八妹雞煲

營業中

休息中

同事成日話佢屋企附近有一間馳名雞煲叫八妹雞煲，今日就俾佢帶我去跨區搵食啦醬料區：基本嘅醬料都有提供，甚至有細個成日食既粟米筒秘製八妹雞煲 (半隻)：同事唔太食得辣，所以嗌左微辣，但係個雞煲醬依然十分惹味雞肉份量足夠，非常嫩滑入味！秘製麻辣醬：個人覺得係必點！咁啲雞就有辣有唔辣喇仲可以用嚟沾打邊爐既嘢食，又可以加落打邊爐嘅湯底！A級安格斯肥牛(小)：唔好睇佢細細碟，啲牛肉有好多層！脂肪分布平均，肉味濃豬爽肉：新鮮，同個麻辣醬好夾梅林午餐肉：煮耐左都唔易散即炸響鈴：舖頭自己整，熱辣辣又脆卜卜什餃：有自家製雲吞、韭菜餃同埋魚皮餃，啱晒兩個人食三拼：有萵筍、鮮淮山同埋蘿蔔片油麥菜：新鮮鴛鴦滑(蝦滑+墨魚滑)：蝦滑好彈牙，墨魚滑亦都好鮮甜我地都覺得墨魚滑超好味！凍椰汁冰：好大杯，好抵飲！凍檸柑桔：好正，好啱打邊爐飲！唔係度度有，必嗌總括嚟講食物好味又新鮮，份量亦足夠，一定會再嚟幫襯！順帶一提呢度嘅服務都超級好，姐姐見我哋就咁落啲滑，就教我哋要將啲蟹子撳落去啲滑度，咁就唔會打邊爐嘅時候甩晒出嚟！攞過好多獎啲裝修都好有特色，環境亦衛生企理仲有新鮮海鮮，下次嚟可以試吓！

成日聽大埔好多美食～😚😚今日收工早咗 就去大埔發掘下美食先😜大埔真係好多小店 好少連鎖集團壟斷🤟🏻真係要多多支持😘.朋友話好想食雞煲 原來佢早有準備已經上網搵好大埔必食😋😬佢話上網好多人推介 & 同埋身邊住大埔嘅朋友都強烈推薦「八妹雞煲」望入去都好多人以為要等好耐位 原來入邊好大😉等咗唔係好耐就可以入去食飯啦👏🏻.我哋兩個人眼闊肚窄 叫咗一台食物🙂結果食得好辛苦🤣🤣好彩最後唔算剩低太多嘢😅但真係好食👏🏻👍🏼👍🏼.叫咗半隻雞煲 $155 雞煲秘製醬汁好惹味😋每一舊雞都醃製得恰到剛好🤟🏻雞肉仲係好嫩滑👏🏻份量都好多同朋友每人都有四至五件雞塊安格斯肥牛 $188一放落口牛肉味 沖口而出🐂牛魔王真係千祈唔好放過～放落鍋 3秒就熟！肉質啱啱好😋有入口即溶嘅感覺😍🥰鵝腸 $68鵝腸而家唔喺度度都有得食😍我哋兩個見到就即刻異口同聲話要食！果然不負我哋嘅期望😍蟹子蝦滑 $88手打蝦滑起晒膠🤩🤩食落彈牙～即炸響鈴🔔響鈴份量都好大 食晒其實都好飽～響鈴索曬湯汁 好惹味🤩飲品超級大杯 $32熱辣辣嘅雞煲 配返一杯涼透心飲品一個字！爽～叫咗鹹檸檬🍋 酸酸甜甜好開胃～同時都好消滯👍🏼👍🏼啊！差啲講漏咗餐廳設計係

