六合小廚 (已結業)

今日放工喺尖沙咀同朋友見面，是但搵一間茶記食個早飯，之後再去搵嘢飲，朋友話呢度有間茶記雖然喺樓上間都好出名於是先試吓好耐冇食過切雞，於是叫咗呢個霸王雞食，份量都唔錯，而且好多蔥喺上面再叫多個蒜蓉帶子炒西蘭花，清清腸胃，雖然係茶記格局，但都找到酒樓嘅味道 最開心係呢個避風塘炒茄子，成條茄子切開炒，非常大份，而避風塘嘅炒法令到佢非常嘢未，少少辣，非常脆 ，茄子都能夠保持多汁再加多杯凍奶茶，個人醒神曬，下次有機會喺附近返工都可以再食

去尖沙咀睇完新樓盤，就去左中港城附近的六合小廚食早餐。其實早餐佢真係好多選擇，最後我地揀左呢兩款：滑蛋炒义燒夾豬仔包配滷水雞翼米粉~滑蛋义燒夾豬仔包係好食嘅，包係熱，蛋夠滑，义燒係半肥瘦，整個組合又好得喎。滷水雞翼米粉正常，滷水雞翼入味，可以再加多d色。湛江咸雞粥配腸粉~生滾粥最怕材料過生過熟，生還可以浸耐d，熟會鞋口。呢度個粥的好處係材料新鮮，上枱煮得岩岩好，雞肉不鞋，係滑嘅，連雞皮雞油落粥，配搭得宜，粥底係偏淡。早餐黎講，雞肉味咸，加埋雞油配偏淡粥底，有雞味得黎，容易入口消化。腸粉夠熱，正常口感，甜醬分開上，夠衞生。跟餐叫左一冷一熱的奶茶，奶茶係滑嘅，對我黎講，呢度茶同奶的比例岩岩好，值得讚。

今日陪朋友去Apple整電話但係中間要等一段時間，咁就喺附近搵到呢間小廚試試佢🤭秘製密招土豆牛腩粒據聞係呢度嘅招牌菜，一上枱呢有一浸甜甜嘅香味傳咗過嚟。應該係加咗蜜糖去醃製，令到薯仔同埋牛肉都鋪上一層光滑嘅質感🙈上枱嘅時候賣相好吸！咬落去呢仍然都係脆口嘅，口感好好。牛腩唔會好老，估唔到牛腩同埋薯仔可以咁夾！香煎潮式蠔仔烙蠔仔烙唔會話好多粉。佢真係真材實料，蠔仔嘅數量亦都好多！絕對唔會話係一一口咬落去全部都係粉。份量比較多適合三至四個人share食 ，兩個人真係食唔晒😚招牌闊老炒飯諗住嗌左兩個小菜叫個飯嚟中和下，炒飯粒粒分明而且材料都好多，有好多蝦肉，食起上嚟都好有鑊氣，好香口

今日過海去尖沙咀，係海港城對面一間樓上茶餐廳午飯，地點非常方便。下午茶時間，我們二人叫兩個下午茶餐分享。這裡茶餐選擇眾多，一般茶餐廳有的這裡都有。我們叫了這裡的新菜色即炒XO醬牛腩炒腸粉及沙嗲車仔四寶(魚蛋，豬皮，蘿蔔，豬紅)。即炒XO醬牛腩炒腸粉 $45即炒即上，腸粉炒得少許外脆內軟，每條沾滿XO醬，好惹味亦不算油膩，比很多酒樓炒得好!加添一些碎牛腩，半肥瘦，為腸粉增添肉味。不錯吃!沙嗲車仔四寶(魚蛋，豬皮，蘿蔔，豬紅) $34 可以叫淨四寶對我這些怕肥人仕實在是太好了。沙嗲車仔四寶大大碗，有三粒魚蛋，好多塊豬皮同豬紅，下底有不少蘿蔔。茶餐包一杯熱飲，凍飲加$2，特飲加$10。紅豆冰 $10 加配我們每人加配$10要一杯紅豆冰。紅豆冰叫了少冰，有好多粒粒紅豆，撈埋淡奶飲，甜度適中，配鹹送菜一流。我們都未吃午飯，於是多點了一個招牌牛四寶分享。招牌牛四寶 (牛腩，牛筋，牛肚，牛腸) $188份量超級大，有很多半肥瘦牛腩、不少爽滑牛肚、幾塊淋淋牛筋、一些牛腸，仲附送牛肺及牛膀，下底有很多淋淋白蘿蔔，足夠四人份量。全部食材都煮得很入味，旁邊的辣醬完全排不上用場，牛魔王必吃!加埋香菜同葱仲正!

