六十六十火鍋 (已結業)

首次食椰子雞湯底$250 都吾算貴聽到隔離枱係咁話好食，決定一試😊一嚐湯底，有驚喜！湯有濃濃的椰子味，亦食到雞的鮮甜😋😋正！飲左幾碗，開始食雞！💓💓雞有淡淡既椰子味，肉質都算嫩滑！食完雞就開始食海鮮😛😛期待已久，我地都係海鮮腔！！呢到海鮮鍋都算多海鮮食同選擇，每日都可能吾同款，睇時令，套餐包括2個貝類，我地再揀左肉蟹，蟶子，鮑魚，魷魚、帶子同蝦！！海鮮好新鮮，蝦仲識跳架！所以落蝦時要小心彈到湯！😍😍😍👍🏿👍🏿👍🏿另外配菜我地揀左肥牛、梅頭肉、金菇、手打墨魚丸、娃娃菜同響鈴！響鈴係店自己炸👍🏿👍🏿推介！手打墨魚有d細粒，配料既味道都吾錯！！😋😋有機會會再食同推介比朋友！😛👍🏿👍🏿

湯底🍲竟然有椰子雞鍋選擇😍椰青水清甜，雞肉吾會太肥椰子味完全滲入雞肉內非常鮮甜，必叫海鮮拼盤🦐🦀🐙🐠8款自選生猛海鮮有蝦、鮑魚、蠔仔、刀貝、蟶子、帶子同埋2款蜆。海鮮非常新鮮，尤其鮑魚、蟶子同蝦蠔仔令人驚喜，其貌不揚但蠔味十足火鍋配料🐷🍅🌽自選6款配料有午餐肉、蟹柳、粟米、萵筍、烏冬同埋西班牙梅頭肉。其實食完椰子雞同海鮮都已經飽左一大半火鍋配料都新鮮。😋味道：7/10💰消費：$250（每人）

平時食粥底火鍋就食得多呢間之前都食過不過都係第一次食椰子雞海鮮火鍋椰子雞湯超香，同好飲，忍吾住飲左幾碗雞食落有淡淡既椰子味😊👍🏿👍🏿👍🏿推介！海鮮款式多，同新鮮！👍🏿👍🏿正呀特別係鮑魚、蟹、蟶子王、帶子！一流👍🏿👍🏿👍🏿絕對會回頭再食👍🏿👍🏿有兩個半鐘時間，慢慢食都夠時間！肥牛都好有牛味👍🏿吾係cheapcheap牛！！墨丸有d細粒！響鈴食得出係自己炸！😍

最近睇100毛📺港大經濟學者阮穎嫻分析黃色經濟圈既形成🔆係經濟學角度黎講係消費者既消費模式改變💰目的係一種舒發從而揾一種令自己快樂既方式💁🏻‍♀️今晚小編又去下 令自己開心一下🤗.🥢湯底有三種選擇 椰子海南文昌雞鍋🥥蕃茄濃湯底加脆米泡飯🍅粥底火鍋🥣一坐低一陣一陣椰子香味已經吸引左小編揀椰子雞鍋👃🏻店員好細心教點煮 椰子雞湯非常清甜🤤🤤🤤椰肉雞肉嫩滑🐥🐥配料以海鮮為主 大大話話都都有十幾款🐟🐬🐳🦀🦞要圈要揀都有十樣八樣🤳🏻欣賞啲海鮮好新鮮🌊蠔仔雖然細細粒🦪但就好飽滿幾鮮味一啲都唔腥😋啲蝦仲跳下跳下 無蓋蓋住真係會跳到成枱都係🦐🦐🦐除左海鮮 火鍋配料都有菜有肉有烏冬🥬🍅🥦一定係食到飽住咁離開🤗而且仲不設加一 幾抵讚👍🏻

