函館元祖北海道拉麵 (已搬遷) 新店位置

上次為食海盜覺得d濃味噌拉麵得個咸字唔好味,我覺得姑且俾多一次機會佢啦!今次叫左兩個鹽味牛油拉麵, 其中一個轉套餐要炸雞。個師傅整好左個麵親自捧俾我地, 講左幾句日文,唔知佢up乜不過覺得佢幾有禮貌。個拉麵有好大件牛油0係面, 不過好快就會溶0係個湯度,個拉麵好味呀! 講唔出係點但覺得呢種就係正宗的日本拉麵! 味精唔多, 食完都唔會好口渴! 加埋有杯凍麥茶, 感覺幾好, 食完仲好飽添!呢度有好多日本人黎食架, 真係覺得好似去左日本咁~~埋單兩個人約$165, lunch來講我覺得都幾貴, 不過耐唔中食一次萛啦, 哈哈!!!

老公又有飯局，又選一樣他不大愛吃的食物- 拉麵。親愛的編輯們，請不要delete 下文這兩符號< >和當中的code 。雖說這店屬魚涌區，但事實上在太古地鐵站A出口前去較接近，即使在魚涌站前往，(千萬)ⁿ記得不要在模範里/健康村C出口出- 這個決定要一早在月台上作，不要以為可上到大堂再打算，一選了C出口就是一條不歸路。小頭這樣囉嗦，因為曾經走錯路，如果在健康村出口前往，要行約30分鐘喲<img src="http://pic.wretch.cc/icon/blog/smiley/msn/confused_smile.gif">說回這兒的拉麵，湯底曾嚐過豬骨，味噌和鹽味，豬骨和味噌味道很濃厚，味噌更可以鹹來形容(小頭個人感受，食完頗口渴)，鹽味清湯帶甜確不錯。讚同西門町大惡男所言，兩片薄燒只是配角，拉麵嘛，麵和湯應是主打，麵質QQ的有咬口，而筍和超甜粟米粒好好味，值得一試。是否正宗？小頭見識淺薄所以不知道，我只會分辨自己是否喜歡，覺得好味或是難吃。

食過幾次都仍然係咁好味試過鹽味湯底，豬骨湯底同埋味噌湯底我會比較prefer鹽味同豬骨鹽味湯底加埋牛油真係鮮味到暈小食試過炸雞，煎餃子同埋豬肉芝士腸，普通左ｄ，可以唔叫小食只恨叉燒得２塊只恨我唔係住港島區總之鍾意食北海道拉面就一定唔可以錯過唔多講，有幾好味試過咪食囉～

雖說是復活節，但工還是要開，在車上遇到舊同學，又想起會考時的一個問題：「美國在那裡」，讀地理的她竟然吱唔以對，事隔多年，又揶揄一番，「是南美吧？」，聽後，肚痛得坐不起來，若被地理老師聽到，不知作何感覺？下車後即閃入華蘭路，霸個靚位然後點個鹽湯拉麵，元祖系列，湯底配方大致相同，但各店湯底材料比重由師傅酌量調較，同一配方，味道卻有少許分別。早前試過札幌的鹽湯拉麵，味道較鹹，感覺較瀆，而這裡的鹽湯，入口清而帶醬油的鮮甜，初次來試的話，就叫個鹽湯吧。又想起某天與友人來吃拉麵，友人嫌叉燒不夠多、不夠肥、不夠香芸芸，今日再試一口，味道不錯，瘦得來亦見肉味，點點的肥脂感覺豐腴，香而不臊，是有水準的，但與叉燒相比，還是欣賞那豐富的配菜及鮮味的湯底，叉燒？配角而已。

第一次去函館元祖，我地兩個人分別要了"豬骨湯拉麵+炸雞" 同"醬油拉麵+餃子"，講真睇價錢一點都不便宜，湯麵要五十幾，加埋餃子要八十，甚至可以話伙係貴。不過當拉麵上檯時，又覺得俾八十蚊真係收番八十蚊貨，因為份量都幾大。講下麵，同平時味ｘ拉麵唔同，麵身稍粗一點，吃來很爽和彈牙，相當不錯！至於湯，豬骨湯較醬油湯鮮味，配合了荀味道很好。不過，炸雞和餃子就比較普通，炸雞更有點硬，下次可能只要湯麵，再加一兩樣其他較特別的小食會仲好。

19/3/2006想去UNI睇廚具，順道來這裡食拉麵。係努力爭取下，終於可以食到鹽味牛油拉麵。其中一位中國藉的女侍應給我倆送來2杯熱茶，二話一說要求她更換凍麥茶。鹽味配牛油真是絕配，拉麵爽口彈牙可媲美北海道的拉麵。我倆也很喜歡吃這裡的叉燒，叉燒半肥瘦、入口即溶味美非常。每次都習慣點一碗拉麵加一碟叉燒。本想要多一碟，可惜又被BF制止。只要了一客卷蛋，卷蛋微甜惟口感較粗，這道菜可以不要。還有冰凍的麥茶對於愛吃的我，老是四處吃東西；但對於BF來說，很多餐館都是初嚐。其實…我不太喜歡和他去吃飯，因為他就像醫生的手下派來監視我的飲食。

聽朋友介紹呢間拉麵店就聽得多，但覺得幾貴，不過有晚好凍，我同老婆都去試下d拉麵啦！我地叫左兩個餐，我叫左醬油拉麵+咖哩飯，老婆叫左豬骨湯拉麵+炸雞，仲試左芝士腸。d拉麵好好味，好彈牙，d配料又多，最正係夠熱，食左好耐都仲係熱辣辣。豬骨湯底好味過醬油湯底。咖哩飯好特別，開頭食甜甜地，越食越辣，不過都係少辣，好正。炸雞都好好味，d雞肉好滑，唔「鞋」口，炸到皮脆肉滑，正！個芝士腸都唔錯，不過唔夠多芝士，冇漏出黎嘅感覺。整體感覺唔錯，必定再去。

