冰雪公主 (已結業)

呢間韓國雪冰人氣一直高企🔥甜點款式超多，有雪冰、雪糕、芭菲同多士類既甜品餐廳另外仲有幾款咸食🍝🍛🍲除左有韓國菜式，仲有意粉、薯條、全日早餐等等無論甜食定咸食，種類同款式都非常多元化另外一個吸引之處係💥💥佢地既營業模式好似樓上cafe shop咁除左食物外，仲提供左好多boardgame比人玩🃏好適合同朋友一齊黎，慢慢食住冰傾計同埋玩遊戲環境輕鬆舒適，有得玩又有得食而我同朋友簡左外賣吸引既城堡雪冰！🍨城堡雪冰 - $98呢個雪冰份量超巨型 真係成個城堡咁🏰上面所有配料都係我鐘意食既野有Oreo, 美祿波波, 焦糖爆谷, 朱古力威化,🍿🍫兩球雪糕, 仲有朱古力醬同黑白配做點綴兩個人食都唔係好食得晒 超大份食到好飽🍧 我地形容呢份係早餐因為溶左既牛奶冰加上美祿波波 就好似食緊”穀類營養早餐”咁🥣 我地已經encore過🤣🤣 好可惜之前唔記得留食評... 依加無機會再食到

這間甜品店開業都一段時間，我每次路過都好想去試，因為門口睇到啲易拉架介紹，圖片多款式又吸引，但可惜每次晚飯後食飽左，就算路過想入去都食唔落(放棄)。今次我為左想食呢款甜品店，唔食晚飯先食甜品先，入到去環境比想像中寬闊，又有遊戲玩具提供，可以比客人三五知己一齊玩。我們原本想試軟雪糕系列甜品，但因為軟雪糕機壞左，所以所有軟雪糕系列甜品都無得賣，真係好失望。最後，我們只好選擇另一系列款式，我選擇左"芒果酥皮卷配雪糕"&朋友選擇左"心太軟配雪糕"。"芒果酥皮卷配雪糕"~嘅酥皮外層係就係脆嘅，但就脆到燶底，最奇怪係…明明係焗熱脆，但我食又唔係熱嘅，感覺麻麻地。芒果就都算甜&雲呢拿雪糕有雲呢拿味。"心太軟配雪糕"~嘅朱古力流心唔夠流心，心太軟外皮太林身，而且仲有啲塔，但味道尚算OK。整體來說：一般，欠驚喜，味道尚可，質感麻麻。

如果要用一首歌形容昨日在這餐廳既情況，除了【等了又等】並無其他更貼切。在宵夜時段，這間甜品冇人去既? 唉......咁伏既野，我都選擇左入去。一入去門口哥哥玩電話中，我話「唔該!」，佢用一個猙獰的眼神回應我 :「 唔該你等等。」之後，佢帶我們去左3張檯，終於有椅可坐了。佢又說:「叫食物係要自己出cashier 處理」，這個當然冇問題la ! 但那時點解我仲唔發覺樓面係一個staff 都冇。到叫野時，我又與那玩電話哥哥一輪對話我:「心太軟ar !」哥哥:「心太軟賣晒」我:「雪花冰」哥哥:「要等45min」我:「你建議我要咩?可以唔駛咁耐又方便大家」哥哥:「雪糕機壞左，你叫芭菲la !」我:「好ar ! 就咁吧！」（點解我仲未發覺有異樣。😑）10:25pm 落單，10:45 pm 問下都唔過份吧！哥哥回應:「我地呢度咸食甜食都一個廚，所以係要等」。心諗，你一個廚，關我咩事呢！我再觀察，開始出現好多吉檯，但冇客，原來哥哥去截人ar ! 唔做生意 😢點解你頭先唔截我呢！同埋，我終於明白，點解你有咁多board game 俾人玩。再等，到11:15pm ,我既芭菲來了，佢叫我等一等，再俾隻匙羹

昨天是我第一次到這間冰雪公主食甜品，經過了很多次，但是也沒有進去。難得昨天我有空和朋友一起去。首先叫了個棉花冰，黃色的是黃豆粉，是最簡單的韓式棉花冰。面頭是有一球雪糕，是雲呢拿味的。中間有點是像年糕煙韌的物體，味道不是太甜。啲棉花冰就整得十分柔細。朋友叫了的是心太軟。不過心太軟有點倒塌，入邊的流心不是很流心，已經凝固了的。像是一個朱古力蛋糕。朱古力雪糕味道很濃郁，還有一片片的朱古力碎，味道比較偏甜。

