八寶清湯腩

營業中

休息中

經過天后n次都唔知有呢間好食既牛腩。八寶清湯腩是米芝蓮必比登推介的餐廳之一，清湯腩為鎮店之寶，湯底以當歸等八種食材，依古法秘方每天熬煮十數小時而成，味道清甜。除了一般牛腩，更有提供坑腩、爽腩和崩沙腩作選擇。叫咗一碗坑腩河同崩沙腩麵，$88一碗。坑腩同崩沙腩的口感原全唔同。坑腩係切片，平肥瘦，有好香的油脂味；而崩沙腩係切件，啖啖肉之餘，肉質好鬆軟。湯底清甜，飲到有藥材味。而每碗湯麵都附上三件大大舊的白蘿蔔，一定食得飽。

地鐵站一出的電氣道有不少受歡迎的食店，其實有另一間牛腩麵更近地鐵站，但見評價一般，不過這間牛腩麵的定價有點高，但難得到天后就決定試一試。門口有人等候，只好取籌輪候，其實翻枱速度很快，所以等候時間不長。因門口已標示坑腩已沽清，所以點了崩沙腩幼麵，碗麵一上枱已聞到湯底的香，所以急不及待嘗了一口，是平時家中老火湯的味道，從牆上的介紹得知湯底有當歸，我知道不是所有人都喜歡，但這個當歸味是清淡的那一種，不是濃濃的，所以湯底仍然很清。幼麵是爽口彈牙的，放湯久了都不會浸腍，主角崩沙腩有5件，很軟腍入味，而且牛味很濃，試過之後就覺得這個價格很值得。推薦

黃店之中呢間算係頂級，要有真材實料，好嘅質素先可以賣到$88一碗清湯腩而且人流不絕👍🏻🥢清湯蘿蔔爽腩麵（$88）首先試吓個湯底，非常濃郁，充滿藥膳味，係好飲唔會令人抗拒嗰隻✨飲幾啖個身就會覺得暖笠笠，近期入秋飲啱啱好，我最後係成碗湯飲晒✌🏻碗入邊有 5 件爽腩，黐住邊嘅筋膜真係好爽口；牛肉好淋身，香牛肉味，口感似係食緊厚切午餐肉咁嘅感覺，好滿足😌 麵底都好彈牙！辣椒油做得有誠意，識食梗係要食辣椒油渣😎 唔太辣，幾香口💫

米芝連推介蘿蔔清湯腩伊麵招牌藥材湯底𣏌子、紅棗、龍眼肉、淮山、黃芪、當歸、牛骨熬制而成，湯底清甜，味道散發當歸同牛骨味，蘿蔔爽甜，牛腩肥瘦適中，配伊麵（加$8），味道一流。

今次為大家介紹近期大熱嘅天后八寶清湯腩🤩 我覺得係全香港最好食清湯腩 😍😍.呢度嘅清湯河，其實一啲都唔簡單！佢係用咗唔同種類嘅藥材整嘅藥膳湯底！湯底非常濃郁，好味嘅程度令你直情想飲晒成碗湯！🥰🥰.🟢坑腩/崩沙腩麵 （$88）牛嘅部位方面，有唔同部位，包括牛腩、坑腩、爽腩、崩沙腩比你揀！今次揀咗坑腩同崩沙腩，二碗都勁好味！😍.如果唔怕肥又最容易入口即溶嘅感覺，建議大家揀崩沙腩，脂肪嘅比例啱啱好，咬落去有滿滿嘅幸福感覺！😋😋不過由於供應有限，而且唔少人慕名而來，有時12點後已經售罄😞湯麵入邊仲有白蘿蔔吸曬藥膳湯底嘅精華，超正！👍🏻.🟢雲吞（$45）除咗牛腩好食，餐廳嘅雲吞都非常好食又抵食！$45已經有六粒新鮮雲吞，有大大粒蝦係雲吞入邊，湯底都有好香濃嘅藥材味！😄.總括而言，餐廳所有食物都非常高質！大家一定要去天后試吓呢間米芝蓮都推介嘅清湯腩！😍😍------------------------------

途經天后心郁郁想去整碗牛腩華姐食過好多次今次慕名試下間八寶聽講呢度坑腩，崩沙好快賣晒6半去度唔算多人睇menu見坑腩麵賣成$88🤔咁有信心賣呢個價就啅啅佢上枱先試湯夠熱，滿滿藥材味再試坑腩，淋得很蘿蔔有揀過，冇渣麵底，彈牙，走梘有水準最後清晒成碗，湯都飲埋可以再翻啅😋

📍八寶清湯腩 @ 天后米芝蓮新鮮牛腩🐂湯底藥膳味濃ღ 清湯蘿蔔牛寶米粉 $118ღ 咖喱牛腩飯 $88食到新鮮牛腩嘅地方唔多 仲要係米芝蓮添！開頭見到價錢都嚇親 食完就覺得都值得一試碗粉超級足料 每款牛都有3-4大舊😻個人喜好係 崩沙腩>爽腩>坑腩 崩沙腩一舊有齊筋肉膜同肥膏位 肥瘦適中 出色佢嘅蘿蔔都好正 吸晒個藥膳湯 勁入味🥹仲會附送一碗濃版湯底 啖啖牛骨同藥材味 好香咖喱就偏向港式椰味 望到顏色都知道好重口味🤣回頭指數😼3/5（富人版港式粉麵( ´∀｀)

