六十六十火鍋 (已結業)

打邊爐湯底真係好重要 簡直就係打邊爐嘅靈魂 今次去咗長沙灣六十六十火鍋 食咗椰子文昌雞煲 唔係講笑 呢個湯底堅得 一路飲湯一路急不及待開心share畀朋友椰子文昌雞煲 每位250蚊侍應教我哋 水滾放啲雞肉鍋 等啲水再滾起 就熄火 焗佢七分鐘 之後就可以食雞連飲湯 有兩粒海南桔仔可以唧入醬料中提高鮮味 湯底真係超級清甜 入面有馬蹄 椰肉 竹笙同埋雞件 以上幾樣嘢都索曬啲椰香味 超正套餐可自選8款海鮮 6款配料肉蟹 扇貝 象拔蚌 蠔 花甲 帶子 2款貝類係餐廳安排 係沙白同大蜆 總括嚟講所有海鮮都好新鮮 肉蟹新鮮大隻啖啖肉 貝類 鮮甜冇沙 蠔仔有成廿隻 侍應見我哋食完海鮮就會上埋配料畀我哋 其實已經飽咗一大半 又飲湯又海鮮又食埋雞配料揀咗 美國肥牛 手打墨魚丸 魚皮餃 響鈴炸魚皮 西班牙梅頭肉 全部配料都好滿意 肥牛梅頭肉大大片有肉味 250蚊真係飽到暈如果唔食文昌雞 其實仲有可以揀粥底或者番茄濃湯脆米泡飯 仲唔使加一添 性價比好高 下次試下佢個粥底先

六十六十火鍋長沙灣青山道156-162號永基商業大廈地下A舖長沙灣真係一個美食天堂，好多特式小店，經常係到發掘到D好嘢，今日朋友介紹左我地黎食椰子海南文昌雞湯+火鍋，之前從未試過但聽落都覺得好吸引餐廳位於青山道，好方便好易搵到，如果搭港鐵，長沙灣站或者深水埗站落都得，距離都差不多呢到係以套餐模式，首先揀左個鍋底先 椰子海南文昌雞 蕃茄濃湯底+脆米泡飯 粥底之後再揀選8份海鮮，最後仲有6款火鍋配料而我地當然係揀椰子海南文昌雞啦，我地兩個人食估唔到餐廳咁闊佬，比左成半隻雞，而雞湯好足料有好多椰肉，馬蹄仲有竹笙，最緊要就係非常清甜，好香椰子味，岩晒而家夏天飲，如果有朋友黎一定推薦佢要揀呢款呀，我地係直情成鍋飲晒呀，好誇張而海鮮方面揀左肉蟹，扇貝，象拔蚌仔，花甲，帶子，蠔全部都好新鮮，自己最鐘意就係個肉蟹，真係好大隻啖啖肉，蠔既份量好多，碌一碌就食得好鮮味，而帶子同扇貝都好大隻除左海鮮以外，其餘既火鍋配料都唔錯架，特別係份西班牙梅頭肉同美國肥牛，唔似出面其他做任食火鍋餐廳既個d質素，呢到望到都覺得好吸引

太耐冇打邊爐心癢癢去左試呢間用椰子雞湯做湯底嘅火鍋😉.🍴椰子海南文昌雞($250/位)今次揀左椰子雞湯底~湯底有清甜椰香雞件索曬啲湯又嫩滑又香😋海鮮總共食到八款都幾抵食~我地揀左蟹、蟶子皇、象拔蚌、蠔、帶子、兩款蜆同鮮魷~個人比較推薦蟹同蟶子大隻又多肉😋配料方面可以揀六款~我地就揀左肥牛、梅頭肉、花膠、牛丸、娃娃菜同烏冬~我個人鍾意肥牛同花膠~幾有膠質😋總括黎講都抵食$250就食到好飽了🤤🤤📍 六十六十火鍋 (長沙灣)長沙灣青山道156-162號永基商業大廈地下A舖

