八號餐廳

營業中

休息中

出大埔做野成日都唔知食咩好,經朋友介紹呢一間o係八號花園o既餐廳,可以坐得舒服,打發個lunchtime~難得呢一間餐廳lunch menu有牛脷食,其他地方都比較少有,梗係要試下!d牛脷份量好多~而且每一塊都好易入口,都有少少煎脆左,所以特別野味~黑椒汁同平時食開o個d冇咩分別,但點都好,d有質量o既牛脷搭救左成碟野~

與友人到此晚餐我點了香草白酒忌廉汁帶子意粉友人則點了牛扒附餐包﹑餐湯＆餐飲餐包暖呼呼﹑微軟的～～配牛油很好吃!!友人的牛扒餐配薯角薯角夠香夠熱~~牛扒也不錯!!香草白酒忌廉汁帶子意粉,,帶子size大粒,,份量不會很少意粉的軟硬度剛好可惜整體的香草味太濃了!!有點over~~

今日系大埔約左個舊同學食飯，諗起好耐冇食八號餐廳，於是一齊去左果度食。八號餐廳甘多年都冇點變，仍然給我一個很輕鬆的感覺。我地今日叫左兩個set lunch。 Set Lunch有餐湯，麵包，主菜同一杯野飲。餐湯我選擇左忌廉湯，飲落不太鹹，但味道仍然夠濃，夠忌廉味，不會被鹹味蓋過。主菜我點左，食落幾清，煙三文魚配上香草汁感覺一流，煙三文魚同香草好夾，帶起左整碟意大利幼面，整體不俗，而且煙三文魚分量足夠，不會將貨就價。最後我點左一杯熱咖啡左收尾，咖啡和奶是分開上的，咖啡和奶的可以自由調配，挺細心的。整體而言，價錢不算太貴，餐廳服務不錯，食物和飲品質素挺好，整體有高級餐廳的感覺，而且性價比高，不會將貨就價，值得再去回味。

今日約左空姐媽媽食tea，佢sugeest話去八號餐廳，食左幾次都唔錯。去到由於啱啱開始下午茶，所以見好多食客仲食緊lunch0既嘢，睇落去係ok wor。我叫左個熱狗餐，而空姐媽媽就叫個豬扒包。原來個餐係配埋薯皇同沙律菜，賣相好吸引，好似人哋高級餐廳0既tea咁熱狗腸唔咸，d source酸酸甜甜，無論熱狗裏面0既菜定係出面伴碟0既沙律菜都好新鮮而我見空姐媽媽個包都好軟，豬扒都好juicy。個伴碟薯皇都係即炸，唔會稔，少少脆。嘢飲方面除左一杯普通熱飲外，出面有個drink bar，可以任添一d水果茶，例如有蕃石榴水果茶，又有檸汁橙茶，味道唔甜好清，值得一讚$30一個餐又有任飲，平日下午茶傾計好地方。

好久未食八號餐廰煙鴨胸飯。今日要回來幫親。點左西西里茄茸煙鴨胸飯加個菠蘿汁。真係好學生價。只係$35一個餐。等左5分鐘，個焗飯到左。個飯賣相幾好。食落有酸味。有蕃茄味同芝士味。煙鴨肉足夠份量。煙鴨肉好食，肉質上等。好味。彈牙。個飯混入芝士，用匙拌勻食非常入味。個菠蘿汁好飲。係鮮搓。其他餐廳食唔到。加上個餐廳有戶外食桌，方便食客坐出面食。

每次行經八號餐廳，都會比佢開揚悠閒的裝潢吸引，所以就特意揾一個早上試試佢地既早餐。果日我一個人入到去以為會有人幫我帶位，但等左十幾廿秒都唔見有人黎，所以就自己行入去搵左張雙人枱坐低。但係同樣地，我嗌左差唔多成二三分鐘先有侍應理我比張menu 我，好明顯佢地人手真係嚴重不足😕咁點餐就更加唔洗講...最後我叫左個麥皮餐，有個麥包、火腿、蛋、桂格麥皮加多杯餐飲，加埋都係$30，食物質素都唔錯，其實整體黎講都算係抵食😋而最值得一讚既係佢地有免費報紙書刊，同埋免費咖啡添飲，如果就舒舒服服享受一個悠閒既早上或者下午，呢到都係一個唔錯既選擇☺️

早兩日去大埔找朋友 話 附近有間餐廳唔錯 叫我一齊去試吓 呢度環境清優， 感覺都幾舒服 再睇番個價錢都幾低禾  晚餐＄40幾都有交易有餐湯及餐麵包， 仲提供數款果茶自助添飲 我飲咗杯熱檸檬橙汁 熱嘅果汁幾特別但呢度就不太討好啦我叫左焗豬扒飯 先來個是粟米湯， 湯夠熱 幾creamy 仲幾大碗配埋個軟熟嘅餐包一齊食 已經飽左一半了焗豬扒飯 個様焗得幾靚仔 , 好多芝士同茄汁鋪面 個汁好濃但係唔係好咸 撈飯食一流。豬扒大大件 肉質好鬆軟 ,雖然好大碟 實在太好味所以全部都食曬最後來做杯西柚汁 做乜特別 酸酸地 飲完當消滯啦

