六十六十火鍋 (已結業)

今晚同友人飯聚 友人推介左黎長沙彎食海鮮火鍋。。作為一個邊爐精，我點會錯過呢間新開既六十六火鍋果然，真係無失望，2人份量，飽到捧住肚走，都係$248 一位。友人真無介紹錯。我地叫左海南椰子雞煲，椰水配上竹笙，馬碎，椰肉，非常清甜，雞吸哂椰水精華，非常美味。之後黎的幾款海鮮不得了，最推介肉蟹，好鮮甜，好生猛。另外扇貝亦如手掌一樣大。食完雞同海鮮已8成飽，但仲有6款配料黎梗。我地揀左粟米，肥牛，豬肉片，午餐肉等。 牛肉出乎意外地正。呢餐非常滿足，可以再encore

朋友特意帶我來這裡試試看海鮮的選擇十分多。而其他配料的選擇亦十分豐富。肉蟹每人半隻，蟹膏不多，但勝在肉質飽滿鮮甜。鮑魚依然鮮活，體積很大，肉厚彈牙！帶子、鮮魷好鮮味，不過蠔仔煮熟縮得好細隻，象拔仔及沙白有少少沙。火鍋店指定了兩款貝類，當晚分別是沙白及黃油蜆。沙白分量很多， 大約煮兩分鐘左右就可以。超級鮮甜。賣相都覺得好吸引！吃下去真是不得了！新鮮，鮮甜，朋友都吃到贊口不絕！重點推介，好新鮮而且海鮮都又很大隻！

今日天氣凍番少少，所以我想打下邊爐。去到長沙灣，見到有好多火鍋店，我比呢一間嘅店名吸引左，六十六十火鍋🍲哈哈我覺得呢個名好有趣。一去到佢就會俾你揀想食乜嘢醬料，我每樣都揀咗少少係豉油度，有芫荽蔥蒜頭同辣椒🌶️我揀咗248嘅椰子雞海鮮火鍋。店員教我地首先先放咗雞落去，滾左之後就熄火焗5分鐘，跟住就食晒啲雞，先食海鮮。原來食海鮮火鍋都有次序架，Scan QR code會有落海鮮嘅次序教學。首先先落咗肉蟹大概10至13分鐘，因為會比較耐啲，所以要最先落。好多肉嘅肉蟹蟶子好大條，差唔多大過我隻手，同樣地都係好新鮮同好鮮甜。貝類有好多呀，不過有少少細，但食落夠新鮮，加返分。西班牙梅頭肉啲肉睇落去好新鮮好靚，食落我覺得好食過牛肉。食火鍋點少得食菜，我點左最鍾意嘅娃娃菜，因為可以冇咁油膩，又食得健康啲！店員好細心，將啲娃娃菜全部洗得好乾淨，而且一片一片meet好晒，食起嚟嘅時候都唔會驚污糟同好難分！仲叫咗鮮雞件，雖然份量唔係好多，但係都唔會比文昌雞失色，真係唔錯！ 仲有其他嘅海鮮同火鍋配料，不能盡錄所有， 俾大家睇吓Menu

呢間火鍋係有粥底選擇嘅，但係我唔想食得太飽，所以就揀咗椰子文昌雞湯底套餐。呢個套餐每位$248，可以揀八款生猛海鮮同六款自選火鍋配料。感覺上都幾抵食，都幾多選擇。有選擇困難症嘅我揀咗好耐先至揀到。椰子🥥湯底好快就嚟左，無耐文昌雞都嚟埋。文昌雞好嫩滑，雞有陣陣既椰子香味。啲椰子肉係軟嘅，10分鮮甜！因為食咗好多款野，所以介紹下我特別印象深刻嘅食物1️⃣肉蟹：想講隻蟹真係超多膏，而且啲肉都好肥美，勁好食呀！同埋我見到啲蟹仲識郁㗎，新鮮度不得了！2️⃣象拔蚌仔：好大隻，好鮮甜，帶埋啲椰子嘅香味，有唔同層次嘅口感。3️⃣鮮魷：只需要淥20至30秒就食得，正喎，打邊爐不能錯過的海鮮。4️⃣帶子：大大粒嘅帶子，食過返尋味，唔該再比多粒我呀。🤣🤣其他配料：5️⃣美國肥牛：雖然份量都唔算多，但係牛嘅肉味好出，呢一碟肥牛都幾高質。6️⃣花膠仔：份量都幾多下喎，食完之後皮膚會唔會即刻充滿骨膠原呢？呢個都幾滋潤滋補👍👍7️⃣手打墨魚丸：手打果然係彈牙啲啊😍😍不過如果可以再大粒啲嘅話，我會食得更加滿足。8️⃣打邊爐點少得汽水，仲叫咗可樂同忌廉。今日食呢間打邊爐嘅評價係，一個字：爽😊

