八方庭

營業中

休息中

呢間酒樓都係一般酒樓裝修，但坐得幾舒服，好大氣既裝修，同長輩黎食飯都唔失禮！😻翡翠炒龍躉球龍躉球粒粒都好大粒，好厚肉，龍躉係炒到好香，魚既鮮味出晒黎，魚肉實淨得黎都幾嫩，配菜既西蘭花香蔥都炒到出晒味，清新呀！😽豉椒鵝腸鵝腸份量好多，好彈牙煙韌，特別香鵝味，亦都好香豉椒味，好濃味，同埋青椒果啲一齊食，爽脆口感，特別體驗！😸蝦球豆腐蒸水蛋豆腐好滑呀，吸收晒蝦既鮮味同蛋既蛋香，本身豆腐既豆香都好重，蝦球就好彈牙，蝦球上面既xo醬更突出蝦既味道，清清地好好食！

屯門呢間酒樓裝修幾好，幾好坐，真係幾舒服，同屋企人黎就岩晒啦！我地先食兩個小食，川辣口水雞同埋川椒豬手，口水雞麻麻辣辣，雞皮好滑嫩，雞肉都好腍，好入味；豬手就煮得岩岩好，好彈牙爽口，蒜味香濃，亦有適量辣味，非常開胃！主食之後到啦，先黎翡翠炒龍躉球，龍躉好大舊，肉質好結實，口感好好，好鮮味，炒到外面有啲焦香，伴碟既西蘭花都好青脆呀，鮮味呀！另一個係川味水煮牛肉，牛肉好多，塊塊厚薄適中，又嫩又腍，用佐好多辣椒，辣味滿滿，好麻好辣，濃香十足！最後一個主菜係污糟龍躉蒸雞，龍躉肉都係厚實既，龍躉有啲蒜蓉去蒸，充滿蒸香，龍躉都好肥美，魚油滲晒出黎，滑雞既雞肉充好滑嫩，用佐紅棗薑蔥去蒸，特別惹味！

前幾日同屋企人一齊食生日慶祝飯，揀咗屋企附近嘅呢一間八方庭，環境都幾乾淨企理，幾個人坐咗一張大圓枱都好闊落。✅污糟龍躉蒸雞呢一個龍躉蒸雞都好正，龍躉啲肉特別滑，雞肉都好有雞味，仲係用咗蒸籠蒸，感覺上好似特別入味，仲好有傳統特色！✅川椒豬手豬手補充骨膠原一流，煙煙韌韌仲充川全椒嘅辣味。✅川辣口水雞平時都好鍾意食口水雞，雞肉佈滿辣油嘅香味，入口又麻又辣，好彩叫咗碗飯，越食越好味！✅翡翠炒龍躉球碧綠色嘅西蘭花龍躉球，賣相顏色鮮艷奪目，龍躉球肉質爽彈，鮮味依然！

今日同埋小朋友一齊去屯門玩，玩到夜晚一班媽媽經過見到有間中菜，望落好吸引，見到個menu都幾啱我哋食，於是快快手入咗去😆唔好餓親小朋友🥹我地叫咗蓮藕煎肉餅，蓮藕餅煎到細細塊，但份量唔會話好少，都有好多件。外面煎到金黃色😍😍豬肉同蓮藕碎既份量合得啱啱好😋😋跟住到德國脆皮豬手。豬手上到嚟已經幫我哋起咗啲肉，唔使自己逐啲逐啲切👍👍豬手肉口感唔錯，小朋友都咬到😄皮燒得脆脆地，肉嘅份量都算。仲有蝦球豆腐蒸水蛋。小朋友最鍾意食蒸水蛋，呢度蒸水蛋蒸得好靚，食落都好滑。唔會落得太多豉油，小朋友好啱食。而且仲有豆腐同蝦。用料充實👍👍最後係翡翠炒龍躉球😍😋龍躉球炒得好野味☺️☺️用西蘭花炒😋😋大人小朋友都食得。最主要龍躉球好新鮮，份量又唔會話好少😗總括而言，餐廳食物質素唔錯，就算客多都keep到上菜速度正常，而侍應態度和藹親切，下次會再嚟光顧。真係大人小朋友都啱食呀！

