六十六十火鍋 (已結業)

去長沙灣主要目的就係嚟食呢間火鍋，湯底揀咗椰子文昌雞湯底 $248/位，每人有一份雞咁多，呢個價錢包咗八款自選海鮮，同埋六款自選火鍋配料。湯底好香椰味，連我呢到唔太鍾意椰子嘅人都覺得好鮮甜。雞肉份量多，店員叮囑水滾後煮到再次滾起，再焗5分鐘就食得，煮完出嚟雞肉仲係好嫩，正喔～我揀嘅八款海鮮包括有：肉蟹、象拔仔、蟶子、貝類x2、蠔、刀貝、帶子。睇圖都知size唔嘢少，大家唔駛擔心食咁多蠔會屙，因為淥完會變咗蠔bb咁！ 海鮮食落新鮮，但略嫌多沙，搞到無得大口大口咬，食得無咁盡興～六款火鍋配料包括有：西班牙梅頭肉、腩肉片、響鈴、金菇、手打墨魚丸、日本烏冬。兩款豬肉都係薄切，淥幾吓就熟！ 金菇份量極多，一紮粗到成棵西蘭花咁～墨丸好彈牙，不過可惜太細粒啦。另外叫了兩枝竹蔗茅根 各$15。唔需要加一，埋單2人約$530。如果你鍾意睇我嘅食評，不妨關注我，支持吓我，謝謝你☺️💕

想食呢間六十六十火鍋店好耐，雖然只係開業半年，但係有幾次晚上繁忙時間經過都見好多人等位， 人氣咁旺心諗一定要搵次嚟幫襯，擇日不如撞日就今日放工後同朋友去試下。我哋揀蕃茄湯底， 200蚊有八款海鮮同六款火鍋配料， 兩人份量都算好多，平過街市買， 又唔使自己整餐懵， 難怪而家咁多人鍾意出街食飯。海鮮有我哋最鍾意的肉蟹，大隻又新鮮，朋友講笑話淨係食個蟹都已經飽飽地添， 蟹肉浸落個湯度超級鮮甜。新鮮鮑魚， 真的超級大隻， 口感紮實彈牙有嚼勁， 但千祈不要淥得太耐，如果唔係變靭就唔好食啦。貝類，蠔仔同鮮魷魚仔，份量頗多，蠔仔雖然細粒咗啲， 但洗得好乾淨，食落唔腥都ok， 魷魚仔非常新鮮， 肉質爽口彈牙味道唔錯。火鍋配料有二十幾款選擇， 之前食咗咁多海鮮，都已經飽飽哋，所以我們冇點咁多肉類， 整體食物質素可以， 最正當然係美國肥牛， 肉味夠濃入口溶化， 滾兩滾就食得 ，打邊爐一定唔少得。最後食埋呢個脆卜卜嘅油渣脆米泡飯， 湯底嘅精華所在， 簡直完美。

早段時間聽過朋友講過這家「六十六十」，她說這間的椰子雞是她食過最正的湯底，一直堅持要我陪她再吃一次😂拗不過她，上個禮拜就一於跟她試下😆——————————每桌一鍋，每位點一個火鍋套餐，包湯底、八款海鮮及六款配料，火鍋湯底可選粥底/番茄濃湯底+脆米泡飯（$200），或者貴一點的椰子文昌雞湯底（$248），雖然不是吃到飽，但份量好夠！🔸湯底：椰子文昌雞湯底這裡的鍋比一般的小，但兩人用剛剛好。上菜時，湯鍋會跟半碟生雞肉一起上，職員話，等湯滾起，放入雞肉再煮滾，熄火蓋煲蓋，等七分鐘後即食便可！果然，雞肉好香又嫩滑，就連胸肉都好正！湯底呈淡黃色，有椰肉、馬蹄及竹笙，與雞肉一起煮後，清甜不膩，帶濃濃的椰子香！🔹海鮮：肉蟹、鮑魚、象拔仔、蠔、鮮魷、帶子、貝類肉蟹每人半隻，蟹膏不多，但勝在肉質飽滿鮮甜。鮑魚依然鮮活，體積算大，肉厚彈牙！帶子、鮮魷好鮮味，不過蠔仔煮熟縮得好細隻，象拔仔及沙白有少少沙～🔹配菜：西班牙梅頭肉、美國肥牛、手打墨魚丸、響鈴、唐生菜、日本烏冬肉片每款六塊，數量不多但高質！原本想食腩肉片，但朋友堅持要叫梅頭，想不到真是不錯！梅頭肉肥瘦均等，嫩滑脆口，雖然肥牛的肉味更濃，但個人更愛前