每次諗唔到食乜好？都會嚟八號餐廳 ，因為佢每次都能夠有保証，食物可以保持水準。大埔依家每逢公眾假期揾嘢食都幾難，到處人多不特止，商埸食肆滿座，揾位泊車亦一樣難。今個星期曰中午嚟到，雖然有泊車優惠，但停車埸已滿，唯有泊喺路邊博一博，因實在太肚餓啦! 等咗10分鐘就有位，入到去馬上落單，叫咗2個午餐+1個意粉餐。餐湯：雜菜湯=羅宋湯，味道好香好濃，夠牛肉味。忌廉湯，依然保持水準，好味。午餐:  鮮蝦冬蔭公炒烏冬~ 好鍾意呢度嘅炒粉麵，即炒熱辣辣，尤其加咗好多鮮菇一齊炒。今次d蝦特別多，冬蔭公味好香，雖然唔係用日本/韓國烏冬，但都好好味，唔錯！午餐: 椰皇燴雞配白飯~ 呢個飯就稍差咗少少，只有些少椰汁味嘅雞肉，仲係雞脾肉但連皮，味道一般啦。拿破倫意粉(茄汁、鮮蝦、火腿)~ 又係炒得好香，濃濃蕃茄醬加埋火腿、鮮蝦、仲有大量鮮菇，好正！***食完拿拿淋走人，幸好冇牛肉乾貼喺車頭(￣▽￣")

這天，我生病了，獨自回到大埔看醫生，獨自生活的好處就是令人急速成長，自己的身體、自己負責任，看不看醫生還是自行吃成藥，都是自己決定! 平時的我最怕吃藥、也怕看醫生，要不是家人要求，我定會拖到最後才到診所看病. 沒家人照料，甚麼也靠自己的時候，反而覺得愈快看醫生愈好，否則辛苦的也是自己! 一朝早甚麼也沒吃就坐了大半小時車到診所，看醫生後已經是11時左右，記得以前常到的8號餐廳早餐供應到11:30AM，還有時間便到那裡吃個豐富早餐! 8號餐廳位於一個寛大的公園傍邊，常常有人在那裡溜狗的，而且養狗的人也愛到8號餐廳吃飯，餐廳的戶外位置有數張枱，正好適合養狗人士.  而我當然是坐室內置，餐廳還有報紙、雜誌提供，而且，果茶、檸檬汁、咖啡等也是無限添飲的，可以在這消磨一段時間.  我選擇了港式早餐，餐肉煎蛋麵配多士，熱檸茶($27)，早餐不設加一.  餐肉煎蛋麵賣相吸引，兩片厚切香煎的餐肉，配上脆邊蛋，還有雜菜和菇菌，相當豐富，麵條也淥得剛好，煙煙韌韌，頗有咬口，唯獨是湯底鹹了一點! 隨餐奉上的多士也是即烘的，非常香脆. 記得以前假日常來，因為客人太多，多士也是預先烘的，一點不脆還帶點韌，反而閒日

咁多年嚟，一直都知呢間八號餐廳嘅存在，但只幫襯過二、三次，所以印象唔深。其實呢度一直都係d太太們嘅聚腳地，尤其下午茶時間，因為地點好, 較寧靜，又有落地玻璃，又有泊車優惠(十二點後幫襯就有一小時啦！)但就比較舊囉！八號風球嘅今日，雖然一點幾已落波，但都唔使返工，所以再嚟食吓下午茶。冬蔭公海鮮炒意粉餐，HK$44連飲品 ~先嚟忌廉湯，好好飲呀！個湯好滑好濃，望真d，原來有魚蓉架，仲有薯仔，洋葱，火腿...正！個包仲夠熱夠軟。 海鮮意粉即叫即炒，上檯時有一陣陣冬蔭公香味，海鮮夠豐富，有蝦，青口，魷魚，蜆肉, 紅青椒，仲有好多菇，非常惹味，份量都0K！雜菜豬扒拉麵餐，HK$30連飲品 ~厚切有骨豬扒煎得金黃，熱辣辣，好好味！唯獨個拉麵就係超市貨式，欠口感，幸好個湯冇油清清哋！*今時今日, 用咁嘅價錢食到咁嘅味道，坐得又幾舒服，又絕唔趕客嘅餐廳已好少有，所以下次必定再幫襯！