平時出街諗唔到食咩嘅時候，最好嘅選擇當然係港式茶餐廳喇🤗揀六合小廚係因為見到佢有好多好評，而且我又想食中菜🙈如果兩個人食又唔想捻，其實食佢個二人套餐都幾抵食。有菜有肉有湯都係二百蚊鬆啲。不過我男朋友指名要食煎蠔餅，但又冇一個套餐有，所以我地唯有散叫。😞成日出街食飯都好耐無飲下湯，所以我地就叫左個蕃茄薯仔魚尾湯，沙拉豬扒同蠔餅。個魚尾湯俾我想像濃，食落就可以聞到魚湯底嘅鮮味，配上番茄同薯仔都真係幾有返屋企飲住家湯嘅感覺😋沙拉豬扒同蠔餅個份量真係俾想像中大，我諗我地叫多兩個人都夠食，係尖咀來說，呢個價錢呢份量都幾抵食。我地慢慢食都食唔晒🤣蠔餅熱辣辣新鮮整好即刻上檯😍好熱，大家小心燙咀。啖啖嘅蠔仔，非常鮮甜。味道俾我上星期係潮州酒家食嘅都差唔多。沙拉豬扒就最適合送白飯，沙拉汁酸酸甜甜真係好開胃。

我們主要叫了二人套餐，今日例湯有紅蘿蔔豬骨湯，有大塊豬骨，紅蘿蔔切角，清甜，暖下胃先。蠔油菜心，菜心正氣，而且很翠綠，蠔油適量，份量足夠，菜心有甜味，補充纖維先。咖喱牛腩煲很香，咖啡黃色，微辣，牛腩肉質有紋理，食落好濃牛味，牛筋軟滑，補充膠原，薯仔燜煮得好入味，切細角，容易咬，吸收牛腩及咖哩味，咖喱汁拌飯正呀欖菜肉碎四季豆都唔錯，很大碟，四季豆很嫩，切成小段，食起上黎都容易，欖菜咸咸地，加上肉碎很滋味，肉碎都唔少，炒豆角炒得好有鑊氣。白飯都大碗，實心，食落軟熟，基本上無剩飯，清曬，最後飲返熱飲養生，我飲薑母茶，夠甜夠薑又大杯，熱檸水三片檸檬岩岩好。

朋友勁哥有份的店，聽了很久，終於都有機會試吓。常話一起約下食飯，終於都等到機會。地點當然選擇朋友勁哥主場。這間長期喺點評都有支持者又高踞榜首嘅餐廳，出奇地非常抵食，主力以港式小炒為主。最正嘅當然係人不太多，主力做熟客嘅私房菜咁。今晚過來主力吃幾個不錯嘅菜式，幾個男人飲下酒，同勁哥聚下舊。可惜當晚食唔到呢度嘅招牌菜，香辣蟹，很多客人都讚呢個香辣蟹係尖沙咀數一數二好食。不過都試咗另外幾個招牌菜式，例如秘制蜜椒薯仔牛肉粒，呢個菜式令我諗起深水埗嘅愛文生，牛肉大大件，薯仔也非常好味，件件都好腍。整隻霸王雞食下送酒，好到不行，雞肉又嫩又滑，而且非常新鮮，令我想起嘅係新加坡嘅天天海南雞，香港嘅分店當然冇咁好食。如果你熱愛重口味，辣椒炒大腸就當然要食，辣就當然夠辣，送一口威士忌，蘇格蘭嘅高地遇上四川味，正。清蒸灼蝦，開頭以為係九節蝦，不過這隻蝦的鮮甜度更高，比較小巧，前菜一流。海鮮類再嚟過蒜蓉粉絲蒸象拔蚌，呢個菜式可以說是完美，展出這裏處理海鮮嘅功架。見到隔離枱食凍蟹，我地都叫咗幾隻，潮式嘅做法又點會差，但可以肯定嘅係呢度嘅海鮮水準非常高，來貨好。尾聲當然要來個豉油王炒麵，不過不失，沒有前半部份嘅菜

