冧廚 (已結業)

唔知食乜嘢好,大家可以試下呢一間,服務超水準,有賓至如歸嘅感覺,雖然食物選擇一般,但尚算中高質素質,適合一家大細又或者最舊傾偈。有冷盤,麻辣雞,無骨白雲鳳爪值得推薦,打邊爐食品選擇雖然少,但質素絕對誤差,韓燒肉類,雞煲的雞又滑又入味,甜品種類雖然少,但水準非常高,自製豆腐花好滑,奶凍好香奶味,芒果布甸有芒果肉,其實仲有個紅豆糕不過已經食唔落,因為咁多嘢好食,所以好飽飲唔到佢個人參雞湯有啲可惜。住喺屯門區嘅街坊一定要嚟試下

呢排天氣凍凍哋，成日想打邊爐去完行山之後返出屯門，又想食雞煲見到呢間幾特別，雞煲火鍋韓燒三合一放題價錢仲要唔貴，7點半前食正常價百五左右連加一入去之前覺得伏伏哋，職業病嘅我表示乜都試吓有2個選擇，5位成人起可有2個爐1. 燒烤>雞煲>火鍋2. 雞煲>火鍋>燒烤我哋揀咗第2個choice最後發覺選擇無錯最惹味係雞煲，中段火鍋可食菜清少少，最後再加少少燒烤前菜都唔錯，皮蛋好味人參雞湯真係撈到有人參，味道好足料雞煲一如以往啲雞煮過再放煲煲內件件雞件都係雞肉，而且大部份係雞髀肉，值得一讚唔會好多唔食嘅雞骨，我覺得雞骨只有雞背先最嫩滑雞煲醬都好厚好濃郁，勁惹味最正係任食放題嚟，平時雞煲都係半隻或一隻咁計呢度鍾意點添雞都得食到咁上下加湯轉火鍋淥少少菜可去一去油，食返清返啲喺雞煲同燒烤中間隔一隔舒服啲最後到燒烤，韓式燒烤模式嚟其實食到最後一個已經飽飽哋所以基本上食一兩轉已差不多夠皮以食物嚟講，火鍋同燒烤配料中規中矩反而雞煲就好惹味所以強烈建議先食雞煲免得食到最尾食唔落，錯過最好味嗰樣最有甜品有豆腐花同幾款布甸揀食完重味嘢食返甜嘢會舒服啲整體服務都唔錯，侍應會主動埋嚟睇

因為屋企人喺附近返工，黎意到呢度晚餐時段有一個驚喜，就係可以一次過滿足三個願望。呢度一個價錢可以兩小時內任食雞煲，火鍋同韓燒，加埋一都唔使$200，絕對係屯門牛街坊價，所以特地過嚟試下，雖然係工業區，但對出就有輕鐵站同巴士站，一啲都唔隔攝。我哋最先食雞煲，等上菜前試左人蔘雞湯同小食，都唔差，夠足料。雞煲夠惹味，當差不多食完時有啲後悔，因為已經有七成飽。 跟住就加湯打邊爐，食咗咁多肉，當然係食番啲菜啦，所以主力都係食蔬菜類！其實食埋菜已經好飽，但點都要體驗下韓燒😂，所以跟住都係燒蔬菜😂，同加兩條多春魚🤣。。。夠哂健康！食飽，想埋單走㗎啦！但阿哥仔叫我哋咪走住，話出豆腐花，所以我哋食多碗豆腐花先走，好滑喎，同山水豆腐花有得揮！

今日約咗朋友喺屯門食野。天氣開始凍，我哋就睇吓附近有啲咩嘢食～ 發現屯門西鐵站附近，近住建安輕鐵站，有一間食雞煲、打邊爐、韓燒嘅餐廳！我地就拿拿聲入左去食喇。🥰環境非常闊落，好多個人嚟食都可以，有大量嘅卡位，雖然係打邊爐嘅地方，但係都無咩油煙味，唔錯！唯一係廁所遠左啲🤣 不過店員都好詳細咁指引我哋廁所嘅方向～👀店員好細心咁同我地介紹，原來呢到既雞煲好出名！由於附近係工廠大廈，好多人lunch time/放咗工都會過嚟食雞煲，店員仲話如果當日冇雞煲食嘅話啲人會好唔開心添🤣 先食雞煲，再打邊鑪，最後食韓燒！🤪個雞煲真係好出色，啲雞又大舊，好滑好嫩！吸哂秘製雞煲汁，咬落去好juicy!!! 果然要黎食呀！我地好快就清哂啲雞喇😍😍之後打邊爐，個湯底好清甜，每人一舊粟米，仲出去任拎食材，基本嘅食材都有晒，包括芝士腸、各種丸、菜、餃子、響鈴、肥牛、冬菇～ 🤣🤣最後韓燒，店員好努力咁幫我地睇火，確保啲嘢食燒得啱啱好～ 有南瓜、翠玉瓜、冬菇、雞扒牛扒豬扒、菠蘿好新鮮，超甜呀！！！👅🥳呢個價錢，有咁多野，仲有自家製甜品tim呀，又食得舒服，我地都好滿意呀💓 屯門友一定要黎食喇！🤤🤤🤤