因為本身身體體質不能夠吃太多牛肉，所以就只能夠偶爾去一下🤣而且非常誇張，星期六的下午基本上崩沙腩已經全部賣光，所以大家如如果想試的話，請記得在開店首兩小時就要去了！✅崩沙腩&坑腩河粉崩沙腩（又名蝴蝶腩）其實是橫膈膜附近的腩位，非常爽軟，而且又不會很硬，所以非常受歡迎！基本上可以吃到崩沙腩的地方非常少，所以很多人都會搶着食。至於坑腩就是牛胸附近的部位，比較多瘦肉，沒有膠膠地 的感覺，不過非常強勁的牛味🤣✅湯麵附送的蘿蔔超級入味，超好吃！如果是冬天來吃的話，正值蘿蔔當造嘅季節，還會更加鮮甜！牛丸麵以及紫菜四寶撈麵沒有什麼特別，如果不吃牛的朋友也可以試一試四寶麵。

很久找不到好食的清湯腩啦，今日居然在兒時居住的舊居北角找到！下午2:30 仍有人排隊。食左崩沙腩麵及爽腩麵，兩個都好正！腩肉軟冧，牛味濃郁，最難得係麵都係認真製造非常爽口彈牙。阿仔食完，話有和牛牛初吻的感覺😂。食完先睇到原來此店舊年係攞米芝蓮！

山長水遠去到八寶，為左品嘗一下爽腩麵同崩沙腩麵。去到一點倒，門口有兩三個人排緊，等左十幾分鐘就入得。點左爽腩麵同崩沙腩麵，點知只係一點幾，就話咩都冇了，得返牛腩，冇辦法啦，就叫左個牛腩麵同牛脷麵。個湯底有清甜既當歸味，因為我都食開當歸，所以好岩我。不過佢個麵有白蘿蔔，唔係話白蘿蔔解中藥？咁咪解左個當歸？有冇識既可以解答下。牛腩味濃香又厚，食完感覺都仲想食。試左個牛脷麵，牛脷淋得黎一D腥味都冇，平時麻麻牛脷既我都覺得好味。問過店員佢話四點幾會再出多轉牛腩，唯有下次去開就再碰碰運氣啦！

要搵一間良心嘅牛腩店真係唔容易所以就算價錢唔平都決定試一試🤩支持下🔸清湯蘿蔔牛孖根麵$58無論餸同麵嘅份量都唔太多，好早就無哂啲牛部位，都多人等位🥲🥲好彩唔算等好耐重點喺個湯好好好好好鹹… 鹹到我問佢拎咗杯熱水去溝淡🙃而且佢哩個應該不屬於清湯吧？另外牛筋味道同口感都OK的，而牛腩試咗一舊，唔算太靭及鞋，可接受的😉希望湯底只喺一時失手，我個人就未必會再去多次🍜每個人口味都唔同，以上言論只供參考😊

八寶清湯腩連續兩年獲米芝蓮推介👨🏻‍🍳提供新鮮坑腩/ 爽腩/ 崩沙腩主打用當歸等八種材料熬成嘅藥膳清湯設有人均$30最低消費👯‍♀🌟👼🏻清湯蘿蔔崩沙腩河🐮 $88崩沙腩部位有根有肉有肥膏食落軟糯唔洗點用力咬開🥹口感入口即溶食得出牛味🐄湯底雖然有藥材味但飲得出嘅鮮甜蘿蔔爽口無根食落清甜🥕索曬湯嘅鮮甜味正🤩👅味道:9/10🙋🏻‍♂️推薦:8/10🌟👼🏻清湯蘿蔔爽腩幼麵🐮 $88爽腩部位帶有筋膜食落比較煙韌但唔會難咬開🤤由於肥膏比崩沙腩小肉質比較實少少但牛香味爽腩相對較濃🐄幼麵食落彈牙有蛋香🍜👅味道:8.5/10🙋🏻‍♂️推薦:8/10📌本身以為藥膳湯會好大浸中藥味但竟然飲得出鮮甜嘅湯，小編食完之後仲飲埋碗湯😲係暫時食過最好食嘅牛腩🫡絕對值得一試🤤🤩記得Like 同 Follow instagram: @kb.foodie_‼️以上食評只反映當日食物質素及本人主觀感受

天后成日有人排X姐清湯腩🤔醒既緊係食八寶啦！🥰一入門口已經聞到濃濃藥材湯味🤓🎖清湯蘿蔔牛腩河 $58Lunch 1點黎已經賣哂最岀名爽腩坑腩崩沙腩個d🥲唯有下次早d黎🙁不過普通牛腩都好好食😋勁大舊再連埋少少肥肉咬落牛味重又唔會un😻蘿蔔就唔係好入味但都清甜可以解膩🤔重點係！個自家製藥材湯❣️見到隻色已經非常深😍飲落非常濃郁😋平時食牛腩河一定要加醋加辣椒油既我今次竟然無加🤣仲飲哂成碗湯😆而且重點係唔會口渴✨係岀面食唔到既味道💛必推！

天后《八寶清湯腩》清湯牛腩河粉，清湯牛脷米粉，每碗均有兩大件蘿蔔，$58。牛腩軟稔入味，牛脷四大片，爽滑，牛味香濃，份量十足，蘿蔔淸甜，藥膳湯底濃厚，當歸味芳香，冬天一流，據説配方會因應季節而調配⋯

呢間牛腩麵我已經係第三次食，每一次去都保持到水準，雖然單價比一般麵檔貴，但絕對係值得❃ 清湯蘿蔔金錢肚麵 $58呢度特別之處係用咗藥膳湯底，個湯濃郁好飲，唔怕會好重藥材味，恰到好處金錢肚炆得超級入味，而且好軟身～蘿蔔有三大舊都係好入味好甜非常juicy❃ 清湯蘿蔔牛腩河 $58湯頭同蘿蔔係一樣的～呢度嘅牛腩分咗好多部位，我今次叫嘅係最普通同最平嘅牛腩，雖然係比較瘦，但牛香味夠濃，而且唔會起渣份量亦都唔少㗎