屋企附近經常過嚟食野，今日黎到八方庭主要係欣賞佢地木系裝潢，古色古香。由於我地訂左位，所以即使去到既時候人頭湧湧，我地都好快有位置坐低。揀好心水食物之後，野食都好快上齊。大家都好滿意，一定有下次！本身我就好鍾意泡椒鳳爪，所以毫無懸念咁樣叫咗。  推薦！口感幾清新，quite fresh👍🏼蝦球豆腐蒸水蛋，豆腐同蛋滑DoDo， 蝦球都夠晒彈牙同埋大大粒。蜜汁脆薯牛仔粒肉嫩香滑，肥瘦均衡，味道更加爽到無得彈！醬汁甜甜地真係幾易入口～又真係ok好食wo！！仲有脆薯每一啖都好有咬口,十分滿足。通常中菜餐館既小菜一向都好出色，呢款八方庭小炒皇從來無令我失望過～非常夠鍋氣，調味醬嘅味道，非常出色。食落去好惹味，層次分明，做得非常岀色，excellent😎😎😌無庸置疑是高質的，用料上盛、製作用心、服務有禮、坐位舒適。觀察所得，到晚上六點半左右我們發覺地下已經接近座無虛席。

*叉燒拼燒腩仔叉燒燒燒肉都好靚仔，叉燒係肥肉偏多少少所以超級淋。而且蜜汁每一個叉燒都係滿滿的^ _ ^燒肉個皮好脆，肉都唔會好肥仲要係淋㗎(^o^)*泡椒鳳爪第一個上枱嘅小食，鳳爪好爽口配上醬汁係好夾唔會覺得太辣o(^_^)o*蓮藕煎肉餅肉餅煎得好香脆，每一件都係大大件又厚！內饀超足料有好多蓮藕，口感都好好(*≧ω≦)*豉椒鵝腸帶定頭盔先本人係麻麻哋鍾意食鵝腸嘅，所以以下嘅食評大多數都係屋企嘅意見~鵝腸嘅份量都幾多下，而且調味好足夠再加上有好多(^^)鵝腸到好爽口唔會好硬！整體都很不錯~

八方庭係一間裝修風格典雅又舒適嘅酒樓，位於屯門區，多款粵式小菜，無論大人細路定老人家都啱食！非常正宗(ˆ꜆ . ̫ . ).ᐟ.ᐟ💮老壇酸菜魚（桂花魚）太耐冇食酸菜魚，咁啱見到竟然呢度都有就叫嚟試，估唔到呢度嘅酸菜魚都幾正宗，酸酸辣辣加上魚肉又夠滑，真係做得唔錯。夠晒香辣(ˆ꜆ . ̫ . ).ᐟ.ᐟ💮辣子雞脆大腸辣子雞脆大腸兩個最邪惡嘅組口，香脆香辣嘅辣子雞配上油脂滿滿嘅脆大腸，真係勁快一人幾件幾件就清哂！層次豐富(ˆ꜆ . ̫ . ).ᐟ.ᐟ💮川辣口水雞口水雞味道層次豐富，辣得嚟又香、香辣而又帶麻及嫩滑雞肉吸收晒醬汁嘅精華，好正！好有鑊氣(ˆ꜆ . ̫ . ).ᐟ.ᐟ💮豉椒鵝腸豉椒鵝腸好有大排檔風味，炒得好爽脆仲要入哂味，一啲腥味都冇！

首先叫咗個蜜汁脆薯牛仔粒，老公嚟茶樓最鍾意叫牛仔粒😽牛仔粒份量好多，切到大小適中，覺得佢好多料，而且大大碟好抵食，味道都唔錯😙😙😙我哋叫咗蝦球豆腐蒸水蛋。蒸水蛋蒸得嫩滑，好過我自己蒸嗰啲哈哈😄豆腐都好滑😸面頭嘅蝦球大大隻，一啖食晒蝦球豆腐同水蛋口感豐富到😹😹之後就到川辣口水雞。食開重口味嘅我忍唔住嗌咗個口水雞🫶🏻辣而不燥，雞肉嫩。麻辣汁幾正，都幾正宗😼最後點少得八方庭小炒皇。我覺得係呢度嘅必食👍🏻👍🏻好有特色。每次食小菜都必叫，好足料，蝦乾，土魷，腰果等等，最愛😍😍😍環境：😻😻😻😻味道：😻😻😻😻😻服務：😻😻😻😻性價比：😻😻😻😻😻