前排女朋友話有朋友介紹咗一間超抵食既火鍋店，所以今日決定黎試下🥘醬汁配料方面有辣椒、蔥、芫荽、蒜、薑粒俾我地自己調配☺️飲品我地就一人叫咗一支烏龍茶同埋竹蔗茅根🍽呢到係套餐形式，有三款湯底選擇：粥底，椰子文昌雞同埋番茄濃湯湯底！再配八款自選海鮮同六款火鍋配料‼️ 我地就揀咗椰子文昌雞，感覺上好滋潤同埋養生d (無計啦，不再年輕了，嗚嗚) 😋雞既份量都好多🐔 一落落個湯到等佢滾起香到格離枱都話下次要試呢個湯底😏重點係超滑阿！🤩海鮮有好多都好似好正，有選擇困難既我地都考慮咗好耐😝 本身想叫肉蟹，不過又懶又怕麻煩，所以決定揀貝殼類😂係鮑魚、象拔仔、蟶子皇、帶子同埋金刀貝呀‼️ 份量十足，每個都係大大隻，仲好新鮮好鮮甜😍 最緊要係處理得好好冇沙好乾淨!值得一讚既係店員仲會好細心咁指出每樣海鮮烹調既時間，咁樣就可以避免煮得過熟浪費咗咁新鮮既食材👍🏻海蝦超新鮮上咗枱都仲不停咁郁🦐🦐 唔怪得上枱個時要用個碟蓋住😂 因爲驚佢地走佬食完海鮮就到肉類同蔬菜類啦☺️打邊爐又點少得美國肥牛呀🐄 相機食先之前已經俾女朋友偷食咗一片😒呢個腩肉片係有驚喜🤩 個人覺得佢今晚比美國肥牛更出色，女朋友同我爭住食😂娃娃菜都好甜，吸

深水埗唔係剩係得車仔麵食今次特登嚟打邊爐,仲好豪咁食海鮮特登叫咗半隻雞嘅海南椰子雞煲食完個椰子雞 仲要跟要步驟嚟食海鮮海鮮種類都好多嘢揀叫我啲蠔 蟶子 帶子 刀貝 肉蟹仲叫咗啲普通打邊爐都會叫嘅 腩肉 響鈴 金菇墨魚丸 墨魚丸仲要係手打嘅忝同埋比較特別啲嘅西班牙梅頭肉手打嘅墨魚丸好彈牙海鮮一定要跟足啲時間嚟煮如果唔係會煮到老晒 好感會差好多唔係就浪費哂啲新鮮既海鮮一開始我冇跟步驟做 之後dump晒落去 最後撈返上嚟嘅時候全部變咗蠔屎一定要睇住餐牌啲時間嚟煮海鮮一定要睇住餐牌啲時間嚟煮海鮮一定要睇住餐牌啲時間嚟煮海鮮很重要所以要說三次！

朋友話想打邊爐，兩個人又想食海鮮，醒起附近有間火鍋店專做海鮮套餐，又未試過，剛好可以一試店內地方闊落，好好坐主打海鮮火鍋套餐，以人頭費計算，有三款湯底：粥底$200椰子文昌雞$248番茄濃湯脆米泡飯底$200坐底後先揀湯底，再揀八款海鮮同六款火鍋配料，海鮮方面佢限了有兩款指定貝類，紅色（肉蟹，鮑魚，扇貝，活魚，象拔蚌仔，蟶子王）六選三，另外藍色（蠔，海蝦，魷魚，油貝，帶子）五選三椰子雞-湯底本身勁重椰青味，而且椰子肉軟滑好吃，更正嘅係有大量竹笙，吸收哂所有精華，超好味店員教我哋水滾後落雞煮十分鐘，之後可以熄火食，熄火目的令雞以免過熟，保持嫩滑而桔仔汁加入豉油令雞更有風味蠔，好多下，size不大，但蠔味十足指定兩款貝類鮑魚+象拔蚌仔+帶子我哋揀左肉蟹，兩個人有一隻，好大隻下，很鮮味火鍋配料中有一樣很吸引的我認為必點-花膠仔，但不要煮過龍，會溶總結，如果人少少，又想食海鮮，此店真係首選，價錢質素，也很好

