雞脾菇同芽菜吸盡辣湯汁 而主角既鯇魚大大條 魚肉厚實充滿魚味 連埋辣椒食 十分惹味！生渣楊梅特飲 36 蚊壼開胃健脾有好香既生渣酸甜味 同梅既酸味。兩種酸混合 好開胃

講食烤魚都講左兩年,無它只因家人當中只有我和老公食辣,所以毎次的家庭飯局都同烤魚大纜扯吾埋,得我倆口子又怕食不了一條烤魚。上星期經過八一蕃烤魚見到有小半邊烤魚選擇,而且有七種不同的口味,我倆公婆終於忍不住衝了進去。 烤魚全魚$326，大邊$218和細邊$178，大邊是魚的一半連魚尾,細邊是魚的一半連不魚尾,店員話2個人叫細邊就夠。七款口味都好吸引~今次試住剁椒烤魚先。除了烤魚外,也有其他菜式,小菜、串燒和配菜等。等了一陣,烤魚便上桌了,有gas爐熱住,細邊都好大條,上面鋪滿了幾種辣椒碎,好香好惹味,而且更重要系魚肉嫩滑一D泥味、腥味都沒有。因為辣得惹味、辣得過癮,所以一食就停不了,真係好好味,諗起都留口水。怕吾夠飽所以叫了些小菜、配料。羊肉串燒得幾好,保留肉汁,上面少少有孜然粉好香。紅薯粉Q彈,但嫌幼身,始終粗身紅薯粉才是我最爱。爽滑魚皮份量不少,加左蔥薑絲更添風味,食到少少麻油味,下次一定再Encore。

荃灣鱟地坊食肆林立，八一蕃開業幾年依舊多人，7點左右入座率已經八、九成，食物水準唔錯。餐廳主打烤魚之後打邊爐，另外有串燒和小菜，食物種類多。烤魚用脘魚有三個份量全魚$326、大邊$218、細邊$178，即係份量大、中、細分別。火鍋配料$28-50，非常抵食！羊肉串 $18/串燒羊肉串灑上孜然粉好野味，羊肉唔穌而且肉質淋麻辣細邊$178已差不多半條魚足夠二人食用。魚肉鮮嫩，魚皮烤到香脆，再鋪上辣椒香料，非常野味！墨魚滑$38．新鮮之餘$38絕對超值花甲 $28．新鮮而且算大隻羊肉 $48．唔算肥又唔穌魚皮餃 $30．新鮮而且唔係四海魚皮餃Menu

喜歡食麻辣既朋友，除左雞煲，其實仲可以試下麻辣烤魚～小店式經營，店員又親切又有禮貌～雖然唔係咩特別裝潢既店面，但未食佢既食物已經好有親切感！今次試麻辣味，佢有大中小麻辣選擇，魚既份量都有得選擇，兩個人食小邊已經好夠～因爲除左食魚之外，可以好似雞煲咁叫火鍋材料打邊爐～講番條魚，魚肉好滑，尤其腩位，超肥美！好夠味！小辣對於我剛剛好，麻既程度適中，愈食愈想食😋叫左份芹菜加雜菇！加落去吸曬d汁，正！我個人認為必點🤣另外，除左火鍋配料，仲有其他小食～試左個蒜泥白肉～都好好味，蒜香夠曬之外，佢每塊肉都夾左片青瓜！又爽口又可以解油👍🏻👍🏻👍🏻

呢間荃灣出名嘅八一蕃烤魚想試好耐！ 琴晚約左三五知己來食大大條烤魚一行四人因為有人唔食辣，所以叫左一條蕃茄大邊，魚湯加埋酸甜嘅蕃茄又幾好味喎肉質滑，雖然多魚刺但魚刺大大條好易睇到好易拔。 大大條 四個人剛剛好！再來一碟涼拌粉皮， 好重花生醬味 再加上白芝麻真係好香口， 配上青瓜又增添一份清爽叫左幾份串燒，雞軟骨同埋牛舌都好出色。牛舌唔韌，好juicy入味呀！！雞軟骨好脆，燒汁真心唔錯，更勝沙嗲味食完烤魚緊係要用埋魚湯打邊爐啦薯粉真係好掛湯，最好煮淋d已經幻想到如果係麻辣湯底應該仲正午餐肉都幾大碟，抵食呀！！ 呢間店真係好多人食，7點半出面已經好多人等位！ 性價比高，除番開一人都係一百鬆d ，好抵呀!