 尖沙咀快食攻略小炒,燒味,快餐,車仔麵呢間鋪係樓上鋪既餐廳,唔係朋友帶路都唔識餐牌有海鮮,小炒,下午茶有幾十款,都係40零蚊例如炒飯,公仔麵,粉麵,米線出奇地選擇豐富,總會搵到你想食既一款下午茶市2-6PM 車仔麵,小吃,沙律都有得食咁我地就叫左個自選多料車仔麵咖哩魷魚,蘿蔔,牛腩芝士腸,冬菇 咖哩如果再辣少少就更加好食魷魚亦夠爽口,蘿蔔夠清甜多汁牛腩算煮得軟,易咬開河粉用幼粉,夠滑身,吸飽食材既醬汁~  追加飲品紅豆冰,咸檸七~叫了一個金牌燒味拚盤配飯,配薑蔥蓉切雞,燒肉,叉燒招牌三拼 雞肉都幾嫩,燒肉皮也脆口,叉燒略欠蜜味整體上份量都好多,味道可以撈埋薑蔥食唔錯環境唔算迫,仲有分隔開款式好多,有興趣上去睇下餐牌再決定食唔食Country Man Kitchen

🔺六合小廚住家菜的味道😋😋坐落係尖沙咀 餐廳環境舒適 座位寬躺👍🏻菜式選擇多 除左小菜外仲有車仔麵同快餐價錢相宜🤑🤑.胡椒豬肚湯🥘好足料！用上豬肚、排骨、酸菜豬肚處理十分乾淨👍🏻👍🏻略嫌胡椒味不夠 如再重一點胡椒味會更惹味🤔.蘿蔔清湯牛腩煲🐮牛腩蘿蔔清甜 牛腩肉質鮮嫩軟腍唔會黐牙🤤牛腩煲湯汁鮮甜伴白飯一流🤗.帶子炒西蘭花🥦夠鑊氣👍🏻西蘭花炒得翠綠爽脆😆帶子唔算大粒但好多粒 每粒炒得剛好 不會過火👌🏻

經過尖沙咀既apple store行左一陣見都有少少肚餓就同朋友趁住假日未到晚飯既高峰時間就先食個早飯.經過旁邊既大廈,比較偏好中餐既朋友見到呢間六合小廚就上左去試試.蜜椒土豆牛腩粒,份量好大份,而且每粒薯仔粒都輕輕炸過見到薯邊都帶點微焦已經好吸引.薯仔同牛腩面上都帶點蜜餞感覺,入口好香蜜糖味先甜後鹹,後帶黑椒微辛口感.薯仔質感夠粉薯味香,牛腩入口軟腍一層層牛腩肉十分入味.避風塘茄子落足炸蒜同辣椒去炸,茄子件件都好大,外炸皮多薄身得黎炸得乾脆,入口茄子香滑又夠甜,配上避風塘爆香辣辣地好惹味.秘制口水雞充滿辣油既麻辣香,秘制口水汁滲晒入雞肉內好入味,辣得黎又唔會過鹹.雞肉唔會鞋口.

Trying out their new joiner deal with online dining platform based on reviews, not worth a go even cutting deeper discount. Common feeling across all 10 teammates.

