八號餐廳

營業中

休息中

8號餐廳的地理位置有點隱蔽，平常我有沒多留意它，直到有一次看見它的門面，進去一試後便愛上了！一開始覺得有點意外是這邊環境清雅，有藤椅和提子燈的裝潢，但價錢真的很合理，＄40－＄50包餐湯及飲品～這裡的廚師很窩心，每一次來也可以嘗到不同的麵包款式，這次是烤餅類，湯是粟米濃湯，跟我平常吃的日本粟米濃湯粉味道有點相似～白汁海鮮飯還不到＄50，這樣是不是不惜工本？！青口也有3粒！紅酒豬仔骨豬肉感覺已經煮了很久，沒有很硬的感覺，雖然醬汁沒有紅酒味，但還是調得不錯。我最喜歡這邊的落地玻璃環境，他們還提供數款果茶自助添飲，值得推介這一家舒適的店！

這間在大埔八號花園開業的「八號餐廳」，自己以前也曾來過兩三次，不過已經很久沒有再來了。這一天因為來到大埔，又正好經過這餐廳附近，雖然時間才不過是下午五時多，但因為已經肚餓的關係，便在這久別重逢的餐廳中吃一頓遲來的下午茶，又或是早來了的晚餐。這餐廳位處於街角位，兩面落地玻璃外雖然是行人路，但行人路外便是小公園，正好在餐廳外擺放些室外座位，方便喜愛坐在室外用膳的客人或是吸煙人士一面欣賞風景，一面吃東西。不過這餐廳室內的環境其實很普通，因為開業多年的關係，裝修也略顯陳舊，而且招呼我們的男侍應好像心不在焉似的，，答問題時亦語焉不詳，服務能度實在欠佳。幸好這裡的食物，除了餐包之外，大致上都不錯。太座吃的下午茶是「雜菌薄牛扒湯烏冬」。煎香了的薄牛扒醃得入味，份量亦多，加上熱辣辣的湯烏冬與少許的雜菇，這烏冬水準都算不差。我吃的「炒冬蔭公青口意粉」是這裡下午茶時段三款特餐的其中一款，這「炒冬蔭公青口意粉」中有濃濃的泰國冬蔭功湯味，辛辣中帶點酸，既開胃，又惹味，青口有六隻之多，而且甚為大隻，意粉質感亦佳，這「炒冬蔭公青口意粉」可是意料之外的好吃。隨這餐送上的「雜菜湯」味道雖然無甚特別，勝在材料甚多，還算

今個 lunch 真係食得好 bad feeling。一入店，高高瘦瘦既女店員面黑黑，可能忙啦，真係一 d 表情都無，其他店員擺茶擺湯都係求其擺，次次都係順手擺係我對面位，真係甘都得。餐包焗得太耐，變得好 “靱”，硬到咬唔開。香煎鱸魚柳菠菜忌廉汁 ($40)：放係枱面已經嗅到好勁魚腥味。薯絛唔熱又 “淰”，好難食。菠菜汁無味道，鱸魚柳食落超腥，但唔食，真係無樣可以食，唯有頂硬上食左魚柳，就快走了。實在可怕既經歷。

好耐無去食晚餐. 上一次已經係上年六月. 今次點了焗茄汁豬頸肉飯. 白湯加熱咖啡. 其實係為咗杯咖啡先來這間店食 ^^白湯一般, 無乜料. 應該係用粉開的. 但係唔難飲的.焗茄汁豬頸肉飯幾口味, 不過好少豬頸肉. 望落去好似好多咁, 原來有幾片係用菇類扮的.是晚的主角原本係杯熱咖啡, 唔係話好好飯. 勝在係即磨. 好香.六十蚊有個西餐食, 環境又好, 夠靜, 合傾計. 算唔錯.最LIKE係坐近公園的窗口位, 可以見到好多狗仔行過, 好開心. 朋友仔食芝士茄汁焗海鮮飯. 我無問佢好唔好食, 不過見佢食哂. 應該好味掛.

一入店就感到悠然自得既舒服感覺，客人傾計、看報紙雜誌，慢慢歎，好輕鬆。雜菜湯配餐包：雜菜湯好多菜但味道好淡；餐包雖然外脆內鬆軟，但唔香，咬左一口就唔想食。香檳芥末汁海鮮意粉：醬汁既香檳和芥末味都食唔出，但就好香好creamy；意粉有咬口，好味道。芝士焗龍鱈魚飯：龍鱈魚有塊黑色既皮有d核突，但魚香鮮味；焗飯醬汁只是普通既粟米湯甘。食物不見特別正，而我最鍾意呢度閒適既環境。