這間雞煲店好大間，環境也很闊落，重點是裝飾潢很特別🤩以大排檔設計模擬出來，牆身全部也是很有香港經典特色的店舖，理髮鋪，冰室，劇院也有😙真的花了不少心機👍🏻👍🏻打卡必來！職員服務態度好好，會主動幫你換碟. 店內有提供醬油自由調味，還有花生和蝦餅提供，淨小食也吃到停不了口🤣🤣😍💠雞煲（半隻）不辣 🐔🥘$1552個人關係，所以叫了半隻.因為朋友和我也不能吃辣，所以叫了走辣🤞🏻雖然只有半隻，但十分足料，未食已經嗅到陣陣雞香味😊雞塊件件也大，很多肉😗醬汁好好味，與雞肉融為一體.雞滑不嚡，好嫩滑.食完雞煲後，可加湯打邊爐.每張枱也有一壺雞湯.想試其他湯底的人可加錢.火煱配料：💠A級安格斯肥牛（小）🥩$158牛肉薄身，鮮紅的色澤😬一浸好快可以食🤣.肉質不嚡.配料很多款，叫了幾款食.💠牛柏葉，韮菜餸，芝士丸，芝士小籠包，黑椒牛丸，紅薯粉，金菇，蓮藕片，芋頭片，唐生菜，滑豆腐，即炸響鈴，羊肉片羊肉片必推👍🏻👍🏻😍是我最喜愛的羊羶味，好羶好好食😋芝士小籠包賣相好可愛😍是迷你小籠包，入面是芝士流心 😚😚跟芝士一樣.芋頭控一定會叫的芋頭片，預先煎好，可即食或浸鍋煮再食，當然煮後吸入湯汁味道更好😏🔹凍檸柑桔🍊🥤

好耐以前喺九龍區食過八妹雞煲，一直念念不忘，之後知道佢已經冇做... 點知無意間發現原來開咗喺大埔！叫咗一隻雞，中辣唔算話好辣，不過食到尾，啲醬汁煮結咗就會辣左！雞份量好多，切到好大件，啖啖肉 雞煲醬汁都好夠味食到雞就加湯打邊爐！叫左份大嘅手切肥牛，牛味好香，好食！另外當然唔少得豬！叫左個西班牙豬腩片，切得夠薄，淥一陣先入口入口即溶，好香口！另外仲叫咗份水魷，好有光澤，睇得出好新鮮。食落去好爽彈雞髀菇好索湯，吸晒啲湯嘅精華好正仲有我超級鍾意嘅手打鴛鴦滑，分量比想像中大，續啲續啲咁樣淥，本身嘅食材味都好出，另外仲有啲粒粒咬口當然唔少得我最愛嘅炸魚皮！好脆又厚薄適中食食吓仲叫咗個滑牛肉，都係好新鮮，不過我自己就比較鍾意手切肥牛～嘢飲就叫咗兩杯檸鹹柑桔，係用左啤酒杯架好抵飲～雖然價錢方面都算係中上，不過佢嘅食物質素真係幾高，對得住佢個價錢 瞓喇亦都好大份，冇呃錢

從來只有仔女𦧲阿媽，大胃之母經常都𦧲大胃帶佢出去食好西，想佢收聲就唯有如佢所願啦呢間嘅雞煲聞名大埔，晚市好多人都嚟食，場面墟冚，多人過紅磡就算係微辣，醬汁足以好食到，秒清所有雞肉食完雞煲就可以倒檯邊壺湯入去，改做打邊爐火鍋VIP—肥牛必然出現，呢碟切成方方地一塊，但就好夠牛香菌類方面，大胃第一次食竹笙，無論喺雞煲定火鍋度烚佢，一樣勁吸味又超爽口唔夠喉仲可以嗌雜菇，有冬菇、秀珍菇同雞髀菇，滾完火鍋湯底又可以用嚟食另外，大胃覺得打邊爐有埋餃子會開心啲，但又唔想食死一款味道，雜餃有齊魚皮餃、韮菜餃同魚皮餃，烚咗好耐都唔會散，肉質夠晒結實。芝士控注意喇，食厭芝心丸可以試吓芝士小籠包，質地好唔同，有淡淡然嘅驚喜仲有仲有必食嘅係芝士魚腐，就咁食或者烚吓先食，都一樣爆芝好味原來大胃之母冇食過雞子，遊說咗佢好耐先夠膽食第一啖，好彩呢度嘅雞子雖然大粒，但唔腥，佢先至冇陰影響鈴亦係呢度嘅招牌，就咁食已經勁脆口，亦可以烚腍佢，外軟內脆嘅層次更令胃興奮成日打邊爐要係咁嗌嘢飲都幾煩，但呢度有大大杯冬瓜茶嗌，打完邊爐都仲未飲晒仲有大大支天地一號，仲大支過啤酒，認真襟飲

