初遇

營業中

休息中

粉嶺初遇近年開好多分店，去開粉嶺就試下囉！木系橫裝，每台卡位用到唔同花烏圖案，同朋一齊在這特別舒暢🥢九格小食拼盤$88一次可試哂真係very good鹽酥雞，牛肚，豬大腸，雞卷，滷蛋香腸，地瓜碟，脆魚塊，麻辣鴨血🫳🏻慢烤雞腿蛋多士$40聞落好香，咬一口滿口沙嗲味烤雞、流心蛋仲有半溶嘅芝士湧出來，真係好夾🥢麻辣定食$46呢個拌麵重份量，川辣惹味，而每台都會提供酸菜加入麵食正到刺激又醒胃，仲有台灣馳名小食鴨血、臭豆腐；小食地瓜及紫菜貢丸湯，豐富到爆燈🥤台南鳳梨烏龍茶+$8 淡然清新粒粒鳳梨好爽口🥤自家芋泥奶茶+$12淡淡芋泥滿口感真係好粉好正，唔太甜

呢間店開咗一排都仍然好多人,畢竟呢頭無乜台式嘢~今次嚟食咗花雕醉雞卷,酒味好香,如果再濃啲更好~而個手工麵嘅湯底係藥膳口味,味道唔錯~另外點咗我最愛嘅焢肉飯~睇落好肥,但食落又唔油,個皮仲煙煙韌韌,滷得好入味~薑葱油好多,亦好香,但啲油漏晒落飯底,如果分開上可能比較好~小食點咗芋泥酥,入面仲有咸蛋黃~我鍾意佢香脆得嚟,個皮比較QQ~做得台式菜,佢嘅台式飲品都唔少~用膠杯上,方便帶走~我杯芋頭香味好濃,而個芒果烏龍茶比較重茶香,喜歡飲茶嘅叫呢啲茶飲比較適合~

很少到粉嶺搵食，今次去了粉嶺名都商場搵美食，經過2樓58號舖的初遇，看見店舖裏面有很多食客，同埋環境都很舒適和整潔，於是就入內試試。原來仲係下午茶時段，於是就點了下午茶套餐，套餐不但分量多還包飲品，如加$8可升級台式飲品或加$22可升級台式甜品，非常抵食。鹽酥雞滷肉飯配紫菜貢丸湯，台灣香腸$48鹽酥雞外脆內裏雞肉嫩滑，台灣腸皮脆肉香，口感紮實，而滷肉飯的醬汁香濃，加上肥美的滷豬肉，送飯一流。花雕雞卷滷肉飯配紫菜貢丸湯，地瓜酥$46雞卷很入味，還有淡淡的花雕酒香味，好吃。地瓜酥外脆內煙靭，與別不同。士林夜市蟹蓋（3件）$42蟹蓋面頭脆脆的，內裏軟綿綿的，口感不錯。黑糖薑母茶，跟餐送薑味濃，且不太甜，好飲。古草仙草三色芋圓，跟餐加$22滑溜溜的仙草，加上煙煙韌韌的芋圓，愛吃。＇

囡囡好鍾意食「初遇」嘅滷肉飯，所以久不久我哋就會去果度食下午茶。上星期再去，我哋就叫咗「古早滷肉飯配大腸麵線」和「慢烤雞腿蛋吐司」，配「冷泡亞里山烏龍」和「珍珠奶茶🧋」。「古早滷肉飯配大腸麵線」幾大份，滷肉飯和大腸麵線係用一個大碗盛載，$42 都算抵食！囡囡最鍾意食滷肉飯，咸咸地幾惹味，而麵線就係我食嘅，麵線都幾足料，大腸有4塊左右，而且係大件嘅，味道都幾香，而且食完唔會好口喝。「慢烤雞腿蛋吐司」賣相真係好吸引，而且吐司烘到好脆，而且食到有牛油香味，內裏夾住雞腿扒和蛋，雞腿扒好厚身同大塊，蛋黃仲係流心嘅，外脆內軟，仲有蛋汁，真係好好味😋！我好鍾意「冷泡亞里山烏龍」嘅茶樽，設計好靚。烏龍茶好香，飲完個口爽哂，如果唔想飲甜野，呢支茶係適當嘅選擇。「珍珠奶茶🧋」茶味香濃，口感幼滑，珍珠係比較腍果種，啱我口味！

第一次黎食 係食控肉飯L11控肉飯係出色搞到今次第二次黎想試下其他野一試就出事今次叫左個牛三寶手工麵同鹽酥雞上到枱我係即刻食 但個鹽酥雞都係唔熱既個湯麵 湯既部分正常 麵唔識欣賞 唔Q唔彈牛三寶可以接受既 主要係太淋 無咬口另外佢個唔洗加錢既 04烏龍茶幾好我都會幫襯既 但之後都係食L11😂😂