雖然曾經有約五年時間，我因為「珠海學院」的關係而在荃灣打滾了一段時間，但是直到今日，我才發現自己根本還未了解，荃灣很多地方我原來從未去見識過。例如荃灣沙咀道，近着「大壩街」，「享和街」一帶附近的地方，原來我由進入「珠海學院」讀書直至畢業這麽多年來，竟然從未去過這地方。令一件令我覺得最驚訝的事是，原來除了旺角的「Nxn Dressert」之外，還有另一間甜品店有賣韓國雪奶甜品，甚至有「Swxxt Monster」的甜品爆谷雪糕提供，這間甜品店名稱叫做「冰雪公主」。自從試食過韓國雪奶後，我直無法忘記韓國雪奶的牛奶甜味，可惜上次在「Nxn」「不幸」遇上雪奶無法提供。自從遇上餐廳無法提供雪奶的「困境」後，之後我再沒有幫襯過「Nxn」，儘管我還是很掛念「Nxn」。「冰雪公主」開門營業時間，大約是下午三點鐘左右，所以我來到「享和街」之時，「冰室公主」還未開門營業，我惟有再在附近的地方閒逛，等待「冰雪公主」正式開門營業的一刻。「冰雪公主」內部樓面的裝修，和擺設都蠻符合韓國菜餐廳的風格，就跟我在旺角「Nxn」見過的樓面一樣。樓面近着天花板的位置，掛着一部平板電腦螢光幕，螢光幕不斷播放韓國的音樂錄影帶。

Let it go ~ let it go ~ 🎼一見到雪花就不其然諗起frozen 冰雪奇緣，雪冰系近年都幾流行，中意食Brownie既我把心一橫叫左個Brownie Snowflake ❄️最上層有大大個朱古力雪糕球，隔離就有士多啤梨做裝飾🍓非常給力啊。雪花冰食落軟綿綿，但係奶味較淡，倒是賣相吸引過味道。朱古力雪糕溶咗之後撈埋啲雪花冰一齊食比較甜，好正P.s. 場內仲有broad game可以玩，食完野吾驚有冷場。

今日去咗荃灣行街行行下覺得好熱於是上openrice睇附近有冇刨冰食！見到呢間係 openrice排第二（甜品/糖水 ）於是就去試下！走到去之後就行入去係自己揾位！呢到係快餐店形式自己行去櫃面order之後有個樓面攞俾你！（ 咁嘅形識我就唔多like）講番食物先我就叫咗自芝麻刨冰味道係好食有8分， 賣相都有7分！我朋友就叫咗個綠茶刨冰味道都係好味！有7分！呢個 賣相差咗啲得6分因為個雪榚面有好多冰粒！總括唻講地方夠大幾舒服！味道好食可以再去！

平時跟朋友在荃灣食完飯，如果想聊天的話選擇真的不多！特別是荃灣廣場附近，想去連鎖的咖啡店，但都是10時或10時半就休息！不能盡慶～最近終於發現附近的「冰雪公主」營業時間至零晨11點！所以就去試試看，原以為只有韓式甜品，沒想到原來還有正餐的！朋友點的是雪花而我叫的當然是「爆谷雪糕」$45 啦！好好好好味！不過吃到一半就已經好飽，而且因爲爆谷上有焦糖，所以也有點 ''漏'' 的感覺！不過也是值得推介的，而且營業時間對朝9晚6的人來說也很方便！跟朋友晚飯後，再來這裡邊吃甜點邊聊天也很不錯喔！

跟 3位姊妹一起走到荃灣廣場的 <翡翠拉麵小籠包> 慶祝一月壽星女生日！ 由於用餐時間只有 75分鐘！令人食得不爽無癮之下，我們食到差不多時間便埋單走！ 沒有嚐到甜品，總令大家意猶未盡！ 我建議另找一間甜品店吧！記得在上年4月尾，跟其中一位姊妹來過荃灣廣場附近的 <冰雪公主>，於是我們一行4人便走到 <冰雪公主>！食完晚飯來幫襯，店子很旺， 不乏學生幫襯！加上店方提供多款遊戲，深受不同年齡層的食客歡迎！ 所以覺得好熱鬧！相對比較嘈！這裡以半自助形式，先付款落單，然後，店員才會送上食物！**晚市每位平均消費 $30**我們四位女生見甜品不太合口味，絕大部份都是凍冰冰的甜品，就算當日是 20~24 度和暖天氣！大家都想食暖胃的甜品！有見及此，我們便放棄甜品，而選擇花茶！細心留意到茶壺有水漬，連玻璃杯也不夠整潔！我們各人以紙巾抹乾淨才敢用！洛神花杞子茶 $38/壺洛神花泡過後，色澤通紅艷麗誘人， 入口微酸，醒胃解膩！正好清一清味蕾，把剛才多肉類的晚餐去膩！恰到好處！ 況且，洛神花含有豐富花青素、黃桐素、多酚，可以養顏美容、調整血脂，具保健功效！

