影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
一行三人去開觀塘工作，lunch rush hour隨意入咗呢間有唔少選擇嘅冰室。午市餐牌大約50至$70。仲有其他常餐同埋a la carte可以叫。我哋分別叫咗個酸菜魚飯餐、雞扒飯餐，同埋常餐瑞士汁雞全翼撈丁。常餐有3隻翼、櫻花蝦炒滑蛋、牛油丹麥多士（烘底），汁另上，加埋凍OT先$53，非常抵食。係丁底麵淋身咗啲，另上汁偏甜，就麵本身唔太索汁，掛汁咁食，不過都ok，好夠汁。（以下無影到相抱歉）—酸菜魚飯—魚量好足！酸度剛好湯底偏淡味不過好餸飯嘅，係個湯嘅蘿蔔本身係醃蘿蔔，有啲得意😂—港式燒汁（橙汁嗰隻）雞扒飯—雞扒好厚肉，煎得得幾靚，其餘不太特別。值得一提，喺呢一度嘅澱粉質其實都處理得麻麻哋。面就偏腍，飯都係，同埋唔係粒粒分明。不過overall性價比都係到，唔想搵位，醫吓個肚絕對ok!
繼續閱讀
明就明 唔明就黎明 食評有真有作 從來 我只睇性價比 講真 呢個年頭 走去食啲大連鎖都成$40 個早餐落樓 仲要鞋晒口咁款既配搭 塊多士仲要唔脆既行貨 食多幾餐都頂唔順呢度$34 有沙牛麵 腸仔蛋 同啡 講真 個沙牛啲牛韌左啲 但整體是average 腸蛋都係 我反而覺得個丹麥多士 同個啡係得既 雖然未話去到燒鵝級味道 啡香唔澀口 個多士可以用好食形容 只係細塊啲（有啲餐廳都係用丹麥包 但就Hae 出）邊係脆的 包亦是新鮮的 食得出 唔post 相啦 望落都係咁上下 自己來試下 🥱🥱
繼續閱讀
這晚跟親友一起吃晚飯，一共4人，每人叫了一道菜，合共4道，包括：胡椒豬肚雞煲小炒王野菌炒牛脷椒鹽鮮魷4個白飯先來的是胡椒豬肚煲，煲身很大，而且用檯中央的電爐不斷加熱，影相時已吃了部份，所以會見到湯在滾動，材料是豐富的，但湯頭太鹹，我們要不斷加水沖淡。接續是小炒王，曾經見過網友問小炒王是什麼？其實小炒王基本上是廚師發辦，他炒什麼便吃什麼，但一般來說是韮菜花或蒜芯炒乾魷魚及蝦乾，配菜會用上甘筍、花生、腰果、菜脯等，不一而足。這晚的小炒王是用韮菜花炒乾魷魚、魷魚鬚及白飯魚乾，配菜方面用了菜脯及腰果，相比前一道菜，這道菜沒那麼鹹，但由於菜脯的緣故，味道依然偏鹹。我們彼此都覺得三鄉小炒比它出色太多了！什麼是三鄉小炒？它是一道非常地道的家鄉菜，詳情上網便可以輕易查找到。再來是野菌炒牛脷，這道菜起初以為上錯，因為碟上有一半都是茄子，根本看不見所謂野菌，經確認後才知沒上錯。原來是有菌類食材，只因色深而份量相對地少，加上牛脷切粒不是切片，而茄子數量真是多得不成比例，所以才有所誤會。味道方面，一個字形容：鹹，鹹的程度是介乎前兩道菜之間。最後是三催四請，等到前三道菜幾乎吃光才出現的椒鹽鮮魷。我從來未試過如此差勁的椒鹽鮮魷，鮮魷居然用一層厚漿粉包著來炸，而且所謂的鮮魷，淡而無味，完全不知所謂，非常非常非常差勁的出品。4道菜連4個白飯，合共4百多塊錢，味道基本上得一個字形容：鹹！完全不值。看來，我要在同區另找食肆了。
繼續閱讀
今日難得經開觀塘做嘢，就去試吓上次食過嘅六和冰室，因為上次係食夜晚嘅，所以都想睇吓晏晝會有啲咩食！去到見到隔籬枱叫咗碟酸菜魚，跟住我就望一望個Menu，估唔到竟然有個酸菜魚飯，見佢賣相咁正，梗係即刻嗌返碟試吓！真係估佢唔到個酸菜魚整得咁好食，個酸度啱啱好，最正係裏面竟然有我最愛嘅萵筍！ 六和連lunch都整得好好食，希望佢哋快啲開嚟尖沙咀，咁我就可以成日食啦！🤣🤣🫶🏻嗰杯即磨咖啡都唔錯，而且食物上枱都好快，基本上等咗唔使10分鐘！
繼續閱讀
中午觀塘成業街地下、見到有位入去坐，叫左個餐、有牛扒通粉， 多士同奄列，送餐算快，牛扒是分碟上，本來是幾好的。再黎個火腿奄列，頭2啖切開都可以，見到蛋幾滑，成啖放入口，牙齒咬到碎聲，原來是蛋殼！睇個外表正常，連雞蛋殼都有，絕對冇下次！通粉個湯好似史雲生雞湯味，食落去感覺似有油既味. 已經放棄成碗無食。
繼續閱讀
您可能會有興趣的...