八合目居酒屋

營業中

休息中

今日同同事去咗間新開嘅居酒屋🤩店舖入面擺模型公仔，營造咗一種溫馨可愛嘅日式氛圍🇯🇵🤪💫 燒銀鱈魚定食 ($188)銀鱈魚煎到金黃酥脆～再配以少少菜同白飯,整體味道清新突出😝🔥 火炙北海道和牛他他丼 ($168)和牛肉質鮮嫩多汁～油脂平均～口感層次豐富💦肉片表面經過火炙處理，散發出焦香🥳🍛 炸雞咖喱飯($108)炸雞外脆內，,咖喱濃郁醇厚，薯仔蔬菜吸收哂精華🤣佐以白飯，配搭好正😋💕無論係食物質素定係用心服務，都令人覺得呢間新店唔錯👍同朋之後友光臨，一齊試吓佢哋其他料理👍

 如果想食居酒屋好多時都會第一時間諗到去尖沙咀食。今次過海黎左堅尼地城食呢間八合目居酒屋 @hachigoume_izakaya 。啲野食好高質！特別係魚生類，全部都好厚切好新鮮。  1️⃣ 火炙北海道和牛他他丼（$168） 和牛他他配上啲黑椒、蔥粒調味，仲有粒生蛋黃係面，篤穿撈飯一流！  2️⃣八合什錦壽司（$289） 有油甘魚、三文魚、帆立貝、甜蝦、劍魚肺、吞拿魚、三文魚籽同埋玉子。每一件都好厚身同埋好新鮮！食落口感好正🤤  3⃣️ 蔥吞拿魚腩蓉薄脆（$68/份） 吞拿魚蓉好creamy冇筋，配上薄脆食好正！  4️⃣炸蒜香軟殼蟹（$168） 大大隻夠脆而且唔會油膩。  5️⃣日本和牛定食（$228） 一片片既和牛燒好上碟，另外有生蛋黃可以沾蛋液食🤤定食仲有前菜同湯，夠曬豐富。  6️⃣加拿大海膽壽司（$78/件） 勁creamy！而且海膽係鋪滿曬係面！  7️⃣帆立貝壽司（$88/兩件） 大大粒厚肉～  8️⃣什錦魚生 另外叫左唔同既刺身，三文魚腩、劍魚腩、油甘魚、池魚，好厚身好正！ 

呢日去咗西環探朋友，順便一齊去試吓附近嘅居酒屋🏮🇯🇵～火炙北海道和牛他他丼($168)🥩🐮和牛他他入口即化🤤，新鮮嘅牛肉配上清新嘅香蔥碎，加埋溫泉蛋一齊食，呢碗丼飯層次好豐富👍，火炙左口魚裙邊壽司($88/2)🐟炙燒過嘅左口魚裙邊有濃郁香氣，口感柔軟好新鮮，配埋特製醬汁，令左口魚更美味😋油甘魚壽司($68/2)🐟粉紅色嘅油甘魚肉質細嫩鮮美，搭配上酸中帶甜嘅壽司醋飯，清新爽口😍呢間居酒屋環境唔錯，坐得舒服，下次再約朋友嚟試吓其他菜式！🤗

上星期同朋友聚會，朋友介紹呢間堅尼地城附近嘅居酒屋，食物有質素而且性價比不錯，果然無介紹錯。🐮月見蔥花牛脷丼 $258牛脷厚切𠝹花煎到表面金黃色，食落去爽脆彈牙，撈埋香葱、蛋黃汁同醬汁一齊食，真係令人食到停唔到口。🐮薄燒牛肉 $128牛肉脂肪比例分布均勻，輕輕喺網燒過，燒完之後非常香口軟腍，肉汁豐富。🍣蟹柳壽司 $38/2件蟹柳肉質鮮甜美味，每一啖都飽滿滑嫩。🍣蟹籽壽司 $38/2件咬落去蟹籽鮮甜味係口腔散發，口感爽脆。🍣火炙左口魚裙邊壽司 $88/2件左口魚入口即溶，燒完之後油脂好豐富，咬落爽脆甘甜。🍣火炙三文魚壽司 $38/1件輕輕燒過嘅三文魚增添咗油香感，做到入口即溶，同時保留肥美鮮甜嘅味道。🍗炸芝麻雞翼 $88雞翼炸到外皮金黃酥脆，咬開入面吃雪白嫩滑嘅雞肉，滋味多汁，灑咗芝麻喺外皮度食落好香口。📍 八合目居酒屋 (西環)西環堅尼地城士美非路45號聯德新樓地下E號舖