今次係晚餐時段黎試下呢一間海鮮火鍋，黎食嘅原因係因為朋友介紹，朋友上次嚟食嘢對呢間餐廳評價幾好，海鮮有幾多種類可以選擇而且仲有幾樣自選配料可以揀，話就算係男仔黎食都可以食得飽。喺相入邊見到醬料嘅選擇有五種都係一啲基本大路野今次係食椰子雞鍋湯底，湯底入邊椰子嘅數量都幾多，先滾起個湯之後放埋啲雞落去再滾起就可以熄火，再焗5分鐘就可以食得，由於雞用半煮半浸熟既方法所以唔會變老。海鮮有蜆、魷魚、蟹、帶子、小象拔蚌、花甲 六種 份量都唔少一個價錢就食到哂自選配料方面 我哋揀咗豬 牛 響鈴 菜 墨魚丸墨魚丸味道唔錯，總結黎講 就係抵食

辛勞工作過後，最好的獎勵當然是與至愛親人共聚這日就與家中兩位美女去食餐好，想食好的粥底火煱，也不一定要花費不菲。此店就相當實惠我們選了$200的粟米粥底，還有很多配料可選呢指示清楚，已列好先後步驟列出了各種料的烹煮時間，至於沒列出來的也可以問問店員，他們也很耐心解答飲品有支裝豆漿可供選擇，當然要選我至愛的豆漿先煮魷魚來吃，烹煮時間短，快快有得吃，先醫醫肚口感好好，又軟又滑口熱身過後正式開始作戰，一系列的海鮮使人目不暇給扇貝彈牙可口，無得彈最吸引的還是蠔，見到又軟又滑的質感已讓人食指大動食落也果然口感好鮮嫩蛤也好足料，味道高質其他配料包括美國肥牛、響鈴、肉丸等，雖然並非如海鮮般是主角，但也相當好味肥牛口感軟滑，切得薄而恰到好處，好爽口粟米配料品嘗過後，最後當然是精華的粥底又香口又好味，立體感的享受仲有個蟶子皇未有拍照，忘記了，但還印象深刻要提一下雖然不大隻，但軟彈可口。不過不覺又食完一餐，食物高質服務佳，值得再encore

朋友放工拉左我去長沙灣打邊爐，長沙灣打邊爐一向多選擇，今次人少少得2個人，去左六十六十2人打邊爐調味架，基本的都有蕃茄湯底，很多蕃茄有羔蟹，上枱仲識郁，細細隻但好新鮮尤魚，好彈牙好快熟,好爽口扇貝幾大隻，厚肉又乾淨好鮮甜,美味~鮑魚好乾淨，無黑邊，好彈牙好爽口,肉質軟滑~~帶子，好爽口SIZE偏少,但新鮮,十分乾淨!!肥牛，少肥少根，不過份量吾多牛味幾濃,好好味~~雞件，用鮮雞，吾係雪藏，肉質好滑少肥糕,皮又唔厚,十分不錯