車仔麵永遠係最地道的風味，尖沙咀附近這一面樓上車仔麵檔幾唔錯。車仔麵好多配料揀，選擇困難症表示好多啊😍除咗有傳統的牛雜，仲有墨魚肉春捲都好唔錯，食落似腐皮卷。牛筋彈牙有口感，唔錯！伊面底好特別，好鍾意煙韌嘅口感~湯底推薦胡椒豬肚湯，有特色亦特別滋味~老闆態度好親切好nice,坐落安靜舒服，會返黎幫襯！

係尖沙咀行完街 於是想搵個地方簡簡單單食個晚飯佢呢到好方便 係生果手機隔離既大廈一黎就飲左例湯 有料 亦都幾甜 之後就簡野食 餐牌上面選擇都幾多 樣樣都想食 就1516最後簡左蠔餅同蒜蓉蒸蝦兩個餸先講蠔餅 拎想黎真係好大塊 而且入面既蠔係好多咁大塊餅啖啖都係蠔塊餅一整好就拎出黎所以食落仲好香脆雖然都係煎炸野 但食完碟底係無油值得一讚至於蒜蓉蒸蝦 用料十足蝦既分量真係係好多 夠3-4個人食蝦已經開邊 唔係咗煩佢味到用左普通蒜同炸蒜 再加上豉油蒸出黎真係好惹味 由其鐘意食蒜蓉蝦唔止量多 而且唔會霉 應該都新鮮

有個大陸親戚喺香港做左幾年野，佢呢類人叫左港漂，喺香港講飲講食，仲在行過我地。佢拎住個大眾XX App睇有無正野食，我同佢去完Apple Store搵啲「天才」之後，佢話帶左我搭笠上去食飯，地下有姐姐派傳單添。佢本身想話食辣蟹，點知去到市價又唔平，其實似講到唔想我地叫，唔知係咪根本無貨。加上個格局好唔餐廳咁，好似有班伙記定餐廳親戚自己圍威喂坐喺圓枱食飯。職員有so我地既，但我地唔多好意思。餐廳環境衞生都幾麻麻🤢，個地同啲餐牌都好濕，癡笠笠。我想走，但個親戚話食埋先啦，一場嚟到。佢係有啲頹飯，但唔多吸引，二人套餐有幾款，但差唔多四百蚊果款先好啲，唯有叫果個。期間我睇啲餐牌，就知道其實佢係轉做遊客生意，特別係中國內地，因為又簡體字又微博😅。疑似老闆見我親戚喺大眾XX打卡，即刻埋黎嗲兩咀，熱情的，仲有意無意大講敏感嘅政治顏色野，我即刻無哂胃口。食個飯姐，本身都唔想分呢樣果樣，點知後尾睇返先知餐廳定向..。唉。講返食物，份量係多，用料正常，但烹調功夫未到家，食物味道非常淡，每樣都無味。例如開邊蝦咁，我係食唔出鮮味又唔夠鹹。至於西蘭花炒帶子，帶子有幾多粒，都大粒，應該唔係冰鮮貨，但如果係咁既話，

今天晚上來到尖沙咀逛街，正值晚飯時間，便搜尋一下附近的餐廳，發現了這間樓上的茶餐廳，便來到了。　餐廳食物種類繁多，晚上以中式小炒為主。黑椒土豆牛腩粒$108，牛腩走了油，令到質感保持結實，用來佐酒，非常配合。 土豆炸得香脆，加上蜜糖和黑椒味道，更加惹味。椒絲腐乳通菜$58，鑊氣十足，香氣四溢，味道適中。口水雞$108，辣勁十足，香辣味濃，帶出了雞的味道，想不到港式茶餐廳，川菜都做得不錯。避風塘炒茄子$88，茄子被脆漿包着，保持外脆內軟，加上炸過的蒜蓉和辣椒🌶️，令到平平凡凡的茄子，變得十分出色。這𥚃的服務員態度親切，小菜有特色，非常適合三五知己共聚。