八月花 (又一城)

營業中

休息中

我地早一日book ，原本想book 7點，但已經full 咗，唯有食早啲，食5點嗰轉。我地五個人叫咗慢烤脆香茶燻鴨、龍蝦汁泡鴛鴦岩米飯、加拿大龍蝦肉炒鮮奶慢烤脆香茶燻鴨有半隻鴨同埋四個蝴蝶餅，仲有生菜、辣椒醬、豉油同埋蒜片，鴨嘅份量都唔算少，又唔會膩，感覺有啲似食緊北京片皮鴨。龍蝦汁泡鴛鴦岩米飯係用石鍋裝嘅，有濃郁嘅龍蝦味，仲有啲龍蝦肉，我地五個人，每人都可以有大半碗。加拿大龍蝦肉炒鮮奶龍蝦肉較少，有好多蛋白，最驚喜係底層有烤過嘅米粉，非常脆口。

早排幫媽媽慶祝生日,星期六日 ,周圍都係人!預早係八月花book定位!呢陣子做緊優惠,有張信用卡既set好抵食信用卡優惠嘅指定晚餐,四個人都唔使一千蚊! 有鮑魚有龍蝦 ,又有勁大塊花膠仲有魚 味道ok但係非常得體嘅菜式龍蝦海鮮羹!飲起嚟好似啲西湯既龍蝦湯咁,裏面有粒粒龍蝦肉燒腩仔下面放咗啲沙律菜減低油膩感 ,雖然得四片!但都好大塊令人滿足的 蠔油炆花膠!睇到都夠震撼!好大塊!後生仔鍾唔鍾意食一件事!老人家一定鐘意食完啲花膠嘅執千祈唔好浪費! 你可以叫店員幫你帶走拎返去撈麵,又或者用來再煮餸都好蟲草花 芽菜和豆苗顏色都夠好睇沙巴龍躉仔稍為失色 其實本身佢唔係咁細條,但係失敗之處就用咗個大碟龍蝦伊麵,都有一隻完整嘅龍蝦,份量都好大方!四個人都夠分!食完就真係好飽最後上咗個壽包畀我哋,個樣唔係幾夠好睇,不過唔緊要啦,呢餐呀媽佢好滿意呀

八月花超抵套餐🤩話說美心最近有匯豐卡優惠，滿600就送$300現金券，上次食完北京樓攞左張coupon，今次就攞住張coupon近近地去八月花食個dinner。（不過優惠只限一至四）人少少叫中菜好難叫，所以一般都係食套餐。見到呢個$238套餐有鴨掌蹄筋，燉湯，蒸龍蝦，桶仔飯，杏仁蛋白茶，一於就叫呢個啦！最緊要仲可以用呢張300蚊卷😝減左$300消費滿$600再送$300🤩整體味道都好好，燉湯鮮甜，龍蝦都好新鮮，個飯賣相就普普通通，不過越食越香唔知係咪落左豬油，杏仁茶就有驚喜，係生磨既，甜而不膩，好滋補不過個蛋白就唔夠滑。食完真係飽到上心口😓太肚餓原因淨係影左一張相🤪三個人埋單八百幾，為左要over $900再order多一份豬仔腳，味道都好不過唔夠諗。扣完$300 coupon，人均$210，再攞多張$300 coupon！超抵啊！

之前因為試過葵芳翠園的晚餐都唔錯，今次喺3星期已訂了(八月花)座；結果完全中伏🥵🥵🥵，吃完真係覺得比死更難受！食品差貨不對版不在話下，連服務態度都勁差，想點？🙁🙁🥺完全配合了貼錢買難受呢句說話😩😩今晚我們共5位，點了1) 龍蝦湯燴蛋白羹2)黑蒜豚肉燉烏雞3)椒鹽豆腐粒4)蒜子火腩扣大鳝5)蟲草花螺片6)真金白銀7)蘆筍山藥炒藕片8)香烤燴英國走地豬架9)極品醬油炒飯。結論係:1. 蛋白羹係湯唔係羹，湯唔夠熱，裡有酷似龍蝦膏的東西好假, 味道當然係…..差！😓😓😓2. 黑蒜湯裡面係普通蒜，有相為證； 跟門口廣告上的黑蒜係兩碼子事，完全違反商品說明條例！係欺騙！🤬🤬3. 蒜子火腩扣大鳝，用煲上，但一啲都唔熱！4. 真金白銀 - 只可以用嚟形容我今晚的付出; 呢度菜裡有酷似龍蝦膏的東西好假, 個茨汁好水。5. 香烤燴英國走地豬架 - 味道還可以個都係唔夠熱！6) 極品醬油炒飯- 本來係點了龍蝦汁泡鴛鴦岩米飯，但見到了龍蝦湯燴蛋白羹咁差，馬上轉軚。點知個醬油炒飯鹹到連盲人都開眼😓😓😓經理將個飯攞走話入去同㕑房反映，一去無回頭； 當然再無任何交代。😵‍💫😵‍💫😵‍💫我們一邊走時一邊談論從未試過吃