呢間大埔必食雞煲想去一段時間，Book好枱但撞正打風日子都無阻我嘅興致！我去嘅時間6點零未算多人，但陸陸續續餐廳都滿座！建議想食嘅要先book枱～因為第一次食唔想辣味遮蓋一切，叫左秘製八妹雞煲小辣試試先，雞煲味唔霸道，食落唔會凈係得咸味，雞肉嫩滑唔霉，2個人叫個細嘅份量剛剛好！食完雞煲再倒上湯就開始邊爐🫕肉肉想食好少少，叫咗手切肥牛，牛肉有彈性而且有油香，雞煲味道唔太霸，牛肉燙完都有牛味，蘸辣椒豉油好鬼正！叫咗八樣嘢我最鍾意三拼同埋鴛鴦滑，三拼中蒿荀重量級鮮甜～夾雞煲邊爐好好食！鮮淮山又係另一最愛，烚到脆卜卜好正，淮山對身體好好👍🏻喺屋企處理好繁複，喺街見到真係一定會食🥰蝦滑同墨魚滑好難打得好食，粉同肉份量好嚴謹，而當中蝦滑極難打得靚，呢個就打到爽彈唔鬆散，好難得！墨魚滑都打得靚，不過味道甜左少少！墨魚腐皮卷同響鈴有即炸過先上碟，我喺未打邊爐前已經在偷吃～極推墨魚腐皮卷脆脆彈彈送啤酒一流！其餘配料都唔錯，叫呢幾樣嘢食都好飽啦！竹蓆茅根水超好飲！絕對唔會甜到爆～食雞煲又打邊爐絕對清甜解渴！呢餐食得好滿足，不枉我早早book枱又打住風咁去大埔～

网上定位人挺多的，菜还挺快的。很快吃完了。点了一只鸡。叫了一盘牛肉。再加了一些饺子青菜。还有拉面。今天都挺多人的。服务员挺多的。，总体的感觉就是一般般喽。没什么惊喜。

八妹雞煲自從搬左之後第一次食。黎到第一個反應就係個裝修好得，勁靚，啲坐位勁舒服。首先我緊係嗌佢地最出名既雞煲拉，因為我朋友唔食得辣所以我叫左個唔辣。不過令我有驚喜，估唔到唔辣都咁好食。佢個汁真係好正難怪咁多人黎食拉。係個調味料區度仲有啲小食比我地等既時候食，真係幾sweet 🥰終於等到個雞煲黎拉。食雞煲緊係唔少得竹笙，魷魚，響鈴同肥牛拉。不得不讚下佢既份量真係比得幾足，我起初仲諗住叫兩份竹笙，點知一份都夠食。竹笙吸哂啲汁，真係無得頂，正到食唔停，至於魷魚好爽，配埋個汁真係好夾。另外，真係要推介下呢度既響鈴真係好新鮮，好脆，好似即炸咁，好鬆軟香口，而個手切肥牛好新鮮，好有牛味😋😋😋至於野飲方面我地分別叫左一渣竹庶茅根同一杯檸檬茶。竹庶茅根好足料，好好飲，勁清甜👍至於杯檸檬茶亦都好足料，好大杯。整體來講，野食好好食，出餐時間都快，service 都幾好又唔洗點等位。👍👍👍再食指數👍👍👍👍👍👍👍👍👍👍

心血來潮想食雞煲去咗朋友介紹位於太和站 嘅八妹雞煲。由於我哋唔係太食得辣所以叫咗花膠雞煲（半隻雞要208蚊）。 雞煲好香 加咗好多配料例如有芹菜芫茜同埋類似八角嗰啲嘢。 食完都唔會口渴。 雞肉好嫩滑， 有兩隻雞翼，好多雞比肉，好好食。最令我驚喜嘅係花膠。 煲裏面有四塊花膠，每塊都起碼有半隻手板甘大。好厚身，夾埋雞煲嘅汁真係好好食。食完雞煲就開始打邊爐。我哋叫左A級安格斯肥牛（小）158蚊。呢個肥牛我覺得拍得住日本和牛咁好食。好重油香味，但又唔會好漏，食落好滑！食左甘多肉，我哋叫左個八妹拼盤中和一下。拼盤有蕃茄、南瓜、海鮮菇 、bb露筍、粟米仔、泰國毛角豆、由於冇皇帝菜所以有娃娃菜。78蚊兩個人食啱啱好。每種菜每樣食少少，份量幾好，冇甘單調。炸魚片頭 （45蚊）真係即叫即煎比你，上枱時仲熱辣辣，就甘食或者碌一碌再食都得。鴛鴦滑，蝦滑加墨魚滑98蚊。兩樣都好彈牙，食得出有落足料去整。同個雞煲汁幾夾。值得一試。

