八妹雞煲

營業中

休息中

本身不怎麼喜歡食雞煲，但是想要試這家熱辣辣的響鈴，於是跋山涉水，來到了位於太和的這家店，人還是很多的，選了半個雞，味道比別家的好吃很多，入味，夠滑，不過小辣就可以了，響鈴非常好吃，脆脆熱熱，鮮蝦雲吞也是👍，每一顆都有蝦仁！推介

好少入大埔，今次都係行完山，朋友揸車先黎食。果然無介紹錯呀。嗌左一隻小辣，辣度對我黎講岩岩好，隻雞都入味。之前有幾次食雞煲都中伏，搞到驚左，今次無事😂感動呀。

其實整體上都不錯， 只是如果湯底有多些材料和入味一些，那麼就更好了。食物：4/5 那個麻辣雞🐔很好吃，雖然只有少少辣，但那一種麻辣真不錯。環境：5/5 很有舊式香港的風格， 令我懷念當前整潔：4/5 不太髒，沒有什麼特別態度：3/5 服務員的態度不太好 ，有些不想招呼你的態度，也許我們人多比較嘈吧舒適：4/5 環境都比較大，空氣也通暢。 注意：不要入房坐，那裏比較熱的方便：4/5 太和火車站行去這間舖少於五分鐘的，詳情上google map我會給這間餐廳4/5⭐

八妹雞煲佢都係偏甜的辣整體味道幾好，佢有辣度揀，我嗌左中辣其他餸價錢偏貴，對我來講唯一好處係近近地，住大埔食雞煲嘅不二之選，當然如果中意食麻辣就唔係佢啦～大埔另有選擇兩個人食都係建議嗌豬潤就最夾架啦加個薯粉同一碟肥牛夠做

今晚BOOK左八妹雞煲,太耐冇食過雞煲啦好掛住佢.入到去既裝修好靚好有FEEL似係一間舊式新派大排檔,唔同既招牌掛哂係上面襯托.雞煲叫左中辣半隻味道惹味唔un(入面有大量紫洋蔥同芫荽)叫左響鈴(即叫即炸必試)手切肥牛(重牛味厚薄適中)蟹子蝦滑(好多蟹子係上面, 爽口彈牙蝦味十足)同埋叫左杯凍檸茶係十分大杯係十分大杯好底飲呀

晚市唔洗等位，有職員拉客，坐得好迫，每位收醬油錢十幾蚊。叫左一隻雞二百幾但量唔多，味道還可以，最後埋單每位接近$300，整體質素平平，羊肉片用平價羊肉唔好食！！！

每次入 #大埔，#小秘書 總係鍾意去吓啲商場仔，四圍行吓，睇吓衫咁🤩 夜晚我哋例牌會去 #大埔墟街市 樓上個 #熟食中心 開餐... 不過最近去過一兩次，#小炒 似乎冇以前咁有風味😙 今次一於行遠啲，行到去 #大埔舊墟 食 #雞煲🤤八妹雞煲 我哋都係第一次幫襯，見網上食評都唔錯，就試吓佢啦！好彩我哋到達嘅時間比較早，服務員安排咗張圓枱比我哋，嚟得幫襯，梗係要個雞煲啦。以往食雞煲形式上都要自己落手落腳翻炒幾次先有得食，但係呢度嘅雞煲，上枱嘅時候已經做好，馬上就食得✌🏻我哋叫嘅係小辣雞煲，醬汁比較鹹，而且愈食愈辣🔥本來只係想要半隻雞嘅我哋，最終比阿姐嘅說服要咗一隻雞😅 眼闊肚窄嘅我哋，竟然仲加咗幾個火鍋料... 雖然係飽，但係將啲 #響鈴 浸湯又真係幾好味🤤 而我就覺得佢哋啲 #墨汁墨魚丸 都幾特別，咬落去有陣鮮墨魚味.... 不過湯底太濃味，對我來講有啲heavy，加上醬汁嘅油膩，最終搞到我返屋企要食胃藥先搞得掂😖真係冇用喇👉🏻👈🏻

係大埔上完堂，見呢間好多大埔人推薦，又有好多人跨區慕名而來，所以就嚟跟隊試下。一早係OpenRice book咗位，一嚟到就有位。呢到環境好靚，裝修有啲舊香港大排檔feel。雞煲一嚟到已經聞到好香，見有咁多好評，本身真係抱住好大期望而且呢到都多選擇，不過魚皮就差咁啲，有陣油益味又唔係好夠脆。而雞煲香係夠香，但一入口就見真章，唔夠重口味，失望。跟住我地3個人都食咗差唔多每人400蚊，好貴，覺得名過其實。

