凱柏冰室 (已結業)

荃灣西站多了一個新場，焦點當然係激安啦，掃完貨之後去搵嘢食，落番去西站C1出口的一間冰室食飯。冰室都有海景，少見喇卦，加硬分啦! 入夜後的景色仲會更加好，千祈唔好錯過! 嚟呢度歇一歇，真係唔錯㗎!食品選揀很多，有各款常餐、碟頭飯、熱石鐵板燒等等。除此之外，想吃惹味香口的可以選揀吃喇沙米粉，或是想吃小菜的，可以選擇煲仔小菜。今日，我哋就選了一個喇沙香烤雞扒拼魚片頭湯米粉，及一個鮮茄燴豬扒煲。飲品配了一個凍檸樂，天氣炎熱，飲凍檸樂零捨覺得透心涼。另一杯係凍檸蜜，冰冰涼，飲落更多添一重滋潤感。【喇沙香烤雞扒拼魚片頭湯米粉】湯底香味濃郁。魚片頭入晒味，口感不錯。雞扒大塊而且煎得香。米粉超爽口，而且吸收晒湯汁香味，好味!【個鮮茄燴豬扒煲】個煲仔好足料，而且配埋一碟大白飯，大滿足!豬扒又多，醃得入味，而且好腍。個茄汁味道啱啱好，不會太甜或太酸。最要緊的是有好多爆香咗嘅洋蔥，汁多用來撈飯就，超正!

最近在網上看到很多雜誌傳媒介紹這間凱柏冰室，照片的環境及食品很吸引，所以專情駕車來一試。中午一時來到，看到門外已有約七八人等待量體溫入座，心急沒為意到要先取票，然後有正幫前面幾個客人量體溫約五十多歲，黑色粗框眼鏡，束馬尾的女員工跟我們說：撳飛！😑 我們便取票，等待叫號，理應我們是等位的第一張枱，但他們叫跳了一個，叫了後一號，我跟這位店員說跳了一號，店員沒應一句，然後拿來探熱槍替我們量體溫，再替我們後面的一群人量，然後拿著餐牌...自己行開了，而我們還在門口等安排，她回頭一看，見我們仍站在原地，便用個屑眼神看著我們，就像給我說：呢邊啦！那我們就跟著走。首次的eye contact! 因我們坐在房內，冷氣超強, 想點菜，沒有員工，唯有行出去找人來，見到有一位年青一點厚妝的女侍應，應也是負責帶位的，我說想落單，她：轉頭！然後有個男店員入來，但去了另一張枱幫別的枱下單...再來幫我們, 但沒關係， 只是發現這裡的員工，每一位都是黑口黑面，而且還只講單字，說話沒尾音的...禮貌欠奉！食物味道正常，沒特別亦不出眾！綜合食物質素，飲品及服務而言，翠華，太興的同類茶記比這間還優勝50％以上

海之戀自己行咗好多次，但因為今日唔想食得咁飽，所以就揀咗間冰室來做晚餐。入到去餐廳啲侍應即刻幫我哋探熱，抗疫工作做得幾好。晚餐最特別嘅係竟然有常餐食！我同媽咪嗌咗一個常餐包括丹麥麵包、丹麥餐肉、炒蛋，再加一個牛肉蕃茄米粉！再加埋飲品都係$55，真係好抵食！個人覺得佢嘅炒蛋真係炒得好滑身，而且配合埋丹麥麵包，食落去個口感同平時喺其他茶餐廳食嘅好大分別，而且更加容易入口，又唔會好乾身！最後我哋都叫埋一個鐵板燒，除咗有薯條、腸仔、火腿、粟米、配菜之外，仲可以揀多兩款嘅主食，所以我哋就叫埋西冷牛扒同雞扒。佢啲薯條揸得啱啱好而且唔會好油個人覺得佢嘅西冷牛扒肉質幾好，而雞扒都好厚身，食落去啲肉質好嫩滑。

隔左陣無黎海之戀商場發覺開左好多餐廳,行近海旁見到一間冰室人頭涌湧湧都知道唔係咁簡單,就走左入去試試,果然人跟住人潮係啱既,味道水準都好高.咖喱牛腩煲即叫既製要預多少少時間,上到枱用上砂煲上,咖喱味香濃撲鼻.牛腩份量多到足夠2個人食有餘,唔止牛腩,連薯仔份量都好滿足.先試一啖牛腩,入口肉質夠腍得黎又不失肉既咬勁,本身牛腩既牛味夠濃之餘再加上咖喱都幾入味食落好惹味.薯仔唔係切開後用水滾熟就算,真係有炸香過所以薯仔吸醬力特強,入口薯味同咖喱味同樣香濃.咖喱汁底夠濃稠唔會水汪汪,咖喱香而不辣,味道十分濃郁 經典鐵板餐中既主菜揀左西冷牛扒同吉列豬扒.吉列豬扒炸得好鬆化香脆,炸漿上既麵包糠唔會油膩又夠乾身,唔落仲帶有肉汁,冰室都有咁高水準真係超驚喜.西冷牛扒大大塊,肉質唔會被鬆肉粉搞到無晒肉既嚼口,肉夠厚入口有質感.估唔到連薯菜既薯條都咁認真地炸得脆卜卜,就算加左黑椒汁後隔左一陣都唔會變到糊晒,入口仲帶脆.