朋友話聽聞呢間火鍋的海鮮好新鮮，又平，叫我一齊試下。果然唔太貴，仲免收加一。收費根據所選湯底 。雖然不是任食放題，但份量剛好，再加埋泡飯，的確食得好飽。 枱與枱之間嘅距離比較迫。 但枱上嘅進食工具齊全，仲有一個大漱口盅，用嚟裝海鮮嘅殼。海鮮配料極為新鮮。 當初大鄉里唔明白為何海蝦上枱時會有個蓋冚住 。原來是為免蝦子蹦跳。我地打開蓋後，那碟蝦生猛到跳去隔離枱嘅地面兩次咁多， 搞到隔離枱都笑我哋 ，仲要麻煩員工幫手清洗一下。海鮮類當中最愛象拔蚌仔同鮑魚， 好鮮甜好有咬口。 蠔仔size細隻，但都好重蠔味。肉類當中最喜愛腩仔片， 好重肉味，食起來令我諗起譚仔嘅豬腩肉。而佢嘅響鈴就更令我喜愛，唔係買返嚟嘅，係即炸嗰款。番茄濃湯底脆米泡饭套餐。 湯底一上嘅時候，入面已經有番茄同薯仔，我地先放海鮮煮， 湯底就會變成番茄海鮮湯。 然后喝幾啖鮮甜的海鮮湯，才煮肉類和其他配料。所有配料吃光后， 員工會主動過來幫你加米飯，脆米和豬油渣 ，就會變成一鍋又香又好味嘅湯飯，口感特別。 脆米食起來好香，好似玄米茶嘅味道； 豬油渣就有一種炸物的香騷味。本來已經好飽但都忍唔住食咗兩碗。總括嚟講海鮮真係好新鮮，服務亦好

今日食咗一間幾特別嘅火鍋雖然唔係任食火鍋果種有太多選擇但勝在有海鮮同脆米泡飯做底我哋兩都食到好飽可能因為係平日唔係好多人 一去到就有位我哋揀咗蕃茄濃湯底雖然湯底唔算好濃 但食到鮮蕃茄味海鮮我哋就叫咗鮑魚 鮮魷 蠔同扇貝意想不到嘅鮮味 而且份量十足配料就叫咗西班牙梅頭肉味國肥牛鮮雞特別推介響鈴有別於市面現成響鈴呢度嘅響鈴係新鮮油炸 又大又脆其實食到呢到我哋兩個女仔都飽飽地差啲唔記得個脆米泡飯侍應會將鍋入面嘅食物夾走再放泡飯入去 熄火就食得因為泡飯入面有蝦米 很香雖然飽飽地都食咗成碗飯個飯吸左海鮮同蕃茄嘅香味味道很濃 唔收加一又食到飽飽

老友介紹呢間打邊爐，話佢啲海鮮新鮮又抵食，就黎試一試佢！有三款套餐揀，我地揀左蕃茄脆米泡飯套餐 湯底睇落平平無奇，但好夠蕃茄味！海鮮有鮑魚、扇貝、蠔仔、鮮魷、蜆等等〜蠔仔份量好足，而且都好大粒蜆最怕係有沙，但呢度一粒沙都食唔到！鮑魚最讚👍🏻彈牙又鮮甜！之後其他配料都比想像中好西班牙梅頭肉肥瘦均勻；美國肥牛稔身又有牛味、手打墨丸夠彈牙，但最想讚嘅係響鈴，一個字：鬆化！ 最尾職員見我地食到差不多、就主動過黎幫我地用返個湯煮泡飯唔係單單加白飯咁簡單，加左脆米同豬油渣，再加上煮左咁多海鮮既靚湯底，就算本身都飽飽地，都忍唔住食左兩大碗為成件事劃上完美既句號。呢間性價比咁高，一定會再encore!