第三次黎呢間八一蕃食烤魚烤魚真係好好味。 呢間6點半來到，已經坐滿人 岩岩好有枱埋單， 即刻入去！ 之後人潮愈黎愈多，好采早黎！ 之前幫襯過太子果間分店，一樣好好味！ 麻辣味：花椒香味好足，真係又麻又辣，好過癮，有大中小辣揀酸菜味：好多酸菜，食酸菜最怕太咸要飲好多水，但呢個唔會，咸酸度適中， 可叫店員加辣椒！ 更惹味今日試左蕃茄味，唔食得辣嘅朋友可以一試！ 蕃茄烤魚-大邊， 呢個份量3-4人食嘅話 仲可以叫小菜/ 火鍋配料。 未落其他火鍋料之前，可以飲兩啖湯底，好濃嘅蕃茄魚湯味嫁！ 火鍋配料叫左打邊爐必食嘅午餐肉、肥牛、手打墨魚滑， 價錢不貴， 肥牛呢個價錢食到呢個質素，幾滿意。墨魚滑爽口彈牙，每次黎都必點個人推介，可以加$20 薯粉打邊爐， 如果係辣味湯底就更正 之前試過好惹味！朋友話想試下串燒，於是叫左幾款黎試試: 牛柳、豬頸肉、牛舌， 有燒汁/沙嗲汁選擇， 牛柳配燒汁真係絕配！ 有微微嘅香辣 又夠入味呢度嘅沙嗲口味都幾特別, 唔係平時食甜甜花生味重果隻，而係帶點酸甜味，開胃呀！今晚雖然爆滿，但係環境唔逼，坐得幾舒服！ 店員服務態度好好

因為未食過，選擇困難症，所以問侍應邊個味最好食，佢話香辣就信佢叫左半邊魚香辣小辣。上菜時間有點耐，當時好餓，所以好期待。好香口，比想像中好味聽到隔離枱話好咸，初初都唔覺，但愈食得耐愈咸，但好惹味辣得過引叫左皇帝菜，雜菜（菇、西芹），薯粉皇帝菜超正🤤可惜分量太小，同埋配菜唔算平，而薯粉索哂d汁，超正！但同時都好辣到最後愈食愈咸，不得了，但因為覺得好過打邊爐同日式火鍋，所以一定會再試。最後叫左一壺蘋果茶，出奇地好飲為左呢壺蘋果茶好想再食再飲

相信唔小人都好中意放假或者收工嘅時候番大陸食下，玩下。由好興的雞煲，海鮮，麻辣燙，酸辣粉等等，做到呢兩年好興的烤魚。相信都係大家嘅至愛。有人中意，自然有人去做，香港愈來愈興內地的有名食品，好似烤魚甘依家做到成行成市，咩花款都有，但邊一種先好食，先岩自己口味，就一定要試過先知。今次試左呢間八一番，午市就通常做米線，如果食烤魚嘅都可以，價錢就會比晚市再平d 份量都係一樣。烤魚有幾個味道可以選，我今次就選左小半邊的刴椒味，辣度就係中辣。其實條魚真係好大條下，兩個人食小半邊都十分足夠。魚嘅外層煎到好香口，魚皮有部分係脆口的，但味道就好咸，應該就係煎之前係魚上灑鹽，令煎出嚟都香d好味d。所以就建議魚皮配埋舊肉一齊食，味道就岩岩好。魚肉好滑，肉好多，可以講話係啖啖肉。而且味道竟然唔覺有草青味同腥味。平時煮呢種魚我就最怕嗰陣草青味，依家無嗰陣味，食都食得放心好多。剁椒味的小辣，講真都已經幾辣下。剁椒拒用左黃椒同紅椒，有咸咸地同辣兩種感覺，味道還可以。相對麻煩嚟講就普通左小小，唔夠嗰種香。但試下其他味道都幾好。魚入面配菜就不多，有洋葱，大葱同莞西。如果想另加芹菜同菇類，加30蚊就有一大碗。我就無加到，

放假打算去食條烤魚，叫左個2人餐，等左9個字，都只上左啲前菜，味精湯菜，油麥菜得6,7條，我想半棵菜都無，前菜有啲木耳，筍，一睇啲顏色就知唔新鮮，我地淨食左啲木耳，另外個小菜唔夠膽食，催左3次條魚唔上，隔離4張枱遲過我地來都來左，最後一次催，廚房先話整緊…火都來，起身走人，要我俾個套餐啲前菜飲品錢，個餐包半條細魚，二白飯，二罐飲品，二個小食，一個魚湯菜，總數$168，淨叫條魚$158,我只開左2罐汽水，食左1前菜，1魚湯菜，佢話要$88，我浪費左2小時先離開到，返到屋企仲肚疴，呢啲垃圾店，服務差，味精食品，環境垃圾，大家千萬唔好去。

