八方庭

營業中

休息中

💭呢間餐廳真係bookmark 左好耐，終於抽到時間book 黎試啦😍😍😍餐廳將傳統菜式轉變以新派煮法製作，賣相尤其精緻，啱哂打卡🤳🏻一上枱就俾佢吸引住，拔絲菠蘿咕嚕肉好脆又好好味，秘製甜甜醬汁令人回味無窮🎁拌飯一流。一切配合起來十分惹味。連小朋友都好鍾意食！推薦！女士都喜歡七味豆腐! 豆腐外皮都一些少調味令味道不至於太清淡，豆腐入口即化又冧又入味，可以一試🤩這一味污糟龍躉蒸雞現在好像不是好多地方可以品嚐。上一次食這一味已經是多年前的事。雞肉完全吸收龍躉精華，恰到好處，食到廚師用心、時間、火候。雞皮與脂質份佈偏多，雖然提升滑度，但帶點油膩。今次呢餐最主要就係想叫呢個辣子雞脆大腸，呢個嗜辣人必試！用料豐富😆重口味 適合送飯食😋食完真的忍不住會再再多點一盤啦！！真心推介大家要來試下，員工嘅服務態度都不得不讚，這餐吃得高興及滿足。總括而言，價錢方面都比較貼地，平靚正！好抵！環境都好舒適😌燈光柔和，坐位闊落，評分不錯。

七味豆腐雖然知道係好熱氣但仲是很想食。豆腐每一粒都係細細粒，會一口接一口咁食！豆腐炸得好好係外脆內軟🤭再加上七味粉係好香口同惹味。真係男好老幼都鐘意食~川味水煮牛肉水煮牛肉都係比較偏辣雖然唔算係好正宗嘅四川菜，但係兩樣都好好食😋牛肉都偏淋(⁎⁍̴̛ᴗ⁍̴̛⁎)鴛鴦蝦球蝦球有兩種煮法兩個都係炸嘅🍤一個有淋上醬汁一個就好似炸雲吞咁！兩者都好食，個人就鐘意有醬汁個個更多(◐‿◑)老壇酸菜魚🐟比較少會喺酒樓食酸菜魚😳但係當日又好想食就忍唔住叫咗，酸菜魚係用咗桂花魚🐠魚嘅肉質都好嫩滑而且一啲都唔會酸。份量都偏多下而唔算係好辣大概係小辣嘅程度，酸度都適中。

今日放假同老公兩個都想休息下，去返屯門區行吓街再搵嘢食，咁啱見到呢一間酒樓，睇落環境都唔錯，又想食吓啲中菜，就同老公行咗入去食嘢。入到去我係個Menu一見到呢一個老壇酸菜魚（桂花魚），即刻同個侍應落單！送到嚟都好符合我嘅期望！呢一個老壇酸菜魚真係好正宗，佢嘅酸味辣味控制得啱啱好，而且仲用咗桂花魚，魚肉超級嫩，整體嚟講相當之高質！老公仲叫咗兩個小菜，分別就係八方庭小炒皇、鴛鴦蝦球！兩個都好有鑊氣，炒到勁香，顏色都好鮮艷，望到都想食！小炒王加咗好多韭菜，仲有啲紅椒青椒同埋肉炒埋一碟，好多菜式夠晒豐富！鴛鴦蝦球嘅重點就係蝦球，蝦球質感爽口彈牙，好食！

聽聞屯門有間幾好既中菜，所以同屋企人一齊去試下，以下喺我地叫咗嘅食物：1️⃣辣子雞脆大腸呢個辣子雞脆大腸真喺無敵，超好味，望到啲乾🌶️，平時食開齋辣子雞，估唔到加埋脆大腸，成個味道好夾，口感更加豐富，有驚喜😋😋😋2️⃣蝦球豆腐蒸水蛋蝦球勁大粒！鮮甜爽口😀配埋豆腐，嫩滑口感🥰🥰蒸水蛋鮮嫩多汁。份量適中，煮得岩岩好，唔會煮太過熟，加上用葱等食材調味，令成個蒸水蛋更加惹味🤩🤩🤩3️⃣污糟龍躉蒸雞又有得食雞，又有得食魚😀正到，滿足晒兩個願望😊龍躉要趁熱食，魚肉非常嫩滑，魚皮好彈牙。蒸雞好入味，份量都算多，同魚一齊食口感豐富😆😆😆4️⃣七味豆腐次次去茶樓我都會叫七味豆腐，今次果然冇令我失望，豆腐外脆內嫩，細細粒越食越想食🤣🤣記得攤凍啲先好食🤣🤣的確係唔錯👍🏻👍🏻👍🏻總括而言，呢間餐廳用料十足，食完唔會覺得好鹹要係咁飲水。會誠意推薦其他朋友嚟食👍屋企人表示滿意💕