返工辛苦左成日，覺得應該要食餐好啲啲而且好耐冇打過邊爐見到OpenRice評價唔錯，所以揀咗呢一間座位都幾多，座位尚算寬躺，懷舊嘅香港裝修！因為我哋只有兩個人所以只好搭枱，但佢哋會用咗一塊板分隔開，咁樣其實好好，我見有啲餐廳搭枱都仲係要對住對方食嘢，呢啲餐廳我一定唔會選擇！畢竟而家咁嘅時勢其實做多一步會令食客安心好多😊兩個人叫咗半隻雞，5樣食物，份量唔算少，，如果多啲人嘅話可以試吓唔同嘅食物，本地肥牛啊價錢唔算貴，各樣食物質素都幾好，最鍾意係個滷水豬大腸，其次就係個響鈴！

踩單車黎到大埔下大雨，成身濕淋淋想揾熱辣辣野食，去左間好出名既餐廳食雞煲名為八妹雞煲 裡面裝修好似舊時代 順便打卡，一坐低就有盆熱水俾我地洗碗洗快子，跟住我地叫左個吾辣既八妹雞煲，同鮮牛肉雜餃子，魷魚響鈴 得兩個人食就吾叫咁多，點知黎到個雞煲好辣食左幾口吾對路，立即同侍應講你俾錯我地，佢都即刻換返吾辣既湯底還好，材料方面都新鮮好食既。但醬油要另$15每位囉，我覺得吾好因為出到去得6款左右你揀又吾係多，仲要收錢，差！整體黎講3.5分啦

最近跟朋友們聊起哪間雞煲店最好食，我就即刻想起八妹雞煲了，朋友們更加即興約我入大埔跟他們試一試是否真的如我所言般出色。首先裝潢仍然具有香港特色，而且環境依然乾淨，好快我們就下單點了一份中辣的八妹雞煲，再另加一碗麻辣醬，之後加湯就可以再加辣嚕。飲品選擇都不少，最特別是有天地壹號蘋果醋，可以消一消滯，味道又好飲。醬油配料方面好多選擇，還有小食可作餐前小食，在等雞煲的時候可以先食點小食。另叫了一份炸墨魚腐皮卷，好好味，墨魚好彈牙，味道帶甜，腐皮炸得香脆，口感極好。雞煲送到的時候，朋友都非常興奮，因為一打開蓋子就飄出好濃郁的麻辣香味，雞件好嫩滑又入味，既帶點甜味又夠麻辣，咸味又剛剛好，食得停不了口。另外點了豬大腸，職員教我們可以試試放入雞煲煮，想不到又不錯！口感好彈牙，又將雞煲的辣味全都吸收。食完雞件就加湯食火鍋了。蔬菜好新鮮爽口，而餃子更是皮薄多料！嚮鈴即叫即炸，好香！必點！豬爽肉份量好多，而且好有咬口！蝦滑和墨魚滑的份量都不少，而且好彈牙，即使湯底好濃，都沒有搶過它們的鮮甜味道。最後必點的一定是手切牛肉，一看就知肉質好，肉色鮮紅誘人，油脂分佈平均，有口感且牛味濃，絕對必食。

八妹雞煲最近又想食雞煲,當然去大埔搵八妹啦裝修好本土好文青 令人眼前一亮半隻中辣雞雞件既size切得岩岩好，唔會全部骨個汁夠哂惹味, 加埋紫洋蔥同芫茜,超正!陳皮魚蛋陳皮魚蛋必食喇! 好有細個既回憶手切肥牛脂肪分佈均勻, 啖啖鮮牛肉味~!羊肉羊肉無so又無雪味, 好食海鮮芝士豆腐即叫即炸，十分新鮮芝士味濃，而且口感軟滑，超有特色大檸檬茶大大杯，好抵飲配菜選擇太多，不態盡說👍🏻👍🏻滿分精選#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig

今晚去左朋友屋企附近行街，之後朋友介紹去食雞煲，正呀！😋我地被安排卡位，冷氣都好足夠！記得打口罩先好出去拎醬料！秘製八妹雞煲不辣一隻$230 ，醬汁濃郁，香辣惹味，食完嫩滑雞件，更可加入清湯打邊爐。食雞煲前點左前菜：涼拌三小碟 $65， 有豬肚、青瓜、和雲耳帶有一些麻辣，刺激味蕾！鵝腸 $68， 好清爽但要記得煮一陣就食得，不要太耐太耐會比較韌 ，鴛鴦滑(蟹子蝦滑 +鯪魚滑)$98， 有很多蟹子放在蝦膠上面，可以撈勻跟住煮嚟食， 爽口彈牙 ，鮮味十足 ，魚肉是採用新鮮魚手打出嚟 ，好好味！紅薯粉 $18，入口滑滑地，是無味的食時加些醬汁才好味，稻庭烏冬 $32，價錢貴些是有原因，因為是靚日本稻庭烏冬，非常滑和不易斷。鮮淮山 $33 ，是採用新鮮淮山 ，食落口就爽口，如果煮耐些就會比較腍身，隨個人喜好喜歡食腍或者爽口 ，就要靠自己煮幾耐啦 !萵筍$33，萵筍煮一陣間就食比較爽口 ，唐生菜 $30，生菜很新鮮爽口翠綠 ，鮮水魷$43，煮好加些醬汁才好食。 蘿蔔片$30，炸魚皮$30，很薄身同埋脆香煮1秒就可以食。 即炸響鈴$43， 自家店舖自己新鮮炸出來，非常之鬆化、脆口 ， 值得推介必食

前幾日陽光普照，跟朋友去左行山，之後就去左大埔舊墟到食🐔雞煲！秘製八妹雞煲不辣一隻(也有辣的) $230 ， 雞肉好嫩滑，味道剛好！愈食愈滋味！叫左碟小食：椒鹽墨魚咀 $65，從來未食過墨魚咀原來墨魚咀很爽口 ，加上外面有些脆漿 ，食起來又爽又脆好好味 。鮮蝦雲吞$50，雲吞內的蝦很新鮮又彈牙 ；牛根丸$45，牛根丸很Q彈，牛味濃稠！陳皮魚蛋$45，細細粒有陳皮的香味 ；墨魚腐皮卷$52， 原來墨魚腐皮卷係不需要煮，因已炸熟嚟到就可以食，爽口皮脆 。野生竹笙$62， 很爽口浸耐些比較入味。黑豚豬大腸$60，應該是煮好才拿來，只要滾一陣就食得，不用太耐 。新鮮雲耳$30，爽口也是要靠醬料才好味；蘿蔔片沒有苦澀味，吸晒湯底味道濃！皇帝菜$42， 我朋友就最喜歡，本想叫茼蒿但季節性沒有，只有叫皇帝菜 ，因茼蒿和皇帝菜都一樣有嗰種濃味， 所以叫皇帝菜食住先，下次冬節再來食茼蒿吧！西班牙黑豚豬腩片$60， 一層肥一層瘦食落口不覺得肥，只有金香不鞋口，肉質仲幾滑。飲品方面就點左：凍檸柑桔 $32，杯內有一粒話梅飲時感覺甜甜酸酸很醒胃；凍冬瓜茶 $32: 唔太甜，清涼退火，岩晒打邊爐時飲，讚！😋😋+

雞煲不是間間餐廳都能夠整到好惹味，而這間位於大埔的雞煲店，他們雞煲的醬汁非常惹味，令人不禁多次來品嚐。餐廳佈置已懷舊風為主，十分特別。秘制八妹雞煲今次叫左半隻小辣，店員會建議入座便先點雞煲，因為需要等15分鐘的時間。雞煲上枱就可以食，不用再煲。雞件大件，份量都幾多。雞肉嫩滑，醬汁味道非常惹味，麻麻辣辣，加上有紫洋蔥同芹菜，令味道更美味。食完雞煲就可以落湯打邊爐。手切肥牛點了小份，牛肉油脂分佈平均，有香濃的牛肉味。陳皮魚蛋用黎打邊爐原來都幾美味，細細粒，爽口彈牙。打邊爐食午餐肉點少得，午餐肉都切得幾厚身，食落又唔會好油。海鮮芝士豆腐，即叫即整，所以基本上這款丸是可以就咁食，豆腐內有流心芝士，非常惹味，如果再放湯食的話，更加惹味。竹笙、淮山，這款兩款素菜都係吸味的，兩者吸收了湯的味道，美味非常。泰國粉絲，口感有點像米粉，但是透明的，加落雞汁入面特別好食。這裡的飲品都是非常大杯的，而且味道唔會好淡。這間雞煲味道夠濃又夠惹味，值得回頭。