初遇

營業中

休息中

初遇自從上年去咗粉嶺食完「初遇」之後，最近發現沙田都開咗新分店，行完沙田新城市廣場，就一於去隔離好運中心去食返「初遇」，呢間台灣菜餐廳主打傳統同地道台式美食，裝修以淺木色為風格，成個餐廳潔淨光猛舒適，店員非常有禮貌，我禁完張飛仔等咗唔夠五分鐘就入得去，餐廳算大，好方便輪椅人士入去食野，沿途都係無障礙，冇一級梯級，好運中心出名多梯級，而家有呢間「初遇」咁就唔洗驚無野食啦！1.初遇川味半筋牛肉麵$79（9.5/10）呢個川味半斤筋肉麵個牛筋煮得好軟淋，牛筋都有2舊,牛肉大大舊痴牙，牛肉都有2舊，湯底有少少辣，手工麵好煙韌彈牙，仲有小唐菜同雪菜，唔夠雪菜枱面仲有一兜雪菜比你任加，整體份量真係超多，好好味！2.古早滷蜜汁排骨 配：手工麵$70（10/10）呢碗古早滷蜜汁排骨手工麵個排骨大塊到不得了，有一個成年人手掌咁大，排骨外面炸得好酥脆，經過搽咗蜜汁令到排骨少少甜，肉質都好嫩滑唔鞋，手工麵好煙韌彈牙，仲有小唐菜同雪菜，唔夠雪菜枱面仲有一兜雪菜比你任加，整體份量真係超多，好好味！3.士林鹽酥雞$38（9.5/10）呢個鹽酥雞大大粒，外脆內軟，每一啖都啖啖肉，一共大約有10舊鹽酥雞！4.芋香珍珠

屋企樓下開咗間台式餐廳記得呢間餐廳喺粉嶺有分店，試過幾好食，今次再試之前係食下午茶，今次午餐，發覺都幾好食份量好大但係覺得下午茶，性價比高啲包埋嘢飲都係大概$40至$50呢度嘅豬軟骨滷肉飯係必點豬軟骨，煙靭又口感味道濃郁，夠晒台式再加上有啲酸菜，仲有隻半熟糖心蛋性價比極高附送嘅紫菜湯都好唔錯，唔會太鹹淡淡嘅台灣味道午餐同埋夜晚都要排隊呢個係其中一個卻步嘅原因不過好識先多人排由於好近我屋企嘅關係會繼續嚟幫襯

下午茶時間見門口排晒隊再望一望餐牌…發現平均40蚊就可以食到台式下午茶 抵食！種類豐富 有三文治 台灣麵 滷肉飯等🔸花雕雞卷滷肉飯/紫菜貢丸湯/地瓜酥HKD48下午茶滷肉飯都唔細碗㗎 仲有好足料嘅滷肉花雕雞卷好濃嘅花雕酒味地瓜酥脆得嚟有啲煙韌跟餐+$8 叫咗珍珠奶茶 🧋🔹大腸麵線 配 刈包 HKD45香港好少餐廳有做刈包鬆軟嘅刈包 入面有滷肉 芫荽 酸菜完全還原到正宗台灣味！麵線都係台灣菜必食之一！大腸洗得乾淨 麵線入面有冬菇 一定要加醋食！跟餐+$8叫咗紅豆珍珠奶茶🧋

話說之前個商場翻新咗一半 好多圍板未開😶😶今次去發現個商場已經開放晒 正式啟用啦🫢🫢聽講今次有新推介 所以嚟個第三刷食好西🤓🤓同以往一樣 食物質素方面依然保持水準呢😌😌-古早肉鬆榨菜捲餅 ($42)呢款有四件捲餅 餅皮薄脆仲有好香嘅蛋味配埋滿滿嘅榨菜同肉鬆 估唔到食落係咁夾-鹽酥雞滷肉飯 配：紫菜貢丸湯及台灣香腸 ($50)單睇賣相已經無得彈 鹽酥雞炸得好香脆可口滷肉又唔會太鹹 而且飯嘅軟硬度真係啱啱好配埋我最愛食嘅溏心蛋 食落口感特別豐富啊套餐仲包埋湯小食同埋飲品 整體嘅性價比高-花雕雞卷麻辣拌麵 ($42)麵質嘅軟硬度適中 而花雕雞卷嘅肉質鮮嫩且帶一點酒香呢濃厚嘅麻辣味強烈刺激我嘅味蕾 啱晒超中意食辣嘅朋友仔-古法慢煮焢肉麻辣拌麵 ($65)焢肉嘅份量好多 件件都好大舊 仲炆得好淋身同好入味呢食落真係辣得好過癮 夠晒惹味 啱晒超中意食辣嘅朋友仔-古早冬瓜茶台灣奶茶係我最愛嘅嘢飲 奶茶味夠晒香濃