朋友請食飯，朋友話請我食三重奏，原來就係食雞煲，火鍋同韓燒，朋友帶我去左屯門工業區冧廚食，諗住價錢應該都唔平，點知原來只係$158就可以食齊3樣野。餐廳通風系統做得好好，唔會食完成身味。韓燒、火鍋配料、熟食、甜品、湯，飲品都係任飲任食雞煲未黎之前我飲左碗人蔘雞湯，人蔘雞湯味道好濃郁，無味精，飲得出好足料，我同朋友每人飲左3碗。雞煲即叫即炒，所以等左一陣有得食啦，雞件已經炒熟，所以一上枱就食得啦，入面仲有好多我至愛既洋蔥，雞件唔會有好多碎骨，而且份量都好多，雞件已經入晒味，雞汁好惹味，仲有雞件可以無限添加食完雞煲就打邊爐，我地拎左少量火鍋材料打邊爐，因為食得太多雞，已經飽飽地。打完邊爐就要韓燒一下，我地都係拎左少量配料。最後食埋個甜品就已經飽到上心口啦。由其餐廳既牛奶布丁好濃好香好滑，我地每人食左3杯。

冬天最啱就係食返個雞煲，而依間不旦有雞煲食，而且仲有2小時火鍋同燒烤放題，亦有小食、炸物同甜品放題佢嘅雞煲可以揀辣度，啲雞肉好香，佢有洋蔥、蒜頭、薑……嘅調味料，每一舊雞都好入味，雞肉肉質鮮嫩，唔會好硬好老，而且好有辣香味只要食完個雞煲之後同店員講就可以開始食火鍋燒烤，佢有好多食材可以揀，有響鈴、烏絲、廚師腸、芝士腸、餃子、烏冬、肉類、菇類......而炸物有炸薯條同炸魚皮，佢亦有湯可以仼飲。甜品有三種，牛奶布甸、芒果布甸同椰汁紅豆糕牛奶布甸嘅牛奶味唔係特別濃，但係都有牛奶味，而且唔會好甜芒果布甸入面有好多一粒粒芒果嘅果肉，口味仲有啲楊枝甘露嘅味，亦都唔會好甜椰汁紅豆糕好香椰汁味，紅豆亦都好多佢有一個特別嘅甜品就係豆腐花，佢啲豆腐花係新鮮熱辣辣，口感好滑，豆腐味好香，仲可以自己落沙糖🤤小食有6款，全部都可以仼食

朋友介紹，今日嚟到屯門嘅工廠區，發現一間任食嘅雞煲，真係好抵食，因為佢啲雞係任食，你冇聽錯絕對係任食，食完雞仲可以加雞，有大中小辣，而且雞肉質新鮮，又滑，夠晒入味啊。熟悉方面都唔差架，有我最鍾意食嘅泰式鳳爪，仲有我最鍾意嘅人蔘雞湯，甜品都唔差架選擇豐富。最重要嘅係食完雞煲，仲可以加湯落去打邊爐，唔鍾意打邊爐唔緊要，仲可以有韓燒喎，選擇豐富材料新鮮，呢一個價錢，滿足我三個享受，仲去邊度搵啊。服務員態度親切，有禮，環境舒適，唔會好迫，地方唔算好大，但係通風系統一流呀。