之前都成日聽人推薦呢間八方庭，入到黎餐廳裝修好古典，再睇下餐牌都有好多經典懷舊菜式，不過餐廳就用咗新派煮法製作，所以啲菜式賣相都好精緻～～好啱打卡！因為之前一路都聽到d 人話呢間餐廳既蜜汁脆薯牛仔粒好好食，果真! 外皮酥酥的脆薯，再加上牛仔牛肉，還保有軟嫩的鮮美口感，正啊！驚喜之選非拔絲菠蘿咕嚕肉莫屬，有鑊氣之外仲顏色吸睛，味道不錯! 趁熱食咕嚕肉都有外脆內軟嘅感覺，加上即炒鑊氣，則更香口惹味。呢份污糟龍躉蒸雞平時好少食，見佢D龍躉片連皮個個膠質位我最喜歡，雞很嫩很多汁都一樣咁滑,唔似一般貨色, 我都食左唔少！食物種類多元化，選擇繁多，定價合理。食物超出了我們的預期，另外超級鍾意呢度嘅環境，環境夠晒舒服服務態度又好真係值得再嚟多次！

同屋企人喺屯門行到夜晚，佢哋想食中菜，就決定試吓呢間八方庭。地址貨屯門屯門鄉事會路2A號H.A.N.D.S N區2樓N-225號舖。❤️ 蓮藕煎肉餅 ❤️我諗應該冇人唔鍾意食蓮藕煎肉餅掛？🥹緊喺要叫嚟試試😜蓮藕餅煎到細細塊，賣相金黃色😚食落食得到清甜爽口嘅蓮藕碎😙❤️ 德國脆皮豬手 ❤️豬手大大隻，仲切咗啲肉出嚟，唔使自己切☺️食落口感唔柴，外皮趣😍份量都算多😝真係大滿足啊😙❤️ 蝦球豆腐蒸水蛋 ❤️蝦🦐球肉質飽滿，隻隻都大大隻，豆腐食落滑脫脫，好嫩啊！最鍾意食蒸水蛋嚟撈飯加啲豉油，我食到兩碗飯啊😚😚讚❤️ 鴛鴦蝦球 ❤️蝦球大大碟，肉質彈牙，鮮甜美味，大啖大啖甘食，真係好爽😄

前兩日係公公嘅生日我地成家人就一齊去咗屯門八方庭酒樓食生日飯。叫咗都頗多嘢食就重點介紹印象最深刻㗎啦！第一樣係叉燒拼燒腩仔，叉燒每一塊都好厚身係半肥瘦，再加上有滿滿嘅密汁真係好好食。而燒肉個皮好脆口，食落會有卜卜脆聲而肉都唔會老！第二樣德國脆皮豬手真係令我哋覺得好驚喜！本身覺得應該普普通通但係豬手好脆而且唔會過鹹。第三樣係污糟龍躉蒸雞，呢個係成盤上，雞肉完全冇雪味仲好滑嫩而龍躉最正係冇滑真係啖啖肉，魚都冇腥好食！第四樣係蝦球豆腐蒸水蛋尼個就好清淡，食咁多重口味食物再食呢個就岩哂啦，蒸蛋同豆腐都好滑加上彈牙蝦仁。最後一樣係拔絲菠蘿咕嚕肉，咕嚕肉酸酸甜甜同汁好夾，而菠蘿雖然係配料但意外地幾甜喎！

琴日同3個閨蜜去咗呢間酒樓食💖我哋都係第一次去食🥇但係成個用餐體驗都係很不錯的🙌🏻我哋叫咗三樣都係四川嘅食物😶每一款都好有四川嘅味道🫶🏻川辣口水雞係我哋最鍾意食嘅❣️本身以為會超大碟但原來係一個小食份量👀雞肉冇雪味已經值得一提而且肉質偏嫩再加上口水汁係一個頗好組合🫂川味水煮牛肉同川椒豬手都好惹味但係兩樣嘢都係幾辣下嘅😊唔食得辣嘅就要注意下🤍水煮牛肉牛味偏重仲要好淋😊而污糟龍躉蒸雞我哋一致認為好好食🥰