因疫情關係開始緩和，與家人一同聚會食雞煲4人一隻雞剛剛好，之後叫其他餸食，個汁底唔錯，唔加湯，淨係要個汁底打邊爐，由其是豬皮、山根索晒d汁，非常惹味懷舊feel的裝修，坐位比較闊落，食物價錢有d貴，質量可以接受衛生ok, 記得帶返個口罩出去拎醬料下次會再選擇

八妹雞煲 (大埔).聽人介紹得多，今日終於過開黎大埔可以一試，店舖環境以我最喜歡嘅懷舊香港做主題. 🔹花膠雞煲半隻🔹.一黎緊係叫番個招牌雞煲先，男朋友喜歡食花膠，所以兩個人叫半隻花膠雞，花膠份量勁多，有成五大片，全部好入味雞件更加係無用置疑，除左一上枱顏色已經吸引，食左個醬好惹味，濃郁，香帶點麻，雞肉又嫩享用完好味到爆嘅雞煲，就到點不同配料打邊爐🍲 難怪咁多住大埔嘅朋友推介呢間，因為食材全部都好真材實料又特別先講丸類餃類嘅選擇好多，特別推介大家食墨汁丸，好香墨汁味，咬落彈牙仲有粒粒墨魚肉;另外有得叫雜餃，有魚皮餃，韭菜餃同雲呑，三樣都好好食😋🥺 特別係韭菜餃好脹卜卜鵝腸都超爽口，乾淨又入味手切肥牛叫左個小嘅，入口鬆軟，無渣，香牛肉味; 另外見到好多人都有食芝士豆腐丸，果然係一咬就會爆少少芝士，好邪惡又好食另外即叫即炸響鈴都幾好食，熱辣辣脆爆，然後浸一浸個湯，雞煲本身個湯夠惹味，所以個響鈴索曬啲汁非常好食.—————————————————-環境：⭐️⭐️⭐️⭐⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌 八妹雞煲 (大埔)大埔舊墟直街4-20號美新大廈地下A1號舖

火鍋控的我哋作為大埔街坊今次先係第一次食咁出名的八妹雞煲😂果然名不虛傳💙.店内裝修係香港懷舊大排檔佈置，啱哂打卡😎因為叫咗太多野食~今次只介紹 d特別 &必食俾大家啦！(留意番唔係任食的) .✨✨!! 必食推介!! ✨✨調味料區除咗攞醬汁，仲有小食。見到有三角粟米筒😍細個好鍾意食嘅.🟥雞煲🐔 🟧2個人叫咗秘製雞煲(半隻小辣), 偏向先甜後辣，而雞件大大件嫩滑，非常惹味。原來仲有淨辣醬，覺得唔夠辣再蘸醬亦得！.🟨丸類🟩1. 墨汁墨魚丸🦑:超 juicy鮮甜，有墨魚粒2.芝士小籠包🧀:口感有 d似包心芝士丸但超濃芝士😍及似芝士醬多d3.海鮮芝士豆腐：平時食 shabushabu先有，呢度竟然有得食~.🟦菜類🥗🟪1. 野生竹笙： "大支野"❗又爽又厚肉 (見相) 2.九菜餃：意想不到咁薄皮咁多餡好食😍.⬛肉類⬜ 1. 脆鯇腩🐟: 爽口又鮮甜滑身 2.雞子：難得有得食😋而家好少地方有.平日夜晚都好 full, 大家記住 book位啦！.