很久沒有來這裏食拉麵了，最近見Jeff來這裏食過，立刻心思思又想來，所以打算今晚便來了；忽然收到朋友的電話，他也很有興趣來一試，所以一行六人便一起來了。我們叫了鹽味拉麵、濃味味噌拉麵和鰻魚茶漬飯。鹽味拉麵- 湯底鮮甜，叉燒一咬即溶，拉麵彈牙爽口，實在好到沒有可以改良的地方，正。濃味味噌拉麵- 喜歡味噌味的朋友，相信一定會喜歡，但我就覺得鹽味比較好一點。鰻魚茶漬飯- 沒有加茶食，就和普通鰻魚飯沒有什麼分別；但加了茶和其它等醬料，味道真係非常好食；但因份量都唔少，細食的朋友真係要想清楚了。食完熱熱的拉麵，再飲回一杯冰凍的茶，真係特別的好飲。環境很有日本麵店的感覺，如果店外能夠下微微的雪花，就一定更加好feel了。

個多月前上嚟openrice 視察時,看見這間拉麵店有幾高0既評價,而且我又極愛吃拉麵,再加上係有埋牛油個隻,所以捉住男友陪我攀山涉水嚟到十年都唔嚟一次0既鍘魚涌搵了好久才找到,攪到我由興高采烈0既心情摱摱跌到落谷底,但一到舖坐低後,飲番啖凍麥茶條氣即刻順番晒,看看餐牌,其實拉麵價錢我覺得都合理,反而小食的頗昴貴,但一心嚟食都唔理得咁多,我立刻要了一個鹽味牛油拉麵,而男友則點了一個味增牛油拉麵,再叫了餃子雞翼嘩,熱騰騰的拉麵終於上枱,當然要飲頭啖湯先,我那碗的味道很清,不會太鹹,再將牛油混在湯中後更是好味,很香很香,而溶了的牛油在湯面會變成一層油封住了內裏的熱,所以吃到每一啖麵都會是熱騰騰的,很正,而义燒亦不會鞋口,很軟滑,可惜只得兩塊,另外配菜,荀,粟米粒,海帶,葱都是不錯,男友的味增湯,郤是濃味一點,就算與牛油混合了,味道不算太突出,所以本人prefer 鹽味牛油多點,雖然拉麵真的沒令我失望,但小食郤不太合胃口,雞翼是乾爭爭的,而內裏的餃子亦沒有肉汁,點了醬汁都不能補夠,可恨的是只有兩隻那麼大把,但要成五十元,太貴罷了.鹽味牛油拉麵,我一定會再來

好失望ar......拉麵同餃子都唔好食ged野食尼得又慢wo不過好大碗,食到我嘔><

之前睇飲食男女介紹呢間野開始對北海道拉麵有興趣今日終於黎左呢度食叫左個鹽味拉麵(50), 拉麵咖哩飯餐(80)同埋餃子(30)鹽味拉麵超正, d湯都差唔多俾我飲哂唔太咸, 唔太濃, 唔需要落果d七味粉添不過叉燒得2塊, 我平時都唔食牙菜, 但今次食左好多仲有大蔥, 好香~GF食果個係味淨湯底, 同Miso一樣既味個飯就普普通通, 係咖哩薯仔餃子就唔夠熱, 但都幾好味, 原來想俾5分, 就係差個餃子同個飯, 扣番一分同埋呢度個feel好似去左日本咁~waitress又nice成日黎飲茶~ 聽到師傅叫口號~ 感覺真係好似係日本食緊麵咁~haha

之前同個朋友食晏,特登走去試下,還記得想試的鹽拉麵加牛油俾佢搶先一步叫咗,今次真係要試番…………感覺同半年前沒有太大變化,老板依然笑容滿面,裝修依舊像一般的日本風味,沒有現代豪華感覺(這反而是好事)想食的鹽拉麵終於放在面前,個湯底溝埋牛油超正,拉麵又彈牙,放上面的餸菜即刻變成配角,而同行的朋友叫咗個味噌拉麵,佢都話好味過大型連鎖店,但食完都會幾口渴下,建議唔好飲咁多湯(好難取捨)!!!

態度極差!!!我o地係去幫襯ga!!!唔係欠o左佢lor!!仲以為日本人好好禮貌!!!不外如是!!!!

昨晚決定帶女友來試函館拉麵。小弟試了鹽湯底拉麵加牛油﹐煎餃子和東姑雞串﹐而她就試了豬骨湯底拉麵。拉麵絕對沒有領我失望。兩個湯底都好味﹐但我反而唔多好加牛油。我種覺得東姑雞串係CitySuper既貨品﹐因為支木條似曾相識。想食的話﹐去超市買罷了﹐平好多。煎餃子多數都係超市貨﹐不過幾好味。$20有6件﹐都合理。下次會再來﹐不過多數只會吃拉麵。

上周六, 和女友二人第二次去食函館, 叫左兩碗味濃味噌麵, 因為上次黎食, 覺得勁好味, 所以今次兩個人都食呢碗, 諗住回味一番。點知, 今次發覺味道真係好喊, d 湯都唔知點飲到。係不嬲都係咁喊? 定係今次走左手呢?今次完全走晒樣咁既......我本身都好鍾意呢度, 但今次都不得不俾個喊, 因為以咁的價錢食碗咁既味道的拉麵, 係唔值得的!