上星期同男朋友去海旁做運動，經過呢間新開既港式冰室，雖然菜式選擇唔算多，但勝在價錢算相宜，於是入嚟試一試～餐廳除咗提供平價嘅常餐，仲有小菜、喇沙湯粉同埋鐵板燒～作為食肉獸，見枱枱都叫鐵板燒，而且賣相好吸引，當然要試吓！等左唔使10分鐘，店員小心翼翼地將鐵板燒放在客人面前，並且細心提供一張餐巾以免被油濺～不得不讚呢個餐實在太抵食，我叫咗西冷牛扒、漢堡扒配黑椒汁同意粉，另外仲附送蔬菜、薯條、粟米、火腿同香腸～意粉比我想像中有咬口，最怕餐廳煮到太腍身，整體唔錯～飲品方面叫咗一杯凍檸蜜，食完油膩野當然要滋潤吓喉嚨整體來講呢度一個鐵板餐連飲品$100有找，係今時今日嘅香港性價比算很高～

早上到附近地盤做完測量工作，路經呢間餐廳，入到去睇餐牌叫咗個蔥油雞扒豬扒飯，睇個款有啲似敏華餐廳的d午餐, 但係食落啲飯爭好遠, 敏華餐牌寫明用金鳳米, 呢度啲飯好似越南米食落鞋口又硬又冇飯味，仲拍得住敏華餐廳個價錢，碟飯我爬咗三分一跟手放低，食q埋啲豬扒雞扒跟手埋單走人，希望日後有所改善

位於荃灣西站海之戀商場的「凱柏冰室」，第一間主打港式風味食物的茶餐廳。店內裝修簡潔明亮又舒適，座位寬敞咖喱牛腩煲配白飯晚市獨有的煲仔小菜都有多款選擇，呢個咖喱牛腩煲用料十足，物有所值。牛腩大大件，仲有好多舊，肥瘦適中，牛肉味濃郁，配上微微辣嘅咖哩汁簡直係絕配，送飯食一流呀經典鐵板餐鐵板有黑椒、蕃茄或咖喱汁，三款醬汁可供選擇。另外仲可以喺扒類選兩款，我就揀左香烤雞扒同牛乳炒蛋，雞扒都幾大塊，厚切的，肥美肉嫩又多汁！炒蛋唔係好嫩滑，但都充滿蛋香👍🏻伴碟仲有火腿、腸仔、粟米、薯條🍟夠哂飽肚熱奶茶淡奶同紅茶嘅比例平均，茶味香濃，入口絲滑，滿有奶香凍檸茶酸酸甜甜，冰凍解渴透心涼

我們一家人在週末多數瞓到好晏先去食野的，今次都唔例外瞓醒去海之戀到尋找餐廳食下野， 我們落車行海邊望一望竟然有間新開冰室，睇落環境唔錯，就走入去食了。叫了一個冰室至尊常餐， 牛油厚多士，牛乳炒旦拼腸仔，特濃沙嗲牛肉配出前一丁，凍可力。小食炸雞翼 下午茶餐，吉列炸豬扒配薯條凍檸檬茶魚旦喇沙配凍檸樂總結， 每款食物都大碟抵食， 喇沙湯底好濃郁魚旦夠彈牙， d米粉吸哂d湯汁，好正。 常餐豐富牛肉夠淋，一丁唔會煮得過火， 牛乳炒旦幾滑。 炸雞翼一d都唔油，外皮好酥脆內裡好滑。 個薯條另外加了味粉所以好味會追住食。呢到環境幾好，可以望住個海食。

跟朋友打算到附近逛街，於是就隨便找一家茶餐廳坐下，但東西卻驚喜地不錯，而且份量也適中，很不錯👍👍👍點了沙嗲牛肉麵，很多人說一間茶餐廳，煮沙嗲牛肉麵煮得出色，店舖就自然多人去吃，那這間的沙嗲牛肉麵，也還真的煮得不錯🤣🤣🤣牛肉夠鬆軟，吵嗲汁也味濃而不俗，而且還有很香的沙嗲味道😆雞翼也炸得頗香脆，不錯🤣而多士拼腸仔蛋，多士的牛油也足夠的，吃起來多士也香脆，腸仔亦沒煎燶，雞蛋也不會很油，整體來說，感覺也不錯，優閒的早餐😍

因為住附近，見呢度開左好多新餐廳，所以都想試下新野。見呢間冰室環境同裝修都吾錯所以決定一試，我地分別叫左個喇沙湯底嘅常餐同黑椒汁吉列豬扒飯。想講個喇沙湯底勁普通又唔濃郁，沙嗲牛肉完全冇沙嗲味， 條香腸一滴油都冇好似夾硬焗熟去上枱， 牛乳炒蛋正常 ，另外個吉列豬扒飯塊豬扒淋batbat一啲都唔吉列， 總括嚟講 簡直失敗 浪費咗個裝修同環境，食物質素求其甚差， 長此落去一定失敗。。服務態度正常。 試一次都不會再幫襯。

