六合小廚 (已結業)

之前未食過呢間嘢，喺到openrice咁多人點評，感覺上都ok ，再加上我食嗰啲嘢都係好簡單 ，車仔餸呀 ，腸粉同埋好普通麵 ， 應該都唔會出字啩 ， 點知個菜真係少得有啲離譜 。所以今日重點想講，就係嗰個菜 ，價值18蚊但係就得嗰幾條， 好似有啲小氣， 其實18蚊呢嗰價錢，散點，我覺得可以畀多少少菜囉。未食齋睇個樣已經感覺唔係太好車仔餸味道都係一般， 其實就未至於要畀劣評，但係就係因為個菜 ，令到我覺得佢好似呃我錢咁 我估唔到18蚊嘅菜就係咁 。可能係出面買燒味飯搭嗰條菜可能仲會多啲。

依家疫情關係尖沙咀少咗好多遊客，所以有時假日都會去行吓食吓野😛😛今日行完海港城之後去到對面廣東道搵吓嘢食，最後就去咗呢一間可以叫餸食飯嘅六合小廚胡椒豬肚湯($98) 🍲🍲好難得會有胡椒豬肚湯，見到即刻嗌黎飲，湯個份量係好大碗，我哋兩個人每人都可以飲到三碗😆😆而且豬肚嘅份量都好多，處理得都好乾淨，飲完湯之後勁開胃🤤🤤煎蠔餅($88) 🦪🦪煎蠔餅份量又係好大碟，有5大件蠔餅，而且佢唔係剩係得粉漿，蠔仔都有好多粒，呢個價錢呢個份量性價比好高👍🏻👍🏻沙拉豬扒($88) 沙律豬扒就同平時茶餐廳嘅差唔多🍖🍖一樣都係份量十足，但豬扒有少少硬，味道酸酸甜甜送飯一流😋😋其實佢哋嘅菜式有超級多款🧆🍲🥘🍱🍛希望疫情過後可以同一大班朋友過嚟聚腳食飯啦👩🏻‍🤝‍👨🏼👩🏻‍🤝‍👨🏼

平時食太多西餐、飲太多咖啡，間唔中都想食返d香港地道小炒。最近有朋友大讚呢度的薯仔牛腩粒，咁岩去開尖沙咀做野，決定上黎食個快飯。《川味口水雞》有辣肉碎、香蔥、花生等配料，仲搭左兩條菜芯，秘製醬汁辣味十足，平時唔太食得辣既我都忍唔住食多幾件。口水雞皮薄肉多，有雞胸亦有雞髀肉，整體嫩滑惹味，如果再大碟d就好喇！《蜜椒薯仔牛腩粒 $108》最近自己都整過，知道一碟有質素的薯仔牛柳粒真係好考功夫。首先賣相無得彈，色澤吸引，薯仔同牛腩粒同樣大大件，未食已經聞到黑椒同蜜糖的香氣。薯仔炸過，外皮脆口，裏面軟熟熱辣辣，沾滿蜜糖好好食！呢度用上牛腩部位，同牛柳相比各有好食之處，牛腩肉味香濃，咬落有質感，口感軟腍入味，配搭黑椒更能夠帶出牛腩的香味。《芙蓉蛋飯 $48》下午茶餐食到午餐份量，仲送一杯餐飲，價錢黎講幾抵食。有火腿、芽菜、香蔥等配料，再混合雞蛋煎製而成，蛋算是煎得香口酥脆，可惜散開左，未能做到一整塊上碟，加埋甜豉油，再配白飯都唔錯。

因應疫情關係，好多餐廳都好早會有隔離措施，我哋去到尖沙咀行完街，又唔想食連鎖茶餐廳，喺OpenRice上面搜尋之下就搵咗呢間樓上鋪頭。我哋叫咗香煎潮式蠔仔餅，秘製沙拉豬扒同埋胡椒豬肚湯。蠔仔餅大大份，有好多隻蠔仔，足料。沙拉骨就有好多舊，肉質中等，胡椒豬肚湯，辣味就足夠，而湯底亦有好多配料。整體上呢間野不過不失啦！但要提一提嘅就係呢一間餐廳有唔記得咗七定八部冷氣而且開得好行，所以嚟到都要叫佢哋開細一點或者帶多件衫