我知道，八號餐廳是一間好餐廳曾經多次光顧，整間餐廳的氣氛，環境，令人有一種身在外國的錯覺我特別欣賞它的早餐，那些烘得香脆的麥包........但一切的美好回憶，隨著今天的災難晚餐而流逝在打這篇食評的時候，我的胸口仍然隱隱作痛就像一個認識多年的老朋友，忽然離開了這個世界一樣令人心酸而又沈重每一個悲劇故事，都會有一個幸福的開始週六晚上，獨自一人，享受著孤獨男人的快樂隻身踏進滿有異國風情的八號餐廳店內人多，但不嘈吵點了一個『雜錦海鮮忌廉汁焗飯』($48，要加一)享受著暴風雨前的寧靜餐包，有個性，某些位置十分脆口，什至輕帶硬的感覺另一些位置卻又軟軟的，這或許叫做「加熱不平均」雜菜湯，口感有層次，清爽，好味當我陶醉在這一個幸福的時光它，改變了我的它，悄悄地出現了看，面上蓋著的一層白汁多麼的好看，多麼的吸引我微笑著用匙撥開表面的汁就在那一刻，我的笑容永遠的靜止了原來一切都是假的童話要破滅汁下的配料少得可憐$48.....飯煮得完全爛透，就像給沒有牙齒的老人家吃的老人院飯一樣$48........而且飯是完全沒有味道，整個飯也是 淡、而、無、味！$48........我腦海中不斷重現過去美好的片段

好早前同朋友黎過一次~ 感覺上好街坊FEEL空間感好大,枱椅好大張好舒服!仲有几張露天既枱 可以比人食煙同放狗! 好細心~唔係好餓但又想搵地方坐下飲杯野,喺門口望完又望, 絕對放心~係唔會有人出黎打搞你, 等你自己慢慢睇啱行入去望晒個餐牌,望埋入面有個心儀既靚位,所以入左去幫襯入到去如果中意自己搞既人,會好中意呢種冇人理既感覺,中意坐邊就坐邊,中意飲咩就飲咩~一入門口就有個小小茶水站,有咖啡紅茶同花茶仲有橙汁任飲,隔離仲有一個書櫃可以比客人拎D書黎睇~我發覺佢好多種類既書都有,,有一般既美容雜誌,有車書,有多拉A 夢,老夫子漫畫..有育嬰書. 仲有本係坐月子..~__~"飲食雜誌緊係我既至愛之物~!!D書感覺係人地睇過唔要再拎黎寄存~物盡其用又唔浪費~唔錯~千其介意佢地唔整全同好多人睇過唔衛生..拎左兩本書埋位坐,就有個服務員拎杯水比我同我落單,我話未諗好,佢就一支箭咁走左去...過左陣我見冇人理我,就自己去左拎野飲, 今次我揀左玫瑰花茶聞到好香, 飲落有點甜, 我諗佢係加左糖, 我個人喜歡原味多D餐牌款式好多,有重口味既肉頪主菜,亦有清淡D既甜品沙律,可能因為唔係咁餓,好多野都叫唔落

星期日經常都會到八號餐廳食早餐，露天坐位有很多養狗人士帶埋狗狗吃早餐，等位期間可以見到很多得意的小狗架!!早餐至到11:30AM，通常11:00AM到達，都要等大約15MINS才有坐位!每次必叫餐肉煎蛋麵 / 通粉 配多士及餐飲 ($26)餐肉煎蛋麵不是次都叫，因為餐肉有時會售罄，這裡的餐肉值得推介，有厚厚的兩片，而且煎得很有火喉，很脆身的配上煎蛋及雜菌，真的很豐富。餐飲選了熱檸茶，茶味不濃，淡淡的。這裡最好的地方是有報紙、雜誌讓客人閱讀，而且餐廳又不會趕顧客結帳，可以慢慢嘆~而且店裡有花茶、檸檬橙汁及咖啡任添，可以一路喝茶，一路看報紙，都幾寫意架

八號餐廳呀...八號餐廳呀...點解會請D咁無禮貌既人架 今次真係死心了...環境點好都冇用...俾你地D員工破壞哂了......話說星期六晚一行4人想找個坐得舒服一些,悠悠閒食個Weekend晚飯的地方..吹吹水..一直覺得這家餐廳環境舒服..位置在公園旁邊..感覺很好...耐不耐就去食個晚飯...從來都不敢對這店服務上有什麼要求..只是有個人幫我寫一下單..收一下碟就好...大家一路都相處得可以...算是接受了...這次去簡直踩到我底線了...一位束馬尾女服務員給我們寫單..如常地已經想好要什麼才喚她過來...一過來...無出過聲企係到..筆已在手...作狀準備寫餐..友人都不理..都是住在大埔對這店服務很了解..很合作自動波自己叫野食...到第三個想叫一個鐵板牛扒..只是問了:唔該我想問個牛幾多安士?束馬尾女服務員抬起頭答 : 唔知喎 '(真係好無禮貌我真係O 咗咀囉...咩事呀依家得罪左你咩....自問從來對侍應禮貌....究竟佢咩事架.....(最好笑到結帳的時候(我習慣可以的話自己行出去埋單的..不用太麻煩大帝了....)見到她就在收銀附近掃地..跟收$的(應該是老闆

選擇幾多大部分餐都幾抵食意粉特別有保證扒餐則比較昂貴但正所謂一分錢一分貨食過就知第有所值不論藤椅卡位也令坐的客人滿意唯一不太滿意的是空調不太給力夏天特別覺得焗促