烤魚有種神奇魔力，令人每隔一段時間就會想去吃。Happy friday的晚上，朋友突然興致勃勃說不如一起去吃烤魚，心動不如行動🏃🏻🏃🏻🏃🏻八一蕃在荃灣已經打滾了一段日子，多年來我對它的食物質素一直沒有懷疑。荃灣吃烤魚首選一定是八一蕃八一蕃位於荃灣士林食街裡面，是這地方第一間烤魚店，認住木色招牌便不怕入錯烤魚有分全魚$289，大邊$196和細邊$156，全魚就不用解釋了，那到底大邊和細邊有什麼分別呢？其實'大邊'是魚的一半連魚尾，'細邊'就不連魚尾。2個人的話叫細邊便足夠了，因為份量真的大得離譜烤魚其實也像打邊爐，多人既話叫多幾樣配料一齊滾滾下也不錯麻辣味烤魚(細邊)$156 再加配菜全份$28。配菜包含大豆芽、秀珍菇、金針菇、唐芹等等今次點了麻辣味烤魚小辣，甫上枱已急不及待先嚐一口，烤魚身上佈滿花椒和辣椒，香味十足，麻得咀唇也脾了！再吃一下吸滿麻辣精華的配菜，真系流曬口水正所謂麻，香，辣俱全，喜愛麻辣的朋友絕對要一試鯇魚較小細骨，而且煲耐了也不會過份'鞋'身。魚肉晶瑩剔透如此大眾化價錢能吃到這麼高水準的烤魚，不枉我多年支持八一蕃

出嚟荃灣一定要試下呢一間烤魚 重慶烤魚 其實在重慶 主要係用烏江魚 烏江魚 肉質幼滑 魚骨細長 而香港主要係用鯇魚如果揸車嚟附近都有大型停車場 而旁邊路邊亦有錶位 店舖位置明顯 店鋪分兩層地下及 閣樓 因主要係烤魚 店舖冷氣 明顯強勁 座位寬敞 二人大多數會比四人枱店員人數不少 都好主動加湯及 服務烤魚有多款味道選擇亦有不辣也有幾款小食小菜都可以叫火鍋料理火鍋今次叫全魚，都差不多兩斤剁椒味，中辣。 魚身先經燒烤， 魚皮好香口， 魚肉比想像中幼滑，剁椒帶點 酸味， 非常開胃

荃灣區出名多烤魚店今次簡左八一蕃巴蜀  等左15分鐘就入得叫左麻辣烤魚，三個人要食大邊先夠烤魚本身都已經好多配菜,麻辣愈食愈滋味成日食蒸魚, 其實烤魚都唔錯肉質唔硬, 剛剛好我地再叫左肥牛, 用麻辣湯底碌肥牛好惹味呢間味道雖然唔差,個人覺得都係另一間烤魚岩我胃口多D

永遠都要自己試一次,食嘢唔係聽人講,係自己親自去食過先知,電視/雜誌又介紹,講到點好,點好味,點正宗,但食過嚇死我, 真係no more again~烤魚落單後好快送到上枱,即刻聞到一大陣小肥羊火鍋個種味,有點反感,但看到整盤烤魚都被酸菜,辣椒,芫茜,唐芹,炸蒜頭蓋滿住,唔好比陣味影響,應該好好味,真係好重手,底下還墊有芽菜,豆卜,烤魚清一色係魭魚,烤魚食得出是一早煎炸好,待客人落單後,再加調味,配料,配菜,上湯,很快便可以送到客人枱上,所以魚肉外面很乾,肉質很鬆散,所有肉汁已經流失晒,魚肉只係浸咗熱湯後變翻腍咗,無晒魚肉應有肉質及肉汁.每逢有湯,有汁嘅嘢,都會習慣先試一啖,飲咗第一啖湯後,真係嘩咗一聲,真係好好味,忍唔住再飲多幾啖之後,再食下魚同其他配料,個魚鍋開始越嚟越鹹,之後就出事了,喉嚨好涸,覺得好口渴,立即叫咗枝細可樂,未試過一口氣飲咗一大半,唔夠喉再叫多一枝,又係一口氣飲咗一大半,真係未試過連chur兩枝可樂,身體已經有反應,咀唇邊好乾,好痕,兩塊面脥又痕,頭頂頭皮部份好似好多針吉住,其實呢啲已經顯示出,吸收太多味精同鹽份.我們落單時一起點了大豆芽菜,鮮枝竹,豆卜,食到一半

叫左半條麻辣烤魚，條魚唔鞋唔多骨，多麻少辣，可能因為叫多麻，唔係好食到其他調味，味道比較單一。最初食唔係好辣，因為一直烤住，所以越烤越辣，明明小辣都變大辣。另外亦叫左全份配菜放入烤魚度一齊食，入面有啲菇、芽菜同超多野菜，但係啲野菜ＵＮ到咬唔到，　所以呢碟唔抵。同店員講要水，叫左幾次先比杯熱水，而其他人叫飲料就即有，服務態度認真麻麻。