話說沙田好運中心裝修咗之後，都進駐咗好多唔同嘅新餐廳。呢間台灣嘢就每次都好墟冚😆一直都好想試吓佢，因為屋企人成日同我講佢嘅外賣好抵食🤣🤣🤣今日晚餐見唔係好多人等位，就同屋企人一齊坐低食吓啦🥢初遇小食拼盤呢個咁signature咁精緻嘅，就梗係第一眼已經諗好嗌呢個啦🤣佢呢個九宮格入面有9款唔同嘅小食，分別有鹽酥雞 牛肚 豬大腸 雞卷 滷蛋 香腸 鴨血 地瓜酥 同脆魚塊。其實我就覺得樣樣都好食嘅😆而且佢份量少，純粹比你試吓啲新嘢咁，我幾鍾意😝 食完仲有肚食其他嘢嘛🤭🥢台中脆皮雞卷拌麵呢個真係推薦大家要食！佢呢個雞卷係脆皮炸過嘅，同小食拼盤嗰個雞卷又有啲唔同。喺香港嘅台灣餐廳嚟講，雞卷算係比較少食到嘅菜式，所以我當時係好好奇。好彩佢出到嚟我都冇失望🙂‍↕️不過呢個面就真係幾辣，完全對得住佢個餐牌上面個辣椒仔🤣🥢古早滷蜜汁排骨 配手工麵呢個嘅排骨可以用驚人嚟形容🤣🤣🤣佢塊排骨真係超級大，我覺得相已經唔可以表達到佢到底有幾大塊🤣 而且係好食嘅👍🏻手工面亦唔錯，不過如果佢個排骨可以再剪開少少俾我哋嘅話就好喇🤭🥢起司肉鬆捲餅蛋餅嚟講，大家應該都唔陌生。睇張相其實可以見到佢啲餡係唔飽滿🤔所以如果以蛋餅嚟

今日同老婆去新城市食下午茶，行過見到間新開台式餐廳，又幾多人排隊等位，心諗一定有番咁上下質素，所以試下。入到去餐牌都係以台灣食物為主，我由於係晏晝時間，仲可以捉住下午茶既尾巴。不過最重要係一提，係冇加一，依樣最正。2個人叫左幾樣野share試下，好快就到。古法慢煮焢肉麻辣拌麵：慢煮焢肉真係唔同，入口即溶，一d都唔會好漏，個麻辣拌麵唔會太辣，麵既質地煙煙韌韌，好有咬口。花雕雞卷滷肉飯：花雕雞卷個花雕味剛剛好，唔會搶左雞卷個味，最重要冇酒既苦味，滷肉飯超大碗，滷肉有肥有瘦，好入味，仲有半隻溏心蛋，仲有地瓜條。蜜汁排骨滷肉飯：台灣嘅排骨，即係我哋香港人叫嘅豬扒，豬扒好大塊，醃得好入味，好Juice。Ps:每個餐都會跟一般普通嘢飲，亦可可以加錢轉其他特飲或者糖水。

長期見到門口有人等位,今日晏晝諗唔到食咩一於去試下先主打台式料理除左手工拌麵之外仲有滷肉飯同小鍋tim見佢下午茶個menu都好多選擇39蚊至到60蚊都有不過今日有啲肚餓所以就叫個套餐食套餐加8蚊就有珍珠奶茶仲包埋一碗紫菜貢丸湯古法慢煮焢肉麻辣拌麵好大碗份量十足 估唔到麻辣味好夠，愈食愈辣！正！焢肉肥瘦均勻塊皮咬落去，有溶化感覺相當入味，用黎配麵同飯都好夾拌麵口感幾好爽彈，好掛汁珍珠奶茶正常發揮不過唔記得左叫小甜呢