自從上次去過元朗食粥底火鍋，同埋去某間連鎖式快餐店食過嘅粥底火鍋之後，我人生嘅打邊爐選擇除咗麻辣火鍋之外多咗一個選擇。早排同朋友去咗長沙灣買嘢，經過呢間餐廳，望到佢哋個餐牌有粥底火鍋套餐，見價錢唔算貴，就決定試一試。粥底火鍋$200一位，可以揀八款+6款配料！其實打邊爐來講，食來食去都係嗰幾種食物，但最緊要其實就係要食材新鮮！一開始湯底只係粥水，但係唔怕冇味，因為首先係食海鮮，啲海鮮係好新鮮好鮮味！跟住再食其他火鍋配料，到最後加埋粥底配料（木瓜，芋頭，等等），所有海鮮、肉類嘅精華完全喺晒呢個粥底嗰度，真係非常非常非常之好味！ 以呢個價錢，有蟹、鮑魚、聖子等等嘅海鮮，性價比10分高！會再幫襯！

十二月天氣凍，最適合打邊爐！一入鋪頭見到有椰子雞湯底，諗都唔洗諗就揀呢個。雞肉指定六分鐘後開鑊食，口感肉地鮮嫩啱啱好！椰子湯底鮮甜，仲有啖啖爽甜椰子肉。海鮮亦都好新鮮，有花甲、蠔、肉蟹、扇貝。貝殼類新鮮，蠔食落都好肥美鮮甜，最滿足係肉蟹一大隻，啖啖肉！配料都有好多選擇，order咗手打墨魚丸、花膠仔、生菜、淮山、西班牙梅頭肉，仲有鴨紅，味道唔錯，淮山好粉，花膠仔足料，略嫌墨魚丸份量太少，但味道好好。湯底靚，又浸過海鮮，最後忍唔住飲晒啲湯，份量啱啱好！

今日食咗一間幾特別嘅火鍋店。個名已經夠晒特別，叫六十六十🤪 我哋帶咗椰子雞湯底，再配好多海鮮，超級正呀。你真係估佢唔到，椰子雞非常足料。連隻雞嘅烹煮時間都會教埋你，所以食落超級軟滑，唔會鞋，又夠juicy😍 椰子味超級香呀，完全飲到停唔到。平時好少食到真既椰子肉，但呢間店係一啖肉一啖椰子。海鮮亦都超級新鮮。我哋叫咗花甲、蟹、蠔等等。掃一掃QR code即刻教你要煮幾耐，所以每一樣食物嘅鮮味都發揮到淋漓盡致。 配料方面，我哋叫咗花膠仔， 西班牙梅頭豬肉同埋好多蔬菜類。每一款味道都唔錯，配搭埋椰子雞湯底，絕對係恰到好處。

約老友吹水食飯最好係火鍋，可以慢慢一邊食，一邊傾。而再到這間食，係因為老友未食過，而且價錢唔貴，食物水準又高。首先，我選了佢個椰子鷄鍋，它用新鮮椰子水做湯底，非常鮮甜，配上半隻鷄，店員提醒我們鷄不要淥得太耐，太耐鷄肉唔嫩滑。淥完鷄即刻取出，跟住淥我們選的海鮮，有鮑魚，魚，扇貝，蠔，蝦，而具殼類係指定，所有海鮮非常鮮甜，肉質彈牙，最值得一讚係貝類完全無沙。食完海鮮，就食自選配料，花膠，牛肉，墨丸，豬肉丸，食咗咁多肉，梗係要有菜，食到現在已經好飽，還剩下烏冬，最後都係傾下講不食哂，因D烏冬一爽口彈牙。朋友都大讚，不次可以再來。

呢排天氣又凍返，所以就去咗食粥底火鍋暖下個人。呢度可以叫八款海鮮，全部都好新鮮，例如有沙白，大蜆，花甲，蠔，魚同海蝦，全部都大份兼多肉👍🏻尤其係隻花蟹，啖啖肉的👍🏻👍🏻之後有粟米，芋頭粒同南瓜加埋落個湯底到煲成粥，因為好濃既海鮮味，食到我地停唔到口😂😋😋😋