今日同同事去黃金買電腦買野，之後去搵野食，同事話附近有間火鍋好抵食，好彩我地早左去唔洗等正👍🏻👍🏻店內環境乾淨整齊，環境尚算舒服😌餐牌有3個套餐，分別係粥底套餐，椰子文昌雞套餐，蕃茄濃湯底脆米泡飯套餐最後我地揀咗蕃茄濃湯底脆米泡飯套餐海鮮揀咗蠔仔，聖子，帶子，蟹等配料揀咗牛肉，雞肉，炸魚皮等湯底先甜好足料😍😍😍所有海鮮都有說明煮幾耐窩心帶子，聖子好鮮甜美味，正呀👍🏻👍🏻👍🏻蠔仔好新鮮同勁大碟👍🏻👍🏻👍🏻👍🏻蟹上枱個時仲未死，好新鮮！蟹肉鮮甜又彈牙，必點之選！！冇諗過配料牛肉都有竟然有驚喜，肉質鮮嫩容易入口，牛肉味很重，加上海鮮湯底令牛肉味道倍增，一定試😁😁😁最後重頭氣黎，就係脆米泡飯，簡直無得輸，有海鮮同肉類整成湯底，加上豬油渣，味道濃郁10分特別，雖然我好飽但都可以食到兩碗，真係超好味。

之前有食過其他粥底，起碼都要$300蚊起跳，但呢度最平200蚊就有交易，仲有唔同湯底揀，可以揀成8款海鮮咁多，超抵食！要左椰子雞湯，D雞係新鮮落，確保唔會過老，湯底超鮮甜，落左好多嫩椰肉海鮮有肉蟹、蜆、海蝦、蟶子、魷魚等D海蝦新鮮到要用個蓋遮住，驚佢彈出黎，新鮮就是好同埋魷魚都係想像唔到咁彈牙肉蟹好鮮，仲有膏TIM AH～～正呀其他配料仲可以自選六款，真係好豐富美國肥牛，都唔錯BOR，油脂分佈平均鮮炸響鈴，新鮮炸起完全唔油花膠 - 厚身爽滑，美顏聖品好滿粥呀食完～～希望佢可以繼續KEEP住呢個質素同價錢

爸媽最愛打邊爐，經公司同事介紹下去左位於長沙灣一間六十六十火鍋食佢地比較多人點番茄濃湯底脆米泡飯😋入到店鋪，每張枱旁邊都有一些煮海鮮時間，點食法，溫馨提示感覺好細心👍 $200的價錢可以食到八款海鮮加六款火鍋配料，都抵食😋帶子大大隻非常新鮮，好厚肉非常鮮甜👍我地選擇了番茄薯仔濃湯，媽咪最愛👍新鮮魷魚🦑，好小地方會有得食，份量都不算小，輕輕淥一淥就可以食，一d都唔un👍肉蟹-職員捧來既時候仲好生猛，每一節都好多蟹糕，肉質鮮嫩彈牙😋牛肉入口鮮嫩，薄切口感一流牛肉味濃，正！新鮮雞件-肉質好滑，放落湯底可以提升湯鮮甜度😋最後最期待主角就係今晚所有食材精華都在這煲脆米泡飯，超香超好食😋😋😋

好耐冇食粥底火鍋，見最近落返雨又凍返，就同朋友嚟到長沙彎尼邊食，鋪面唔算大，6點半尼到嘅時候已經幾多人，都要搭枱，不過位置都叫闊落。海鮮種類正常，不過最重要係夠新鮮！我哋叫咗肉蟹、鮑魚、象拔仔、蠔、鮮魷、帶子。最正係肉蟹，兩個人嚟食有一隻，都算大隻，而且蟹膏都算多，蟹鉗好大！啖啖肉，朋友怕麻煩，淨係食蟹蓋，所以我成隻蟹既肉都比我食晒，勁滿足！而係我好無奈咁搞尼搞去都開唔到蟹鉗之際，有個靚仔店員過尼幫手，真係好warm❣️象拔仔同帶子大隻之如都好鮮甜，唔會靱！而蠔同鮮魷嘅份量令我好surprised，估唔到佢有咁多。食完海鮮就會上其他火鍋配料最正嘅一定係豚肉同埋牛 肉嫩 同出面散叫有幾蚊碟既質素差唔多 好抵！最後落埋粟米芋頭南瓜一齊去煮個粥 吸晒海鮮嘅精華 好滿足！