「初遇」每次經過都有好多人排隊，今日未到6點，不用排隊。餐廳主打台灣菜，餐牌有古早麵薑蔥飯、手工麵、手工拌麵、家傳滷肉飯、地道小食、吐司、蛋餅、甜品、小鍋、台式飲品等等，好多元化。紅燒牛三寶手工麵湯頭不會過鹹，牛三寶有牛肚、牛肉、牛根，牛肉有兩大件，炆得好淋好入味，手工麵軟硬適中。古法慢煮焢肉滷肉飯五花腩有成三大舊，肥瘦相間的五花腩，非常入味，而滷肉有肉汁，撈飯一流。士林咸蛋芋泥酥芋泥酥外層酥脆，芋泥味香濃，配搭咸蛋味道又幾夾。阿嬤花枝老油條入面釀了花枝，油條炸得好脆。古早冬瓜茶

早上忙碌完，落樓下「初遇」食下午茶。下午茶餐牌有多款小食、滷肉飯、吐司、米粉、鍋類選擇。鹽酥雞滷肉飯配紫菜貢丸湯及台灣腸鹽酥雞炸得金黃香脆，有肉汁，滷肉肥瘦剛剛好，香口又有肉汁，撈飯一流，而且仲奉送紫菜貢丸湯和台灣腸，食完都好飽肚台式香濃沙茶鍋用gas爐上，份量十足，都好大鍋，配料好豐富，有花枝丸、沙白、娃娃菜、牛肉片、米血糕、炸枝竹、鳴門卷、韭菜、金菇、粟米、金菇、蕃茄。好鐘鍾意以到既沙茶味，好濃郁，味道突出，粉絲索晒湯汁，同朋友Share 一齊食剛剛好。凍珍珠奶茶&芋香珍珠奶茶珍珠Q彈煙煙韌韌，甜味適中。

是日午餐叫左紅燒牛肉麵，加$8升級飲品，原以為$22有甜品，但原來揀左飲品，甜品要原價$38，甜品係仙草，但其實係涼粉口感，偏硬，完全唔係台灣仙草果種滑捋捋口感，芋圓唔煙韌，真係$22都唔值。其次，紅燒牛肉麵嘅所謂手工麵，一啲口感都冇，完全唔Q彈，喺超市買嘅台灣麵都仲好過佢。最後，個花雕醉雞捲完全冇酒味，得個咸字，又唔札實，真係俾張相厄Q左，食左一塊已食唔落口。試過一次，要永遠 blacklist 。

去咗粉嶺台灣食店初遇，食下午茶餐下午茶餐真係好抵，平均40多元一個餐紅燒牛肉麵拼古早鹵肉飯$48，有兩件大大嘅牛肉，而且味道不錯，鹵肉不是很油膩，配上軟糯嘅飯，值得推介花雕雞卷麻辣伴麪：好香嘅花雕酒，鷄亦很嫩滑，喜歡吃麻辣一定要試吓👍慢煮雞軟骨鹵肉飯：雞軟骨，煮得好琳滑，味道剛剛好。飯後甜品：古早仙草三色芋圓，好香嘅芋茸，份量亦足夠，不喜歡太甜但又想吃甜品的我😋分別叫了熱紅棗桂圓茶，黑糖薑母茶：暖呼呼非常舒服，又經濟又好吃的一餐。

WFH，網上外賣平台揀咗呢間台式餐廳。睇佢地嘅餐單，好多款式都吸引，決定點大腸麵線、榨菜肉鬆蛋捲，及麻辣鴨血。超級期待。一開餐，極度失望。蛋捲完全無蛋嘅踪影，捲住果塊麵粉皮係刃到咬唔開，只好徒手撕開食內裡少量嘅餡料，咸死了。麵線，稀、少、怪！豬腸有三片，係唯一好味的食物。麻辣鴨血，賣相不錯，但食落乏味。

粉嶺火車站連接嘅商場開咗間台灣嘢，裝修幾靚，比起同商場啲店舖特別吸引，下午茶餐算抵食。滷肉飯飯粒軟糯分明，滷肉碎瘦肉佔多比較健康，香腸有油香，唔錯。另一份雞扒蛋吐司驚艷到我，係而家台式早餐店好興嘅牛油紙包裝，食落唔會整污糟手，雞扒嫩滑，蛋係流心嘅，加埋烘底多士同沙律醬好好食～另外叫咗蝦多士同埋芋泥蛋餅做小食，蝦多士份量輕盈啲，芋泥算幾綿，加埋台式醬油膏又出奇地夾。飲品跟餐可揀黑糖薑母茶，唔算甜；加$12轉芋泥鮮奶，冇蛋餅啲芋泥咁幼滑但以呢個價錢嚟講好抵飲。