聽朋友介紹 話呢間好食 就黎試試佢啦🥥椰子海南文昌雞湯底🍲 (每位$250)湯底清甜 好香椰子味 好好飲🥰入面有椰子肉,竹笙,馬蹄😋正啊先飲左個湯同食雞先 雞都幾滑 唔un☺️仲有比青檸比你吱落豉油 沾雞食海鮮方面 total可以食到7種😆我地就試左蟹,象拔蚌,蟶子皇,蠔,帶子,鮮魷同兩種蜆掃QR code就可以睇到每樣野要淥幾耐自己最中意係蟹同蟶子😌 幾新鮮又啖啖肉蠔同蜆既份量仲要好多 鮮魷都不錯以為又雞又海鮮就完？仲有自選6款配料 等緊我地😂揀左肥牛,梅頭肉,花膠仔,牛丸,娃娃菜,烏冬肥牛重牛味 唔會好肥😋 梅頭肉就相對多番d脂肪 不過最中意都係花膠仔 好腍又入味👍🏻最後食埋個烏冬真係飽到傻🤣$250多野食到不得了😂

海鮮粥底火鍋套餐$200，免加一，兩位起8款海鮮、6款配料、醬料，飲料另加 .咁岩行過見價錢幾平就即管試下😌但意想唔到都幾抵食！湯底係粥水，等煮完所有野食就加粥，8款海鮮，揀左肉蟹(每人半隻)、兩個貝類、帶子，刀貝、蠔仔、鮑魚(擦到白雪雪幾乾淨) 、象拔蚌仔，刀貝同鮑魚仲識郁架，配料都係叫下菜、牛肉、墨丸、牛丸等所有材料唔夠可以俾錢追加，我地加左碟牛，店員有推介我地俾貴啲叫安格斯牛，但我覺得普通果隻已經幾好味，唔係薄切果種肥牛黎，有啲似手切種口感，牛味又夠，所以無升級食到最尾落埋啲南瓜、芋頭、粟米落去煮15分鐘，店員會過黎加啲菜脯、芫荽蔥等，再落粥，煮滾就食得🥰兩個人食，每人兩碗粥左右啦, 鮮！性價比真心唔錯，下次可以再食

天氣一凍一定會諗起打邊爐好耐之前同朋友黎過一次，印象不錯價錢不貴200蚊起有椰子海南文昌雞，蕃茄濃湯底，粥底先來支啤酒啤一啤先今晚叫左粥底，海鮮有八款，配料可揀六揀先黎粥底配料，有南瓜，粟米，芋頭，差不多食到最後先加叫左肉蟹，象拔仔，蟶子，刀貝，花甲，海蝦，蠔仔除左花甲帶點沙外，其他海鮮都好新鮮配料叫了西班牙梅頭肉，肥牛，枝竹，雞件等等梅頭肉有驚喜，雞件都來得嫩滑蠔仔留到最後，用黎做蠔仔粥粥底已吸盡海鮮精華，非常鮮甜

之前聽朋友講呢個雞煲好抵食～今次就專登黎試下$250蚊位 海鮮有八款，配料有六款，真係睇到眼都突埋 咁多野食咖咩野飲方面雖然唔包，但都唔算貴一坐低點完餐，店員就會擺低豉油呀個啲配料比你自己加枱邊仲有QR CODE 比你睇下餐牌同睇埋啲食法咁，超級USER FRIENDLY首先一黎就比左個椰子湯同個雞你，椰子湯勁濃，煲完之後啲雞吸曬湯既精華另加兩粒青檸比你落落啲豉油到，成個組合加起黎，濃味得黎亦都唔會太油膩而家諗起都想番去食多次STAFF 會按住你食野既進度上菜，食完雞再上海鮮，食完海鮮再上配料咁海鮮方面估唔到用呢個價錢～啲野食都真係幾新鮮當中最無得走既一定係花甲同埋刀貝非常之新鮮，鮮甜，同時亦都唔會有沙，淥完之後仲帶住陣陣既椰子雞湯味，好正另外魚都係估唔到咁好食，淥完之後啲魚肉勁彈牙食完海鮮～就上埋配料啦，黎到呢個時候都已經飽左大半我地叫左肥牛，蜂巢豆腐，娃娃菜，響鈴等等肥牛食得出並唔係啲平野肥牛黎咖～牛味勁重，而且雪花均勻至於啲娃娃菜都係勁靚而且勁甜，好似假既一樣ＬＯＬ其實打邊爐黎講真係最緊要就係湯底，不論材料新鮮與否只要湯底一出事，就咩好野都已經食唔到啦偏偏呢間係湯底同材料都一流而