我今日去沙田辦事，順道約同好友去位於沙田橫壆街1-15號好運中心3樓3091-3092號舖的初遇食台式下午茶，環境舒適開揚，坐得舒服。我點左個花雕雞卷滷肉飯$48，配紫菜貢丸湯及台灣香腸；好友點左個鹽酥雞滷肉飯$50，配紫菜貢丸湯及地瓜酥；特式小食是：夜市小食拼盤（蝦吐司、地瓜酥、墾丁脆魚塊及士林夜市蟹蓋）$56，及古早肉鬆榨菜捲餅（逢甲名物）$42，餐飲係熱黑糖薑母茶（跟餐），及熱紅棗桂圓茶（跟餐）。滷肉飯十分入味及好食；紫菜湯好好飲；小食好特式，香脆又好好味；2杯餐飲好潤喉。

初遇 (沙田)沙田橫壆街1-15號好運中心3樓3091-3092號舖味道: ⭐️⭐️⭐️⭐️價錢: 💰💰抵食指數: ⭐️⭐️⭐️⭐️今日去到沙田市中心附近嘅好運中心行街，見到呢間台式餐廳門面設計非常吸引，餐牌上嘅嘢食又影得好靚，我就入去give a try🍽️✌🏻 慢煮豬軟骨滷肉飯 $48呢個set有滷肉飯同埋一碗貢丸湯加一杯飲品，個豬軟骨同滷肉都有少少甜醋味 個飯係愈食愈開胃呀🍽️🤤 tea time食呢個飯都幾合適 因為食完又唔會過飽食唔到晚飯 但又岩個個時間減少肚餓感 🔥慢烤雞腿蛋吐司 $40呢個吐司真係比💯 個包岩岩送上枱 啲雞同蛋香味直朴到個鼻到 氣味已經先贏一步🤤 其次個賣相都非常吸引 流心蛋黃 蛋黃汁由內流到出黎！好想一啖咬落去食左佢🤣 封雞腿都係 睇落去靚立立又juicy🤤 一睇就知係靚雞腿❗️食落去個口感就同視覺帶比我既感覺一樣 嫩滑既雞腿既油脂感 蛋香味又包圍住麵包 成個包既每一部分都比美味包圍🤤🤤

每次經過呢間餐廳無論平日定假期都大排長龍下午茶2點開始 大部分都係4-50蚊 冇加一 都幾抵食！-🍲麻辣什錦牛肉鍋 💰$98下午茶都有得揀火鍋！當中包括：娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、鳴門卷、青豆角每樣少少 非常豐富！當中花枝丸最為驚喜 好彈牙😆另外可以揀一個主食🍚 - 方便麵/寬條薯粉/粉絲/米飯所以一定夠飽肚~我就揀咗薯粉 索晒啲辣汁超正！而個辣醬係自己分開落 所以食得辣嘅不妨先叫咗特辣 再自己調整辣度🌶️-🍜初遇紅燒半筋半肉麵 💰$69呢個係下午茶價錢 價錢唔算平 但份量唔少的！而且包埋飲品 所以都可接受~牛筋十分軟腍 牛肉大條 但就有啲難咬開-🥛鮮奶芋泥手工芋圓 +💰$12本身其實我麻麻地芋泥 但見到有芋圓就嗌咗飲完之後令我愛上埋芋泥🥰飲落甜甜地而且令成杯飲品多一層口感-🥭愛文芒果烏龍茶 +💰$8茶味唔苦澀 有淡淡嘅芒果香

好友約我沙田下午茶，餐廳地點方便，食客頗多。我們點左 鹽酥雞滷肉飯紫菜貢丸湯紅燒牛肉麵拼古早滷肉飯麻辣牛三寶鹽酥雞滷肉飯紫菜貢丸湯$50，鹽酥雞炸得香脆、滷肉飯好味、流心蛋香滑，紫菜貢丸湯好飲、台灣香腸、蒜片，飲品：凍古早冬瓜茶好飲。紅燒牛肉麵拼古早滷肉飯 $58，麵質煙韌，牛肉麵的牛𦟌夠入味軟腍，滷肉飯好味，飲品：凍古早冬瓜茶，清甜不錯。私房麻辣牛三寶$72，（有牛腱心、牛肚、牛筋）牛𦟌軟腍可口，牛筋夠腍夠入味，金錢牛肚都不錯。

