八月堂 (已結業)

xx食左咩xx排名分先後由最好食開始講♥️#松露白醬蟹肉味可頌 $26 👍屯門店限定～始終係排隊店，面包現烤即賣即吃，非常好食。明明就係沙律醬蟹柳牛角包，不過如果加杯咖啡做早餐真係一流。可惜為享最佳風味，建議立即食用。#朱古力可頌 $18 ⭐️米奇推介～朱古力味應該係我有可能再買的唯一口味，我擺到第二日夜晚食都仲好好味，可頌烤之前已經加左朱古力粒，不多不少，不油不膩，一次食兩個不是問題。#雪花檸檬 $18～原味可頌表面塗上微酸甜的檸檬糖漿回烤，味道不錯，不過得食到一半我爸八卦拎左來食，所以我唔太記得咩味，哈哈。#炙燒明太子 $18～不過不失，呢個味唔會再試，佢係將個牛角包中間切開，搽一層好薄的明太子牛油，牛油係幾香，但可能對明太子太有幻想，所以有啲失望，不如整蒜香牛油可能仲正。#覆盆子奶酪 $20～越期待越失望，覆盆子奶酪超少，我同家姐一人一半，我果半幾乎係冇餡，家姐表示唔好食。xx食後感xx現烤牛角包真係好好食，只係價錢唔平，店鋪單一只買牛角包，感覺唔會堅持到好耐，如果加售飲品，變成輕食店，個價錢比較令人接受。...

松露白醬蟹味可頌 $26味道鹹鹹地，佢嘅味有啲似燒三文魚腩嘅味🤣，不過味道都幾夾覆盆子奶酪$20佢入面係好似cream感嘅嘢係入面，味道甜甜地朱古力可頌$18朱古力味好特出，好香濃，不過味道比較偏甜紅粉戀人$18士多啤梨味嘅朱古力淋係牛角包面頭，入面仲有啲士多啤梨醬，味道都唔會好甜👍🏻蜂巢可頌$18佢嘅味道完全同蝴蝶餅嘅味係一樣，真係超香超好味，果然係最受歡迎吖迷戀卡士達$20入面有啲醬，味道甜甜地，不過都唔錯牛角包嘅口感好鬆脆，而且好有空氣感，又唔會好乾好硬👍🏻🥐

《黎自台灣嘅日式牛角包》唔上網睇我真係唔知八月堂係黎自台灣，因為真係好日式呀，而佢嘅牛角包食得出係「香酥、鬆軟、多層次」，不過我個人認為唔值得排太耐隊。🔻香濃芝士評分：🌕🌕🌕🌕🌕價錢：$19呢個好好食，偏咸食到有dd嘅咸蛋黃味，芝士size岩岩好，唔會太漏，芝士完美融合落牛角包，口感一流🤤🔻紅粉戀人評分：🌕🌕🌗🌑🌑價錢：$18我同男友都麻麻地呢個，佢嘅士多啤梨味好似pocky個種咁，層士多啤梨朱古力硬左少少，有種同牛角包分得太開嘅感覺，如果佢嘅texture 似番「醬」，我覺得會好食好多📍 八月堂 (屯門)地址：屯門屯順街1號屯門市廣場1期1樓Kiosk 15

屯門友今期最HIT最近八月堂,即牛角包專門店開到入黎屯門買五送一, 大約100蚊就有一盒以價錢最低為免費,平均價20蚊以下一隻算係合理水準好多師奶都搶住買,所以有朋友都買左6隻黎試下我地今次試卡士達款3隻,雪花檸檬,香濃起司(芝士),朱古力當然仲有好多唔同款式麵團由台灣直送,香港焗製味道醇厚既朱古力 完美蜂巢紋，酥脆鬆軟芝士放了一片焗香,夠咸香屯門屯順街1號屯門市廣場1期1樓Kiosk 15#八月堂 #牛角包專門店 

