八寶清湯腩

營業中

休息中

去開天后每次都一定來呢間八寶清湯腩。一碗崩沙腩一碗坑腩係必叫！（兩個人share 食)由於湯底同料都一樣只係舊牛唔同所以group 埋一齊highlight:-both 腩s每次食都keep 到水準，個人更愛崩沙腩，肥瘦比例好適中。牛脂好香好牛！唔輸美國澳洲牛！-白蘿蔔好大舊好入味，唔係一夾即爛個種，但放心完全係入味的。-湯底係重點，每次都飲大半碗先捨得走。明顯的飲到藥膳味，但唔係令人抗拒的中藥味。（唔知大家明唔明我中藥vs 藥膳的分別😅）

非常講究的清湯牛腩麵店慕名而黎 一早已經排人龍 清湯蘿蔔牛腩麵 最出名係佢個湯底 清湯加入藥材,每啖湯飲到牛骨濃湯味道之餘又飲到藥材香氣牛腩肥瘦分明淋嘅程度可以用綿滑黎形容 牛油味散發整個口腔中蘿蔔一樣咁入味,又夠清甜無渣麵身彈牙配埋佢個湯底非常美味 平均消費$60評分8/10八寶清湯腩 (天后電氣道124號榮華大廈地鋪)

🐮八寶清湯腩🐂自從前排睇完介紹香港清湯腩嘅報導睇到我流哂口水成日心思思想食由其是係天后黃店八寶清湯腩入選咗2022米芝蓮指南美食推介咁真係要去試下先得(⁎ꆤ ̵ູ̫ꆤ)不過溫馨提示天后出名多清湯腩店大家千奇唔好去錯藍店x姐清湯腩食到成口味精就唔好啦ヽ༼xل͜x༽ﾉ睇食評成日話要食就要早啲去因為最受歡迎嘅坑腩、爽腩同崩沙腩都會好快賣哂今次我哋好好彩下午4點幾去仲有崩沙腩同爽腩咁就腩撈同湯麵各一啦雖然價錢唔算係好平但絕對物有所值八寶清湯腩所用嘅係全港限量嘅本地新鮮騸牯牛同街市鮮牛同雪藏牛係兩回事嚟㗎肉質嫩啲、牛味濃好多、同埋無牛羶味新鮮梗係最好啦～我哋分別揀咗爽腩湯麵同崩沙腩撈粗爽腩肉食落比較有咬口好有牛味同膠質(ٛɲ′᷄ ˑ̣̮ ‵᷅ٛɳ)՞湯底我個人覺得好有肉骨茶嘅影子淡淡藥膳味但又飲到牛骨湯嘅清甜而麵底係竹昇麵幼得嚟都食到彈牙另外原來腩撈個腩係分開附湯另上又有多碗湯飲勁開心唔洗偷飲腦細嗰碗～崩沙腩不但食落有油香我最鐘意佢痴住個薄膜一啖入口層次豐富食到最後都唔會淨低一堆肉纖維喺口痴住哂搞到要瘋狂撩牙再配埋清甜解油膩嘅蘿蔔我覺得實在無咩好挑剔～Bravo ♡( •ॢ◡-ॢ)✧˖° ♡地址：天后電氣道124號榮華

八寶在得到米芝連加持後, 聲勢彷彿比另外兩家天后清湯腩名店更大, 對我來説, 只要吃得到而又保持到水準, 以及繼續同聲同氣就夠. 說到其牛寶河, 也就是坑腩, 崩沙腩及爽腩, 在中午前已經售罄, 所以就在它開門時做其第一批顧客, 依然是先到先得, 不會如某些大牌牛腩店, 常說Sold Out冇貨, 但事實上是留給熟客, 這樣做生意才算老實.加持過後水準沒變, 湯底依然是如此清甜帶當歸甘香, 河粉浸湯後依然保持齊整而不易糊化, 蘿蔔依然無渣而吸汁力豐富. 至於牛腩方面, 我還是最喜歡那夾著大塊脂肪, 脂肉香來回澎湃, 而且因為脂肪補充令肉質更嫩更腍的崩沙腩; 最基本的普通牛腩牛味肉香豐富, 可惜肉質和其他Prime的牛腩有點距離, 真的比較韌, 反而牛肚一咬入去很腍, 到尾又保持彈牙口感的對比感, 又是其他牛雜牛腩店沒有的. 能夠在成名後保持水準及初心真的不易, 時間能夠證明一切, 希望它不會令各食客失望就是.