最近天氣都涼涼地，咁岩同朋友係長沙灣做完野，兩個人都想打下邊爐，經過六十六十火鍋食海鮮火鍋，湯底三種選擇，一開始諗叫椰子雞湯底，但是朋友想食粥底、咁我哋都選擇粥底，佢會攞一盤調味料比我們自行選擇自己口味。一開始上左湯連粥底配料芋頭粟米南瓜比我們先，我哋選擇要食咩海鮮，有9種海鮮食，帶子，蝦，蟹，蜆，貝殼類等食落好新鮮，跟隨會上配料，我哋把粥底配料放入火鍋開始煮，跟住開始食配料好多選擇入面 選擇6種、不能重覆，蜂巢豆腐，花膠仔，牛肉，墨魚丸，響 鈴，佢地選擇都好多。食哂所有野，當然係要煲我們期待粥，叫侍應生開始落粥同其他調味材料，等佢煲滾左之後可以食，個粥入面吸哂海鮮同埋芋頭同南瓜都煲等好淋入口好好味，好香呀 。

天氣凍凍地，收工同老公兩個人又想打邊爐又懶得買野返家洗同買，決定出去打邊爐，平時放工都經過六十六十鍋好多人排隊，我哋今日8:30去到 好快安排我哋入座，我哋見到有三個湯底選擇，決定左粥底，見到點紙第一行是海鮮，第二行是配料，後面有飲料，野飲都多選擇。一開始會黎左我哋選擇海鮮：海蝦、鮮魷，蜆、 蟹、鮑魚、帶子等我們食完海鮮，佢地先再上配料，個時可以放芋頭粟米南瓜落去煲，之後配料開始慢慢上台，蜂蜜豆腐，牛肉，唐生菜，墨魚滑、響鈴、 我地食完之後落粥落去鍋煮。一煮滾之後可以食呀，味道不錯。

眾所皆知長沙灣美食多 價錢平 性價比高 平野就食得多 特登黎食番間價錢中檔嘅火鍋 六十六火鍋我地去到餐廳好快就可以埋檯落單 平時呢間野都幾爆下 但因為肺炎肆港嘅關係 在場客人較少 但店主好細心地放咗支消毒火酒響門口附近 咁我地因為衛生問題 當然唔客氣地用咗小小 去到食物方面我就叫咗個椰子雞煲 店員會詳細講解點處理啲雞 店員提議雞煲滾後 關火五分鐘～ 因為係吊線雞嘅關係　咁樣食落去雞肉較滑想安全衛生就七分鐘較好 湯本身問題因為落咗馬蹄 椰子同雞嘅關係 湯底極為清甜 食雞建議唔好落醬料～食番本身雞嘅味同湯嘅鮮甜食完雞之後飲完湯 我地加水食海鮮 叫咗扇貝 蜆 沙甲 蠔 兩百幾數嘅價錢來講幾好 唔會係死海鮮 其他配料方面我地叫咗娃娃菜 鴨血 肥牛 響鈴 魚皮餃～好普通嘅配料 但竟然好有驚喜 娃娃菜好新鮮洗得好乾淨 ；肥牛唔係雪藏肥牛 牛味幾重； 響鈴應該自家製油味好香好脆最尾可以飲多啖湯 湯吸收左椰子雞馬蹄同海鮮嘅甜味 真係好好飲 但個量真係幾多 細食嘅人可能要朝早開始唔好食野最後埋單連野飲都係300$可能響長沙灣嚟講價錢唔算平 但個cp值可以話數一數

附近都好多平價大約$200～$300的海鮮火鍋，平時都有食開附近的火鍋店今次見到由$278 椰子雞鍋減價至$250，就變得更抵食。首先，講左個湯底先，10分有10分滿分💯，真係用椰青同椰子🥥，十分入味，雞就太碎，所以失色左。海鮮方便，比其他附近的火鍋舖遜色左少少，雖然比其他店多左款揀，但唔夠新鮮。象拔仔有d腥，蠔就直程腥到食唔到，所以食左幾粒，基本成碟擺反喺到。最後，配料10分都有8分，正常味道，係黁刀量較少，唔夠飽

天氣咁凍最啱就係打邊爐近排越嚟越流行粥底海鮮火鍋但同行朋友就唔多喜好粥底就揀左依間可以揀椰子雞湯底既海鮮火鍋比起一般既火鍋店環境唔算大所以坐落都有少少迫無櫈可以擺袋總共有八款海鮮有兩款貝類係固定左其實有肉蟹同活魚可以揀但怕食起上黎好麻煩所以主要揀左貝殼類既海鮮鮑魚、扇貝、蟶子王、蠔、刀貝同油貝指定嘅貝類應該係沙白蜆同埋花甲首先食左個椰子文昌雞先二人份量有半隻雞湯底有唔少椰子仲有竹笙同馬蹄雞肉比想像中嫩滑但唔算啖啖肉椰子湯本身應該有雞湯底調味飲落幾足味但就油左少少重點當然係佢既海鮮蜆食落有一兩隻有沙其他食落都算新鮮當中以蟶子王同鮑魚比較鮮甜最後仲揀左六款火鍋配料萵筍、美國牛肉、魚皮餃、牛丸、手打墨魚丸同日式烏冬味道就正正常常但牛丸就麻麻份量都幾少每人每樣三片/三粒如果唔加野既話男人應該食唔飽