之前經過見到好多人排隊，於是決定提早book位，同朋友試一試。湯底分別有：椰子文昌雞湯底、蕃茄濃湯底（配脆米泡飯）及粥底。另外，海鮮配料及其他自選配料都有好多選擇。海鮮配料揀七款及自選配料可以揀六款，份量十足👍🏼。湯底方面，今次就選擇咗粥底😋，先以用粥水打邊爐😁。海鮮配料分別選擇：肉蟹、鮑魚、聖子皇、沙白、蠔、海蝦及花甲。所有海鮮都好夠份量，大大隻脹卜卜，而且又夠鮮甜，個人就最鍾意海蝦，因為真係好甜又彈牙😁👍🏼。其他自選配料分別選擇：美國肥牛、鮮雞件、花膠仔、魚皮餃、手打墨魚丸及響鈴。食晒所有海鮮及配料之後，重頭戲嚟啦😁😁，最後店員遞上粥膽、芋頭粒、南瓜粒、粟米、葱粒、榨菜及豬油渣煮一煮，加埋之前食嘅海鮮味道，令到成個粥底都好甜，超好味🤤，非常滿足👍🏼。

近排天氣開始轉涼，最好就係去烚下烚下打邊爐啦！ 食客朋友仔就推薦個一間位於長沙灣既海鮮火鍋店，話性價俾高而且人均消費唔使$300，咁就即刻要去試下啦😆3選1既湯底有以下3款，蕃茄濃湯/粥底同椰子雞湯，價錢由$200- $250，價錢超值👍🏻而且仲有成10款海鮮同20幾款自選配料俾你揀添我地今次就試左椰子🥥雞湯，2人份量都有成半隻雞，真心抵食。雞件細細件而且嫩滑。我就建議食之前可以試下個湯底先，清甜既椰子水有足料，你仲可以搵到椰肉添！海鮮方面我地揀左肉蟹🦀、鮑魚、蟶子、海蝦🦐、鮮魷🦑、蠔、花甲同沙白食材十分新鮮，肉質鮮甜，肉蟹大大隻而且肉厚，鮑魚爽口彈牙。仲有成差唔多20隻蠔仔，雖然唔算大隻，但連怕腥既我都食到喎。👍🏻其他配料揀左打邊爐必食既肥牛同手打墨魚丸，墨魚丸細細粒都好彈牙，應該係先家製既，值得一試！

近排天氣涼番少少，火鍋小隊又係時候出動啦👯‍♀️友人話有間性價比高既高質海鮮火鍋店推介，小妹梗係要跟住黎食好西啦！友人果然冇介紹錯👍🏻，而且相信小店口碑好唔錯，未到七點已經全院滿座😯所以記得要預早訂位呀！📞首先要3選1揀左個湯底先，哩到有以下3款俾你揀，蕃茄濃湯/粥底只需$200/位，而椰子🥥雞湯就要$250/人，價錢超值👍🏻另外仲有8款海鮮+6款自選配料，就算係大胃王既你都會抱住個肚走呀🤣今次揀左椰子🥥海南雞湯底，2個人都有成差唔多半隻雞，真心抵食。雞件嫩滑而且份量十足，就算煮左成30分鐘d肉都唔會又老又韌。建議食完d雞件先放其他材料😆 我地仲揀左肉蟹🦀、鮑魚、蟶子、海蝦🦐、鮮魷🦑、蠔、花甲同沙白😋😋 食材十分新鮮，肉質鮮甜，肉蟹大大隻而且肉厚，鮑魚爽口彈牙。仲有必試既海蝦，上台個陣仲係生猛狂跳嫁，唔怪得知就搵個盅裝住先😂另外仲有成20款配料俾你揀，典型既肥牛、豬肉片不在話下，仲有多款蔬菜同丸類，任君選擇。如果仲未夠喉仲可以加配其他食物添！PS 記得要scan 台面既QR code 有講食法嫁！