冰雪公主, 聽到呢個名都知係食冰架啦無啦啦呢幾日勁熱食甜品都揀番凍食既哈哈聽講呢一類甜品店喺韓國好流行,估唔到就連香港都有今次揀左食呢個,雪花冰上面鋪滿左orea碎、新鮮芒果肉、綠茶粉，同埋不同口味嘅雪糕勁大份,作為男人都覺得可以同女友SHARE食都覺得飽!!佢地既雪花冰比起外面食到既更香滑同份量比較大份除左野食, 我最欣賞既係店主完全唔驚D客人坐到2046因為佢有埋broad game租用，完全係任坐唔嬲既格局！相比起其他出名既甜品店好,其他個D食完就想你快D走咁,食都食到冇引,有時想同朋友HEA多陣吹多陣水都唔得可以同朋友傾野少少都唔怕！

想同朋友傾計，聚下舊，唔一定要去CAFE既經過呢間冰雪公主，見佢有甜品同熱食，咁就可以直落唔駛轉場啦！有幾款set，二人餐都有份小食同大食版，我同朋友今日唔多肚餓，就叫個小既，但都有一個熱食，一個小食，兩杯飲品，一個紅豆年糕雪花(小)、彩虹雪糕，係櫃台落完單，就可以返埋位傾住等，熱食原諒我無影相，講真好麻麻，韓式炒粉絲得個鹹同辣字，無咩味，反而小食幾特別，木魚花海鮮餅，幾好味店員好細心叫我地食到咁上下先叫佢上甜品，彩虹雪糕原來入面係空心架！但都好大杯，兩個人SHARE先剛好食哂，圍邊有好多綿花糖，好重雲尼拿味好味，加焦糖醬一流紅豆年糕都幾特別，口感好QQ，黃豆粉好香，雪花好軟唔會難入口；大家都認為甜品下次可以encore，但都係食左晚餐先黎了今次係星期一黎食，都幾少人，方便傾計，接近10點就開始有d年青人入黎玩下BOARD GAME，見氣氛開始變，我地都係時候走嚕真係有d懷念自己後生都有蒲cafe既日子           

其實我都幾中意食雪糕，今次黎到呢間喺荃灣嘅店，店面好大空間好光猛，一班朋友聚下都幾好，但人多嘅時候應該會幾嘈下 （笑）見到個menu有咁高嘅軟雪糕，仲話特濃牛奶味，一於試呢個啦！香濃牛奶味直頭係富豪雪糕咁款，冰感多過幼滑，極為普通，牛奶味亦唔濃。焦糖雪糕嘅焦糖似拖肥，都唔會話太甜，感覺好過香濃過牛奶少少，一樣係冰感較重，唔夠軟滑。順帶一提，店員好勁，唧到咁高，原來中間可以係空心嘅，勁啊！有幾款唔同嘅年糕多士，而我偏向獨特口味「蒜蓉年糕多士」，嘩。。。好難食啊！咸香嘅蒜蓉，配合甜而不煙un嘅年糕所產生嘅口感。。。omg ~ 好難食啊！

約了朋友在荃灣晚飯，之後當然要食番個甜品來平衡一下，朋友提議來這裡，我當然沒有異議。店內已有很多人客，相信水準也不會差吧；看到雪櫃內放有這件彩虹色的蛋糕，而且只得一件，當然叫來試試。忌廉很香滑，餅底用唔同顏色的班戟做成，有點像彩虹般色彩鮮豔，但可惜每層班戟的味道完全一樣，沒有什麼變化，而且味道淡薄，真是越食越唔想食。靚未必係好，又一實證！😖

同朋友食完飯，打算食飯後甜品，所以找了附近的糖水店，這家店店面大，裝修像是cafe，而且附帶board game可以玩，吹水聊天的好地點。因為有最低消費30蚊一個人，所以共點了百幾蚊甜品。抹茶牛奶紅豆年糕冰，抹茶味重，牛奶冰不會很甜，本身以為年糕和紅豆只有面上那些，食食下先發現冰入面都有紅豆和年糕，和淡淡的牛奶冰是perfect match！士多啤梨年糕多士，果jam很好，酸酸甜甜，多士夠脆，多士之間夾了年糕，煙煙靭靭，所以分量很足。果jam和士多啤梨的酸中和了飽膩的感覺，balance得很好。因為怕吃的東西太膩，所以花茶也是算了帶酸味的洛神花茶，酸得夠味！服務態度好，我地玩uno同海盜鬍子玩左幾耐下，店員也不會有趕客的感覺，讓我們放鬆安心地玩，下次約朋友可以考慮來這裏慢慢玩，慢慢吹水！

入左附近一間甜品鋪, 越夜越旺, 好多後生仔女.呢間甜品係半自助, 買野食要先去收銀度買, 買完坐低店員會拎黎.睇左一輪餐牌, 有個季節限定賣相唔錯, 價錢貴D但見材料都幾多都要買黎試下.原個細西瓜, 加左蒟蒻同大粒珍珠, 類似加大版既西瓜西米露.  先試一試個西瓜, 夠清涼夠凍, 少少起沙, 但唔甜好淡口, 大粒珍珠夠林, 連同蒟蒻份量亦夠多, 一路食其實都幾飽肚.  原本諗住賣相咁靚既西瓜又清甜又多汁會好解渴, 但點知有D失望係個西瓜好淡.