冧廚 (已結業)

已經食過冧廚幾次 老闆同員工都好好服務 見到有空碟就會即刻收走 而且會推介你試唔到既嘢 又會叫你試吓自己整嘅豆腐花同布丁食物方面 雞煲可以揀唔同嘅辣度 bb辣啱晒唔食得辣啲雞好多又好入味 重要唔鞋 另外仲好推介佢哋自己整嘅皮蛋同埋雞 辣辣地好過癮！

食物唔多，服務差，全場空枱，但唔比你坐比較大的枱! 話會有好多客人嚟，十多人要坐兩張細枱! 坐得好唔舒適! 服務員唔禮貌，食物款式唔多，味道唔得，冷氣唔够，一次超唔開心的晚餐!

食過番尋味，是次叫齊人馬一心雞煲打邊爐，怎知道店員告知天氣太熱火鍋暫停停停停。唯有試試韓燒吧。坐下立馬點了微辣雞煲，確實做得不錯，夠惹味，湯底拿來打邊爐就更好了除了甜品芒果布甸必吃外，特別提提前菜，由其辣蘿蔔，好吃關於韓燒，韓燒食物都是一些已預先餣好的，確實是很普通。如喜歡調好味道的肉食朋友應該很開心，因種類是很多，連大腸也有，也算多選擇呢整體而言服務一如既往的親切，店員很友善又有效率。真心覺得打邊爐好吃過韓烤，冬天會再為了邊爐而來，等我！

雞堡可以仼加的，個雞堡好好味，啲雞好入味，又唔會好乾，不過分量就比較少，而且又冇雞翼同雞翼尖，只得啲細細粒嘅肉，不過味道唔錯我依次去佢冇得火鍋，只可以燒烤，佢啲嘢食超少選擇，啲肉嘅味道都唔太好味，佢啲熟食有魚蛋，雞腳，薯條，魚，皮蛋.....最好味係咖哩魚蛋，啲咖哩味都好好味，啲雞腳都唔錯，而且仲辣辣地，啲薯條好脆不過啲食物真係好小選擇

食左3次夜晚既雞煲都覺得認真好好味態度服務都係值得一讚!! 雞係無限加, 食左兩轉雞之後可改食打邊爐/韓燒雖然配料就唔係認真好多揀, 但係食完個雞煲已經好夠滿足所以打後都係食菜為主就夠晒先前就唔係好多人, 最近去都多到爆場睇黎想食都係要預早BOOK台LU*

哈~~~想搵間放題食，原來都唔容易!!!係屯門工廠區附近有間，雖然食物選擇唔算太多，但足夠你食到好飽好飽~~同埋不得不讚係呢度無論由廚房既廚師，樓面既，收錢既，每一個服務都好好~~~今日眼見超多唔合理既客(嚇)人，其中有一家4+1口既李生同李太，超級無理!!!講真人地唔係老馮要提供麵飯，就算無，態度同說話唔洗咁差嘛，我真係唔信你會比屎你個女吃囉！正所謂身教，真係令人擔心你地既小朋友，但廚師哥哥真係好好，突登為左佢地煮左啲飯，仲有好好服務既店員，真心欣賞你地~~~人參雞湯，超好味，我飲左兩碗3.6牛乳，有人話要食10杯，結果我地加加埋埋真係食左14杯仔，雪糕係維記香芋味，我超鍾意食左一杯，仲有冰菠蘿食左3件，雪糕糯米糍就唔掂，雞煲我地食左兩煲，超正有花膠架!!!!雞腎超好味~~一拎再拎，豬脛肉就好爽，豆腐花好好味，但要睇準時機，因為分量唔太多，一個木筒淨係得4碗

工廠區下午茶選擇不太多，所以當同事要請食Farewell下午茶時都會選擇請食冧廚下午茶，形成幾乎獨市生意，當中食品質數不免成疑。其實我一直都覺得冧廚外賣包裝處理不太好，因為實在是難以理解為何要用好多發泡膠盒去送外賣，連三文治等都喜愛用發泡膠盒多於細膠袋，造成不但佔位而且又不環保的情況。外賣炸雞脾，發泡膠盒會熱溶，見到這個熱溶情況時都會忍不住有少少擔心不太安全。油占多不脆，甚至有時會懶得去烘多士，甚或是有時烘了，但由於擺放太耐都是已經變淋了，口感不太好。經驗之談，火腿通粉是較穩定之選擇~炸魚柳配腸仔多士:炸魚柳好大塊，炸得算香脆，而且煎得亦腸仔不會太濃，剛剛好入味。火腿煎蛋通粉:煎蛋煎得幾靚，火腿切成條條絲狀，雖然通粉因等得通達時間較長的關係，而吸了少許水份，但味道仍屬不錯，所以這真係最穏陣外賣之選。

收工揸住架車，一個人肚餓想食肉，見到工廠區平價任食韓燒，推門入去問一個人受唔受理，佢話一個人淨係可以提供韓燒，都明白要佢起個鍋做雞煲都好慘，咁就入去坐低準備開餐。出面雪櫃肉類全部係已調味個隻，有菜有淨咁正常平價野冇諗住有咩要求，老老豆豆燒丸都真係幾好食，好似bbq咁，我就夾左佢做火鍋料個幾粒丸，侍應就同我講係火鍋料，我話剪開一半照燒就ok，佢就由我繼續。因為佢d調左味既肉真係超鹹，咁我就問侍應，如果冇調味既肉可唔可以叫，佢就答我話火鍋料黎，咁我以前食韓燒都中意放肥牛落板，問佢得唔得，佢就拎左一份比我。肥牛黎到，其實質素唔錯，肥瘦好平均，我落板燒左兩塊，食落口係差在冇咩牛味。食食下，突然老闆娘衝埋黎，搶走左落台個兩碟冇調味既肉（係真係衝埋黎搶咁），好差語氣咁講，邊個擺低架，安格斯牛黎架，好貴架。我即時嚇一嚇，都係一碟得四小塊既肉，你同我講咪得，駛唔駛咁大反應，好似我搶野咁，轉頭仲要企係我隔離大大聲x（唔想打粗口）入廚房鬧個侍應，係唔係唔想做，咁我就忍唔住問多句，我可唔可以睇睇餐牌，在場所有人都係$158，究竟單人可以食既野包括咩，佢就更爆咁話冇menu，佢地配好晒，我比兩個位既錢就可以食