原本落單的是 淮山箭筍炒生腸落單後即時發現 單上所印的是 淮山箭筍炒爽肚，當時已立刻通知現場一位短頭髮女經理，該經理堅稱 只是方便入機印單的做法，餸菜煮出來一定會是炒生腸。結果 送來的 依然是炒爽肚！事情再次通知同一位女經理，該女經理竟然以敷衍、不屑嘅態度回應：對唔住囉～ 唔好意思囉～…. 這樣囉～ 那樣囉～ 每句說話都囉～囉～聲！又稱自己只是客戶服務經理，不是廚房經理，她只是負責樓面落單，控制、掌管不到廚房出菜！無問題的！原定下星期打算在此訂2圍生日飯的計劃 立即取消，亦不會再有下一次的幫襯！

又系放假美食出遊記，今日同朋友聚會，有幸品嘗屯門的八方庭💓環境寬闊，座位舒適。見到菜單都好多野食，我地就叫左幾樣餐廳主打菜試試。推介必食菜式💓💓上湯澳洲大龍蝦（烏冬底）大龍蝦內裏則肉質飽滿，軟腍鮮嫩。我地慣左用手拿着吃，龍蝦肉滑汁香，滋味無窮。💓💓叉燒拼燒腩仔叉燒燒汁偏甜略帶咸，調味不錯。半肥瘦豬肉肉質鬆化嫩滑，好多件切件都易咬開。👍🏻👍🏻👍🏻燒腩仔雖然比叉燒無咁驚艷，但係有脆皮既燒肉就係好燒肉😙大家鍾意食燒味的話，呢個值得一試！💓💓鴛鴦蝦球好吸引同味道都好好，夠大隻，外層製得香脆可口，口感爽脆。蝦球吃起來相當的鮮甜，令人回味無窮！💓💓德國脆皮豬手擺盆均衡又大碟，貼心地整隻豬手已經起埋骨，唔鹹脆皮啖啖肉，一件件容易食相當滋味，連埋沙律，食起來開胃解膩PS. 全部職員服務態度都十分好，每留意每枱客人所需或微少動作，照顧有加。每家人都有各自私人空間，舒適寬敞。

今日放假同老爺奶奶喺屯門嘅八方庭食飯，我哋叫咗四道小菜，每道菜都各有特色，全部都好好味。🦐蝦球豆腐蒸水蛋呢個蝦球豆腐蒸水蛋，清清地非常好味，豆腐水蛋又嫩又滑，有蛋味又有豆腐味，再配上爽口嘅蝦球，味道好有層次。上面再加上少量XO醬，辣辣地，令整個味道更豐富！🥔蜜汁脆薯牛仔粒呢個脆薯粒加牛仔粒嘅配搭非常滋味，薯仔設成一粒粒炸到外皮香脆，入邊綿密柔軟。牛肉粒一口一件，咬落去肉汁喺口到打轉，再加上蜜汁一齊煮，甜甜地令整道更好味。🍞七味豆腐呢道七味豆腐我見好枱都都叫，果然真係好好味，豆腐即叫即炸，上枱熱辣辣，咬落去香脆，然後又食到入邊柔軟嘅豆腐，加咗七味粉，令豆腐嘅味道更加豐富。💮八方庭小炒皇呢個招牌嘅八方庭小炒王，用咗魷魚，蝦亁，腰果和韭菜一齊炒，非常有鑊氣，炒得非常香，用嚟送飯一流。

今日同男朋友一家食飯，見到呢間裝修幾好既酒樓，箱房仲係古式裝修，岩晒見長輩！叉燒拼燒腩仔💮叉燒同燒腩仔都係酒樓會好經常食到嘅燒味，呢度整得都合格有餘，叉燒既肉質鬆軟多汁，燒汁香甜而美味，完係燶邊既，夠晒焦甜，仲有啲肥肉，真係半肥瘦既最靚叉燒；燒腩仔就做到脂肪瘦肉層層相間，肉質鬆化，軟腍無渣，唔會太咸，外皮脆到卜卜聲，不得了！蓮藕煎肉餅🅰️肉餅用嘅豬肉都係一半肥一半瘦先係最好，味道唔會太鹹，鹹得來有豬肉本身嘅甘甜，再加埋蓮藕嘅清甜，煎完出嚟好鹹香，口感亦都係又爽又脆又腍，幾重層次！八方庭小炒皇♨️小炒皇嘅用料都幾豐富，海鮮方面有蝦乾魷魚鮮蝦依啲，全部都炒得好好，成碟都係海鮮應有嘅鹹香，最鍾意食啲蝦乾，夠晒大隻又煙韌，愈咬愈出味！上湯澳洲大龍蝦💯成晚最貴嘅一個菜式，但係真係好值得，因為龍蝦真係好大隻，好多肉，仲要拆晒啲肉，完全係啖啖肉咁食，唔會有死咸味。反而有龍蝦嘅鮮甜，再吸收埋啲上湯，同烏冬一齊食，又飽又滿足！