每次放工搭巴士都經過望入去都座無虛席，門口有個poster估計都是食粥火鍋，見今日放假就帶埋家人一齊試下😋價錢非常合理，一個價錢已經有咁多款海鮮，仲免收加一👍由於我地未食過脆米泡飯，就叫了個番茄濃湯底👍蠔肉大大粒，淥起之後帳卜卜，一d都吾腥😋貝殼類都有兩款，有花甲同沙白，淥一淥打開個殼就食得，完全無沙，非常鮮甜😋大大隻元貝色澤新鮮，食落啖啖肉😋蟶子王-有一隻手掌咁大隻，食落超爽口😋花膠仔放入濃底煮到好淋，我同媽咪最喜歡食，好味道又可以養顏😉😉😉食到最後主角出場，加入白飯及脆米，鮮甜到每人食左一大碗😋

好耐無打邊爐，癮起，決定去長沙灣出名嘅六十六十火鍋，除了價錢合理，主要因為海鮮新鮮。湯底先揀咗蕃茄濃湯底，脆米泡飯，每位$200,無加一，脆米泡飯是打完邊爐最後才吃。可以揀六款海鮮，有兩款指定貝類，真係超新鮮！鮑魚啖啖肉，好爽口。生蝦來到，真的生蝦咁跳，跳了落地呢！蝦肉又爽又甜。象拔蚌仔我係我覺得這裡最好味的海鮮，鮮甜爽口，冇落醬油都覺得好好味。扇貝大大隻，又係啖啖肉；珍珠蠔都幾大碟，有好多粒，不要煮太久，滾水淥一會就要食，好creamy, 滑嘟嘟，正！蟶子皇洗得好乾淨，食落又爽口，一個字，鮮！蜆仔份量都不少，放在番茄湯裏煮，番茄變成超濃郁的海鮮湯，真的超甜啊！千萬別浪費了湯底，飲湯就知道有多鮮甜！再來就是吃肉，選了西班牙豬梅片、 豬腩肉和美國肥牛。西班牙豬梅片，較少肥肉，肉質結實爽口，豬肉味香濃。豬腩肉，看似好肥，其實一點也不肥，食落好滑，好香豬肉味。美國肥牛，也不肥膩，煮完其實是很瘦的肉，仍然好香牛肉味，肉質結實，新鮮！響鈴，新鮮即炸，放落湯兩秒鐘即刻攞起來食，中間還是很鬆化，又爽脆，這種口感，絕對是出面買不到的。蜂巢豆腐，喜歡它可以吸收番茄湯味，食落又香又甜，蜂巢豆腐的質感覺鬆軟

每星期都有最少一天到長沙灣，這間餐廳位置剛好在長沙灣回家的必經之路，當然要來試試餐廳都算企理，幾乾淨闊落，餐廳非常貼心，有指示教你每種海鮮的烹調時間，一目了然。200 元一位算正常價錢，勝在多海鮮，我們三個人吃，卻有一大碟蠔、鮮魷蟶子是我的最愛，這裡的蟶子都幾鮮甜不過最令我驚豔的，就係有手掌咁大既扇貝，估唔到又幾有質素吃完海鮮已經飽左一半，之後伙計就幫我地落左粟米、南瓜同芋頭落個湯底度，可以開始食其他配料啦!蜂巢豆腐吸左海鮮湯好甜好夾，最後就係期待已久的粥底 (雖然已經好飽) !加埋豬油渣、冬菜等，值得一試!飲品是每人一支，不過它提供的是樽裝飲品，因此都非常足夠

一個二百幾蚊的椰子雞火鍋，大家會對佢有幾多期望？正常都係一d好普通的貨色，唔會比到d咩新鮮好野你，但試過六十六十火鍋之後，我相信一定會改觀。入到去時，感覺餐廳好普通，無咩特別野，我同朋友點左個椰子雞煲，佢有8款海鮮同6款火鍋配料可以自選。肉蟹、飽魚、聖子、帶子、刀貝、蠔；以上的海鮮正常都唔會平，但全部都唔洗加錢比到我地，而且全部都好新鮮，蟹有膏，鮑魚大大隻，蠔係比左蠔子，貝殼類的都好好，無死左好耐既味道，如果去其他地方食可能要400以上先食到。推介!