屯門新開左間「八月堂」，胃食既我，就即時試新野，我買時，有買5送1添，抵！————先講最基本既牛角包，真係好鬆脆，放左一段時間都唔會淋左。————屯門店限定係「松露白醬蟹味」：松露配白醬，好味呀！蟹柳既味就唔太出，可能松露味太出了。木乃伊：有少少朱古力味。炙燒明太子：咬落口，裡面唔係滿滿明太子，只係薄薄一層，初初以為咁少明太子，但原來食食下，覺得薄薄地係岩架，因為會覺得越食越咸。覆盆子奶酪：內裡有4分3既覆盆子奶酪，食第一啖，我覺得酸左啲，仲越食越酸～香濃起司：芝士味濃，食後仲有餘香～朱古力：真係有無攪錯呀！咁好食既，除左個牛角包係朱古力之外，裡面都有朱古力軟心，食落口，好有brownie既味道，但係脆口鬆軟版，係一食難忘

去年港島那邊新開時也排過一次這次到屯門店本來打算待熱潮過後才去見人龍不算太長結果還是去了排隊但客人們下單也很慢最終也等了半小時....新開張買五送一試了五款價錢由$18至$20(結果跟去年一樣 也是沒有吃到檸檬味).- 明太子上次吃過好吃這次點了兩個餡醬味道帶點鹹鹹的好好吃.- 皇家爵士一半外層塗了層朱古力脆皮比較甜但跟包一起吃也是不錯的.- 朱古力不錯.- 覆盆子奶酪內有流心醬酸酸甜甜的個人認為不錯就是吃的時候醬都流出來了有點狼狽在家吃好了但友人說像藥水味.- 萬聖節南瓜沒有很吃到南瓜的味道.整體是好吃的明太子最特別朱古力系列也不錯

期待已久既八月堂屯門市中心分店終於開幕啦!!!👏👏新開張~有買5送1優惠~行過已經比佢既香氣吸引住啦~唯有乖乖地排隊啦!!!▶️松露白醬蟹味可頌($26)屯門店限定松露加埋限定~唔使唸一定有佢份~松露白醬配上蟹棒味道十分夾~松露味唔算太重~配合得岩岩好面層仲加左少少芝士碎~再輕輕炙燒一下~香氣更加提升!!!黎屯門店...哩款係必點款式!!!🔥🔥🔥▶️香濃起司可頌($19)只係面上有一塊芝士~雖然芝士好香口~不過同其他口味相比失色左少少~😔▶️炙燒明太子可頌($18)明太子係夾在係牛角包的~身為明太子迷一定要order哩款!!!😍😍好彩冇令我失望~明太子同可頌好夾~明太子既份量岩岩好~唔會太鹹同搶左可頌既味道!!!▶️皇家爵士可頌($18)1/3個可頌面有朱古力脆皮~朱古力唔會太甜~另外個2/3個就好似食梗原味咁~~所以好食得出可頌原本既牛油香味~食落好鬆軟酥脆!!!一個可頌有2種口感~唔錯~唔錯▶️迷戀卡士達可頌($20)唯一一內有醬料的可頌~可頌內滿滿的卡士達醬~一咬落去小心流哂出黎~😊😊卡士達醬好香好滑~雖然內裡滿滿的卡士達醬~但都唔太影響可頌本身鬆脆既感覺🥰▶️木乃伊可頌($18)萬聖節限定

早排見呢間可頌話即將開，個樣又好吸引咁，已經好期待星期日去到賣晒，剛好佢做緊買5送1，留待晚餐時間買6個，兩個人分啱啱好😊佢啲Croissant size唔算細，正常一個包包size～屯門店限定嘅松露白醬蟹味，有淡淡松露香～ 面頭好似有少少燒過咁～ 好惹味好香😋朱古力味👍🏻👍🏻👍🏻佢入面都有啲朱古力醬Custard味就正常香滑🥰唯獨是個明太子就嫌太少明太子醬，扣咗少少分但整體佢嘅Croissant係唔會油膩，適度地脆脆地、鬆化👍🏻👍🏻👍🏻👍🏻👍🏻