海港城附近想對面搭電梯到6樓嘅地方竟然有間咁抵食嘅小菜餐館，唔使喺海港城食咁貴嘞。🔸口水雞🐔份量好足夠，啖啖肉無雞頭雞尾，辣味亦夠有風味，雞肉亦食唔到雪味，不過如果加多少少麻味就一流。🔹欖菜肉鬆四季豆🥦四季豆新鮮爽口，欖菜好夠味，加埋肉鬆炒得好夠穫氣，送飯一流。🍚🔸蜜糖牛腩粒炒薯仔🐮非常有新意，因為薯仔粒多數配牛柳粒，佢就用左牛腩粒，牛腩本身都炆得好淋好入味，配合埋蜜糖薯仔，勁好食。喺廣東道呢邊竟然可以搵到咁抵食又大份量嘅小菜，而且因為6樓關係都唔太多人，坐得舒服，方便傾下偈。👍🏻

尖沙咀區都有HK$38 三餸嘅車仔麵店，仲可以配搭自家包嘅多餡水餃添！⠀⠀六合小廚早餐牌有多款選擇，最得意嘅喺腸粉可以配車仔麵餸，不過茶包都喺想食湯粉麵，就嗌左一份🧂胡椒豬肚湯底，配雞翼﹑墨魚腐皮及🌽玉米水餃 米粉底。⠀⠀=ll 玉米水餃 ll=茶包覺得店家自家包嘅玉米水餃最好食，用雲吞皮包住混有玉米同豬肉嘅餡料，足料得黎又好食。⠀⠀而胡椒豬肚湯喺自家煮製，胡椒夠香，唔會過辣，入口順喉，如胡椒味更重就正！⠀⠀=|| 六合小廚 ||=📍 尖沙咀廣東道116-120號海威商業中心7樓⠀⠀⠀⠀#HK茶包日記 #茶包泡港島 #茶包泡九龍 #茶包泡新界 #hkfoodie #852girl #lovehk #foodie #訪店日記 #茶包脂肪紀錄 #hkig #hkg #NorthPoint #hkfoodblog #泰式 #hongkongfood #thefeedfeed #instafood #hkfoodie #hkfoodblogger #foodphotography #foodstyling #tea #teatasting #珍珠奶茶

茶餐廳「六合小廚」的選址，位於「港威商場」對面的「海威商業中心」，「海威商業中心」的七樓位置。像我這樣住西貢的人，直接坐巴士來到尖沙咀，再沿「廣東道」來到「海威商業中心」，坐升降機上七樓就行。恰巧我星期日下午，在西貢巴士總站坐上快線巴士，花了大約四十五分鐘時間就已經來到「天星碼頭」，然後來「廣東道」一路步行，再在「海威商業中心」來到「六合小廚」的時候，「六合小廚」電視機還在直播賽馬節目。當時我還滿心歡喜，以為終於找到和光顧到一間，不會整天只顧播放「電視新聞臺」送飯的港式茶餐廳。可惜好景不常，賽馬節目一播放完畢，「六合小廚」立刻把電視播映的頻道，倒退返回我最不想看的「新聞臺」。結果我一看見「六合小廚」餐廳裡面的電視機，終於被「六合小廚」侍應「打回原形」，馬上二話不說打開「六合小廚」的餐牌，看看有什麼食品可以供我選擇，食完就儘快結賬離開餐廳。結果我選擇了享用，「六合小廚」裡面的「車仔麵」食品。「六合小廚」的「車仔麵」之所以能夠吸收到我，皆因「六合小廚」的「車仔麵」裡面的「麵底」項目，有平日「車仔麵」少見的「銀針粉」。食「銀針粉」的好處，在於食法方便，偏向「懶人」專門的食法，只用一隻匙羹就可