本人一行8人在12月29號到這店食火鍋，已一陣電話預約，到達後入到店內已覺衛生麻麻地(有一陣霉味)店員安排坐下(卡位)朋友需小心翼翼才坐到座位上，因比較窄及檯子屬固定的。跟著選好湯底，配料，海鮮。首先放上海鮮(蜆比較細但都有新鮮味道)，蝦比較細，珍珠蠔都還可以，蟶子一般般，6款海鮮只有蜆及珍珠蠔比較多一點，其他只是配給一人一只，另一配料只可選6款，又想多選一些已經比較難了最後食完所有材料後(好快就食完了，原因份量不多)店員加粥底及泡泡飯，大家食左粥底及飯底才感覺飽肚😑雖然$200不加一(沒有飲品任飲，要逐罐計)，如肚餓一D, 都唔夠食唔飽(份希望份量加多少少)不是傳單上~高質，食飽咁樣唉…相信不會有下次! 最後是店員態度要改善一下~送餐的，收拾的，甚至加湯嘅，幫忙影相嘅~唔係太歡容，甚至有黑面

朋友約呢間六十六十火鍋，點菜方式簡單得三個套餐三種湯底，兩種價錢，248元的椰子文昌雞湯底套餐包了每人一份雞件，另外可以揀選八款海鮮以及六款海鮮之外的材料。飲品另計，不加一是賣點，食幾多俾幾多夠實際。泰國椰青水夠清涼，我個人覺得好過飲清涼茶。坐低叫餐，然後等食，醬料夠齊但唔會好有驚喜。椰子文昌雞湯底嘅來了碟雞件，我們先將一碟雞件放鍋內，待湯底滾起的時候便可起筷了，撈起的雞件混了椰子肉和竹笙，雞肉嫩滑，椰子肉也帶爽，熱辣辣的食得很惹味過癮。海鮮分紅黃藍三種，紅選三，黃指定二，藍選三，黃係指定所以一定有貝類，不過講真係新鮮，好似生蠔、聖子、貝類、飽魚等，食鮮味都夠。帶子平時係蒜蓉蒸，今次火鍋灼，食在口中軟硬適中有啃勁， 蘸上豉油帶出甜香。總括來說， 雖然價錢與一般放題火鍋相若，而且又不像放題火鍋任食咁過癮，但正正更能控制了食材的質素，反而帶來比放題火鍋另一種食物享受樂趣，唔錯。

海鮮是很新鮮的，蟹很鮮味，蝦送來的時候也是會跳，雖然貝類和蟶子味道一般（沒有特別甜，但還是新鮮）。可是最失望的還是最後的「海鮮飯/粥」。我們吃到尾聲的時候，首先有一位年輕男侍應加水加到半鍋滿，然後一位戴眼鏡的阿姨就走來說要幫我們「煮個飯」，我和朋友都覺得很奇怪，因為加那麼多水怎樣煮飯？結果那位阿姨拿了一些飯和炸豬油（和脆米？）來，直接倒下那鍋湯中，用湯勺隨意地攪一攪，便說「個飯煮好喇」！我和朋友真的很錯愕，那跟本不是飯，連粥都稱不上，因為水跟飯的份量差太遠，而且煮的時間也沒有一分鐘（當時我們還有45分鐘才要交枱啊，不知道阿姨趕甚麼）！看到那盤只有「淋」哂的脆米浮下浮下的「湯飯」，實在有點倒胃口! 朋友還是試了一湯匙，結果是只試到鹹鹹又「淋」了的脆米（根本撈不到裡面的「飯」），我們就　「原鍋不動」了。本來感覺不錯的一餐飯就因為阿姨那鍋「飯」攪衰咗