六十年華

營業中

休息中

今日住新都城既朋友帶我試左呢間餐廳，位置係三期地下，要行番出去先搵到個門口。鋪內燈光光猛，裝潢就正常冰室格局，勝在乾淨同間得外，坐得都算舒服。餐廳食物種類對於茶餐廳黎講都幾多，由中式燒味、川菜酸菜魚、小菜以至西式鐵板、焗飯餐都有。當日老闆就推介我地試下酸菜魚，咁就叫左個孖寶自由選($198, A+A)，拼左燒味雙拼，叉燒拼燒鵝(燒鵝+$20)再加多個蜜椒雞中翼。餐廳以自助落單形式，如果唔識都可以搵店員幫手。落完單好快就送上例湯，老火湯飲落好夠味而且唔死咸，飲完都唔會好口渴。叉燒拼燒鵝，叉燒無特別要求肥瘦，上菜時係半肥瘦的，食落甘香鬆軟，醃味足夠，美中不中既係外皮燒得唔夠焦，個人比較喜歡燶邊叉；燒鵝皮帶小脆，五香粉味好出而且醃得入味，唔錯。川味老壇酸菜魚，店員餐廳用上鱸魚煮，食落無骨，皮爽肉滑，魚片份量多，不過魚味就相對淡薄小小。除左魚片，酸菜都係主角之一，炒得夠香，食落香口夠味得黎唔會太酸，除左魚同酸菜，配菜有萵荀、什菌同埋寬粉，就算唔食白飯都夠飽。蜜椒雞中翼，每隻雞翼都包滿左蜜椒，食落甜得黎帶黑椒既辣，雞翼脆口有肉汁，小朋友最鍾意食。總體味道唔錯選擇又多，將軍澳街坊不妨考慮下呢間，當

叉鵝飯$78，嗰幾件鵝唔係得一條骨，就係肥到食唔到。蒸水蛋飯先夠誇張，一打開盒飯，八成面積係白飯，二成面積係孤獨嘅蒸水蛋。如果我係外國人，會以為蒸水蛋同黑松露一樣咁珍貴。味道全部正常水平以下。這樣的伏店，永別了！

餐廳位於寶琳，鄰近地鐵站，方便又快捷，簡簡單單的茶餐廳，內裏卻充滿着不同國家的美食。食物方面，我挑選了酸菜魚和鐵板豬手。兩種完完全全不同風格的食物。酸菜魚方面充滿特色，最重要分量十足，性價比極高，魚片香滑嫩口，真的不錯。喜愛就是酸和辣的比例剛剛好，份量剛好的酸菜，酸酸辣辣十分開胃配搭白飯，又是一道美食，加上酸菜魚內裏登附上寬粉更適合晚餐時段享用。另外鐵板豬手外皮有點香脆，最重要肥瘦適中，配搭醬汁，熱辣辣新鮮的滋味，就是這麼吸引。

到新都城中心探望朋友，朋友說有間港式茶餐廳的小菜不錯，我就跟著他走到位於商場外地舖的「六十年華」。店內簡潔裝潢，座位亦坐得舒適。掃描二維碼下單，簡單方便。小菜附加$10可轉為套餐(配絲苗白飯及老火靚湯)。🍹 熱檸檬菜蜜朋友喜歡熱檸檬菜蜜，順喉滋潤。🍹 凍港式鴛鴦嚐到咖啡的香味和奶茶的濃滑，配搭得非常好。❣️ 老火靚湯蓮藕花生湯，清甜味美。❣️ 滑蛋蝦仁蝦仁爽口彈牙。滑蛋嫩滑，不會過熟，炒得香口。❣️ 中式牛柳牛柳肉質軟諗不韌，味道甜甜帶微酸，令人開胃。❣️ 鹹魚茸煎肉餅煎肉餅肉質滑溜，肉汁豐盈，不會乾巴巴。鹹魚茸味道突出，鹹香美味，佐飯一流。❣️ 椒鹽新鮮鮮魷鮮魷炸得金黃，乾身香脆，魷魚鮮味爽口，椒鹽均勻灑上，增添香口惹味。腰果同樣香脆可口。❣️ 蒜蓉炒時蔬店員突送上一碟蒜蓉炒白菜。原來顧客點菜滿$168，就會免費獲得一碟蒜蓉炒時蔬。雖說是免費，但一點不馬虎。白菜炒得新鮮脆嫩，調味得宜。小菜做得出色，價格平民化，服務態度優質，朋友的安排真的不錯。

