六十年華

營業中

休息中

今晚在六十年華吃晚餐，選了兩個最大眾的菜，啫啫雞煲和海鮮雜菜煲。本想著應該美味可口，但結果卻大失所望。1. 啫啫雞煲這道雞煲的表現讓人頗感失望。雞肉的數量相當少，並且與腩肉一同煮製。腩肉過於鹹重，與雞肉完全不搭。個人認為雞煲應該搭配豬肝，現在這個組合讓人摸不著頭腦。以如此昂貴的價錢——88元，期待值自然提高，但結果卻令人失望。2.海鮮雜菜煲極度失望，是我對這道菜唯一的感受。首先，這道菜完全不符合「煲」的定義，它放在碗裡上菜的。海鮮僅有幾條魷魚，蔬菜卻多得讓人懷疑自己點了道菜煲。湯汁更是淡如清水，彷彿在吃清水煮白菜。65元的價位，實際價值卻遠不及20元的成本。這樣的失望，實在難以言喻。

我係隔離既住戶係佢地常客 里次申請個號黎比個食評。近排食d粉面 發覺咩都偏甜！點個三絲炒面竟然甜既 豬排出前一丁又係甜！請問出品師傅可吾可試下味呀！比以前差左勁多水準。星米又係有時濕到散晒 有時仲食到一搞搞硬既沒鬆開甘。雖然近我隔離 但都要考慮下仲去吾去食好。點左餐等候時間又比以往更加長 半個鐘都沒出得一碟野。夜晚有時屋企懶得做飯又去隔離食，都吾知佢地係味臨近就收工，出品差爆夜晚既牛河通常和早上倆個樣 夜晚既牛河濕又多油

已經有一段時間冇去寶琳，開左好多新餐廳都想試，不過今日想食茶餐廳所以揀左呢間餐廳🫢🍲精選二人餐$168（兩個主菜+兩碗飯+兩碗湯，飲品熱飲額外加+$3、凍飲+$6、特飲+$12）♦️招牌鮮鳳梨咕嚕肉- 見佢係招牌菜所以特登叫左…賣相相比起其他菜餐廳真係算幾靚，而且可以睇得出佢真係用新鮮鳳梨唔係罐頭菠蘿，但食落去鳳梨反而冇乜味但唔酸，呢個係令我有少少失望😢但啲洋蔥幾香，咕嚕肉去晒骨熱辣辣食果陣都好味，但耐左就變左好硬有啲難咬，同埋有幾舊炸粉比較厚身🤔二人餐已包每人一碗湯同一碗飯，湯係南瓜紅蘿蔔豬骨湯夠晒味都好飲😋♦️馬拉盞通菜炒牛肉- 食落好香，少少辣，牛肉都算薄身但有一兩舊連住啲筋韌到有啲咬唔開，牛肉都幾入味而且唔算好油膩最後叫左杯凍檸茶同熱檸蜜，兩杯飲品味道正常～

之前食過佢D小菜,覺得都幾好食今日突然好想食燒鵝,又諗起哩間店有,所以就去左食啦~燒鵝飯 $68好似好多燒鵝咁,但只有幾舊有肉,其他全部都係骨連皮,完全無肉~腰果椒鹽鮮魷 $108熱辣辣新鮮炸起,鮮魷滑溜溜,不過咸左D

今日夜左收工,於是有籍口比自己食好D去左一間有小菜食既店1516緊食咕嚕肉定薯仔牛柳粒既時候突然聽到有把聲音同我講,叫晒2樣啦,食唔晒聽日可以帶飯就係咁,我就一個食2個小菜啦~蜜餞脆薯牛柳粒好好食!甜甜地,牛柳粒夠淋~金牌鮮鳳梨咕嚕肉唔會太甜太酸，味道OK

放工之後同朋友下樓食飯，因為有雙人套餐就想來試試。🌟燒腩+貴妃雞 ｜豬扒四季豆 168燒腩好正，喜歡脆脆那部分，配芥末沾醬貴妃雞一般，做得爽滑，但肉少骨頭大，配蔥豬扒四季豆，豬扒滿分，四季豆比較小、細，加上了一點避風塘碎碎，很下飯送了兩碗大米飯和例湯，例湯先上的，蘿蔔排骨，讚🌟玄米茶 3挺大一杯，解膩服務態度很好，店員幹活麻利，環境也不錯，味道是家常味道，雖然比一般茶餐廳要貴，但是晚上懶得做飯下樓吃一餐蠻好的

