冬蔭公公 (已結業)

8月仍是暑假天，不用在家睇小朋友的功課，可以兩公婆偷閒出來撐枱腳，家住將軍澳，所以去了同區餐廳吃飯，今晚就到這家「冬蔭公公」泰國菜，環境舒適，最欣賞是卡位椅背很高，營造了私人空間，可以傾得更所欲言呢。我們二人點了一個「公公拼盤套餐」，拼盤內容豐富，有蝦餅、豬頸肉、酸辣鳳爪、沙嗲串燒蝦及沙嗲串燒雞，還包了兩杯飲品。套餐奉上時附有三種醬料:辣汁、沙爹醬 及酸甜醬，滿足我味蕾的不同要求，更讓我發揮食物與醬汁的配搭:酸甜醬 x 蝦餅🦐：咬一口蝦餅，蝦肉豐富煙靭，點甜酸醬 很惹味，醒胃之選。辣汁 x 豬頸肉🐷:豬頸肉厚薄適中，有啃頭，我個人喜歡點辣汁，刺激味蕾，刺激一下平淡的工作生活。沙爹醬 x 串燒雞🐔：雞肉經燒烤後有陣陣的BBQ香氣，拿來點沙爹醬一流。酸辣鳳爪🌿:惹味十足，辣度啱我和太太接受的程度，辣和酸取得了平衡，不錯。皇牌燒蝦👑🦐:很容易就從拼盤中看見的燒蝦，大隻蝦身燒得金黄，蝦肉爽而不硬，口感好，不點醬更原汁原味。這道拼盤$148，有齊我心水食物，更可一次嚐到甜、酸、辣，再加上2杯飲品，確實是不錯選擇。檳城炒貴刁 $72 🌝原隻大蝦及魷魚，配搭貴刁整體炒得乾身香口，沒有油膩感，不錯。

之前在東港城的商店訂了貨，今天打電話來說可提貨了，便放工後到東港城取貨並隨處逛逛。見時間不早又帶點肚餓，便決定到冬蔭公公吃晚飯。今晚點了小食拼盤及炒貴刁，小食拼盤挺"抵食"，因為包了兩杯飲料，就算點特飲也不用另外加錢。小食拼盤有豬頸肉、蝦、沙嗲雞串、、炸蝦餅、酸辣鳳爪等，份量兩人吃剛剛好。雖然豬頸肉乾了點點，但蝦及沙嗲雞串都不錯，不會太乾，還帶點肉汁。酸辣鳳爪也幾開胃。炒貴刁很有鑊氣，配料也有不少，幾好。飲料點了青檸梳打和珍多冰，不過不失，幾滿意。

同家姐周圍行行下就塭到呢間食泰國菜嘅冬蔭公公啦，7半左右到要等2張枱咁。10分鐘就入得，都幾多位入面。好肚餓就叫左個海南雞飯，海南雞份量適中，有6件左右，都幾好食，但有2舊overcooked. 小小鞋仲嗌左個馬莎拉咖哩雞扒配原味薄餅，咖哩偏甜，小小辣咁，小小失望因爲入面只有青椒個d做配菜薄餅得一塊有d小，味道正常，幾重牛油香味。甜點叫左個脆脆雪山薄餅，好大一個好抵食！入面有花生粒，砂糖同練奶，甜甜地好香口。飲品叫左珍多椰汁冰，入面有明列子嘅，好有咬口

假日下午茶時間閒逛東港城，剛巧停在這間「東蔭公公」門口，就來試試這「公公」有多辣吧！餐廳裝修色調以紅色為主，單是這紅豔的顏色足以讓人想像到湯底有多火辣！下午茶套餐不算貴，$38至$48左右。本來想試東蔭公湯麵，但天氣咁熱，最後還是打消念頭，試一試這裏的海南雞飯。海南雞飯不算貴（$48)：海南雞飯還包例湯。我另點了一小碗東蔭公湯。雞肉非常滑嫩，雞味濃郁。我喜歡點一點薑蓉和中間的酸辣醬，更惹味！喝一杯珍多椰子冰（特飲+$7）：很香濃椰子味的凍飲為炎炎夏日降溫！東蔭公很足料，兩隻大蝦🦐肉身厚實新鮮，還有蘑菇，和番茄，湯底偏甜辣。這裡的下午茶套餐相對性價比高，味道也不錯！

今晚去 o左冬蔭公公食 thai food食泰國 o野一定要食泰式炒金邊粉個 pad thai 賣相幾靚 wor酸甜度 o岩o岩好仲有兩隻蝦呢~ 開 o左邊都幾細心都幾大隻同埋 d 蝦肉都彈牙依個係泰式粉你香茅燒春雞, $58其實一 d 都唔 mini!有成支筷子 o甘長! 好抵食呢~我原本以為係好似乳鴿 o個 d 細細隻點知好大隻 ar有埋即棄手套, 可以就 o甘拎住食d 肉好嫩, 好好食有 dd 香茅味, 好有泰國風味油蔥餅 $20 有六塊, 份量都幾多入面有好多蔥好香口呢選擇好多 ga