成日都想搵啲高質嘅居酒屋試吓，而家堅尼地城又有新開又高質嘅俾大家試啦👍 黎到居酒屋梗係要試吓佢啲壽司、卷物同埋定食啦，好鍾意居酒屋食嘢嗰種風格，仲可以同朋友一齊嚟食吓嘢嘆吓燒酒添🥂牛油果軟殼蟹卷 $95卷物就試咗呢個牛油果軟殼蝦卷，幾好食 😋十合雜錦壽司 $388呢個就一定要叫🙌 雜錦壽司可以同朋友一齊分享，比較特別啲嘅佢有中拖羅、牡丹蝦、海膽、火炙左口魚、油甘魚、劍魚腩、三文魚子、吞拿魚腩卷、海鰻、玉子🤗 真係樣樣都可以試吓😍 魚生好新鮮，食到津津有味😇燒銀鱈魚定食 $188自己本身好鍾意食銀鱈魚，呢個燒得好香口，銀鱈魚入口即溶，食完返尋味😋燒鰻魚定食 $168燒鰻魚都一定要試，非常之厚肉，亦都燒得啱啱好🥳

上星期日喺小編朋友嘅生日，朋友好鍾意食刺身同串燒，而且鍾意飯後去食甜品，特別係開心果basque，所以小編就約左朋友去西環食飯。@hachigoume_izakaya十合什錦魚生（拖羅、三文魚腩、油甘魚八爪魚、海膽、帆立貝、牡丹蝦、三文魚子、劍魚腩、深海池魚）居酒屋就一定要叫雜錦刺身，我地叫左最貴嘅款式，每樣刺身都有兩件，好適合我地兩個人食。刺身都好厚身，部份更油脂豐滿，例如拖羅、三文魚腩同劍魚腩。馬糞海膽十分鮮甜，而且好creamy。帆立貝鮮味十足，大大粒。池魚魚味夠濃，口感結實。燒羊架羊騷味不濃，羊肉半肥瘦，可以同時食到脂肪同羊肉。羊肉一啲都唔煙韌，而且大大塊，好似豬扒咁大。燒牛舌燒牛舌加上黑胡椒之後變得非常惹味，而且帶淡淡焦香味。口感都幾彈牙，牛味濃郁。一口牛肉粒一口牛肉加上檸檬汁之後奶香味更加突出，牛肉口味香嫩，入面帶點粉嫩顏色。豬肉蘆筍蘆筍喺主角，佢吸收左豬肉嘅味道，令到蔬菜帶點肉香味，蘆筍好嫩口，而且爆汁。炸三文魚皮炸三文魚皮係坊間比較少見，呢間的魚皮有少少魚肉，魚皮好酥脆，表面有少少脆米嘅感覺，整體越食越香口。燒河豚干作為開胃菜嘅首選，燒河豚干入口有嚼勁，過程中會食到鮮味

八合目居酒屋地址：西環堅尼地城士美非路45號聯德新樓地下E號舖蕃茄芝麻沙律🥗 $50佢嘅酸甜蕃茄同香脆芝麻碎搭配得好啱口🥳，係一個清新開胃嘅選擇！如果你鍾意食清爽嘅沙律，呢款絕對唔會令你失望！🍅刺身壽司🍣(大中吞拿魚腩、日本海膽、鱆紅魚、鰻魚、玉子、三文魚籽& 蔥吞拿魚腩蓉卷)呢啲新鮮嘅生魚片蓋米飯😎，每一口都係美味到爆炸！特別係海膽同三文魚籽，鮮味十足🥰，令人回味無窮！如果你係生魚片愛好者，呢份刺身壽司絕對值得一試！🍣