🧡Please follow my IG : orororenji☆ 六十年華將軍澳貿業路8號新都城中心2期地下G26-G28號舖✦ 招牌鮮鳯梨咕嚕肉酸酸甜甜好開胃，咕嚕肉完全無骨，肉質結實得黎係軟嘅，唔錯！加$10仲有白飯同例湯，真係好抵。✦ 鐵板黑椒金薯牛柳粒一上枱咋咋聲～好香好吸引，牛柳粒好淋，薯仔雖然好似係配角，但其實對我黎講係第二主角，一樣咁重要，因為都好好味(〃ω〃)✦ 西蘭花炒鮮魷無得輸嘅組合！西蘭花爽口，魷魚彈牙，正呀！✦ 椒鹽腰果豆腐簡單又好味，唔會好油膩，豆腐脆卜卜但入面好嫩滑。✦ 特濃雲海咖啡好似凍mocha，幾好飲。✦ 雪糕紅豆𣲙店員好有禮貌同我講本身係雲呢拿雪糕，不過因為冇，所以俾咗朱古力味雪糕我，我覺得無乜問題，紅豆煮到好淋好好味。呢到性價比高，好鍾意呢到落餐除左用QR code好方便之外，仲有得揀少油少鹽咁，更加健康，同埋呢到仲有可愛嘅送餐機械人，減少接觸咁幾好。

平時常常想吃住家飯但工作太忙碌，真的冇時間煮見這間茶餐廳很多人, 又有小菜，便來試一試。果然沒有令人失望，有住家飯的感覺🥰這間茶餐廳的小菜都有很多款，有咕嚕肉、梅菜扣肉、啫啫雞煲、沙嗲金菇肥牛煲、滑蛋蝦仁，真的是林林總總，適合各人口味。我們選了中式牛柳、味道不錯，個汁少少酸，調得剛剛好，牛柳入味但又不會太酸洋蔥吊味非常香口。這道菜用來送飯真是冇得輸💯西蘭花鮮魷炒得有鑊氣，西蘭花顏色鮮嫩，翠綠得令人增加食慾。鮮魷炒得有wok 氣，調味不會過鹹，而且鮮魷大大塊份量也不少。兩個小菜均沒有令人失望我最欣賞的是這間餐廳沒有很多一般茶餐廳的毛病不會落太多味精不會喊到不得了這種家庭小菜現今已很難找到。我們叫小菜加了$10有老火湯。今天的青紅蘿蔔湯煲得夠火十分滋潤。碗飯大到不得了。另外加了錢要飲品，咖啡香濃，檸茶夠凍。

今晚一行三人去咗六十年華食晚飯，不得不讚就係呢度嘅小菜同燒味！招牌鮮鳯梨咕嚕肉唔單止色澤鮮豔，而且味道極為開胃。鳯梨果肉酸酸甜甜，外表炸得金黃酥脆，肉質清甜多汁。小炒皇小炒皇夠鑊氣，而其材料非常豐富，包括有辣菜脯、銀魚干、韭菜、魷魚、蝦千及炸腰果等，整體味道帶辣，十分惹味！椒鹽炒鮮魷外皮非常香脆，內裏的鮮魷口感有嚼勁，其椒鹽味令人非常醒神。燒味之作（燒腩仔、油雞、叉燒）一次過可以食到三款燒味，性價比甚高。燒腩仔肥瘦相間、咸香滋味，絕對係皮脆肉嫩。油雞色澤油亮，肉質鮮嫩，味道不錯。叉燒入口鬆軟，同時不失肉質的咬口，肉汁夠Juicy，絕對可以encore！整體而言，餐廳價錢經濟實惠，而且店員有禮，服務態度佳，下次唔想煮都可以再嚟幫襯。