和爸爸兩個人去撐枱腳想不到吃什麼便吃我喜歡的泰國菜吧但在將軍澳沒有太多的選擇爸爸說東港城方便那好吧看到點菜紙一點也不便宜真的是不便宜難度商場的租金真的這樣昂貴嗎？我們分別點了一碟炒麵爸爸點了乾炒牛河炒燶了我說要換掉一客但爸爸說不好(爸爸是不會浪費食物的人呀)我點了海鮮炒貴刁十分甜我明白而且了解是酸酸甜甜的味道但這客真的是太甜了吃完後我喝了一整大杯檸檬茶還喝了一杯水才感覺好一些價錢貴但好吃我是覺得值得的但價錢貴但又不好吃我覺得超級不值的😫我要哭了

真係叫"百無"叫個樣冇個樣。春雞燒到似幹柴 肉質超差。炒飯好鬼苦，魷魚又硬又無味，湯麵係味精湯。另外，員工態度隨便，一杯水都要攞好耐，叫同事直接大叫。後來問經理，仲要係客人面前嘆氣。未見過咁嘅餐廳

在坑口東港城收工，去醫肚，走過冬蔭公公，決定入去食晚飯，反正不用等位。一個人無辦法要明爐魚或辣雞煲，於是來一客牛骨湯粉。湯底是牛骨清湯，配蘿蔔，芽菜，乾蔥，蔥及芫茜。麵方面，揀了一個幼薯粉；配料呢，就揀了炸枝竹和魷魚鬚。牛骨清湯雖然名為清湯，但味道不會太淡，符合泰國菜一貫形象。蘿蔔出奇的大塊，莫明地加強飽肚感。炸枝竹一早被湯浸得淋身，不需擔心太過熱氣。魷魚鬚應該一食，柔軟口感值回票價。幼薯粉Q彈爽滑，份量充足，萬一不夠飽可以加底。額外再加餸，燒海中蝦一碟三隻，外邊有層甜醬汁，非常惹味，蝦肉十分新鮮，肉質彈牙嫩滑，有質素的來貨，而且燒烤時間火侯控制得好，即使略為昂貴，也是令人乖乖付費之作。而且侍應服務亦好，主動送來碗仔盛載蝦殼，避免狼狽。飲品是鹹青檸梳打，咸味好足，不過仍然好易入口，厭倦普通汽水的話一定要試。

今日去左家姐屋企附近食晏, 佢介紹左我試呢間冬蔭公公，反正我都唔熟路，就試下啦門口有好可愛既公公晏晝都有好多選擇家姐望都唔望就點左呢碗冬蔭公湯粉另加魚腐魚皮餃。湯底可選擇要大，中，bb辣。家姐要bb辣。個湯底酸得黎幾開胃，再加少少辣味，好惹味而我就嗌左豬軟骨米線。豬軟骨煲到夠火喉，連筋位都入口即溶。湯頭用大量骨頭煲，好甜。馬來脆雪山： 外型已經嘩嘩聲，一大片薄片pizza，入面有椰絲，砂糖，練奶，花生。好似食緊薯片咁，好脆口，食唔停口，要同小朋友爭食咁樣食先$142，下次去其他分店再試

探完婆婆就落左東港城搵野食 突然見到中學時期去開九龍灣既冬蔭公公 原來東港城刀有間 就入去試下依間水準如何雖然店名是"冬蔭公公"但由於我怕接受吾到太辣既關係 所以揀左海南雞飯泰式馳名海南雞飯(包老火例湯) $64老火例湯內有一小舊既冬瓜 林而不硬 例湯味道好清甜 能夠飲到冬瓜的味道必讚！而且咸度適中 不錯不錯！另外 雞件數量也適中 雖然無加$8轉為脾肉 但也有少許雞胸雞皮雞肉非常滑溜仲有完隻雞翼。油飯方面 雞油份量剛好 食落還有點點雞香的味道 令人回味無窮！雖然價錢對於學生比較貴 但還有不錯的老火例湯 總算是打和吧！

今天放工去將軍澳坑口探媽媽，，約左一齊晚餐，我收工入到去已經8時半，所以叫媽媽不用煑，一齊去到東港城商場睇下有乜食？行到二樓見到店名叫冬蔭公公的泰國菜館，媽媽想食海南雞飯，我也想試一下這間泰國菜餐廳食物如何？於是就入座了！泰式馳名海南雞飯：雞肉嫩滑，配三款醬汁更加惹味，油飯味道不太濃味！還有老火湯送。而且份量都幾多，低食！泰式炒金邊粉：泰國菜我一定叫尼樣，夠穫氣，炒得乾身不油膩，大蝦新鮮彈牙！味道美味可口！