在東涌渡過了足足五個寒暑, 每次去大埔或者粉嶺返晚間主日學, 總是趕趕的(但必定遲到).......就算知呢度食一個餐可以好Relax都無暇了.天下無不散之筵席, 離開了似熟還陌生的東涌, 轉工轉到何文田(當年興旺的愛民商場, 現在恍如死城, 只餘下天馬和大快活孤軍作戰), 而且早過當年一小時放工, 故此每次返晚間主日學, 到大埔後總有超過一小時的時間剩下, 最好, 而又最經濟消磨時間的地方, 就係八號餐廳.很久沒來, 茶餐依然是全日供應, 餐紙上的主菜全都是有湯有包有飲品, 心太軟仍在, 仍然都是無限添飲(包括小弟至愛但冇地方飲到的熱橙檸檬)點了茶餐, 煙腸蛋公仔麵, 煙肉煎得恰到好處, 不過火(過火就會乾硬的), 麵本身是茶記貨色, 但個湯底是清雞湯, 似是自製的, 好有雞味的湯底, 令到整碗麵都不同了.亦有一次吃薯條龍脷柳, 薯條不太稔, 龍脷柳普通......呢度的賣點係無限添飲, 仲有杯供應, 熱的橙汁出面很少見, 呢度夾埋檸檬, 甜同酸度都剛剛好, 花茶都係推介, 茶味充滿花香.埋單$30也不用, 精神一振, 返到教會上主日學就更醒神了, 我會多些來的了~~~~

大半年無見過朋友了, 難得佢 是日仍有時間出來食飯, lunch 就到大埔見見佢吧!!!!食物水準穩定，不同款式的tapas尤具特色,做法卻別具創意。2 人叫了 3-course:linguine with mushrooms cream sauce 就幼滑香濃, 份量亦剛好掛到 linguine 上, 拌勻 mushrooms 同吃就多一份野菌的香味, 加加埋埋幾好食的.Cesar Salad, 又甜又彈牙!佢件steak 雖然唔係澳洲牛排,不過佢做得好好味!!CHEESECAKE 我以為是一般都會吃到的味道，可最後這個甜品仍然有驚喜!!!!! 這個CHEESECAKE不太甜，TEXTURE也是剛剛好，感覺很RICH卻又不會有太飽太多的感覺.環境就光猛乾淨 ,服務也值得誇獎，整天侍應不時出現來介紹餐廳的菜式，什麽當做，什麽精選都詳細貼心解釋，這方面就連某些酒店餐廳也未必做得好。

之前睇過呢間野既食評都知服務麻麻地，但因為有寵物，見呢間室外d檯椅較大，為左令愛犬坐得舒服d就試下！果然要三嗺四請至有人出黎招呼你，但上菜好快叫左兩個餐：1) 咖喱豬扒飯：日式咖喱汁，豬扒炸得幾好，但個飯好硬(唔係炒飯)，唔似係新鮮飯，似隔夜飯2)芝士焗雜菜飯：上面d料ok，但d炒飯好硬

今日星期日, 想同媽媽去一間坐得舒服d既餐廳食早餐, 就嚟左八號號餐廳喇!!以前試過嚟食tea, 環境唔錯, 仲冇咩人, 點知今日一早要等位, 好彩15 mins就可以入坐!!好好彩, 可以坐2人枱, 唔駛同人搭枱!!同媽咪一人叫個早餐me: 煙肉法國腸蛋通粉+ 多士 ( 多士唔駛加錢, 抵ar, 梗要多士la~)媽咪: 雜菌火腿蛋通粉其實我同媽咪都覺得d 湯無味, 好似水咁, 好在我慣食清淡嘢, 都ok la!!仲可以無限量添飲花茶, 果茶, 香橙lemon 汁, 都幾好ar, 仲有雜誌睇, 如果平日嚟應該好嘆吓!!埋單每人 $23 , 唔駛加一 , 價錢都算合理, 食物算唔錯, 環境都幾好, 可以再嚟食呢

我一直都唔鍾意呢間餐廳只係我家人朋友貪就腳先經常光顧但佢永遠都好差 唔會改善 俾左咁耐時間機會佢都唔改善唉好失望- 等得好耐好耐早餐有幾多野要黎丫...最多咪黎住D多士..野飲先囉...佢永遠要人等佢20分鐘以上!!!重要成日錯單 漏單!! 同行的人多數會說: 別生氣..可能人手唔夠客又多OK!我起初體諒!不過呢個情況2年黎都冇改過................- 食物普通佢D野好食就一定冇份, 不過算乾淨, 但係今日食佢個個沙嗲牛肉,我以為係沙嗲瘦肉囉唔該!勁難食又咬唔到! 柸華田先差...唉-本來環境個度係叫OK,但E+去親都太嘈啦總之食到我發脾氣

今天放工後約了爸爸跟弟弟一起食午餐，非常冷滿的三人組合，最後選擇了在公園隔離的餐廳，以前最愛流連的公園地帶 數數手指都有3年沒來過食飯了，時間真的眨下眼就過了。喜歡這裡的環境給人一種靜心的感覺，最適合洗脫精神上的壓力(雖然我冇乜壓力)坐下來點了不同種類的lunch set :芝士內醬焗意粉配橙汁 - 焗? 不似是原焗的，似自己添加上去再焗一會的，所以意粉比較淡口，沒味!芝士味也不濃....橙汁試到是自家製的，因為比較酸和有點肉榨。吉列豬扒咖哩飯配凍檸茶 - 沒有咖哩味的咖哩，加上食起來很硬的吉列豬扒這個真的不合格之餘還要批評!!!!完全唔掂....紅酒燴牛肉飯配凍檸茶 - 這個個汁做得不錯，味道都match到個飯....,可惜牛肉比較硬口!食起來不夠爽.....下次都是返回Oliva 比較好.....