香港人始終都係鐘意中菜多啲，感覺有獲氣啲又local啲呢間茶餐廳晚市嘅小菜送飯一流，唔太鐘意食白飯嘅我都忍唔住撈返幾啖飯自由選💰$178🥢蜜椒脆薯一口牛炒得香口，最鐘意呢個，一口牛仔粒好入味又好腍，呢道菜薯仔永遠都係精粹，外脆內軟，同牛仔粒勁夾🉐🥢自由選 鐵板醬爆椰菜豬頸肉上枱時勁熱好有鑊氣，調味充足，送飯一流，豬頸肉爽口，椰菜又惹味🥢粟米斑腩💰$68清清地，唔熱氣，炸過嘅斑腩唔會好厚粉🥢椒鹽新鮮鮮魷💰$88夠脆又爽口，調味夠，好多蒜🥢蒜蓉炒菜食滿$168送嘅炒菜，簡單炒菜🚩六十年華 (將軍澳) @thesixtiesmcp 📍將軍澳貿業路8號新都城中心2期地下G26-G28號舖

今天二人出外吃晚餐。這家食肆供應燒味、港式快餐和中式小菜。店內裝修新，環境清潔，有很多賀年佈置，座位舒適。賀年精美小菜穿金戴銀(西蘭花炒帶子蝦仁)90元，奉送老火湯及白飯。西蘭花炒帶子蝦仁賣相美觀，蝦肉彈牙，帶子鮮甜，西蘭花和韭黃均新鮮。粟米紅蘿蔔湯清甜。白飯軟硬適中。跟餐加配熱檸蜜8.5元，檸檬三片味道正常，西洋菜蜜香甜。燒味之作93元，叉燒、腩仔、油雞、切雞、紅腸及燻蹄當中可選三款燒味，叉燒肉軟多汁，甜味適中。燒腩仔皮香脆，脂肪部份甘香，瘦肉部份帶咸味。豉油雞皮滑肉嫩，惹味。

試過幾次這裏的外賣小菜，今晚就和老公一起堂食。店員服務態度，值得一讚，而且有機械人送燒味，幾得意。【秘製燒鵝】例牌都幾多的，鵝味亦算突出，皮又脆，鵝比較瘦，下面有蠟燭輕輕加熱燒鵝。【六十年華小炒皇】很多蝦乾，韮菜有點生，咀嚼不下，有很多渣，不過味道是好味的，腰果脆卜卜，送飯不錯。【XO醬海鮮炒麵】香濃的XO醬，海鮮又多，一舊舊大魚塊，又有小八爪魚，味道不會太咸和大油膩。【椒鹽鮮魷】熱辣辣新鮮出爐，出哂煙，中間鮮魷又滑溜溜很彈牙。【雪糕紅豆冰】凍冰冰的雪糕，爽。

今日放工有點累，便和同事在附近找晚餐吃，因為大家口味有點不同茶餐廳便是最後選擇夠晒包羅萬有。元旦套餐$128元旦套餐有前菜(煙三文魚沙律），湯（椰菜花忌廉湯），主菜（海鮮香辣蕃茄醬燴意粉），甜品和飲品。煙三文魚沙律的三文魚，魚肉有彈性，色澤鮮艷，口感肥美豐滿，沙律菜夠新鮮爽口，非常醒胃。忌廉湯夠Queenie入口滑溜淡淡的椰菜花，感覺清新。海鮮燴意粉很大的一碟，香濃的蕃茄醬帶一點點辣，海鮮配料多，有兩隻大蝦和青口，還有很多小青口和魷魚，意粉硬度剛好，整體味道配搭不錯。羊腩煲$158這是一人一鍋的羊腩煲，還有一籃新鮮蔬菜和白飯。看上去小小的一個煲，件數能足夠一個大男人的份量。羊腩煲裏還有冬菇和支竹作配菜，羊腩非常鮮嫩多汁，沒有任何膻味。支竹和冬菇吸盡其醬汁及羊肉精華，吃起來非常入味又香濃。羊腩煲果然是冬日必吃的補身佳品，吃完非常暖身。秘製蜜椒雞中翼$70超愛雞中翼的我對這個蜜椒雞中翼讚不絕口，整隻雞翼的外皮毫不吝嗇地沾有蜜糖的甜又有黑椒的辣，非常滋味，雞翼體積不算細隻，吃起來有口感，超級喜歡。