早前食完蒸氣火鍋，一直對海鮮火鍋念念不忘，「最高指示」最近發現起深水埗附近有間唔錯既海鮮火鍋，當然要去潮聖一下啦。餐廳位置青山道旁，門口就係巴士站，交通非常方便。餐廳唔算太大，不過座位都算闊落，有卡位，大台，細台，任君選擇。餐牌簡單易明，价錢每位$200 或者$248。三種火鍋湯底：粥底、椰子文昌雞湯底、蕃茄濃湯底和脆米泡飯湯底。火鍋配料：海鮮同其他二十多種食材醬油配料：有指天椒、蔥花、芫茜碎、蒜蓉和雜錦香料。飲品打邊爐點可以少左啤酒，「最高指示」要咗新鮮豆漿。我地點左粥底，應該只有佢先可以發揮到海鮮既最佳味道。侍應首先送來一碟二人份量既海鮮，我地都唔客氣，馬上十指大動。扇貝：好大隻，肉質結實，加少少醬油，已經鮮味十足蜆仔：size 細細粒，但每一粒肉質爽甜。🦀肉蟹：雖然好殘忍，但不得不說，蟹放入粥時係會郁動，肉蟹鮮甜多肉而且有少少膏，值得一讚九孔鮑魚：雖然唔係好大隻，但肉質彈牙，點少許醬油已經非常好食。花甲：都幾大隻，肉質爽甜。蠔：肉質嫩滑，一啖一隻啱啱好🥩美國肥牛：我對牛肉一向有要求，呢度既牛肉雪花均勻，從顏色可以睇出係新鮮貨，所以我只係放入粥數秒，再加少許醬油，食起上黎，肉質鮮嫩

呢幾日天氣凍返dd，梗係把握最後機會打邊爐！我地揀左蕃茄湯底，又幾鮮甜wo！$200就有得揀8款海鮮同6種配料，真係超抵食！海鮮仲有好新鮮，好鮮甜😊😊成隻蟹啖啖肉，魷魚都好好味！食完d海鮮，個湯底變到勁鮮甜，再食配料，真係勁加分！豬肉👍🏻👍🏻👍🏻本身已經好飽，諗住食兩啖個粥就算～點知個粥勁好味！除左白飯，仲加埋豬油渣，好肥但係又好滿足，食到捧住個肚走😂😂個湯底本身都好夠味，調味料落唔落都ok~

呢間火鍋店係一個住長沙灣朋友介紹，佢話係長沙灣又就腳又好味嘅火鍋店唔多，呢間真係性價比高味道又好。食過之後真係覺得佢冇介紹錯。同朋友揀左椰子雞湯底海鮮餐 $248 每位。本身以為係一煲煮好嘅湯底，點知係一碟新鮮雞（大約半隻）加椰子水湯底。將雞倒入椰子水大火煮幾分鐘再熄火焗5分鐘，就可以食到嫩滑海南雞加飲到好清甜椰子雞湯！呢碟海南文昌雞真係好新鮮美味，肉質彈牙嫩滑，出面d 雪雞完全冇得比！湯底d 椰子肉都好嫩，係新鮮椰子挖出嚟嘅肉唔係椰子乾，椰子湯底清甜用左幾種椰子嘅汁煮成，淨係個湯底已經誠意十足！另外可以選擇3款紅色欄目海鮮、黃色指定貝類、3款藍色欄目海鮮以及6款木色邊爐料。全部海鮮都好新鮮啊！個人最鍾意肉蟹，完整一隻肉蟹，都幾大隻，除左新鮮，肉質彈牙味道鮮甜，而且都幾多肉，蟹鉗位仲有陣陣海水味～好鮮好正！肉蟹蟹膏唔多但味道濃郁！另外象拔仔都好鮮甜美味。其他海鮮仲有鮑魚、帶子、金刀貝、鮮蝦、蜆等等都好新鮮鮮甜。其實食完雞同海鮮我地已經好飽，但係其他邊爐配料同樣唔錯！個人最鍾意牛肉同手打墨魚丸。牛肉雖然偏瘦但係肉質軟嫩有牛味。手打墨魚丸新鮮自家製，粒粒墨魚肉，口感係墨魚滑。兩樣都可以吸收

