六合小廚 (已結業)

今次試下尖沙咀間樓上中菜-六合小廚，比起一般大排檔有更多食物選擇霸王雞 ($108)份量大約係半隻，好香蔥油味，雞肉好嫩滑，好入味，加埋豉油夠哂惹味，配料撈飯一流! 🤤秘製蜜椒土豆牛腩粒 ($108)十分推介! 呢個可以話係呢間餐廳的招牌菜👍 特別之處係用上較腍較貴的牛腩粒，而非牛柳粒，配上有蜜糖醬汁的薯仔，甜甜地好夾🤤 而且都食到好夠鑊氣椒絲通菜 ($58)好香的腐乳，通菜好新鮮唔會老， 廚師炒得好有鑊氣，十分好味!總括來講，呢間小菜館價錢合理，味道不錯，值得推薦👍

最近的飯聚都以西餐為多，想轉換口味食中餐。朋友介紹尖沙咀有間樓上餐廳，主打中式及港式小炒，二話不說就即刻去試。餐廳提供各式各款菜式，由港式車仔麵到鑊氣小菜，甚至私房菜也有。本身想點辣蟹套餐，但朋友不食蟹便試了餐廳的私房菜套餐。套餐有湯及四款餸菜，豐富至極。先上湯，這是餐廳招牌的胡椒豬肚湯，一大個湯碗盛著，份量超多，胡椒味夠出，咸菜和豬肚吸滿了胡椒香味，辣辣的很開胃。想不到連燒味也有，白切雞肉質意想不到的嫩滑而且有雞味，蜜汁叉燒瘦肥適中，肉質軟稔，加上是新鮮熱辣的，非常好吃！魚香茄子煲是常見的小炒，但要做到油而不膩的卻很考功夫，這間便做到了。茄子及肉碎全都沾滿了蝦醬香味，拌飯吃是沒能輸的！清蒸新鮮湯巴魚，一大條的沙巴，蒸得剛剛好，魚肉鮮甜嫩滑，加上蔥絲一起食非常惹味，友人更把魚汁拌飯吃！蒜蓉炒菜心，看似普通但菜心非常鮮甜，而且不油，最怕在外面吃的炒菜是油浸菜般的，這間做到惹味而不油膩，非常讚！餐廳每道菜都非常好吃，完全是誠意之作，雖然不太近市中心，但是很推薦這間，絕對不會失望！

朋友在中港城上班，今晚待她下班後便到附近吃晚飯，誤打誤撞走到海威附近，有職員在樓下派傳單，原來是中式餐廳，有小菜及粥粉飯吃，便上去試試。餐廳食物款式繁多，有海鮮有燒味有小菜等，可說是廳有盡有；跟朋友們點了一個晚市套餐。招牌胡椒豬肚湯，份量超多，每人至少喝了兩滿碗，胡椒味香辣而不嗆，咸菜和豬肚份量都很多，喝了很暖胃。燒味方面有蜜汁度叉而燒和白切雞，一段的燒味店吃到的燒味都冷掉了，這間真的超讚，熱燙燙非常好食，雞肉嫩滑無比，叉燒入味，肥瘦適中。蒜蓉蒸半邊蝦，份量十足，甜蒜鋪面，再淋上熟油，非常惹味，蝦肉鮮甜爽彈。魚香茄子煲是拌飯良伴，超級夠鑊氣，茄子色澤光亮，不會出現氧化的顏色。肉碎和茄子都吸收了蝦醬的味道，超好食。餐廳位置雖然不算太就腳，但可算是隱世美食，食物有水準，多走幾步來吃也很值得！

呢排尖沙咀冷清清，好多店都比平時早開門。岩岩係附近買完新電話，就係附近海威商場食埋晚餐返去。【胡椒豬肚湯】$98最近開始轉涼，有d秋風，想飲返碗暖笠笠湯水。奶白色既湯水淡淡地既胡椒味，熱辣辣夠暖胃，湯料又勁多，豬肚吾腥臭，仲有勁多排骨又軟稔，不過酸菜就好少。【蜜椒土豆牛腩粒】$108薯仔炸到d香味出哂黎，牛腩幾有肉味又吾老，唯獨是味道上偏甜左d。【魚香茄子煲】$98肉末肥肉多左d，有陣陣鹹魚香，茄子都幾有味又夠軟熟。