昨晚同班朋友上去試吓，一邊燒烤，一邊嘆啤酒，見到D相有喜力，點知去到話冇，失晒預算，cut 左又無人知，鷄煲幾好味，十個人每人一舊，下一煲又要等15分鐘，燒肉爐又經常要換樽，唔夠火又浪費時間，二個小時，最後都唔夠時間食甜品，結論無下次

本來想食牛一，但第二日都會打邊爐，而且呢間完全無人唔使等位，所以我就迫朋友食呢間😂以$158黎講，食物算多元化，有韓燒、火鍋和雞煲。仲有飲品、甜品🍮、雪糕、豆腐花任食。不過以食物質素黎講，就好麻麻，我寧願佢只做一樣，但提高食物質素。韓燒食物看似選擇多，但全部都係街市質素既冷藏醃製食物，無特別和驚喜。甜品反而較多元化，有椰汁紅豆糕、芒果布丁、桂花糕、豆腐花、雪糕、菠蘿冰、雪米糍等，我反而鍾意食呢d多過韓燒🤪

昨天同一班朋友係屯門食晚飯，唔想等位同想搵個地方可以坐低慢慢傾計，所以就揀左呢間燒肉店。呢間服務好好，可能因為只有一、兩枱客既關係。不過餐廳係工廠區，正常放工就會走，所以晚市生意應該好難做。可以揀打邊爐、韓燒和雞煲。我地選了韓燒和雞煲。雞煲其實都ok，夠味同埋嫩滑。不過韓燒既食物就好一般，全部食物都係一般bbq 醃製食物既質素，我既朋友竟然話漢堡扒和午餐肉好味，你就知食物質素如何。另外，飲品、甜品🍮、雪糕、豆腐花等都係任食，我覺得呢餐最好食既係豆腐花😂😂😂，非常滑👍🏻

玉兔颱風係附近🌪帶來大風變好凍🌬最好打邊爐暖身♨️來個濃湯花膠雞🐥任飲任食二小時❣️每位實付一五八💰仲送二隻小虎蝦🐯肥牛豚肉夠肉嫩🍖肥腸冧豬勁肉爽🐽即炸嚮鈴最洒家💪🏼新鮮熱辣豆腐花🍮時間一到要埋單💸位置偏僻冇乜人🤷🏼‍♂️

食物種類唔算多，但基本嘅嘢都有，仲有少許熟食及甜品食物味道各方面都OK，蔬菜類都新鮮五位以上仲可以選擇多一個雞煲，係唔駛加錢的，味道唔錯呢間餐廳嘅食物整體水平都唔錯，唯一唔好係抽氣系統好差，非常之大嘅油煙，食完會成身都係油煙味，但呢個價錢有咁嘅食物水準，係可以值得再嚟食嘅

某天搭輕鐵經過，見到有間食肆，叫「冧廚」，上網seach一吓，原來係食韓燒⋯而且$158任飲任食，決定一試！ 今晚book了7點，一進來就感到員工態度友善，殷勤！ 食物選擇不算很多，但味道不錯,只是我愛吃的腎下了太多黑椒，辣到食不出其味道⋯豬大腸好好吃，送酒一流！多春魚亦要一讚，因為沒有像外面吃放題時，很多時都融晒雪，軟趴趴，不新鮮的樣子。尤魚好好食，但明明寫住沙爹魷魚，點解我食到是咖喱魷魚？但真的好吃其實還有熟食區，有炒飯，炒烏冬⋯而飲品選擇也不太多，但竟然有可口可樂，啤酒更是給喜力，落足本！人蔘雞湯，蔘味濃郁，好好味！有咖喱蘿蔔魚蛋，滷水翼尖甜品除了有雀巢雪糕，竟然還有冰菠蘿。咖啡糕椰汁紅荳糕，芒果布丁，桂花糕大蝦是按大人收費的人頭送的整體來說，只是略嫌肉類選擇不多，但食物及服務也是不錯的⋯而且這個價錢，也是值得的！

今日想食韓燒，得兩個人諗住搵間任食可以食多幾款。上openrice搜尋下睇下有乜嘢好介紹。竟然搵到工業區有間新開韓國燒烤任食。合晒我要求，即時去試一試😋環境尚算企理，我鍾意佢座位唔迫，因為而家好多小店為咗坐多幾個客，座位密質質，雖然價錢平但係坐得好唔舒服。呢間坐得舒服👍🏼試咗牛扒、豬扒、雞扒腸仔、冬菇、菠蘿等等食物味道好好，燒豬大腸好食😋有人蔘雞湯供應，湯有淡淡人蔘味道，一讚👍🏼仲有甜品，老闆自家製嘅紅豆糕、咖啡糕、桂花糕等等非常美味一定要食。仲有飲品種類比較特別，例如說冰糖雪梨。啤酒不是用最難飲嘅ice beer，而係喜力有點驚喜！我會再去。