八合目居酒屋於今年七月才正式開張，成為備受不少西環街坊愛戴的日本料理，刺身、壽司、串燒、天婦羅、爐端燒、鐵板燒等都一應俱全。蟹籽沙律 ($78)以青瓜絲拌以沙律醬及蟹子的經典日式前菜味道屬預期之內但份量算多。火炙吞拿魚腩壽司 ($98/1)吞拿魚腩厚如棉被將壽司飯徹底覆蓋，脂肪紋理均勻，肥美得近似入口即化，炙燒後逼出魚油更加油香四溢。香蔥吞拿魚腩壽司 ($68/2)雖然香蔥吞拿魚腩軍艦隨處可見，但小驚喜在於香蔥份量特別豐富，吞拿魚腩蓉綿密豐腴。青瓜鰻魚卷 ($88)青瓜卷上鋪上鰻魚再炙燒一次令鰻魚更加焦香。鰻魚壽司 ($68/2)相對之下鰻魚壽司的鰻魚比青瓜鰻魚卷更加肥美肉厚。加拿大海膽手卷 ($68) 三文魚手卷 ($38)三件手卷的紫菜仍保持微脆，而三文魚份量更貫徹整個手卷，真材實料。

👍🏻 十合雜錦魚生（拖羅，三文魚腩，油甘魚，八爪魚，帆立貝、海膽，牡丹蝦，深海池魚，劍魚腩，三文魚子）雜錦魚生超級鮮甜啊😍拖羅油脂感滿滿 三文魚腩好肥美 油甘魚清甜 魚肉軟嫩🐟八爪魚有嚼勁 帆立貝厚用鮮甜味美 海膽香濃好creamy🎉牡丹蝦爽脆 質感好好！深海池魚味道同劍魚腩肥美鮮味 三文魚子粒粒飽滿 卜卜卜卜嘅口感真係好正！呢款刺身拼盤好啱同朋友一齊share食❤️👍🏻 火炙左口魚裙邊壽司火炙左口魚裙邊壽司表面微焦 上枱時香味四溢 入口時山魚油香爆發 質感有一絲一絲嘅感覺😊壽司飯調味都恰到好處👍🏻 燒銀鱈魚燒銀鱈魚外層焦脆 魚肉肥美 充滿油香 建議先食原味 然後再點少少沙律醬一齊食 魚肉味道會更鮮美 而且鍾意冇細骨🫶🏻🫶🏻👍🏻 炸三文魚皮三文魚皮金黃酥脆 會越食越上癮嘅小食 而且炸得夠乾身 好適佐酒❤️

這間位於堅尼地道的日式餐廳，裝修風格簡約卻不失典雅，營造出一種舒適而放鬆的氛圍。這間位於堅尼地道的日式餐廳，真係唔錯！裝修簡單又有日本feel，坐得舒服。蔥吞拿魚腩蓉薄脆呢道小食好特別，吞拿魚腩配埋蔥花，鋪喺薄脆上面，鮮味十足，食落口感一流。💘😝好正鹽燒鯖魚定食鯖魚燒得外脆內嫩，鹹香啱啱好，配埋白飯同味噌湯，食完好滿足。😆😆happy佢哋嘅刺身同壽司都好新鮮，擺盤靚到唔捨得食。天婦羅同烏冬麵都值得一試，真係有日本料理嘅精髓。🤍❤️‍🔥服務員好nice，會推薦菜式，幫你解答問題。地方闊落，適合同朋友聚會或者一家大細食飯。