今天工作來到尖沙咀廣東道，在海威商業中心有好幾間食肆，我和同事來到7樓的「六合小廚」，之前來過食午餐，覺得味道不錯，現在再來試晚餐。餐牌上的食物選擇頗多，有套餐，有小菜，知道餐廳的招牌菜是辣蟹，於是心血來潮叫個辣蟹套餐。《胡椒豬肚湯》先來一鍋湯，是我最愛的豬肚湯，豬肚份量多，煮得很軟腍，胡椒味濃但不會太辣。《燒味拼盤》有雞和叉燒，叉燒半肥瘦，兩樣都很好吃。《香辣蟹》嘩！主角來了，這隻蟹很大隻，加了很多香蒜、辣椒、香蔥，見到都令人垂涎欲滴，食落更是非常惹味，果然是招牌菜。《帶子炒西蘭花》帶子鮮甜，老板一點都不吝嗇，加了很多粒帶子，西蘭花也炒得夠鑊氣。《闊佬炒飯》炒飯內有幾隻鮮蝦，飯粒炒得很乾，粒粒鮮明。

早兩日去開尖沙咀行街睇戲，之後就去搵嘢食啦，行下行下，喺Apple Store隔離見到呢一棟大廈有好多餐廳咁。我哋揀一陣，見到呢一間7樓嘅六合小廚好似都有好多選擇，又有蟹又有炒小菜，燒味等等，咁我哋就決定晒試吓啦。一上到去個老闆都好好態度咁接待我哋，睇左餐牌呢，佢有好多唔同嘅套餐，亦都有散叫，小菜，車仔麵，燒味嗰啲。我哋就揀一個，煎蠔餅，老闆強烈推薦呢個係佢哋ge招牌菜。之後仲有避風塘炒茄子同埋一個潮式炒河咁。呢三個菜好慣上台啦，每一碟個份量都好大份，真係好大份！碟碟都係熱辣辣，好香口嘅。咁特別要我講個蠔餅呢，老細真係無介紹錯，係值得一試嘅，因為佢啲蠔好大粒，煮嘅方法都好唔錯，食得出係有心機嘅嘢。有機會嚟開尖沙咀都可以一試！

住新界既我今日難得出一次尖沙咀,一直有聽聞有間風格較為港式既餐廳,,所以特意去試下佢.呢間六合小廚,由外面望入去,設計都較為地道,已有一種懷舊既感覺,好令人回味.呢到除咗生滾粥早餐,仲有車仔麵,西式早餐等等好多選擇,額外仲可以自己加小食,可以加$14,四揀一:腸粉/XO醬炒腸粉/魚肉燒賣/三絲炒米粉搭配呢到既生滾粥,簡直係完美.而我就選擇左佢既西式早餐,蓄茄濃湯豬頸肉米線,湯式清新濃郁,真係一個令人醒神既早餐,再配搭著熱檸茶入面有淡淡既檸檬清新,配搭令人回味,值得一試

便宜的中式餐廳很多，但有質素又便宜的卻就不易找，尤其在尖沙咀。不過卻算漏了樓上舖，這間六合的小店真的不錯。以燒味著名，小炒為輔的這間六合吃過幾次，最好吃的梅菜扣肉跟魚香茄子一試難忘。２個大男人，點了一個咖哩牛腩飯＋啤酒，咖哩沒有下多餘的東西，洋蔥紅蘿蔔什麼都沒有，只有薯蓉，卻是辛勁中帶香味，濃郁的薯蓉超正！牛坑腩細嫰軟滑，炆得非常稔！這個菜色配啤酒一流！燒味拼盤有切雞，燒鵝，叉燒跟豉酒雞，甜得來又好吃，又是一道配酒名菜。

After i finished my soccer game at Kowloon Park, I decided to head to Country Man Kitchen for dinner. It was located at VIP Commerical Centre, just opposite Harbour City.Their menu was very comprehensive, offering a wide range of Cantonese cuisine such as seafood, meat, vegetable, noodle and rice etc. Red bean ice milk - It was very milky and smooth, with generous portion of red bean. Red bean was chewy and sweet as well. Daily soup was cooked till very flavourful, sweet and clear. The soup abso