之前經過見好多人排隊等食呢碗牛腩麵 就上網睇下 原來呢間清湯腩好出名 好多雜誌旅遊書都有介紹 果然冇令人失望 係我食過最好食既牛腩(*´ `*)⁣⁣▫️清湯蘿蔔牛寶米線💰108⁣↬牛寶係店舖招牌 有齊三款唔同部位既牛腩 崩沙腩係牛腩既極品 因為最肥 食落好香 個人最愛坑腩牛味最濃 肥瘦適中 爽腩就係最瘦既部位 痴住啲筋膜 食落較爽口 三款牛腩入口好軟稔 好重牛味 個湯都好好飲 加左啲藥材落去煲 其中有當歸准山杞子桂圓 好清甜 仲有3大舊蘿蔔 不過煲得唔夠稔⁣⁣▫️清湯蘿蔔牛爽腩米粉💰85 (加牛筋💰20)⁣↬ 牛筋一樣咁好食 煲到好軟滑稔身 膠質重又入味⁣⁣ᐠ ♥︎ ᐟ今次平日差唔多12點就去到 好好彩唔駛等位 食完出去已經有6,7個人排緊 而且想食牛寶既話要早啲去 聽人講好快賣哂 雖然價錢同食碗拉麵差唔多 但我都係會揀食呢間 值得一試(｡˃ ᵕ ˂。)⁣⁣

Soup base is just bak ku teh . Cuts of meat are good bite size and kudos for its tenderness. Satisfaction level on par with Jap ramen hence i think price wise they charge customer quite fair. To stand in a queue for a bowl would be far fetched for me. I went there at 11 sharp and it was 80% full already.Food hack( if they let you) Go next door and buy a chinese fry dough and dip in their broth .

本人食慣普通牛腩湯面，對藥味真的很一般，首先藥膳大部分係心理作用，要食藥唔去睇中醫？其次，牛腩太un ,實在不值50多元，還有店內的年輕店員實在很沒有禮貌，如果消費還要看面色，不去也罷！

天后 ～ 八寶清湯腩睇完介紹香港邊到既清湯腩好食之後成日都心掛掛想食呢間入選咗2021年米芝蓮指南美食推介既天后八寶清湯腩睇左IG食評話要食就要早啲去因最受歡迎嘅坑腩爽腩同崩沙腩都會好快賣曬而且小店舖頭唔大座位唔多所以今次特登早少少避開多人既時間去食～八寶清湯腩所用嘅係本地新鮮騸牯牛肉質嫩啲又牛味香濃雖然價錢係比較貴架啦不過味道同用料都好講究所以都係物超所值呀爽腩肉食落比較有咬口牛味香濃同感覺到好有膠質而崩沙腩唔單止食落有油香仲要痴住個牛既薄膜食落好有層次好有口感如果你係牛魔王就一定要試下啦清甜解油膩嘅蘿蔔又軟腍又入味仲要無筋既黎多一碗淨蘿蔔我都食得曬呀湯底黎講好似肉骨茶咁淡淡既藥膳味但又飲到湯嘅清甜第一次食完個麵想飲曬啲湯飲完好似好養生重點仲要唔口渴推薦推薦

之前已經聽朋友講話清湯腩好好食,而係週末嘅時候經常去到已經沽清最好食嘅部位,今日專登喺平日午餐繁忙時間之前去,可以慢慢揀。去到落單嘅時候有啲心大心細唔知揀乜好，店員即刻好好人咁同我解釋唔同牛嘅部位有乜嘢分別。買咗崩沙腩同埋牛坑腩配粗麵同河粉，真係一試難忘！崩沙腩係咁多款牛腩入邊最肥嘅一款，牛坑腩屬於半肥瘦，佢哋兩款牛腩都好嫩滑。湯底有少少藥材味道，我好鍾意，唔怪得知咁受歡迎啦！真係要買多啲嚟食先得！呢間係好值得支持嘅店舖！

經過天后想食翻碗中式湯麵，居然比我發現一間要喺門口排隊等入去嘅麵鋪。下午時間，天暑炎熱，三十幾度高溫，居然有1X人係門外排隊，好奇望下原來係賣牛腩麵。排隊個陣，門口已經張貼左「崩沙腩、坑腩已沽清」。店員話，早上11點開始供應，當日下午未夠2點已經估清，無崩沙腩食真係有啲失望，於是叫咗碗牛腩麵果然無排錯隊，牛腩夠淋夠入味、份量不少，仲有個湯底超讚，第一次食牛腩麵係配藥膳湯底，個湯底有些肉骨茶香味，食晒碗牛腩麵，成碗湯底飲埋

朋友一直都話好想帶我嚟試，點知遇著星期三食唔到，到第二日過咗六點又食唔到，於是我就專登晏晝揸車一個人嚟食。過咗晏晝食晏繁忙時間都要排隊，不過好彩一個人食嘢最大好處就係排隊都唔使等好耐。入到嚟睇完餐牌點咗爽腩粗+油菜+桔仔水，野食都算好快到，例牌食湯麵都係要試咗個湯先，個湯底有少少藥材味好好飲。而個麵入面會附有蘿蔔，但可惜蘿蔔有渣，而爽腩（又或者叫蝴蝶腩）就係我至愛，因為由細到大都好鍾意嗰層薄膜。至於個麵就一般，唔算彈牙。呢到絕對好食過上環數字牛腩，但雖要改變嘅係服務態度，我明明落單叫走蔥，嚟到有蔥都算，我都好聲好氣叫個女職員拎走反而比說話我聽！