去開屯門順便搵朋友食飯，今次就去咗呢一間中菜酒樓食嘢，同朋友邊食邊傾，酒樓嘅環境都幾唔錯，除咗坐得好舒服之外，中菜嘅選擇都非常之吸引🩷🩷🩷💗拔絲菠蘿咕嚕肉💕拔絲菠蘿咕嚕肉好正，有啲拉絲，仲要酸酸甜甜咁，咕嚕肉外脆內軟，真係必定要叫嘅餸！💗蝦球豆腐蒸水蛋💕呢個餸有豆腐又有水蛋，清清哋簡簡單單都好好味，朋友個女女就最鍾意食呢個餸！💗七味豆腐💕七味炸豆腐金黃色，賣相吸引，而且十分鬆脆！💗辣子雞脆大腸💕我同朋友都好鍾意食辣，自從畢咗業之後都好耐冇一齊食過辣嘢，所以一於叫返個辣子雞炸大腸過下口癮回味下，辣子雞真係好香好麻又夠晒辣，炸大腸勁香，即使食完知道實會肥好多都忍唔住狂食！

曾幾何時，母親的嗜好係研究點樣製作出各種的美食，去睇我同哥哥飯後滿足的笑容。今日經過八方庭，隱約聞到陣陣美食香，於是懷念起母親，便不自覺咁行入去了。我點左母親以前最常整畀我同哥哥食的拔絲菠蘿咕嚕肉，咕嚕肉好夠味，菠蘿鮮甜好食，嗯，有母親的影子！之後我都點左話梅涼瓜、辣子雞脆大腸、上湯澳洲大龍蝦烏冬。話梅涼瓜係唯一一道就算煮果個係母親，我細細個一路都唔敢食的一味，我怕苦。諗起母親總係叫我試，今次我決定一試。食落去比起「苦」，「甘」更多，美味無窮，相信母親煮的話梅涼瓜一樣美味。辣子雞脆大腸係我細細個跟母親學煮的一味。八方庭煮得非常出色，雞夠辣、腸令我胃口大開，最後我決定叫一味上湯澳洲大龍蝦烏冬。細細個屋企窮，邊有大龍蝦食吖。我叫呢味，不因為任何懷念或遺憾，只係因為自己想食。上湯澳洲大龍蝦烏冬，大龍蝦大大隻有鮮味，烏冬足料，好滿足😌母親做的菜，對外人而言也許比不上餐廳。但對我而言，餐廳的菜再美味，亦難在母親之上。而八方庭的菜，卻美味得餐廳亦能與母親媲美。

今日突然唔想煮飯，加埋天氣又熱就決定一家人去咗屋企附近既八方庭食餐便飯😊聽聞佢呢度都幾多款小菜，於是就嚟試試😍✨鴛鴦蝦球✨鴛鴦蝦球件數多，好食又大件，數量又多。蝦大大隻😋粒粒都好飽滿啊，食落好開胃😚✨德國🇩🇪脆皮豬手✨個女最鐘意脆皮豬手👍👍上嚟嘅時候已經起晒肉，切得細細件，外皮食落脆卜卜，肉好鬆軟，份量十足😋食到舔舔脷✨叉燒拼燒腩仔✨呢度嘅燒味聽人講好出色，試過真係覺得唔錯，特別係叉燒，一啲都唔乾同唔柴。食落多汁，無得彈！😎燒腩仔都好食，唔乾，大大件👍✨上湯澳洲大龍蝦✨龍蝦🦞肉質有彈性而且厚實，鮮嫩多汁，超級新鮮，而且啖啖肉，食得好爽🤩平時食開都係食伊麵底，呢度係烏冬做底，新嘗試😊🍴又幾好食喎😋😋