放工去了尖沙咀行街， 順便去Apple睇新iphone📱, 搞搞震冇幫襯之後 ,又到了晚飯時間。旁邊的商業大廈， 派傳單的姐姐非常落力😚😚 好啦見你咁落力，就幫襯下， 試下係咪真係咁好食。偶然食下中菜亦都係唔錯嘅選擇😊 呢度有好多唔同嘅海鮮 可以選擇。餐廳提供咗好多唔同嘅套餐， 最啱我呢啲選擇困難症嘅人士😁😁😁有個2人辣蟹餐勁正， 不過我今日有少少喉嚨痛，就揀啲溫和啲嘅食物。 侍應推介呢個二人餐畀我哋二人套餐明火例湯兩碗叉燒拼白切雞🐖🐥蒜蓉蒸海蝦🦐帶子炒西蘭花🔥白飯兩碗🍚🍚清茶兩杯🍵☕我最鍾意就係呢個蒜蓉蒸海蝦， 蝦肉新鮮爽口有蝦味。 蝦肉開半方便食用， 女士們就唔使驚隻手污糟啦😚😚😚帶子炒西蘭花， 帶子厚肉彈牙嫩滑， 份量十足， 最少都有十粒😍😍😍 非常足料😀西蘭花爽口 冇苦澀味👍叉燒拼白切雞， 普普通通正正常常咁啦。始終餐廳唔係主打造燒味， 有這樣的質素已經很好了。

尖沙咀開倉，於是就放工去看看。看完過對面街，看到有叔叔在樓下宣傳。看到餐牌是小炒，覺得可以，所以就跟老公上去看看。餐廳地方大，乾淨企理，坐得舒服。餐牌有很多款小菜，看到很豐富，老公隨便點了幾款。老公知道我喜歡吃辣，他點了川辣系列，叫六合毛血旺，即辣酒煮大蝦球窩。裡面有大蝦球，豬紅，豬皮，牛柏葉及魷魚等。蝦球大隻，魷魚容易咬開，兩款都爽口。豬紅入口滑滑，豬皮及牛柏葉吸收了辣汁，非常入味。加上芽菜及蔥一起，帶點酒味，整體是辣度十足，不錯。香煎潮式蠔餅烙是我的至like，賣相討好，份量很足。蠔很大隻，密度頗高，確實是真材實料。入口熱辣辣的，每一口都有蠔及香蔥的味道，煎得非常香口，好食。我想吃菜，所以就點了一個蒜蓉炒生菜。生菜不會炒得過黃，色澤依然碧綠。入口有淡淡蒜蓉味道，爽口，不太鹹，不會吃到滿口油，估不到連炒菜都這麼有鑊氣，好味。我們是飯筒，所以點了一個招牌闊佬炒飯。炒飯炒得乾身，裡面有瑤柱絲，蛋白， 菜心粒，帶子及蝦。炒飯炒到一粒粒，亦不會吃到油淋淋。菜心粒帶甜味，蝦很大隻，蝦肉結實爽口，都是甜甜的。整體有鑊氣，很香，味道很好。這裡地點方便，小炒夠鑊氣，份量很足，回頭指數都頗高。

晨早要出尖沙咀做野，梗係要食番個大早餐先啦！就係中港碼頭附近都有不少餐廳。望下樓下易拉架，六合比較有心水，就佢啦！有車仔麵，粥，腸粉，都有不少選擇。就來個粟米豬肉餃配河粉啦！揀呢個有冷熱飲品提供。如果想飲豆漿就加$7。河粉爽滑，唔會淋曬。粟米豬肉餃比想像中多粟米，唔會得一兩粒。豬肉餡豐富，唔會好鹹。豆漿就唔太甜，啱口味。同埋都幾大杯，為朝早打打氣啦～環境雖然唔會好精緻，但價錢都算親民。枱與枱之間距離適中，唔會太迫。店員都唔會好趕既，俾你睇真想食咩先幫你落單，唔會一味死催。