廣東道哩間六合小廚，menu勁多選擇!! 哩頭其實好多西餐同cafe，反而中菜唔多。哩間算係其中CP值高的地道餐館，唔錯喎。川味口水雞今日口痕想食辣野，叫左川味口水雞! d雞肉嫰滑得夠又夠入味，好辣的人啱晒。送飯一流!!😋😋😋薑蔥魚腩熱辣辣用砂鍋上枱, 風味十足。魚腩件件一口size 啖啖肉，份量夠大!! 連d薑都吸晒味勁正，唔可以錯過。涼瓜炒蛋夠哂獲氣，涼瓜其實唔易處理，師傅炒出黎爽得黎少少甘，唔會得個苦字！又係必配白飯！😆鐘意小炒既真係好值得黎！！

好耐都無黎尖沙咀，今日係為左公事而黎，屋企人各自有著落，我只好自己一個人尖沙咀覓食。突然間好想食小炒，但夏天真係無辦法係大排檔滴住汗咁食飯，只好上樓試下呢間六合小廚。六合小廚食既野款款應有盡有，車仔麵，小炒，常餐以至早餐都有，當然最吸引我眼既當然係蜜椒土豆牛柳粒啦，加多個白飯，已經好滿足。眼未看見，個鼻已經聞到牛柳粒既香味，未食晚餐既我已經食指大動！雖然賣相唔係花巧，但係牛柳粒真係好香，咬落去啖啖肉，薯仔雖然無炸過，但無每一粒都掛住甜甜地既汗，中和番牛柳粒油膩感，一流！歡樂既時光太快，勁餓既我唔洗三兩下就KO曬，認真滿足，而家晚市仲會有7折，認真抵食，下次一定要有埋朋友過黎試多幾道菜！

今日係尖沙咀行街睇野，都行到累到想快點坐低，又想食小炒，見到呢間位於尖沙咀廣東道嘅六合小廚，唸住位於7 樓嘅小炒，質素都要有番咁上下才可吧，因都要有一定嘅口碑呢😝，上網搵下都好評多，於是就2話不說上去搵食先.叫左黯然銷魂义燒煎蛋飯-個豉油汁唔咸剛剛好，蛋汁撈埋連义燒一齊入口😘😋。口水雞- 係髀位黎，故啖啖肉，個麻辣汁好惹味.薑蔥鯇魚腩煲 - 魚係炸咗先焗，佢嘅炸粉煙un有咬口，不錯👍咁惹味嘅餸當然會飲番杯啤啤佢先夠爽啦☺️🥳

嗰日喺尖沙咀同男朋友打完壁球覺得好肚餓，佢同我講以前去過北京食過真正嘅京都豬扒。我唔信，我覺得香港都有好嘅餐廳!香港嘅京都豬扒畀佢北京食嗰隻仲好，於是我哋即刻上網搵資料去咗呢間餐廳覺得真係唔錯。京都豬扒通常越容易整嘅菜式其實就係越難整。這款京都豬扒最特別嘅地方，用料新鮮，竟然令到我男朋友食完第一碗飯好肚餓最鍾意，即係個京都豬扒好開胃好入味好醒口。帶子炒西蘭花大廚好有經驗將西蘭花炒得翠綠翠綠。 非常爽脆有口感。好期望7月份同佢打完羽毛球比賽再去呢間餐廳食一次。😘

喺尖沙咀行街，諗起朋友介紹有間樓上私房菜，一直都想試！今日終於可以試到💕同老公兩個人去撐枱腳~招牌蕃茄薯仔魚尾湯呢個係招牌湯！真係好足料，成大條魚尾放落去煲，味道都好鮮甜！薯仔同蕃茄都煲到啱啱好！真心推介👍🏻薑蔥鯇魚腩煲因為老公好鍾意食魚，我哋唔止叫左魚湯，仲叫左個魚腩煲。呢個餸真係好野味👍🏻送飯一流！啲魚腩外面炸到好脆，魚肉仲好鮮嫩😋鍾意食香口野嘅一定要試下！京都豬扒酸酸甜甜嘅味道我一向都好鍾意，今次叫咗京都豬扒，有我鍾意嘅味道，加上豬扒啖啖肉！真係好開胃好正！呢間餐廳我朋友真係冇介紹錯，下次都會再黎😋