原來在荃灣海濱開了一間新的冰室，陽光普照面對着海，中午1、2點的時候就已經要攞籌等位。.不負所望坐到對着海的卡位！yung茶餐廳價錢望到海，真的無敵。.至尊常餐 - 奶醬多士、牛乳炒蛋拼火腿、日式吉列豬扒、田園番茄湯銀絲米線最平$55就可以有一個常餐，另外可以加錢轉其他升級食物。多士可以升級做奶醬多士，看看多到反光的奶醬，完全是邪惡的滋味。炒蛋真的很滑，火腿都有兩片，淨是這一碟side 已經可以食飽人。湯粉的番茄湯很香濃，吉列豬扒是另上，炸到好香脆。.喇沙魚片拼白魚蛋·湯銀絲米粉喇沙湯底系列也不錯，非常濃郁，有椰香厚醇的味道。白魚蛋很彈牙一共有四粒。.常餐送飲品，來一杯凍檸蜜及熱檸茶，維他命C的一天！.如果不太餓都可以叫小食，推介滑蛋餐肉三文治及炸雞翼，三文治的炒蛋十分多，炸雞翼好香酥。

當日去探姑媽同媽咪一齊去試試這間以laksa 喇沙魚片頭白魚蛋湯馳名的冰室。首先這間餐廳內裏比較溫馨,就近荃灣西 地鐵站走過來,不到十多分鐘。its convenient to location裏邊覺得服務比較周到,服務生也很樂意介紹每一道菜的特別。我同媽咪比較鍾意食啦沙。我同媽咪比較鍾意laksa魚片頭白蛋魚湯,最主要啖湯一食就知道有好多海產慢煮而成。配上我哋女生最喜愛嘅白魚蛋 簡直食到色香味俱全。口味獨特,口感一流。你餐廳可以睇到少少嘅海景真係唔錯。😊

這間冰室賣的是一般茶餐廳的傳統食物，價錢雖然比普通茶餐廳會略高一點，但這裡裝修闊落舒適，帶點懷舊感覺，如果幸運地坐於窗邊卡位，還要有一大個海景提供，十分開揚舒服。午市餐牌選擇不算太多，但有多款配撘。我選了冰室的至尊常餐，份量大，賣相不錯。先有一份厚多士，另外可加$4 轉奶醬多/丹麥多士，我選了充滿牛油香的丹麥多士，配上牛乳煎蛋拼火腿，火腿都有兩大塊。而麵類，湯底及配料都有幾款任意配撘，當中有些配撘要另外加錢的，我選了蕃茄湯通粉配香茅豬扒，香茅豬扒十分大件，如果香茅味可以重一點會更好，而通粉亦不會煮得過淋。另外點了喇沙香烤雞中翼拼魚片頭湯銀絲米粉，份量大碗，幼滑的銀絲米粉及魚片頭吸收了濃郁帶有椰汁香的喇沙湯，好味，而香烤雞中翼大隻香脆，沒有厚厚的粉漿。最後配上餐飲，他們的即磨咖啡很不錯啊。

放咗工約朋友食飯兼行街🤪今日放早，去到餐廳都只係5點幾，仲有下午茶食，於是我地一人叫咗一樣野，再share多個炸雞翼拼炸薯條下午茶餐。朋友點雞翼魚片頭米粉，我就叫冰室至尊常餐，食丹麥多士，仲有牛乳炒蛋拼丹麥午餐肉同埋香茅豬扒特濃沙嗲湯出前一丁，飲熱檸蜜。炒蛋嫩滑，唔會好鹹，由細到大都覺得佢同午餐肉一齊食係最夾既~~嗰蕃茄湯都幾濃，味道偏酸，感覺好健康，鐘意食酸野嘅朋友仔啱晒！碗粉入嚟有芽菜香茜，份量都算適中。雞翼都算幾大隻，炸得好脆，肉汁唔少，魚片頭就有兩片。炸雞翼同炸薯條都唔錯~兩杯檸蜜調校得啱啱好，唔會過甜👍用下午茶既價錢食晚餐，好抵！

去完Donki血拼之後，都六點多，落了去樓下的餐廳食晚餐，望住個海景食飯真係心情都好d。這裏有中式煲仔菜外，還有鐵板扒及常餐等，款式唔算太多。鐵板牛扒拼雞扒配黑椒汁牛扒比較薄，肉質都很腍，反而雞扒味道較好，又夠嫩滑，另外還有火腿及腸仔等，炸薯條就比較腍，黑椒汁很惹味。咖哩牛腩煲配白飯牛腩份量極多，有差不多6-7件，炆得又腍又入味，咖哩帶點微辣，薯仔又夠腍，送飯一流，整煲夠兩人分享。最後飲返杯檸樂去除辣味感。