-雞煲半隻(不辣)雞件份量唔多，但全部都好入味🥺 加埋配料有我最鍾意嘅芫荽真係好滿足😛-安格斯肥牛(小）肥牛肉質鮮嫩，牛味都幾濃，份量兩個人share食啱啱好🥰-豬紅豬紅就略嫌冇乜味道，不過拎嚟過下口癮都唔錯啊🤪-鴛鴦滑佢係分咗蝦滑同埋墨魚滑嘅😌 小編私心蝦滑～蝦味香濃又爽口😛當然墨魚滑都唔差 只不過係相對失色少少-魚皮餃呢一個就中規中矩啦～都可以一試嘅-芝士丸就係平時食開嗰啲芝心丸咁，香濃嘅芝士味 一定個個都啱食啦🥰-羅白蘿蔔切得唔會太厚，吸晒啲湯汁之後幾入味🤤-娃娃菜夠新鮮👍🏻-菇類拼盤一次過可以滿足食唔同菇嘅慾望😍抵叫啊-墨汁墨魚丸呢個真係強烈推介！墨魚汁鎖喺魚丸入面 一咬開熱辣辣又多汁勁有驚喜😍 鍾意食墨嘅朋友一定要試-西班牙豚豬腩片依一個都係必食！🥺豬腩切到好薄 唔似坊間好多都會搞到好韌 肉味十足 個人覺得仲好味過食安格斯牛🤤-響鈴超級大份量😳 味道係預期之內不過勁滿足 -天地1號呢支蘋果醋真係勁消暑😛 仲要糖份唔多 可以呃自己算係健康嘅飲品🤣 不過有氣所以都要慢慢飲

兩年前係附近食晚餐果陣，見到八妹門口有一堆食客等候，先知原來佢係區內人氣雞煲店😯，但價錢唔算平，所以一直都無去試。呢兩年疫情關係，無得去旅行，出街又少左，所以係飲食方面比較願意花多少少😅。星期五晚6點去到，食客唔算多，最多只有5成滿。到走果陣都唔Full，唔通大家口味轉左?!🤔我同朋友兩個人，柯打左半隻雞，再加3款材料，食完之後我地兩個都好滯😑。半隻雞煲(小辣) $155由於煲內既辣椒未出味，所以d雞食落唔辣，麻味亦無好重，不過不失。雞件真係似有半隻，一隻腳、翼、雞脾骨，唔會好似某d餐廳咁，半隻雞但有兩隻腳既情況😏。即炸響鈴 $43本身好期待，一黎即炸上枱一定脆，二黎有唔少食評推介。響鈴果真熱辣辣上枱，食果陣個心仲係好熱、好辣嘴。不過我自己比較中意厚身d、硬脆d既響鈴，所以嫌呢個薄得制，太鬆脆。加上一客6件對我地黎講太多😐，每人3件食完好滯好滯，如果有細份量選擇就好。紅薯粉$18吸哂麻辣湯底，口感煙韌，煮熟左份量都唔少。大手切肥牛 $218問左職員大同小有乜分別，佢話大有5oz，小有3oz，一聽之下，就緊係食大size啦!!😂呢個牛係全晚最正😋，即使咁濃味既湯底都蓋唔到佢既牛味，就知佢

食材高質既雞煲🐔以前食雞煲一定出九龍食，最近搵到間就腳雞煲，食材好新鮮🤩我地叫左：BB辣雞煲（半隻）手切肥牛（大）鴛鴦滑（蝦同墨魚）竹笙鮮准山水魷墨魚腐皮卷蔬菜拼盤（蘆筍、秋葵、皇帝菜、南瓜etc）冬瓜茶註：//雞煲d雞好嫩滑，兩個人叫半隻夠曬！//手切肥牛油脂分布均勻，入口即溶！//竹笙好爽口好新鮮，0硫磺同漂白水味！//鴛鴦滑好足料，每啖都食到墨魚同蝦係入面！//冬瓜茶清新少甜，解渴一流。//鮮淮山喺自己私心推薦，因為屋企成日食嗰啲煲湯淮山，見到新鮮嘅淮山好興奮！⚠️食材非常新鮮，一分錢一分貨，價錢合理，但唔好EXPECT係任食$200蚊就埋單既價。🌟整體評分：4.232/5