【西環日式餐廳🍱八合目居酒屋🏮】-今次想介紹一間喺西環嘅日本餐廳八合目居酒屋🙂‍↕️因為嗰陣食得好急，冇好認真影相😂但發現味道唔錯，所以都想介紹俾大家🤪-😋燒銀雪魚定食🐟$188定食會跟餐有飯🍚麵豉湯同埋配菜~燒銀雪魚外皮煎得好焦香，肉質鮮嫩，又有油脂，咬落口好香口，送飯一流🤩魚肉本身非常鮮美，配上醬汁，令整體口感更加豐富😝配菜同麵豉湯就中規中矩啦～好味指數：🌕🌕🌕🌖🌑-😋燒鰻魚定食🍱$168鰻魚定食都一樣有跟湯同配菜😙鰻魚份量唔細，而且燒到啱啱好，肉質軟滑😌醬汁甜甜地，好開胃又令鰻魚的鮮味更為突出🫡好味指數：🌕🌕🌕🌖🌑-整體味道都唔錯😆餐廳仲有刺身壽司可以點🙂‍↔️唯一缺點可能係定價有啲貴😂😂😂-📍 八合目居酒屋 (西環)西環堅尼地城士美非路45號聯德新樓地下E號舖💸人均消費： $170

去堅尼地城附近探朋友， 朋友話附近開咗間日式小店，我哋一行三人就去試下，叫咗三個午市定食， 全部定食包前菜、麵豉湯同蒸蛋❤️ 角切海鮮丼 $148一上枱有大大份海膽，和色彩繽紛嘅魚生，真係好吸引， 全部魚生都好新鮮，有三文魚、吞拿魚、 八爪魚等等，份量都幾足，值得推介❤️火炙燒魚生丼 $158火炙燒魚生丼係有火炙三文魚、火炙帶子、火炙左口魚裙邊，份量都唔少，帶子好彈牙，煎得啱啱好，帶有微微焦香味，愈食愈開胃❤️燒左口魚裙邊丼 $158最喜歡左口魚燒香後的魚油香味，好好送飯，再有幾塊厚切吞拿魚魚生，呢個配搭幾好，總括而言，這間親民小店食物CP值頗高，值得支持💸平均每位消費$160

第一次來到八合目居酒屋，六時入座不需要排隊，但進餐期間門口已經有很多人排隊，建議可以早點到達餐廳用餐。餐廳新裝修有特色，牆身有很多模型可以拍照，坐的位置尚算鬆動足夠，下單可以透過QR code。麵豉燒銀鱈魚：醬汁味道很好，鹹淡適中，魚肉很嫩滑，油分足夠，燒得剛剛好，非常美味，超乎意料之外。香蔥吞拿魚腩壽司：份量足夠，飯及吞拿魚腩比例很好，但略嫌吞拿魚腩味道比較淡，配合Wasabi及醬油口感比較佳。海鮮蒸蛋：蛋生很嫩滑，非常之熱，有香菇、魚片、蝦、蟹柳、銀杏，尚算足料，但味道比較普通。月見黑毛和牛丼：黃牛當上有可惜用生蛋，攪拌後非常香滑，和牛口感非常好，配合蛋和飯吃非常美味，但飯感覺夠熱，可以再作出改善少少。雞肉串燒：雞肉串燒份量很足，味道很好，燒到雞皮有少少脆，雞肉肉質非常嫩滑，配合醬汁非常好味。餐廳整體環境很好，餐牌的選擇也非常足夠，員工也很有禮貌，食物整體尚算高質，可以再次到訪，值得推薦，下次可以試很多人都點的刺身及其他串燒食物。

日本菜 | 八合目居酒屋|西環 八合目居酒屋係一間高質嘅餐廳，位置喺市中心，好方便。由新鮮嘅生魚片到熟食，應有盡有！刺身真係好正！另外，銀雪魚定食都好高質，只需$188，超香滑，完全唔腥，超好食✨✨，十分推薦。整體，物有所值！ 西環堅尼地城士美非路45號聯德新樓地下E號舖—————————-Overall 💗💗💗💗

食材新鮮，好食，幾塊壽司有埋乾冰，影相好靚。鋪頭入面好多懷舊玩具，好得意可以打卡。新開業環境幾好，乾淨整潔，門口位大玻璃窗坐得好舒服，價錢合適，服務態度幾好，下次會再嚟。