之前食過呢間d鵝幾好味，見屋企人生日，一於外賣半隻鵝加餸啦！見師傅切嘅時候拎起聞一聞，已經打個突，見師傅又照交貨，都係唔好多疑啦～返到屋企，一打開個盒臭嘅食評就無喇，食都無食就丟咗，街坊生意，咁唔老實，無下次喇

跟家人找一間茶餐廳吃個下午茶，看到六十年華，很多選擇，價錢實惠，就進去了。茶餐廳卡位，坐得舒適！我叫了一個下午茶套餐，迷你白切雞飯、炸蝦、奶油多士，連飲品都只是大概$50！🍗白切雞飯🍚很香，雞也不少，醬汁撈飯很夠味，薑蓉也不會很鹹。份量和比例剛好，整個飯都被我吃光！🤣🍤炸蝦蝦肉雖然比炸粉較細小，但味道還可以，也很香脆。🧈奶油多士🍞也很香。🍹檸檬茶🍋就不過不失，但也算很大一杯！服務也不過不失

每次巴士落車，都會見到這間非常吸引人目光的茶餐廳，想不到吃什麼，便進去吃一餐家常小菜。我們選擇了一個寬敞的座位，拿起菜單，開始挑選美食。小菜加$10餸可轉套餐，有例湯及白飯。例湯材料十足，十分鮮味。五柳黃花魚黃花魚很大條，肉質厚身有彈性，表皮煎成金黃香脆非常美味，配搭酸酸甜甜的醬汁能令整條煎魚更上一層樓。六十年華小炒皇色彩鮮豔，滿滿的韮菜，蝦乾，腰果，菜脯，每一口都散發著濃濃的咸香味，韮菜保持了脆嫩的口感，而且夠鑊氣，配白飯，十分惹味。柚子蜜汁雞翼雞翼外脆內軟，非常入味，吃起來香嫩多汁，柚子和蜜糖的甜味完美融合，甜甜的，又帶有的柚香味，非常開胃。金銀蛋蒜子肉鬆浸菜芯粒粒鹹蛋和皮蛋，還有肉碎粒，湯頭鹹鹹的，十分鮮甜，主角菜芯保持翠綠色，很嫩口。黑牛今次改了要雲尼拿雪糕，冰凍的可樂味加上人見人愛的雪糕球，先嚐到冰爽的可樂味外層，然後細味綿綿香滑的雪糕，與可樂味外層一起慢慢在口中溶化，每一啖都有衝擊。

去茶餐廳食早餐就是有種情懷。偷得浮生半日閑 要份靚早餐 加杯凍奶茶小冰小甜小奶炸魚柳西式早餐炸魚柳好大件 切開仲有一線線肉有沙律加沙律菜 好健康45元一份早餐對得住個價

今日難得和媽媽撐枱腳，便來到寶林的六十年華食晚飯，夠多選擇又合口味，每到小菜可以加$10加配白飯和例湯。琵琶鴨 $118琵琶鴨是一種炸過的鴨肉，外酥內嫩，肉質鮮美。它被切成小塊，每塊都擁有著金黃色的外皮和多汁的內部，同事帶有一絲脂肪的香氣。這道菜餚通常搭配著甜酸醬汁，味道更加鮮美。六十年華小炒皇 $76小炒皇有多種配料，以蔬菜為主有腰果，韭菜花，蝦乾，菜甫，小八爪魚，這些食材被迅速炒熟，保持了它們的新鮮度和口感。蝦乾味道夠鹹香，佐飯一流，韭菜花清新爽脆，各款賠了不同口感，忍不住一口接一口。椒鹽雞中翼 $70雞中翼首先用鹽和辣椒腌制，然後油炸至金黃酥脆。這種烹飪方法使得鹽和辣椒的味道完全滲透到雞肉中，每一口都帶有濃郁的風味。椒鹽雞中翼的外脆內嫩，絕對是一道讓人難以抗拒的美食。晚飯雖然簡單，但每道菜都味道出色，性價比非常高。