活動完了已經8點多，我們4人選擇到又一城八月花晚餐，主要因為有券可用。8點半到酒樓，知客告訴我們很多菜式都沽清，但我們也決定有什麼吃什麼。最後我們點了四道菜：醉鴨舌：酒香味不錯。燒鵝例牌：中規中矩。雜菌煲：這個特別，不是平時一般吃的菌類，味較濃，好餸飯。龍蝦炒蛋白：原本想試另一個什麼帶子腐，但已沽清，所以點了這個試試。有少許驚喜，雖然龍蝦肉少，但蛋白滑，反而驚喜的地方是墊底的米粉，烘成一餅挺好味的。我們用了不夠一小時便用膳完，上菜快，像吃中式快餐。用券後價錢尚算公道。

疫情略為好轉, 午餐都唔想挨飯盒, 於是約埋幾個老友去又一城八月花飲茶。美心屬下嘅點心一向都唔錯, 但係呢間有一城八月花似乎特別好。而家搬咗鋪之後地方比較寬敞, 抬與指中間分隔用咗透明膠板,望上去比較整齊企理。環境唔怕太迫, 坐得比較舒服。點心其實冇乜嘢可以評論, 當日食嘅都係一般蝦餃燒賣叉燒包腸粉馬拉糕之類。但係每一樣食起上嚟都唔錯, 個人覺得係水準之上。飲茶最麻煩嘅地方就係要等位, 入月花都唔例外, 當日我哋11:45分去到都要等咗20分鐘, 大家要心裏有個準備。

除左長輩，宜家都愈來愈多後生鍾意飲茶😌無限時之餘又可以慢慢嘆一盅兩件，點心細細件又可以食多啲唔同款！😚😚▪️蜜汁叉燒腸 $39 🌕🌕🌕🌕🌗▫️花膠瑤柱灌湯餃 $52 🌕🌕🌕🌕🌑▪️鮑魚汁炆鳳爪 $50 🌕🌕🌕🌕🌑▫️蜜汁叉燒包 $38 🌕🌕🌕🌕🌑▪️古法馬拉糕 $38 🌕🌕🌕🌕🌕▫️甫魚滑燒賣 $42 🌕🌕🌕🌕🌗▪️銀湖百花釀魚肚 $42 🌕🌕🌕🌕🌘

9/3/2021星期二，放工嚟到又一城，想食中式晚餐，在地下一層見到 八月花，記得之前食過，印象都唔錯，咁今晚就揀呢間開餐啦！雖然佢哋有二人優惠套餐，不過款式唔啱口味，所以我哋散叫。慢烤茶燻鴨半隻，份量好多，皮脆肉嫩，唔肥膩，配以生菜或者蝴蝶餅食。以生菜包著燻鴨肉食，夠清爽。以蝴蝶餅夾燻鴨肉食，好似食北京填鴨。露筍山藥炒藕片，清甜夠爽，好食。龍蝦汁泡鴛鴦岩米飯，用石鍋存熱力足夠，濃濃龍蝦汁，仲有龍蝦肉，鴛鴦岩米，煙煙靭靭，超好味。飯店設計令人客坐得舒服，侍應服務友善，給予滿意的晚餐。

我非常明白大家都要賺錢，來貨價加咗，我唔知，人工加咗，我都唔知，品質好咗，我肯定話俾你聽係「bad」，對不起，其實我都唔知係咪bad，今晚食咗個套餐，裏面有一條龍躉，值$398 散叫，是由着黑色衫嘅靚姐姐講嘅，但是在我張枱上嘅龍躉，似是一條大的「金古」，再大多條邊，我就不明白為什麼係價值$398 ，本來想問一問點解呢條係值$398 「散叫」？大家食兩食吹開水望到張單後，發現食緊上湯龍蝦伊麵，點解係橙色嘅汁？美心集團八月花就搵咗個高大威猛又靚仔過嚟解釋説呢碟真係上湯焗龍蝦嘅，個態度有少少稀奇，咁我哋就唯有不再請教套餐中在我們抬上個條龍躉啦！希望看到我食評嘅人指出沙巴龍躉係點樣計㗎，是不是沙巴龍躉是超級勁貴呀？SIZE細過一條套餐中嘅中或小型東星班，而個套餐$1000樓下，多謝🙏。相片…，我想一想，同大家分享吓我覺得係中咗招嘅套餐姐！套餐最突出嘅就係分別係龍躉「大小及微温」啦，同埋澳龍，即是上湯龍蝦伊麵「微溫」，再者就係合時甜品係薑茶湯圓，其實我都未確認，第一我就無食到「蓋都無打開」，第二我聽我阿媽講係非常之多薑非常之甜姐！套餐裏嗰碟蟲草花就幾好食，我🈯️碟菜。

疫情下禁堂食, 都會周圍試下餐廳外賣優惠套餐。美心中菜最近推出嘅超值外賣自取四人餐, 只需$398。整體份量充足, 性價比高, 絕對值得一試!海鮮粟米羹味道較清淡, 重蛋花味, 有少量魚塊上湯焗龍蝦伊麵龍蝦鮮甜, 伊麵吸盡龍蝦精華! 如果餐廳幫忙輕輕壓裂龍蝦殼, 會更方便食客鮮茄蛋牛肉普通家常小菜, 即使外賣, 滑蛋水準無變, 酸甜開胃! 鹹魚雞粒豆腐雖然鹹魚味唔重, 但調味足, 雞粒同豆腐份量唔吝嗇極品醬油炒飯有驚喜, 外貌一啲都唔討好, 又冇任何配料, 但意料之外地好食, 送飯一流!