今日過去將軍澳有啲嘢做，經過東港城，見佢紅色鋪面都幾吸晴，價錢合理。午市套餐都幾抵食，40-50有一個餐一個人食叫左個海南雞飯($57)，再加多$7轉特飲，試下馬來拉茶。忍唔住叫多個燒煵肉炒芥蘭苗。海南雞好滑，飯係黄油飯，超大碗，一啲都唔求其，點埋三隻醬，味道一流燒煵肉有好多塊，芥蘭苗爽口，嫩綠，新鮮，送飯啱啱好拉茶茶味香濃，叫左小甜，味道啱啱好，加$7大大杯，冰既份量好合理，仲有個師傅即場拉比你

冰慣去的美容院(其實只去按摩，不做美容)最近關閉其觀塘分店，只得改去坑口總店，也就可以借機多在將軍澳覓食了(雖然聽聞將軍澳是個「無啖好食」之地)。今次先試在美容院附近的>>>冬蔭公公<<<。大概都知道冰不嚐辣吧，怎麼竟然挑戰冬蔭公公呢？只是當刻肚子餓得懶得四周尋覓，步出美容院隨即見到冬蔭公公，亦無需輪候，便直接入座了。雖然果斷入座，但首次幫襯，還是帶點誠惶誠恐，怕自己沒看清楚餐牌，食得一殼眼淚怎麼辦 (一吃辣就眼淚鼻涕流不停)。幸好冬蔭公公很照顧冰這種盲頭烏蠅，也照顧「陪太子吃辣」的好伙伴，除了招牌冬蔭公，也有不少與辣不相干的菜式。於是，冰很安心的點了一碗泰國鮮魚湯檬粉，配搭魷魚鬚為餸。 鮮魚湯味咸香十足，加上既定配料蘿蔔、金菇菜、蔥、芫茜、芽菜及乾蔥，味道更具層次；加些肉類，整碗檬粉才更精彩，於是選擇軟滑彈牙的魷魚鬚。檬粉甚有嚼勁，質素不錯。 只吃一碗檬粉略嫌單調，所以加了一客泰式醃生蝦。 一碟共有六隻生蝦，肉質甜美，調味的生蒜、辣椒及醬汁則可按個人喜好調節。冰不嗜辣，就挑走辣椒再享用。 結帳共HKD135，不需加一，爽快利落。

今日同媽咪係東港城行完街街 好多野減價大出血 行到好攰 就坐低食晚飯 東港城都開左幾間新餐廳 但媽咪話想試下呢間冬蔭公公冬蔭公公聽個名都知佢係食泰國野架啦但原來都有其他東南亞野食揀餐牌都好多選擇 本來想飲冬蔭公 但媽媽話驚太辣 所以就放棄左啦😂最後決定叫左個飯加拼盤 拼盤會配兩杯飲品海南雞脾飯海南雞好滑 d肉好嫰呀 食落好香雞味個雞油飯都好香 落埋旁邊個辣汁撈飯仲正有碗清湯配埋 可以飲兩啖清下口入面既雞油泰式雜錦拼盤好豐富呀 有串燒蝦 炸蝦餅 沙爹雞串燒 豬頸肉 泰式鳳爪沙律 鳳爪既酸辣好入味好開胃豬頸肉燒得好香 沙爹雞既沙爹味好濃炸蝦餅入面d肉實的的 好厚身 啖啖肉呢個拼盤好滿足拼盤仲會配兩杯飲品我同媽媽都揀左咸檸梳打 飲完好爽又可以消油膩

又到周末，我和朋友約了做美容，趁未夠鐘先在商場食個晚餐。看他雙掌合一就知道是一間泰國餐廳。公公令人聯想到年長的長輩。其實它的裝潢一點也不上一代，反而充滿時代感。米白色的木櫈加上紅色的皮制椅背，天花亦以紅色為主。給人的感覺充滿熱情和活力。牛骨湯粉，配料可以自由選擇，我們按個人喜好選了牛肉和蟹柳，還加了羅白，熱湯加上蔥花，味道鮮甜可口。串燒雞肉，剛被端上枱的時候，看上去以為很辣，其實，食起來一點也不辣。香蕉味很濃，可能是即叫即整，上枱時還是熱乎乎的。煎致金黃的薄餅是帶甜的，別以為是咸的呢。微熱的糕點，弄得很軟很淋，中間層是紅豆料，個人覺得有些偏甜。若果可以輕淡，也許會更健康吧。