仲記得零四年我阿姨第一次帶我黎呢間餐廳食，簡直一試愛上裝修環境唔錯，落地玻璃設計對住公園，日頭俾人有休閒感覺仲有花茶果茶任飲，下午去好有HIGH TEA FEEL夜晚著有燈泡仔氣氛浪漫意粉質地味道都好--特別鍾情佢既卡邦尼，所以一星期都會幫襯一兩次大時大節(情人、聖誕)都無加價，叫埋心太軟(以前佢地焗得啱啱好)夠晒SWEET點知零八年開始越來越差！？(真懷疑係咪換左老細)首先換左批侍應，唔係態度差扮睇唔到行埋一面傾計(尢其女侍應係水吧位唔知係度做乜)就係呆下呆下咁，搵到人都仲會漏單追三次先有得食跟住就到D野食，意粉質地變左(好似煮左好耐仲要加重油)，味道仲得返個咸字心太軟啲粉好似未攪完咁，有舊粉好似生食咁，仲要焗到硬晒試過兩次叫扒餐啲豬扒未熟就俾人，同侍應講，個侍應仲問返轉頭咁點難道生都要照食嗎?!!最後一次去係2009-11-29星期日食午餐，仲學人靜靜加價(加行細字話要加乜加物)結賬先發覺，自始之後真係死心唔再去

今日行過突然好想食八號餐廳... 入都去人唔算多~ 而且個餐又好似幾好食... 所以就入去坐低左~男朋友食既係是日晚餐... 鮮蝦香草白汁焗飯~ 好食... 而且唔係成日見到有哩個餐~ $40 有湯又有餐飽又有飲品... 仲要係哩個環境真係不錯~雜菜湯... 有時會係淡一點既清湯~ 而有時會係有蕃茄既濃湯... 個人比較鍾意後者~而我就食左健康餐既芝士焗肉醬意粉加西柚汁~ 今日個意粉好重蕃茄味... 好好食~ 近哩幾次都揀左哩個意粉食~ 保持水準 當然黎哩度唔少我 我至愛既熱橙檸檬... 免費添飲~ 其實仲有好多花茶同果茶都係免費添飲... 但係我唯獨愛熱橙檸檬 事實上... 我覺得佢地既食物水準比較唔穩定~ 不過近來的確有所改善... 希望佢地可以保持水準啦~

Although I passed by this place many times during lunch hours, never really got the chance to give it a try. Today I did. The entrance to this place is rather difficult to find, or at least the main entrance. The first thing you would notice is the kitchen. The cashier is located beyond the kitchen near another entrance (I wonder where that entrance is located on the street level). For a casual dining outlet, the decor used is pretty appropriate: simple and clean cut. The operations is similar t

今天中午一時多找地方午餐，午餐後仍然要工作，決定在附件的餐廳快快解決，又知道週末四處都會好多人食飯，心想這間餐廳夠大，我一個人午餐應該比較容易有位。去到餐廳時，門口位置的侍應並不有理會我，我見亦沒有其他人在等位，我便自己入內找位置。餐廳中很多人，看到比較側邊的位置，並非中央位置有空桌子便坐下，心想會有侍應招呼吧，例如詢問幾多位、擺餐具、一杯水、餐牌等等，但事實是我等了十多分鐘，我舉了無數次手，沒有任何一人招呼我，最初我也有耐心等待，知道他們都忙碌著，自己的位置也不那麼好看到，但後期覺得他們簡直是存心的，總是很有技巧地避開，因為事實上我曾經跟最少三位侍應有眼神接觸，其中兩位曾以招手回應我，不過最後我依然對著空桌子呆坐著，他們招手回應後並沒有行過來。最後有一位男待應行過來問我是否點餐，我正想說出我想要餐牌時，他忽然轉頭行開，逕自走入廚房傳菜。我看著這一切，覺得實在太不可思議。坐在我側邊的客人也看到這一切，我也只感到無奈，心裡越想越氣憤，怎可以莫視客人！我是看到有人在門外等候，但也不可以因為我是一位，就不招呼吧，最後我決定離開 (不離開也沒辦法，因為也沒人理會)，我走向門口，直到出了去，這段