$158蚊雞煲，火鍋，韓燒三合一邊到搵？就係係屯門工業區啦，只係$158真係好抵食，滿足晒我地三個願望，一晚就可以享受晒，唔駛分幾日去食。除左三合一，仲有熟食、甜品、湯、飲品都係任飲任食雞煲未黎之前拎左d薯條食，仲暖暖地，好香口，加左椒鹽好惹味，食左成碟雞煲黎啦，雞件份量都幾多，雞件都係任食，雞件好滑好入味。食完雞煲就可以叫佢加湯打邊爐啦。打邊爐當然必食響鈴，索晒雞汁精華，好惹味，另外食得最多牛柏業同漢堡扒，牛柏業好爽口，一D都唔韌，仲有拎左好多盤既肥牛，如果只係食肥牛都抵返晒。打完邊爐都已經好飽，所以只係燒左小小野食就食甜品啦

冧廚一晚便可享受雞煲、火鍋及韓燒任食。餐廳裝潢簡單，座位舒服入座後先睇睇環境有咩食先，店雖然細，但抽風ok，無好大陣油煙味。燒肉櫃都幾多款，一般豬牛雞魚同蔬菜都有。熟食區炸薯條，魚皮，人參雞湯同炒飯。人參雞湯必推十分足料，飲品在雪櫃拎，樽裝水都有得選。雞煲要左BB辣，呢個辣度個人覺得剛剛好。都好入味可以無限添加正呀！雞件多肉無碎骨，肉質頗爽嫩無雪藏味，醬汁惹味白濃火鍋配料供挑選，大概有餃、丸、蔬菜、肥牛及意想不到的生蠔，雖然款式不多，但足夠食飽韓燒爐用油紙墊底，無咁黐爐有冇咁易燶。最後食埋甜品真係飽到爆啦，必推牛奶奶凍，芒果布甸。牛奶布甸牛奶味甚濃，而且非常軟滑好飽好飽，呢個價錢真係超值！

屯門又有新嘢食，例如屯門嘅工廠區，地方雖小，但係勝在五臟俱全，食物豐富，而且環境唔會好迫，坐落舒適，最重要嘅係通風系統夠晒完善，而且$158一個人，絕對超值，點解我會咁講？首先一坐低就來返個雞煲先，記住呀雞煲係任食，食完可以再叫，唔係好食得辣叫咗個小辣，雞肉十分之滑，而且即叫即做，保持新鮮嘅水準，絕對有風味，食完雞煲，仲可以加啲湯落去打邊爐，出邊嘅熟食都唔少架，有我最鍾意食嘅泰式鳳爪，而且人蔘雞湯都好歡迎架，食完雞煲，仲可以有韓燒，雖然品種唔算好多，但係勝在夠晒新鮮，呢個價錢，呢個質素，真係令人食過返尋味

這讓有甜品放題，有紅豆椰汁糕、牛奶布甸、芒果布甸♦️紅豆椰汁糕:這個紅豆椰汁糕入面係有紅豆粒，而且椰汁味都好香，味道又唔會好甜🤤♦️牛奶布甸:牛奶味唔濃，這個布甸味道比較淡，不過都有啲啲牛奶味，不過要食多幾啖先食到有小小牛奶味♦️芒果布甸:佢入面係有芒果肉粒，芒果味好香濃，而且味道仲有啲楊枝甘露嘅味🤤♦️我覺得最好味係芒果布甸😋佢有飲品放題，而且亦有燒烤同火鍋嘅食物放題😋而炸物方面有炸魚皮同薯條🍟薯條仲要係即炸的，好脆🤤佢仲有啲小食，有咖哩魚蛋、蛙蛙菜、麻辣雞、皮蛋、泰式冇骨雞腳，全部小食都係仼食的🥰甜品仲有新鮮熱嘅豆腐，啲豆腐好香好滑😋這間餐廳最重要的就係個雞煲，佢個雞煲有辣度可以自己選擇，佢個雞煲真係好出色🤤佢個雞煲啲雞口感唔會好乾好硬，佢個口感係好鬆軟的，而且好入味🤤

呢一日適逢屋企人生日，大家都話不如近近地喺屯門食一餐，網上見到工業區原來有一間食雞煲，位置唔算話太難搵，我諗餐廳平時晏晝就做工業區生幾多夜晚就改為做雞煲或者燒烤，呢排我哋7:00去到其實已經有一半滿左㗎啦，價錢非常之優惠$200都唔使就可以雞煲任食，完咗雞煲之後你仲可以揀打邊爐或者韓燒！雞煲我哋揀咗BB辣，對於我唔識得啦你講都都唔算太辣下次可以再挑戰辣，雞煲嘅雞肉質都幾滑而且份量非常多，但個人來講居然最鍾意嘅就係牛奶布甸，我成餐飯食咗起碼有五個！CP值好高嘅間餐廳！