這間包羅萬有嘅茶餐廳坐落於唔起眼嘅新都城中心二期地面層，深受附近街坊歡迎。餐牌超多選擇，有各款燒味、鐵板、家常小炒、煲仔菜等等，總有一個啱心水❣️😋坐低有員工送上二杯水，有招乎👍🏻依家高級嘅冰室都未必有呢個服務😊天氣寒冷又咁啱推出「秘製羊腩煲」1人套餐，梗係要把握機會試吓先！一人份量都唔算好迷你，秘製湯汁味道調校得唔錯，吃到最後也不算太鹹。有多件羊腩肉質夠稔入味，配菜有馬蹄、枝竹和東菇。蔬菜籃有南瓜、唐生菜、東茹、金菇、非常豐富。孖寶二人套餐$178（自選小菜兩款+白飯+例湯+飲品）海鮮配時蔬，各款小炒、雞煲、酸菜魚等配搭多樣化。今晚就試吓酸菜魚😍今日例湯係菜乾豬肺湯，清甜潤肺，咁花功夫的例湯絕對要讚～👍🏻👍🏻小菜1: 川味老壇酸菜魚鍋茶餐廳都可以好忙咁打卡~酸菜魚用上超大圓碟，魚肉嫩滑無骨，湯底味道夠鮮，有魚湯嘅香味，亦唔會好有油唔會太鹹，酸度啱啱好。只是略嫌唔夠辣，嗜辣者可能唔夠喉😋。配料豐富，內有萵筍、大量酸菜和水晶寬粉。小菜2: 涼瓜炆排骨另一款配搭揀了「涼瓜味菜炆排骨」。煲仔勁有鑊氣，估唔到鹹酸菜配涼瓜係咁好味，排骨也炆得夠腍。👍🏻惠顧滿$168再送清炒時蔬。這碟蒜蓉白菜仔好夠

星期六可以😌訓晏啲，順延到2點後先落街食下午茶，👀見到呢間#六十年華，餐牌好多選擇，燒味個樣好皮光肉滑咁，就入去開餐先。下午茶時段的餐好抵食，我哋點左幾樣一齊分享。咖哩雞意粉🍝配熱即磨咖啡☕️，雞很多件，咖哩味正常帶點辣，撈勻意大利粉一齊好惹味。肉醬焗意粉🍝配熱即磨咖啡☕️，酸酸甜甜的調味很好，即焗即食熱辣辣好好味😋。散叫左我至想食嘅燒鵝，再雙拼叉燒，加$20轉埋鵝髀，燒鵝皮薄香脆，帶點肥膏，肉質美味，點埋酸梅醬汁更加惹味，叉燒都好香蜜味，好味推介😋。食飽飽又去行街購物囉💃。

六十年華位於新都城, 主打街坊生意, 聽講佢哋嘅燒味及晚飯小菜套餐好食兼抵食, 今年就系度做冬吧。小炒套餐$55 起, 加$10 配白飯及例湯, 其他小菜大部都係幾十蚊貨仔。餐廳裝修極新又光猛,  給顧客乾淨的感覺, 皮sofa 的坐位也十分舒服, 整體裝修時尚, 非一般的茶餐廳。仲有一人一煲羊腩及胡椒豬肚雞煲紅豆仙草凍 (跟餐加配$12）其實最想飲係嗰杯特濃雲海咖啡, 怕太激瞓唔著, 呢杯紅豆仙草凍顏值都高吖。紅豆煲得夠棉, 又香又甜, 混堆爽滑仙草, 夠冰涼。秘製燒鵝 ($138/例)無望周圍, 最多人叫既係燒味雙拼套餐, 估計佢哋啲燒味都應該唔差, 就來個燒鵝。嘩! 喜出望外, 例牌有一隻燒鵝髀呀燒鵝皮薄薄一片, 冇咩皮下脂肪, 入口脆卜卜的, 很香口, 鵝肉只帶少許肥膏, 并不多, 肉質juicy 美味, 個燒鵝汁香得黎唔鹹, 拈少許酸梅醬食, 酸酸甜甜能中和鵝油, 更好食。燒鵝用特製碟奉客, 下面有微火, 現在冬天食, 食到最後幾件, 燒鵝仍是微暖的, 鵝皮肉唔會瓊油, 茶餐廳做到這個貼心, 極抵讚!六十年華小菜王 ($75+$10轉套餐)有小炒王既地方, 我大多數會叫, 此