忽然間老豆話要去酒樓食川菜，🤭跟住我仲係度諗邊度有，原來屯門有，有一間酒樓，都有得食川菜，成家人就一齊食，我地成家人都比較食得辣，所以大部份既菜式都有啲辣味，經過職員落單之後，上菜既速度都正正常常🤭💕川味水煮牛肉成碟既水煮牛肉好大兜，裝到滿滿咁，就咁睇已經流晒口水，中間有好多辣椒，食落去好好食，辣味好好，裡面既牛肉好嫩口，呢碟水煮係唔錯💕川椒豬手諗返起好多年無食過豬手，自己屋企整就好麻煩，所以就係呢度食豬手，豬手既肉好有膠原，彈牙漲卜卜，豬手肉夠厚，加上川椒既味道，仍然唔錯💕川辣口水雞其實口水雞又可整成川辣口味，就咁睇上去雖然一碟好似好少咁，但精粹就係晒雞肉裡面，店家既特製川辣好有風味，放層醬料仲要好入味💕翡翠炒龍躉球食完幾種辣，都要食返清淡既，西蘭花份量好多，其實最好食係龍躉，炒到好香，加埋西蘭花一齊，呢個配搭好夠 💕污糟龍躉蒸雞呢款係同酒樓既一籠籠咁上，分好兩邊，上層有好多配料，味道鮮明又好食，肉質好有味道 

約咗朋友喺八方庭食生日飯，呢個生日飯真心不錯，餐廳環境好，食物味道更加係一流，下次都要同朋友再嚟食過。蝦球豆腐蒸水蛋，呢個蝦球豆腐蒸水蛋清新又健康，味道更加係一流，爽甜的蝦肉大隻又鮮甜，豆腐蒸水蛋又滑又香，好好味！七味豆腐，又脆又軟嘅綜合體，充滿黃豆味，再加上又香又辣嘅七味粉，令整個味道更豐富。川辣口水雞，夠辣夠惹味，雞肉好有雞味，又嫩又滑，連雞皮都好好味。個川辣口水汁用嚟送飯更加係滋味無窮。上湯澳洲大龍蝦（烏冬底），龍蝦伊麵就食得多，龍蝦烏冬第一次喺度食，我個人真係鍾意食烏冬多啲，因為烏冬Q彈又好味，仲唔會好似伊麵咁油膩，個人對呢度呢樣嘢非常讚。龍蝦大大隻，蝦肉鮮甜又彈牙。

同屋企人行完街見到呢間裝修有啲古式古香既酒樓，中意食中菜既我地就入黎試下。我地先食八方庭小炒皇，小炒皇嘅食材絕對唔少，菜方面係韭菜黃椒依啲，海鮮就有好多魷魚蝦乾魚乾鮮蝦，再加埋腰果粒，夠晒濃味，全部都係鹹鮮，蝦乾魚乾仲要好大隻，好足料，絕對抵食(^з^)之後我地食佐兩款豆腐既菜式，就係七味豆腐同蝦球豆腐蒸水蛋。七味豆腐即叫即炸，好新鮮，豆腐炸到外脆內軟，好軟綿綿，又熱又滑，又有七味粉嘅香；另一個就更加滑，味道淡啲，全部都係靠食材嘅鮮味，有豆腐嘅豆香，蛋嘅蛋香，同埋蝦嘅清香，上枱嗰陣加少少豉油，啱晒送飯( ^ω^ )最後食多一個肉類，就係蜜汁脆薯牛仔粒，牛仔粒用牛柳，肉質比較有咬口，唔會炒得過熟，啱啱好，所以唔會好韌好難咬，薯仔切到一粒粒，更加吸收到啲蜜汁，牛柳本身已經炒香左，再同啲薯仔一齊用蜜糖再炒，更加香脆，咸甜開胃(#^.^#)