《初遇》台式餐廳，位於沙田好運中心，對住街市方向平台位置。主打傳統及地道台式美食。淺色木系装修風格，整潔光猛舒適。店員大部份都很年輕，充滿活力，而且都很有禮貌。多款下午茶套餐，價錢由$38至$56不等，種類多元化，有小食、吐司，亦有飯、麵等，呢個價錢已包飲品，或可加$8升級珍珠奶茶，真心非常抵食。另外仲有4款「初遇小鍋」套餐亦都只係$98。「初遇红燒半筋半肉麵」（$69），本想選冷泡烏龍茶，可惜售罄，唯有改選冷泡綠茶，茶味都好夠香濃。本人特別鍾愛牛肉麵要配有小唐菜同雪菜，感覺咁先夠正宗。紅燒牛肉及牛筋各有兩件，非常夠入味，湯底亦不錯。各台面更有雪菜供應客人自行再添加。「古法慢煮焢肉麻辣拌麵」（$65），附送有紫菜貢丸湯，呢個套餐價都抵食，亦包飲品一杯。拌麵較為有咬口，麻辣汁味適中，不會太辣。焢肉味帶甜。「大腸麵線」（輕量/$32），呢個係單點，麵線同大腸都好味，如果有埋蒜蓉汁就更完美了。「盬酥雞」（$38），都係單點小食，雞都有十件左右，炸得夠酥脆，吾會油淋淋。

We are a big fan of deep fried tidbits, if you are like us please make sure to try the fritters platter. There were four items, each came in a pair, served with a mayo. /Stuffed crab shell with crab meats, corns and shredded carrots, it’s so beautiful and delicious. /Golden shrimp toasts, very tasty but I wish the shrimp paste was a little thicker./Deep fried fish fillets, very crispy and went well with the mayo. /Sweet potato mochi fingers, chewy and yummy, my mom’s favourite The iced taro milk

♡‎ ♡‎‎ ♡‎ ♡ 沙田 - 初遇 ♡‎ ♡‎‎ ♡‎ ♡‎ 『 一個人的tea time 』放假啦 瞓到自然醒執下野夠鍾食下午茶☕️今日嚟到初遇呢度食下午茶估唔到2點都咁多人大約等咗十幾分鐘就有位啦呢度一個人或者兩個人都係一張枱冇搭枱安排睇吓個Menu發現下午茶，大部份都係40零至$50左右而且冇加1 ，都尚算抵食大部份都係台灣嘅特色美食，例如肉燥飯、牛肉麵、鹽酥雞等🔹T04 慢烤雞腿蛋吐司上枱見到呢個吐司都覺得好靚事關隻蛋仲有少少流心感 超吸引而且仲係熱辣辣！🔹T09 紅燒牛肉麵拼古早滷肉飯古早滷肉飯讚！！滷肉油脂夠香配埋溏心蛋 個飯100分另外嘅紅燒牛肉麵稍顯遜色湯底味道略顯單一 牛肉份量大條亦不難咬開本身下午茶包嘢飲嗌咗紅棗桂圓茶 超多紅棗加埋菊花玫瑰一齊焗所以都有啖啖菊花香氣另外一個餐就珍珠奶茶 +$8絕對不能少的台式飲料！◆*．◆*．◆*．餐廳資訊◆*．◆*．◆*．📍 初遇 (沙田)沙田橫壆街1-15號好運中心3樓3091-3092號舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#e

💠 慢烤雞腿蛋吐司🍗🍳🥪💟推介💟都幾大份，吐司好香脆，吐司入面嘅蛋係半熟蛋，蛋漿沾滿晒成份吐司，流心嘅蛋黃配埋嫩滑好入味嘅雞腿🍗好正😊💠 古早滷肉飯拼大腸麵線滷肉肥瘦適中，唔覺太油膩！仲有半隻溏心蛋😄下午茶份量一啲都唔迷你，好抵食😋麵線軟嫩濃香又唔會太稀，大腸乾淨爽口，好似台灣食嘅味道👅唔錯👍🏻💠 台南芋頭貢丸新竹米粉大大碗份量好似午餐咁😍彈牙嘅貢丸入面仲有綿密鬆軟嘅芋頭😋好清香！口感好豐富🤩配埋清甜湯底同埋新竹米粉，幾好味！💠士林蟹蓋🦀餡料好豐富，蟹蓋入面有粟米🌽紅蘿蔔🥕蔬菜同埋蟹肉😋好香口，味道鮮甜甘香😄💠冷泡亞里山烏龍清香撲鼻，濃郁茶香嘅韻味😌💠鮮奶芋泥手工芋圓芋泥唔會太甜，味道好自然😌💠鮮奶紅豆手工芋圓芋圓都幾煙韌，成杯飲品味唔會太甜😉🎀😊餐廳舒適寬敞，上菜速度快，下午茶性價比好高，份量足夠😌好抵食！餐廳店員服務態度友善，抵讚👍🏻👍🏻