中午去到又一城食午餐，首選越南餐，但排隊人太多，咁轉去皇后餐廳，點知一樣係咁多人排隊, 咁唔想排隊可以點？最後搵左一間冇咁多人排隊㗎啦見八月花冇乜人排及門口印有特價午市套餐，見今日係平安夜，晚上就冇得堂食，所以午餐就食豐富小小啦⋯⋯叫左個二人套餐，睇落去幾豐富幾吸引，價錢又算合理首先上場嘅係BB豬，每人有一片咁多😓味道都算唔錯，豬件係脆皮，算有水準，但最唔中意嘅係佢地唔使問就監硬放底啲麻棘味鹹酸菜俾你，我最唔中意呢個味道，其實呢間集團有幾間去過的中菜都係咁做，令人好厭惡😡失哂印象分呢個係鮑汁扣原隻花膠，花膠夠淋，又算大件及算入味，有水準，唔錯😍再上枱係原隻瑤柱菜膽花菇湯，湯好淡味，未見出色😔呢味上湯焗原隻大花蝦，睇落D汁杰撻撻咁，賣相欠佳，食落鮮味欠奉，其實就算用急凍蝦都可以搵D新鮮D嘅😤呢隻除了上碟前已經甩頭外，食落D肉仲有D霉😠迷你桶仔飯，不過不失。蛋白杏仁茶，比較稀身，蛋白好少，普普通通，有D行貨總括來講大集團嘅食物質素唔應該係咁，監管一定要嚴謹，咁嘅水準頗令人失落☹️

因疫情關係無得堂食，我係whatsapp落左單，訂了外賣6人晚餐，6:30pm自取。我7:00到達八月花，等了超過半小時都無得拎食物。因為我個餐同其他客人既餐吊轉左。等既期間其他客人的訂單錯漏百出，真係好無系統好混亂。

疫情以來好耐無飲茶，難得有機會去又一城，就熱鬧下啦！先來一客花膠灌湯餃！湯味清甜，餃餡美味。花膠薄點，不過此價錢就合理！下次一定再叫！百花釀魚肚一樣鮮甜，魚肚軟綿綿，飲親茶都會叫佢！乾炒牛河比我想像中有鑊氣，牛肉味香濃！一定要試！奶皇包相對就比較失色啦，普普通通啦，下次都係叫蛋散好啲！環境方便佢用好高身嘅膠板格住每一台，所以乘客可以食得放心。呢個鋪位原本係另一間酒樓，不過宜家裝修咗，八月花搬咗落嚟呢度。

裝修高雅的八月花最近做緊信用卡優惠, 套餐更可同其他晚市優惠一齊享用, 就同家人相約一聚。鮮茄蛋牛肉本身純粹想食一啲有汁的小菜而點, 點知這款跟餐小菜令我喜出望外。茄味濃郁, 牛肉鮮嫩, 非常開胃。金陵片皮鴨鴨皮鬆脆, 一咬皮下脂肪完全融化, 油香豐富但又唔覺很肥膩。呢到嘅片皮鴨以皮為主, 而鴨肉則用作熬製二食嘅時菜鴨骨湯。福洲炒麵線主菜牌單點, 賣相雖然普通, 但食落有驚喜! 蟹肉並唔係幼細無咬口嗰種, 加入XO醬炒, 特別惹味。

又一城Sopping Day，行咗一日，終於都餓，食飯時候，間間都好多人等位，去到八月花，等2-3張就攞飛，大約10-15分鐘有位。佢哋有promotion, 主餐牌八折, 我地揀左2樣嘢都埋晒, 唔想再諗啦，就叫咗個超值二人餐。套餐樣樣都有啲，但份量唔多，如果唔係太餓都OK嘅。脆脆BB豬伴沙律，份量太少，好孤寒，每人一塊，去飲都唔止啦，仲要細塊，不如直接沙律就算啦。原粒瑤柱菜膽燉花菇湯 - 只有一粒瑤柱，少少菜，小粒菇，湯的味道還可以。包汁扣原隻花膠 - 終於嚟咗個滿意嘅菜式，味道ok，但唔特別好食。上湯焗原隻大花蝦 - 上湯味濃郁，蝦肉地新鮮嘅迷你桶仔飯 - 好食，加左粟米，芋頭，熱辣辣，份量較少。生磨蛋白杏仁茶 - 味道ok，蛋白好老，仲要等好耐，已經吹左好多次，都冇人理我哋。整體，除咗坐得舒服之外，其他一般，食物唔夠熱，上碟求其，衰過茶餐廳，而且啲碗碟都有嘣嘅，我印象中八月花，係高質餐廳，今次真係好失望，冇以前咁好，雖然好似好抵食，但係唔好食，短期內都唔會去。