朋友極力推介位於青山道大街龍寶酒樓斜對面的火鍋，當然叫埋爸媽黎試試！ 一開始有三個湯底選擇，$200粥底，$200蕃茄泡飯湯底，$248椰子雞湯底！ 椰子雞見到個價錢真係幾抵食，出邊最少都要$300，所以今次就叫咗椰子雞湯底來試一試！ 因為我哋揀椰子雞湯底，員工介紹我哋要先將全部雞放入湯底煮滾，之後飲湯！不過阿媽好醒目連同海鮮落去，之後先飲湯，碗湯真係特別鮮甜！這裏的雞真係正宗海南雞，雞皮彈牙，雞肉煙銀不是琳琳的，雞味比較重！同平時食嘅廣東的確好大分別！阿媽阿爸食到唔停得口！椰子香味亦都夠！ 海鮮方面：元貝：好新鮮，食落甜甜地，就係10分鮮甜海蝦：估唔到隻蝦都屬於大隻，仲跳跳的蜆：他們有兩款指定的，分量超多鮑魚：好大隻整體海鮮份量超級多，而且每一樣都好新鮮，跟埋個湯底清清地，食落真係好鮮甜！食完個雞食完個海鮮其實已經好飽，但係原來仲有火鍋配料未上！我哋仲叫咗美國肥牛，手打墨魚丸，金菇，魚皮餃等雖然海鮮係主打，但肥牛味道都不錯！他們亦都有各款汽水啤酒飲品選擇！價錢都公道10幾廿蚊！真抵食!

又係沿住鐵路線覓食,今次係港鐵長沙灣站A2 出口出,直行過馬路直行轉右就到大概2-3分鐘,都相當容易去。六十六十,一直都唔明白佢點解叫呢個名,問下老公知唔知啦, 佢話可能係『淥』『烚』,打邊緊係要淥下烚下嫁啦。咁我又跟住問,咁點解唔就咁六十,老公話要重覆動作嫁MA,我又問咁點解唔叫六十六十六十,老公話因為太長囉~ (以上係兩公婆無聊對話,未必係事實個名既由來XD)入返正題先,我地今晚叫左$200/位蕃茄脆米泡飯湯底,。海鮮方面,可以自選八款海鮮: 紅色選三,我地叫左鮑魚﹑蟶子皇﹑扇貝﹑黃色貝類x2﹑藍色選三,我地叫左蠔﹑金刀貝﹑帶子。至於並他配料:我地叫左手打墨魚丸﹑西班牙脢頭肉﹑美國肥牛﹑娃娃菜﹑鮮淮山﹑蜂巢豆腐。除左叫左個餐,食火鍋緊係要自選埋個醬料啦Xd主角到~鮑魚夠厚身,口感彈牙。蟶子皇夠晒鮮甜。你睇下扇貝幾大隻!!!可能大家會擔心唔知D海鮮烚幾耐先為止熟,又唔知食呢個火鍋既次序應該係點,不過唔洗驚,開頭我同大家一樣都會有呢D疑問,但檯上會有提示嫁~ 蠔﹑金刀貝﹑帶子同埋貝類同樣好食,食食下都唔記得左自己係打緊火鍋,以為係食緊海鮮餐~覺得抵讚係$200價錢可以食到咁多款新鮮既海

朋友介紹呢間平！靚！正！海鮮火鍋，終於有機會試吓200蚊就有海鮮、配料同泡飯，真係抵食，而且有十幾款海鮮揀，配料就差唔多三十款選擇，仲包飲品tim我哋揀咗蕃茄濃湯底，都好夠味海鮮方面蜆係指定嘅，其他就揀咗蠔、金刀貝、鮑魚、蟶子皇、扇貝同埋肉蟹，每款海鮮都好新鮮，而且貨真價實，尤其是隻肉蟹，大大隻又鮮甜，值得推介食完海鮮開始揀其他配料，點咗雞件、芋頭、萵筍、手打墨丸、肥牛，同唔記得影相嘅西班牙梅頭肉最後就用蕃茄湯底，加上海鮮同肉汁嘅精華，再撈脆米泡飯，食埋呢個飯就真係完美lu