如果行開尖沙咀嘅朋友，一定會知道海港城對面有一個海威商業中心，入面食嘅嘢無論係價位定係款式，同海港城入面真係好唔一樣。只可以用臥虎藏龍嚟形容，好多間都好出色。-欖菜肉碎四季豆 7⃣如果鍾意食送飯嘅菜，咁你啲一定要試試呢個，份量好多都不畫下。四季豆無炒過熟而變黃，仲保持新鮮兼脆口。配埋肉碎欖菜一齊炒，超級香口同鹹香，小編最鍾意攞呢道菜撈飯。-咖哩牛腩 7⃣識食一定係食咖喱牛腩，牛腩牛筋燜得真係好鬼入味，而且份量真係唔嘢少係呢個價位。牛腩口感真係好軟嫩，牛筋充滿勁多骨膠原。-蠔油生菜 7⃣小編本身見到呢個配蠔油就覺得一般般，點知我老友話記得叫老闆攞腩汁，一齊食真係好過癮唔係講笑。

約咗妹妹去尖沙咀行街兼食晚飯， 佢話要食中菜， 我就帶佢嚟"六合小廚" 我之前試過午餐很不錯， 上到去妹妹見到個餐牌樣樣都想食😆， 阿妹愛辣點咗"毛血旺"， 我鍾意食牛點咗個"秘製黑椒土豆牛腩粒"， 再加多個香口嘢''香煎潮式蠔仔烙" 還有"巷仔柴魚花生豬骨粥" ， 仲有飯後甜品反沙芋……肥死啦！ 首先上枱毛血旺- 嘩😱！咁多料，豬紅、魷魚、蝦、木耳、 豬皮、柏葉，墨鱼及配菜…真和味，夠辣👍🏻😋再嚟秘製黑椒土豆牛腩粒,- 出面一般用牛柳粒，暮仔又會炸到乾晒， 但呢度暮仔仍然軟棉棉配埋牛腩粒原來好夾， 口感也很好又唔會乾😋蠔仔烙- 夠香口，材料又足，入口 絕對唔會一口粉漿， 蠔仔隻隻都脹卜卜，都唔細仔架……正！😋巷仔柴魚花生鹹豬骨粥- 真心推介👍🏻👍🏻， 出面真係食唔到， 粥底入口好棉， 濃濃嘅豬骨柴魚香味，佢哋有粥餐架，可以配腸粉/炒米/燒賣，我諗起都想再食😋😋😋甜品反沙芋- 做得好好，芋頭炸得剛剛好入口外面脆脆地裡面好粉，沙糖剛好包住每舊芋頭非常好， 其實我哋已經飽到上心口， 但平時好少食到，最後清哂😋😆😆😆

是日過咗澳門做野,同同事返到中港城都已經7點。就決定一齊食埋晚飯,係中港城一過馬路發現在六合小廚食地道打冷野,岩晒幾個同事一齊食。小店以地道打冷川菜形式,亦有提供車仔麵。我地三個一人揀一樣潮州煎蠔餅 打冷必食!!六合小廚的蠔餅厚身,食落煙煙韌韌唔會一味食炸粉,自我感覺無咁熱氣!!!!秘制蜜椒土豆牛腩-呢個係小店的自創小菜,絕對推薦大家必點!!將牛腩及薯仔輕輕炸香,再淋上蜜糖及大量黑椒!!甘甜中帶點微辣,送酒一流!!!小店用上牛腩代替牛柳粒,清楚見到牛肉夾著脂肪一層一層,簡直就係吞拿魚的TORO!!最後由於我地三個都係辣得之人,店長推薦我地試試小店名菜-六合毛血旺毛血旺原來係重慶的著名川菜,只係聽個名都知唔野小。一般以豬紅,牛栢葉,豬皮等雜碎為主料,老闆亦在其中加入海蝦,芽菜等增加口感用料豐盛,味道更讓我們驚喜!!真係好!辣!!但呢種辣度係會令人不得自拔,越食越多最後都係要叫返支啤酒送一送佢,獎勵吓自己一天的努力。小店每樣餸菜都份量十足,3-4人黎就岩岩好!!