第一次想入嚟這間餐廳的衝動就是比門口的名稱吸引，於早餐時段進食人數較少，而且早餐比較便宜，今次叫了沙嗲牛肉麵會腸仔煎蛋多士，配以裝潢華麗嘅店舖勁舒服的感覺特別是餐廳有部份位置比較隱蔽，完全攞嚟傾功課簡直一流當然啦係非繁忙時間唔好阻住人做生意。當中侍應態度良好非常之照料由於入到去已給你坐低會立即為你準備水，服務簡直優質。而係新都城來講$40以內有一個豐富的的早餐是10分便宜的，期待下次再試一試午膳或晚膳值得再嚟。。

不得不說，「六十年華」已成為我既飯堂🤭。多元化既餐廳，選擇多真係好重要😂。樣樣都想試，一次過滿足多個願望👍。中餐西餐都可以同時嘗試。今日與友同行，一個想食鐵板餐，一個想食火鍋，燒鴨又好似好吸引🤭，小朋友先做選擇，一於試晒佢😂。鐵板厚切西冷牛扒餐 $128，有沙律，羅宋湯，飯/意粉，餐飲，好豐富抵食🤤。西冷肉味濃郁，鮮嫩軟淋，估唔到咁美味。藥膳醉雞鍋 $118，呢個天氣食好暖身。雞件分量唔算好多，好彩湯底藥材味濃郁，味道唔錯，真係連湯都飲埋😆。店員推介，醬燒琵琶鴨好似好吸引🤭。一隻$118 半隻$75，咁抵，即刻叫一隻試下🤤。果然無介紹錯，琵琶鴨燒得香脆，肉厚惹味，用黎送酒一流👍。下次要同朋友一齊飯聚，可以再試多些不同食品！

嘢食嘅味道確實喺區內算幾好，所以周不時都買外賣，之前試過幾次買外賣，但外賣做好咗就咁放喺入邊冇嗌Number，要自己行入去問先知原來整好咗擺咗喺度，但都唔緊要可能佢哋忙，但今日再去買外賣，眼見入邊都唔算太多人，但今日又係咁買完個外賣整好咗就咁擺喺入邊，又係要我自己行入去問自己攞，雖然嘢食嘅味道的確係唔錯，而且價錢都算中規中矩唔算平又唔算貴，但如果可以改善下服務態度的話就絕對對得起呢個價錢，希望唔好浪費咗一間好味嘅餐廳

今日放工喺寶琳嗰邊食晚飯，見到間環境光猛嘅茶餐廳，肚餓嘅我就入咗去食晚飯。餐廳好受歡迎喎，入到去已經有好多食客。餐廳食物種類眾多，除咗有鐵板、小炒之外，仲有啲一人煲。今日我同朋友都食咗幾款嘢食。提提大家餐廳係寶琳新都城中心二期，唔好行錯啊！薄燒西冷牛扒黑椒汁 $88鐵板牛扒$100都唔使，超抵食，又大份。鐵板上枱時熱辣辣，要小心，淋上黑椒汁後仲吱吱聲，非常吸引。牛扒大大塊，食落唔韌，調味適中。另外仲有炒飯，炒飯粒粒分明，用鐵板煎過後仲有啲飯焦。其他伴碟有薯角、西蘭花、蘿蔔等等。薯格好香脆，應該係新鮮即炸～ 我哋再加咗錢要咗個意式雜菜湯，羅宋湯蕃茄味濃，裏面有洋蔥、西芹等雜菜。金牌鮮鳳梨咕嚕肉 $80見到隔籬枱食個咕嚕肉，我都忍唔住嗌咗個。咕嚕肉好脆，熱辣辣，炸皮好薄。外層果滿酸甜醬嘅味道，酸酸甜甜，可口開胃。菠蘿係新鮮菠蘿切出嚟嘅，唔係用罐頭菠蘿。伴碟仲有塊菠蘿皮，非常精緻，可以打卡。蜜餞脆薯牛柳粒 $78呢個推薦大家食！薯仔有事先炸過，食落非常香口，另外沾滿蜜糖，食落甜絲絲，又脆脆地，口感非常好。牛柳粒一口size，方便進食，牛肉味濃，而且好容易咬開。呢啲份量都好多，除咗薯仔同牛柳，