/ ᴛʀᴇᴀsᴜʀᴇ ᴛʜᴇ ʜᴋ sɪɢɴᴀᴛᴜʀᴇ ғᴏᴏᴅ /꧁八寶清湯腩💛꧂ #黃店推介仲食x姐清湯腩?! OUT喇 仲要藍店 真的不了🤢識食就行多兩步食八寶清湯腩最新上榜米芝連推介黃店 出左名依然願意維持二人一枱 堂食只做到6pm appreciate!!雖然cafe熱潮不減 不過粉麵係港人永遠的comfort food 要珍惜港式小店呀!☘︎︎ 清湯蘿蔔三寶麵 (牛腩、牛筋、牛肚) $𝟡𝟛☘︎︎ 清湯牛腩飯 $𝟞𝟝雖然晏左去 無哂坑腩爽腩崩沙腩不過就咁牛腩已經好正!味濃而且肉質完全唔韌 又唔會太肥牛筋牛肚非常入味 腩飯牛腩份量超多 好抵食湯底用左當歸熬 令人聯想起肉骨茶嘅味道但易入口好多 自家熬製無味精👍🏻唯一係蘿蔔未夠清甜 唔係嘅話就perfect lu💬 回頭率💯 因為未試到牛寶麵🥲 溫馨提示: 如果想食坑腩/ 爽腩/ 崩沙腩記得要1pm前去呀 ⓄⓋⒺⓇⒶⓁⓁ: 🦦8.2/10 👱🏻‍♀️ 8.5/10♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎📍 八寶清湯腩 (天后)天后電氣道124號榮華大廈地鋪

Delicious beef brisket noodles in a herby broth. The flavour of the dong gui really comes through and makes you feel so warm and nourished. The brisket is cooked to perfection. So succulent and melts in your mouth. This place is by far better than Sister Wah and Tai Lee beef noodle restaurants which are down the street. Sister Wah has a Michelin star but it's average at best. Some white person who doesn't know good Chinese food must have given them that star. More importantly Eight Treasures is

平日放工約左朋友去食飯，呢間是朋友推薦，甘都無特別上網睇資料就去左😆😆因為朋友遲到，所以去到都差唔多5:30pm🤢🤢🤢職員提我們只可以食半個鐘，而且3個人要分2張桌🤔🤔個時重好好奇點解明明而家可以4個人一枱都要分開，先諗起！而家唔使填紙仔，都唔用安心出行！因為6點後就不做堂食！好有堅持！👍🏻👍🏻👍🏻☺️不過分開左都是吹到水，而且！當食物來到！真是完全唔想吹水🤣（一來因為趕6點走.....🤣朋友呀朋友，下次5好遲～好想好好品味🤣）時間關係，我哋三個人都無咩點睇餐單，就叫咗清湯牛腩麵～🤩🤩D牛腩好林！牛味又重！個湯底重有藥材味！一飲就知有心機整。而且上麵時間好快！臨走先望到周圍都有香港人的風情👏🏻👏🏻下次有機會一定會再抽空來慢慢食！環境又乾淨，食物又好食！好好食，又不貴🤩🤩🤩

早喺佢入米芝蓮推介前我叫過一次外賣，佢嘅藥膳湯底真係令人一試難忘👀 記得第一次去嗰時條人龍長到嚇人，等外賣都等咗45分鐘以上。今次下午1:00過嚟條人龍無咗，亦唔見有等外賣嘅人！究竟點解嘅呢？🧐 難道入選米芝蓮推介會令人氣下降？ 定係我今日好彩撞啱無咩人嘅時段呢？👀呢度最出名就係佢哋嘅坑腩同崩沙腩，多數2點前呢兩樣嘢就已經賣晒！今日都唔例外，1:00已經賣晒坑腩！！知道之後真係晴天霹靂😭 (我內心嘅情緒就好似鄭嘉穎咁：AHHHHHHHHHHHH！) 次次都食唔到！！唯有下次再早啲過嚟食啦😢❤️ 清湯蘿蔔牛腩河 $58湯底有別於平時食到嘅清湯，係偏濃味嘅藥膳湯底，充滿藥材香味，味道接近肉骨茶！店主用咗當歸、淮山、龍眼等藥材去熬製，湯底藥材味無肉骨茶咁濃，甘香鮮甜而唔苦，飲多幾啖都唔覺膩😋 我見好多食客都飲晒啲湯㗎，飲完成身暖晒😆牛腩肉質軟腍唔韌，聽聞要煮到3個鐘先煮到咁腍，口感比崩沙腩實淨！好食度：⭐️⭐️⭐️⭐️ (4/5)❤️ 清湯蘿蔔崩沙腩粗麵 $88崩沙腩肉質較牛腩更軟腍，有筋膜及少少肥膏，肥瘦均稱！比起普通牛腩我個人更喜歡崩沙腩嘅油香，牛味更濃，滋味盡在不言中🤤 好滿足！雖然比牛腩貴$30