🇹🇼今日就食台灣野🇹🇼我自己本身唔係好中意去台灣但就好中意食台灣野🇹🇼 唔知點解🙈🫓🫓今係我叫左 古早芋泥肉鬆蛋餅🫓🫓呢個芋泥肉鬆蛋餅 係為左小可愛而叫嘅，因為我個小寶貝 好中意食肉鬆。呢個紫色色系 好靚，真係打卡一流， 送上黎嘅時候 小寶貝就話 要食啦，由此可見 賣相幾吸引😁😁🍚🍚慢煮豬軟骨滷肉飯🍚🍚今次個滷肉飯左少少帶皮豬五花，煮得出黏黏的膠質， 再加上豬軟骨 另到個膠質 重左 撈飯食真係正到爆🍜🍜紅燒半筋半肉麵🍜🍜煮牛肉麵 有好多唔同嘅配料 有d加左滷了豆乾、炒了酸菜。但冇話點樣煮牛肉麵係最好食，家家各有版本，但今次個牛肉麵最出色係嘅牛 呢個牛肉肉質好霖 同埋唔會癡牙 好入味 🥩🥩下次黎食 我唸我會再叫牛肉麵 因為真係會食過翻尋味🍜🍜呢度上菜快，服務好，性價比高，人均仲要只係六七十蚊港紙左右～抵食😎📍粉嶺粉嶺車站路18號粉嶺名都商場2樓58號舖

前幾日食左 隔離間新野，今日食台灣野 呢2間野都係新嘅🆕🆕🆕🆕🆕🆕🆕🆕🆕🆕🆕🆕🆕🆕🆕唔知係咪同一個老闆呢？裝修好似樣 色系 格局都好相近🇹🇼今晚自己一個人食台灣野🇹🇼 一樣甘滋味 甘豐富我自己淨係去過一次台灣從此 就愛上左台灣野🇹🇼 唔知點解🙈🐔🐔今日叫左士林鹽酥雞🐔🐔呢個台灣野比較只選 自己係屋企好少食呢d個野 雞塊好大件 好脆 入面肉汁都豐富 唔係炸到乾曬果種 如果有得配杯啤酒🍺🍺就真係一流🤪🤪麻辣鴨血🩸🩸🩸🩸我自己係貧血嘅人 之前懷孕都要食鐵藥丸 所以我耐唔時都食鴨血🩸🩸🩸🩸鴨血除了能補鐵之外，營養成分幾乎是純蛋白質，而且蛋白質與脂肪的比例還不輸給雞胸肉，熱量低、體積大，容易有飽足感，今日可以食少粒保健品補鐵啦。呢個鴨血 水準都唔錯 唔係好辣🌶️🌶️ 味道適中🍜🍜古早花雕雞卷麻辣拌麵🌶️🌶️呢個 麻辣拌麵 真係好好好好好好好好正👍🏻👍🏻， 你地黎到一定要試下，絕對唔會介紹錯👍🏻👍🏻👍🏻👍🏻👍🏻辣味岩岩好 係呢d天氣之下 食完好正 好開胃， 再黎杯 愛文芒果烏龍茶☕☕ 解下渴 超正 👍🏻👍🏻忙完一日都抵 即刻回復體力 夜晚再打牌 都得呢度上菜快，服務幾好，可以有個豐嘅晚餐，堅d 可以 六七

和家人、朋友吃過幾次，其實環境不錯，雖然地方細，但佈置好好，食物也好好食，牛肉麵好軟又有肉味，麵有口感，台式飲品好味，紫芋珍珠奶茶好香好好味，紫芋甜品也不錯，食物不錯，可惜少位，服務員急急收走我哋的碗碟，雖然服務員是有禮的，但當一吃完未夠兩分鐘就被人收走碗碟，好似在想趕走客人！所以如果想拍拖吃飯的情女就不宜到此吃飯了

話說今日去呢間餐廳食下午茶$48包滷肉飯同紅燒牛肉麵都幾抵但餐廳安排同店員服務有待改善首先，我一個人去食佢安排咗我去一張二人枱坐低冇幾耐就加塊隔板，俾人搭枱我心諗，呢度又唔係茶餐廳，你唔使問吓個客願唔願意先俾人搭枱？都唔緊要，有四個人攞枱店員叫我坐去第二張二人枱我已經r哂頭唔係繁忙時間都要咁安排？都算，之後坐咗去第二張枱 啲嘢食仲有剩，我仲食緊店員走埋嚟問係咪可以收走我話，吓我仲食緊喎然後佢就慢慢行開呢間嘢雖然係平但成個用餐過程都好唔愉快唔會再食