😎話說今晚姨姨接走左Toby 同Heby去玩，難得有大好機會，我同爸爸就緊係去shopping兼食下正嘢，尖沙咀呢頭食嘢真係唔使擔心，應有盡有！上網就搵到呢間私房菜小店，食爸爸喜愛嘅中式小炒！🍤蒜蓉粉絲蒸海蝦＄188 ～呢碟係我嘅至愛，海蝦新鮮，隻隻目測約6cm，夠大隻！蒜蓉開邊蒸，方便食，蒜蓉夠入味，份量多，而且粉絲夠晒濕潤，吸晒蒜蓉同蝦嘅鮮味，必食！🐷京都豬扒$88～老公鍾意食肉，呢個豬扒份量就夠晒，酸甜味適中，豬扒夠滑，配洋蔥好香！係覺得醬汁多咗少少，個汁打少啲就完美喇！🥬椒絲腐乳炒通菜$58～對於我呢個減肥人士，好怕啲菜好油！呢度菜炒得夠香之餘，唔會成碟油👍原本想食佢個蒜蓉粉絲蒸貴妃蚌，但係原來要預訂，今次食嘅蒜蓉咁出色，下次一定要早啲訂先☺️

✨雖然未到6點鐘食晚餐時間，但係小朋友餓起上嚟，唔理幾點，都要搵野比佢食😅.上網搵到尖沙咀呢間中式菜館，有小炒、粉麵，就最啱一家大細！.招牌口水雞 ～媽媽鍾意食辣，呢款口水雞係熱嘅，個辣汁有花生、芝麻、乾蔥、乾辣椒🌶️，明顯係以辣汁浸熟雞件，雞肉好滑溜，辣味十足✨.薑蔥鯇魚腩煲～唔知有冇人好似我家爸爸咁，好怕食細魚，怕骨😅，呢款鯇魚腩就冇呢個問題喇，魚腩先炸好後，再炒上薑蔥，好香噴噴！點解好細心，用煲上，就可以keep到魚嘅熱度，咁就唔會有腥味👍.六點前食飯嘅好處，就係可以食到佢個下午茶✨車仔麵😄～有咁多材料，小B就啱哂，五餸一麵一飲品，仲係紅豆冰，都係60蚊，大大碗，好抵食，墨魚丸、芝士腸、潮州魚片、牛筋，特別要讚一讚佢個墨魚鬚，好彈牙，份量又多，一碗有成五六件添👍

肥brown趁着禮拜六日同朋友去尖沙咀shopping去行街之前當然要醫飽自己個肚, 食飽先有力血拼嫁嘛<滑蛋炒叉燒夾豬仔包配滷水雞翼辛辣麵 $36>肥brown一睇餐牌就俾佢嘅滑蛋炒叉燒夾豬仔包所吸引一大朝早可以食到份滑滑嘅蛋炒叉燒夾豬仔包真係好幸福滷水雞翼好軟爛辛辣麵上枱嘅時候係辣粉分開嘅, 大家可以按照自己嘅口味調節最啱自己嘅辣度<蕃茄濃湯雞扒銀針粉 $43>朋友就嗌咗份蕃茄濃湯雞扒銀針粉六合小廚嘅蕃茄濃湯其實係羅宋湯, 酸酸鹹鹹地都幾開胃, 而且好少餐廳面底可以揀銀針粉<鴛鴦>黎食港式早餐又想飲咖啡又想飲奶茶, 咁一杯熱鴛鴦就好啱你啦可以俾你同一時間有兩款享受<咖啡>但係肥brown就比較鍾意傳統嘅熱咖啡