一個月前公司一齊食飯就係食咗呢一間酒樓，所以就認識咗啦！前兩日就帶埋屋企人一齊再食多次。得三個人嘅關係所以淨係叫咗四個小菜嚟食！蜜汁脆薯牛仔粒平時大排檔會食嘅小菜，今次喺酒樓食別有一番風味。薯仔係外脆內軟，牛肉粒黑胡椒味都偏重，酒樓嘅水準已經很好了！蝦球豆腐蒸水蛋，豆腐上面有蝦球，開頭上面好似仲有XO醬，所以成個感覺就味道幾豐富，咁多樣小菜係最清淡！八方庭小炒皇，純粹係想叫一個蔬菜就叫咗呢個，應該係韭菜花，冇太大嘅特別但係都幾好食！七味豆腐每次去酒樓都要食嘅七味豆腐，豆腐每一粒都整得好脆口，外脆內軟係會食唔停口！

今日男朋友帶我嚟屯門嘅酒樓食飯，呢度每一道菜都非常新鮮，又好好味。酒樓嘅裝飾簡約時尚，帶有輕中國式風格，環境整潔又乾淨。美味指數：🤤🤤🤤🤤🤤環境清潔：👍👍👍👍👍服務態度：🌟🌟🌟🌟🌟七味豆腐脆卜卜又惹味的七味豆腐，外脆內軟，豆腐非常幼滑，豆味濃郁，細細粒一口一粒，食得好過癮。翡翠炒龍躉球西蘭花炒龍躉球，西蘭花煮得啱啱好，爽脆又鮮甜，龍躉魚肉結實，柔嫩又滑，鮮味十足，泡椒鳳爪呢一個冷盤泡椒鳳爪，清新又好味，泡椒味道夠辣，食得辣又鍾意食鳳爪嘅會非常鍾意食。川味水煮牛肉辣味十足川味水煮牛肉，牛肉片非常鮮嫩，配上鮮味水煮辣，水煮執嘅辣味激發左牛肉嘅鮮味，整到才非常好下飯🍚。

我地一行人先叫個七味豆腐，呢個岩晒送啤酒，豆腐真係炸到外脆內軟，七味粉啱啱好包滿晒每一粒嘅豆腐，辣辣地，好香，豆腐新鮮熱辣咁炸起，食落真係熱辣辣，但係咁樣嘅豆味更加濃郁，就咁食已經好不得了，真係1️⃣0️⃣0️⃣之後同樣係豆腐，不過係清淡啲既蝦球豆腐蒸水蛋，水蛋係底，啲雞蛋蒸得好滑，本身已經係一個好夠味嘅蒸水蛋，再加埋水蛋上面嘅豆腐同蝦球，成個感覺更加滑溜溜，豆腐同蛋都好滑捋捋，蝦球亦都好鮮味，上面更加有少少XO醬去輕輕調味，係有層次嘅味道2️⃣0️⃣0️⃣跟住係好特別既污糟龍躉蒸雞，其實係用一個蒸籠去蒸龍躉同埋雞，未食過龍躉同雞會放埋一齊去蒸，兩個都係整得啱啱熟，唔會有過老嘅情況出現，龍躉肉好滑嫩，龍躉皮好厚，夠晒膠質，雞肉都係嫩嘅，而且仲有紅棗香滲晒落去，一個係蒜香一個係藥材香，口感味道都有層次2️⃣0️⃣0️⃣最後係夠晒刺激既辣子雞脆大腸，鍾意食辣嘅人一定要食呢個，真係夠晒辣，雞粒唔會好大粒，但炸得好脆，大腸亦都係肥肥地，咁樣口感反而更加柔韌，口感更加好，再加埋啲花生腰果同辣椒，全部一齊去爆炒，香味迫晒出嚟，又係送啤酒一流1️⃣0️⃣0️⃣

八方庭係屋企人同我最近好鍾意嘅一間酒樓🥳今次我哋叫咗幾個唔同嘅菜式，逐一同大家分享吓叫咗咩嘢食。首先就叫咗一個鴛鴦蝦球🤪，蝦球好鮮甜，蝦肉仲好彈牙！然後就係上湯澳洲大龍蝦😍，澳洲大龍蝦龍蝦肉質鮮甜爽口彈牙，烏冬又掛滿了上湯及龍蝦鮮味，好味！跟住仲叫咗豬手😋，有兩款唔同嘅豬手，就係德國脆皮豬手同川椒豬手，豬手都幾大隻，德國脆皮豬手炸到外皮又幾香脆，脆卜卜咁！川椒豬手外皮就煙煙韌韌，都幾夠辣，完全係兩種唔同嘅感覺。最後就係我好鍾意食嘅燒味，我就揀咗😘叉燒拼燒腩仔！叉燒蜜汁甜甜地好好食，肥瘦適中，燒腩仔外皮香脆！燒味質素唔錯！