食完雞煲打邊爐，再韓燒，三種食法，加上無敵價，每位$158加一，任食兩小時，超值！坊間食肆大部份是頭兩種食法，屯門呢間「冧廚」真係冧死街坊！先說說食物種類，在雪櫃內自助任取。火鍋材料，和韓燒材料，都在這裏。我比較喜歡蔬菜種類，菌類和蔬菜類都很多，如果是食肉獸的話，韓燒就啱曬！豬、牛、雞都有齊，只是花款就不及正宗韓燒那麼多。飲品方面，一般汽水都有，最愛當然是可口可樂，還有下火的菊花雪梨茶。雞煲一上桌可即食，喜歡他的醬汁，花椒八角味道非常香，夠乾身，雞肉掛汁夠入味，而且雞肉非常新鮮，肉質夠結實，只要不煮得太老就夠曬嫩滑了。配料還有很多洋蔥芫茜，增加雞煲的香氣，洋蔥我喜歡半生熟時吃，爽口又香甜。由於醬汁夠濃，加湯吃火鍋時，味道已經很足夠，不用再點調味料都很好吃呢！喜歡它有蠔，先煮海鮮類，讓火鍋湯底更添鮮甜味，再吃丸類、蔬菜類，吸收湯底味道。我至愛的芋絲，打邊爐一流！煮完通通都是湯底的精華，吃下又爽口滑嘟嘟的。還有用茄子打邊爐，其實它是韓燒的材料，但用來吃火鍋的話，就可以更加吃得出湯底的濃香，茄子就像在湯裏燜一樣咁入味！最精彩的韓燒，這裏的雞腎超入味，燒完爽口又香；燒雞翼當然是必吃的，這款是用

屯門友介紹呢間超抵食放題店冧廚，睇一睇價錢牌，嘩～唔係掛，有雞煲，韓燒同打邊爐三樣野加埋都係＄158一位，七點半前離座仲＄138添，抵到無朋友喎！入座後先睇睇環境有咩食先，店雖然細，但抽風ok，無好大陣油煙味。燒肉櫃都幾多款，一般豬牛雞魚同蔬菜都有。熟食區炸薯條，魚皮，人參雞湯同炒飯。仲有咖哩魚蛋，滷水牛肚，娃娃菜。另一盤有口水雞，無骨鳳爪同皮蛋，個口水汁勁正喎，呢三樣好好味，encore好多轉。飲品在雪櫃拎，如果唔想飲甜野有樽裝水，有凍有唔凍～先黎嚐嚐雞煲，要左小辣，呢個辣度個人覺得剛剛好。撈一撈已經香噴噴！雞件入味好食喎，可以無限添加正呀！同行嘅達人達人教路，食到咁上下加入青菜同茄子索一索個雞汁，唔單止啲蔬菜入曬味，仲可以出番啲水令到個汁無咁乾，咁樣整法又真係好好味噃，不禁都加咗兩次雞煲，嘩嘩，要留肚食其他㗎，哈哈。怕太飽就唔打邊爐跳去食韓燒，呢度個爐用油紙墊底，無咁黐爐有冇咁易燶。肉類蔬菜都ok啦，餃子有驚喜，皮薄餡多燒起好香口。最後食埋甜品真係飽到爆啦～甜品有豆腐花，奶凍，芒果布甸等，同行達人話有時有雪糕杯添㗎，呵呵。好飽好飽，呢個價錢真係超值！

屯門工廈區附近真係好難搵到好野食？錯啦，今日就來到冧廚呢間餐廳食好野。冧廚係一間任食雞煲，火鍋同韓國燒烤的餐廳，三合一都係收緊$158到一位，而且任食任飲都係呢個假，抵到爛啦。個雞煲夠晒味又野味，食到甘上下加水打邊爐，有好多野食可以揀，菜呀，肉呀，呢d吾少得。另外仲有甜品例如布甸，豆腐花之類，又有小食口水雞，涼菜之類，更有老火雞湯，真係好食夾抵食。特別一提里面的服務特別好，因為都係街坊幫手，特別有禮貌同人情味，同d侍應都好好傾呀，下次係呢頭做完野就知去邊醫肚好啦。