餐廳：六十六十火煱高CP嘅海鮮火煱朋友介紹呢一間海鮮火鍋高CP值，一於帶埋屋企人黎試吓先！湯底可以揀粥底、番茄或者椰子雞件。嚟到餐廳已經聞到好香嘅椰子雞味，咁我哋都要返呢個啦。餐廳雖然冇華麗嘅裝修，但鍾意佢明碼實價，冇額外嘅醬料費同埋+1， 食得特別開懷。嘩椰子雞鍋上台喇，好香呀！店員好細心介紹烹煮食材次序，掃下枱面個QR code可以知道每樣食材嘅煮食時間，呢份細心真係抵讚！食材豐富：雞件：每人有¼隻，鷄件本身較瘦，煮熟後雞皮嫩滑，啖湯鮮甜、唔肥膩肉蟹：超大隻、新鮮鮮甜、啖啖肉、落煱重郁郁下蟶子皇：爽口，食出原食材味道鮮蝦：落鍋啲蝦真係扎扎跳㗎，新鮮食落去肉質都爽口彈牙啲帶子：又係超大隻，連殼落成個煲底咁，爽口好味花甲：乾淨冇沙，食完一隻又一隻肥牛：雪花分布均勻，質量唔錯豬肉片：薄切口感啱啱好，有咬口淮山：鐘意淋身同爽口任均選擇粟米：超甜粟，打邊爐必備金菇：勁重本，目測有一至兩包份量，爽口響鈴：一放落鍋即刻拎起，外淋內脆，鍾意佢一層層嘅口感椰青：椰青大隻清甜，啖啖椰肉，凍冰冰好正。下次一定要來試埋個番茄湯底先！

天氣咁凍，梗係要食烚吓烚吓啦！朋友介紹呢度有間高CP值嘅海鮮火鍋，一個價錢$250椰子雞煲湯底，包埋數款海鮮、貝類、肉類、配菜，唔使頭痕。唔鍾意嘅亦都可以$200揀個粥底火鍋。去到餐廳6:30pm到鐘, 已坐滿左大半人，好彩我哋早到姐！椰子雞煲上枱啦！聞到好香嘅椰子味。職員好細心教我地要先滾咗個湯底，再落雞件煮滾後熄火焗5分鐘，就可以先食雞，再飲湯。一人有四份一隻雞嘅份量。呢個食法真係好正，雞皮嫩滑，加上雞本身偏瘦，啖湯亦都好鮮甜、唔肥膩。海鮮同貝類，我哋揀咗肉蟹、聖子王、帶子、花甲，海鮮不得不讚好新鮮，肉蟹同蝦落鍋之後，重係郁郁下。肉蟹非食不可，大隻，啖啖肉，無得彈。帶子超大隻，連埋個殼落，成個鍋底咁大，爽口彈牙。花甲亦大隻鮮味。其實已經飽咗半肚，仲有一碟肥牛、豬肉片未食，兩者質素都唔錯，食得出唔係啲平價貨，連埋粟米、金菇、響鈴、淮山等等配菜，今餐真係好豐富，捧住個肚走。

趁著氣溫急降的一夜，我倆來到吃海鮮火鍋渡過一個暖意的晚上這晚訂了最早埸，18:00-2030定價不高，二百蚊左右就包左八款海鮮+六款火鍋配料兩位起計，重點免加一點了粥底，先送來粥底配料店員說吃到最後才放入粥底裡海鮮點了肉蟹、海蝦、蟶子，蠔仔，花甲，刀貝刀貝其質感彈牙，不失鮮嫩，配蔥蒜調味也不錯海蝦也來得新鮮梅頭肉美國肥牛，牛肉味濃最後再加上粥底跟配料粥底具米香，盡吸海鮮鮮甜與肉類油香的精華雖然很撐，也忍不住吃上幾碗呢！